طريقه شوي السمك البوري 2017

**بنت الديره** · 15-01-2017, 02:26 PM

سمك بوري مشوي في الفرن

المقادير:

كيلو سمك بوري مفتوح ومنظف

2 ثمرة طماطم متوسطة مقطّعة مكعبات

ملعقة صغيرة شطة (حسب الرغبة)

ملعقة صغيرة كزبرة جافة مطحونة

2 بصلة متوسطة مقطّعة مكعبات

¼ كوب زيت ذرة أو زيتون

2 ملعقة كبيرة عصير ليمون

كوب كرفس أخضر مفروم

ملعقة كبيرة بهارات سمك

ملعقة صغيرة بابريكا

كوب كزبرة مفرومة

10 فص ثوم مفروم

ملعقة صغيرة كمون

ملعقة صغيرة كركم

ملح وفلفل أسود

دقيق

الطريقة:

1- اخلطي بهارات السمك مع الكركم والكزبرة الجافة والبابريكا والشطة والكمون مع بعض، وضيفي عليهم كمية ملح وفلفل مناسبة وقلبيهم مع بعض كويس، وقسّمي الخليط جزئين.

2- حطّي البصل مع الطماطم والكرفس والكزبرة الخضراء والثوم في طبق، وضيفي عليهم جزء من خليط البهارات وملعقة عصير ليمون وقلبيهم مع بعض.

3- حطّي على السمك من الخارج والداخل ملعقة عصير الليمون الثانية، والجزء الآخر من خليط البهارات وتبّليه بيهم كويس، واحشيه بعد كده بخليط البصل والخضار، وغلّفيه بالدقيق.

4- هاتي صينية وحطّي فيها ورق فويل وادهنيها بالزيت، ورصّي بعد كده السمك فيها ورشي عليه كمية من الزيت ودخليها في الفرن لمدة ساعة أو لغاية ما يستوي السمك.

5- رصّي السمك في أطباق التقديم، وممكن تقدّميه مع سلطة طحينة ورز أبيض.. وبالهنا والشفا.