بتشتكي ان جوزك قاسي عليكي ومهما شافك زعلانه
مش بيصالحك ولازم انتي ال تبدائي وتصالحيه ؟؟
انا كمان كنت زيك سواء انا الغلطانه او هو الغلطان
انا ال مقدرش استغني عنه واجري اصالحه
واقول لنفسي انتي كده شاطره و بتحافظي علي بيتك
بس ده غلط جدا جدا ومش شطاره منك
واي راجل بيتصرف ازاي
1 الاول يقابل صلحك وهو فرحان ومبسوط منك
2 وشويه شويه يحس ان المفروض انتي ال تصالحيه اصلا !!!!
3 وبعد شويتين يتقل عليكي بقي و مش يقبل صلحك له
ويبقي عاوزك تتحايلي عليه اكتر و اكتر
هو اكيد غلطان لكن انتي غلطانه اكتر منه بكتييييير
انتي ال علمتيه يتعامل معاكي كده
انتي ال حسستيه ان هو اهم منك
وان زعله اصعب من زعلك
طيب تعملي ايه عشان تصلحي المشكله ؟
اياك تعتذري الا لو كنتي غلطانه فعلا
والغلط ده نوعين اما
1 انك عملتي شئ غصب عنه
او اتصرفتي تصرف سبب ضرر له
او لكي او لاسرتك
2 او انك قابلتي غلطه في تصرف بغلط منك
يعني هو زعق مثلا وانتي زعقتي قصاده
ساعتها بس تعتذري عن تصرفك وتعاتبيه علي غلطه كمان
غير كده لالالالا يعني مش هو يدخل يتلكك ويزعق
( وانتي تسكتي خالص عشان مش تغلطي نفسك )
ولما يتقمص وياخد جمب انتي ال تروحي تصالحيه
لازم تسيبيه الاول يدرك انه زعلك
حتي لو هو كان متعصب من شئ خارجي
مش من حقه يجي يتخانق معاكي
كل ال عليكي انك تقومي بمهماتك كامله بس
وانتي زعلانه ومش بتكلميه غير علي اد المطلوب منك
ولما يجي يقولك مالك قولي مفيش ولما يهتم يعرف مالك بجد
قولي له انت بتزعق لي ومتعصب عليا وانا معملتش حاجه ونزلي دمعتين كده
هو هيبطل يزعق فيكي بدون سبب خالص وحتي لو زعق فيكي بدون سبب هيكون عارف غلطه وهيعتذر عنه
بس مش عاوزاكي نكديه بقي ومبوزه ومعيطه ومتعصبه
وبتشخطي في العيال ومش طايقه نفسك وحالتك غم
لالالالا انتي بتعاقبيه مش بتعاقبي نفسك
اعملي شغل بيتك والعبي مع اولادك واضحكي
واتكلمي في التليفون وكل شئ عادي جدا
انتي هتاخدي منه هو بس موقف ومش تكلميه
ولا تدلعيه زي ما انتي معوداه
وهو هيعرف الفرق بين زعلك منه ورضاكي عليه من افعالك
وهيراضيكي عشان يدلع تاني
لكن لازم الاول تدلعيه وتهننيه في العادي
وتعوديه علي حاجات تعلقه بيكي
عاوزه اسمع ارائكم في الموضوع يا حبايبي
مش هكلم نفسي طول الوقت بقي !!!!