كيف تصالحى زوجك بدون جرح مشاعرك

[مشتاقه للجنه]

عشر طرق تصالحي بيها جوزك و تمنعي بيها الخصام من بيتك
اتمنى الموضوع ده يعجبكم لاني تعبت فيه قوي و بكتبه من فترة طويلة
و حطيت فيه خبرة السنين هههههههههههههه

شوفي يا اوختي

خناق؟ ماشي.... زعيق؟ و ماله .... خبط و رزع؟ بيحصل...
زعل و عياط؟ ميضرش ......

لكن خصام ؟؟؟؟؟؟ لا

نوووووووووووووووووووووووووو

ღღღ

الزوجة الشاطرة الجامدة اللي "عاوزة" تنجح فى حياتها
و تحافظ على جوزها و عيالها
ممنوع منعا باتا و نهائيا تسمح بالخصام فى بيتها...
انت تاج على راسي يا سي السيد
و كلمتك مسموعة و ليك هيبتك و كلنا تحت طوعك..
لكن خصام و كل واحد فى حتة ولا كأنك متجوز؟؟؟؟؟؟؟
نو و ستوب يا أمور...
بيتي ميدخلش فيه الخصام
ღღღ

انتي الغلطانة ولا هو الغلطان متسمحيش بالخصام فى بيتك
و متعوديش جوزك عليه و مهما حصل
متناميش الا و انتي مصالحة جوزك
اللي ربنا قر عينك بيه ..

ღღღ

و عودي جوزك من بدري بدري على كده
انه نزعل مع بعض و نتناقر ماشي
لكن هندخل بقى فى خصام و كل واحد فى حتة
يبقى اخرك خالص في ده ليلة انما التانية لأ

ღღღ

طبعا موضوعي انا بتكلم فيه عن الحياة العادية
مش بتكلم مثلا على ان واحدة اكتشفت ان جوزها بيخونها
او واحدة جوزها ضاربها علقة موت او بيشتمها بالاهل او كده..
اكيد طبعا انا مش قصدي كده لان دي حاجات لازم فيها وقفة..

انما انا بتكلم عن الخناق العادي اللي مابيخلاش منه اي بيت..
النقار العادي اللي ناتج عن ضغوط الحياة و ممكن يقلب بزعل يوصل للخصام

طيب

جوزك مقموص و انتي مقموصة بقى و شبح الخصام
و ان كل واحد هيبقى مع نفسه فى حتة داخل على البيت يبقى لازم تتحركي...
لازم تتصرفي ان الزعل ميتحولش لخصام بالكام يوم...
طيب اصالحه ازاي؟
ღღღ

هقولك عشر افكار

ღღღ

افكار متجربة... مش من الكتاب
انما من خبرة السنين مع الزوج المصري الاصيل ههههه...
يعني على طريقة اسأل مجرب ولا تسأل طبيب ..

منها افكار مينفعش تتعمل غير مرة واحدة و منها افكار ينفع تتعمل كتير
و كذا مرة و تبقى "ستايلك" فى انك تصالحي جوزك
و منها افكار تنفع لو انتي الغلطانة او افكار تانية لو هو الغلطان
و افكار تنفع فى الحالتين

ღღღ

اهم حاجة تعرفيها ان كل الافكار دي متعمليهاش و جوزك متنرفز...
انما لما يهدى و انتي كمان تهدي

يلا تعالوا ورايا


الفكرة الاولى:
( الصلاة )

الفكرة دي تنفع سواء انتي اللي غلطانة او هو..
و تنفع تتعمل كذا مرة و برده لو كان الغلط كبير او صغير...
بمنتهى البساطة تتوضي و تروحي لجوزك تقوليله قوم نصلي..
بس خلي بالك لازم تعمليها بعد لما يكون هدي خالص
لان لو اعصابه لسه شايطة ممكن الشيطان يضحك عليه و يرفض
و ساعتها هتبقى الفكرة دي فقدت قدسيتها.

و خلي بالك برده الفكرة دي الافضل و بكتير انك تعمليها فى نفس يوم الخناقة..
و لو حاول يكلمك قوليله استنى لما نصلي
و بعد ما تسلموا تقعدي تتكلمي معاه و انتم على المصلية و تتصافوا..
هتحسي براحة نفسية كبيرة



الفكرة التانية:
(الاسلوب المتحضر مع الحنان)

برده الفكرة دي ينفع تتعمل كذا مرة لكن على فترات متباعدة يعني مش كل خناقة..
و الفكرة دي تنفع قوي لو انتي الغلطانة
او لو الموضوع تايه مش واضح مين اللي غلطان الاول..
لكن منصحكيش قوي انك تعمليها لو جوزك اللي غلطان غلط جامد..
ممكن و هيبقى كرم اخلاق منك

بس الافضل زي ما قلتلك انك تعمليها لو انتي اللي غلطانة...
طبعا الاسلوب المتحضر معناه ان اللي غلط يعتذر
لكن مفيش واحدة فينا هتروح بسهولة تقول لجوزها "انا اسفة"...
تقيلة برده مش كده؟.. طب تعملي ايه؟.. اقولك لاني جربتها كتير..

لازم يبقى جوزك قاعد و انتي واقفة و تبقى لابسة حاجة محترمة مش لبس اوفر
و تروحي تقربي منه و تحطي ايدك حوالين كتفه
و تقربي من جنبه و تلزقي قوي جسمك في جسمه
زي ما تكوني بتحضنيه او معنى ادق بتحتضنيه
(عشان كده قولتلك هو قاعد و انتي واقفة من جنب مش قدامه)
و تقوليله بحنية حقيقية (مش تمثيل) "حقك عليا"..

و تكون ريحتك حلوة بس مش حاطة برفان مغري
او يعني البرفان اللي بتحطيه فى ساعات العلاقة و الشقاوة و كده..
لان ده هيبقى له تأثير عكسي
لانه هيفهمها انك عاوزة تأثري عليه او تستغلي ضعفه
و لو هو حساس هتجيب معاكي نتيجة عكسية..
لا خلي مجرد ريحتك حلوة و خفيفة و لبسك هادي
و اسلوبك حنون من غير جرأة و بمنتهى الرقة (مش السهوكة)
بمنتهى المشاعر تقوليله "حقك عليا"..
و بعديها ارفعي دقنه بايدك رفعة خفيفة حنينة
هتبقي بصاله من فوق و هو فى حضنك
وساعتها بصيله جوه عينيه قوي جوه عينيه
لدرجة انك تبقي مش شايفة حاجة غير عينيه (بحنية مش بشقاوة)
و قوليله "انا مليش غيرك" و خديه فى حضنك..

اهم حاجة فى الطريقة دي انك متبقيش شقية ميبقاش فيه شبهة دلع و مياصة..

احب اقولك النتيجة لما تعودي جوزك على كده
هتبقى مفاجأة بالنسبة ليكي و هي انه لما هو اللي يغلط هتتفاجئ
انه جاي يصالحك بمنتهى الادب و الخجل..
صدقيني و عن تجربة..
لانك كده بتعوديه على حاجتين
اولا الاخلاق الرفيعة و التحضر
و ثانيا قربكم قوي من بعض كزوجين
على المستوى الروحاني مش الجسدي و بس..

ღღღ

فكرة انك تلمسي جوزك بحنان باحترام من غير مياصة
بتقربك من الحب اكتر من الاغراء و بتعود جوزك على حضنك
و بتحسوا بالامان المتبادل فى حضن بعض..

و ممكن تنوعي طبعا فى الوضع و الطريقة اللي بتلمسي جوزك فيها بحنان (مش باغراء)
يعني ممكن تيجي من وراه و تحضنيه قوي
و انتي منيمة راسك على ضهره و تقوليله
"حقك عليا انا مليش غيرك"


الفكرة التالتة:
(التمثيل و الدوخة و الاغماء و الذي منه)

طبعا الفكرة دي قوية جدا و تنفع قوي لما تبقى الامور شايطة و نار و على اخرها
و تنفع قوي لو انتي اللي غلطانة
و ممكن تساعدك لو هو اللي غلطان
بس انتي عارفة انه عنيد و متعجرف او اعصابه شايطة منك على الاخر...
و طبعا كلكم عارفينها
و هي انك تسخسخي
و تعملي نفسك وقعتي و مغمى عليكي...
طبعا فكرة ممتازة و بتجيب من الاخر
بس احب احذرك من حاجتين..
اولا حوشي الفكرة دي عند اللزوم و بس و متحرقيهاش بدري
و على مواقف مش مستاهلة..
لان طبعا بعد كذا مرة هتبقى مفقوسة و خاصة لو جوزك ذكي..
و ممكن من كتر تكرارها تفلت منك و متظبطيهاش..
يعني من الاخر حاولي كده تحوشي الفكرة دي
و متعمليهاش غير مرتين تلاتة طول حياتك الزوجية..

و تاني حاجة حاولي تبقي ذكية
بمعنى انه تعمليها لما يكون فيه عامل مساعد يساعدك انك تسبكيها و تدخل عليه
زي مثلا انه تكون عندك البريود
او بقالك فترة مرهقة فى البيت او داخل عليكي برد...
بصي زي ما قلتلك هي فكرة ممتازة لكن حوشيها لوقت اللزوم
منقول

[مزيونه]

لكم من الابداع رونقه
ومن الاختيار جماله
دام لنا عطائكم المميز والجميل

[حكايه قلب]

موضوع ممتاز شكـرآآ على الاختيار يـ الغلا

[بنت الديره]

تسسلم آيدينكـ غلاي روعةة آنتقآئك
طرح رآئع كروعتكـ..يعطـــيك العَآفيـــة
م ننحرم منك ـَيآلغلاآ..

ودي

[قمر الخليج]

سلمت الانامل على الطرح الرائع

الله يعطيك الف عاافيه على مجهودك

وعساااك على القووة