مسجات دموع قوية للجوال

[نسمات الجنة]

أعلن لك إنسحابي من حياتك..
أعلن بكل معاني الحب إني نسيتك..
الوقت كافي لجل أمحيـك وانساك ..
والوقت كافي لجل ألاقـي للقلب بدالك ..
ماني زعلان ومهموم على بعادك ..
لكني زعلان على من في بالك ..
بيعيش معاك حلم وتصحيه خذلانك ..
لأنـك قلب أسود ماعرف الصــدق بابك...


مانـي علـى خبـرك أعانـي وأطـلـب الغـفـران
صحيـت اليـوم مـن حلمـي وشفـت النـاس تنعـانـي.
تغـيـر كــل مافيـنـي وقلـبـي عـايـش بحـرمـان
مـحـال أكــرر الغلـطـة عـذابـي زوود أحـزانــي.
أعاتـب نفـسـي بنفـسـي وأكــرر كلـمـة النسـيـان
وأقـول الله يبعـدنـي عــن الـلـي حـبـه أعمـانـي.

ما عاد لك ذرة غلا في فؤادي..
إقطع مراسيلك وفرقاك راحه ..
شوفك مثل فرقاك لنفس عادي ..
كشفت تمثيلك وزيف الصراحه ..
أنا أدري إني مخطي في ودادي..
غلطه ولكن إعتبرها إستراحه..

شريـته وهو طفل صغير وجــاهل ،،
وعلمته كيف الناس للناس يوفون
أخذت بيده رغم كل العــواذل،،
وأمنته على قلبـي وشلته بالعــيون
واليوم ينكـر كل ماكان قـايل،،
ويطعنــي برمح الغدر ( رمح مسـنون )

فقير حظ وراس مالي ثيابي
وأبسط طموحاتي تهز أعمدتهم
فاتح لهم قلبي وطيبي وبابي
وعيونهم قبل الحكي فاضحتهم
قالوا وقالوا واشبعوا بأغتيابي
هذي نواياهم وذيك ألسنتهم
حتى وأنا اتألم وأموت فعذابي
دمعات عيني بالحزن فرحتهم

كل السوالف تجيب اسمك ولو صدفة
كل الشوارع توقّّف بي على بابك..
واهرب عن الناس لآخر ركن في غرفة..
وألقاك بالروح..وأهدابي على اهدابك.
هناك اعيش الغرام اللي لقى حتفه
هناك اذوق العذاب اللي من اسبابك


أنا حلمي أصبح بقلبك خبير
وانت حطمت طموحي والأماني
يفقد أسلوبك الاحساس الكثير
من غرابيله أنا لليوم أعاني
أنا طالب حب باخلاص وضمير
وانت أستاذ تخصصك أناني
عطيت غيري ممتاز مع التقدير
وأنا لامقبول ولادور ثاني.

الزمن ياصاحبي ماله أمان
والعمر يمشي وكل شي محسوب!
والقدر مكتوب والمخفي يبان
وحظي العاثر طلع أكذب كذوب!
كنت أنا طيب وكل قلبي حنان
وأحسبولي طيبتي ضمن الذنوب!
أذكر أني كنت ناجح من زمان
س أحس أني تعلمت الرسوب!

حسافة صارت ايامي اسيرة حبك المخدوع
اجيلك صادق بحبي وتفتح للغدر ابواب
لقيت الكذب عنوانك وشوقك يا الغلا مصنوع
وانا دايم ادور لك عن جروحك عذر واسباب
اذا تامر على قلبي انا لك بالوفا مسموع
اقدم لك سنا عمري هدية لك بدون حساب


حبــك اللي تدعـــي هو حب ذاتك
ومن يحب الذات مايخلص لغيره
غرنــي فيــك ظـــاهـــر صفاتــك
غــلطــتي ياللأسف كانت كبيـره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره


من يلوم العين لو هلت دموع
ومن يلوم القلب لو صفق وصاح
آه من قلب رقص بين الضلوع
مثل رقص الطير مكسور الجناح
ليتني وسط الخلا واعطش واجوع
بس أشوفك تبتسم وتنسى الجراح


تعال لحف عيوني بليل عشت به لحظات
تعال سمعني سواليفك وهمساتك
تراك اللي تسافر بي عن أحزاني والآهات
تراك اللي تبعثرني و أنا اللي جامع شتاتك
جدار الصمت يقتلني أبيك تجدد الضحكات
تراك الوحيد اللي تزيل الهم ضحكاتك

خذني بحضنك أبغفى
مبطي ماغفيت ...وإن
لمحت دموع عيني
سو نفسك مالمحت
"خذني بحضنك "
وبعثر في جروحي وإن قضيت ..
هز كتفي
وقلي عيب تبكي لو سمحت..
"وضمني حيل يمك "
وكمل ضحكتك حتى لو أني بكيت
ودي أذكر كيف كانت
ضحكتي لامني بقربك فرحت ..

[سوما]

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي