مشخول الدجاج والبطاط ..لذيييييييذ

[همس الخفوق]

**السلام عليكم ورحمة الله وبركاته**


(الحمدلله الذي اطعمني هذا الطعام ورزقنيه من غير حول مني ولاقوة)



اشلونكم حبيباتي الغاليات

عسالله يحفظكم بحفظه

هالمشخول سهل وان سويتيه راح تدمنين عليه,,وعلى البطاط الذايب بقاعة الجدر





اشرايكم نبتدي مع حلوة ومملوووحة....



دجاجه تقطعينها 8 قطع او اصغر حسب رغبتج وتغسلينها عدل وتفوحينها بالجدر مع البهارات الحب (هيل- مسمار- فلفل اسود- دارسين) ومكعب ماجي وبهارات مشكله نص ملعقه اكل وكمون مطحون نص ملعقة اكل ولومي اسود حبتين وتخلينها تستوي ثلاثة ارباع استوا..مانبيها مطبوخه ومستويه حيل.











واهني قربت تستوي مثل مانبي وسكرنا الجوله







نجيب جدر ثاني ونحمس فيه حوالي ثلاث بصلات مقصصينهم صغار بالزيت مع ثوم مدقوق








واذا تشوقروا نضيف قطع الدجاج الي سلقناهم مع اربع ملاعق معجون طماط وثلاث ملاعق كاتشاب








وننحمس ونضيف عليهم ملعقة اكل بهارات مشكله وملعقة اكل فلفل اسود ونص ملعقة اكل كركم ونص ملعقة اكل هيل مطحون وملح حسب رغبتج







ونحمس عدل ليما تمتزج المكونات كلها وتحسين ان الدجاج تحمر وتحمش عدل وغطته الخلطه عدل مثل الصورة



هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 650x485 و مساحتها 62كيلوبايت.



وعقب حبيبااتي نطلع الحمسه ونجيب صينية فرن ونحط الخلطه بقاعتها



هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 650x485 و مساحتها 72كيلوبايت.




ونحط بطاط شرايح مقلي مع حلقات فلفل اخضر مو مقليه نصفهم ونوزعهم فوق الدجاج



هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 650x485 و مساحتها 59كيلوبايت.



وماي الدجاج الي طبخنا فيه الدجاج نضيف عليه عيش مغسول واذا استوا ثلاثة ارباع استوا نطلعه ونضيفه على الدجاج والبطاط عشان يكمل استوائه بالفرن



جذي



هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 650x485 و مساحتها 59كيلوبايت.




ليما تغطين وجه الصينيه بالعيش








وتجهزين لج ماي ورد فيه شوية خيوط زعفران ونتفة هيل ناعم وصبغ العيش نرشهم على وجه الصينيه ونحط على الوجه جم قطعة زبده للنطاعه بالعيش



وندخل الصينيه عقب مانقصدرها عدل بالفرن الي نكون مشغلينه على نار خفيفه حيل








ونخليه تقريبا لمدة 40 دقيقه.

وعقب تطلعينه وتنجبينه وتزينين العيش بالبقدونس المفروم

ملاحظه مهمه: اللي تحس انها ماراح تعرف تضبطه بالفرن لا تضيع تعبهاا وخل تسوي نفس الخطوات ..بس بدال ماتسويه بصينيه بالفرن تسويه بجدر على الجوله احسن لهاا وراح يعطيها نفس النتيجه.






وتفضلوااا على غداااكم او عشاااكم مثل ماتحبوون

[الشامخ]

[align=center]


لفت انتباهي الاسم

بقول ياربي وش هالمشخول


حسبته ديكور بس قريت دجاج عرفت ان الدعوة فيها اكل :43:




امممممممم الصورة هذي ناقصها بس شطة + ليمون = :29:





عوافي همس عالمواضيع اللي تجوع الواحد عالصبح فوق مو جيعان :4:





[/align]

[سولافه]

قسم جوعتيني شي يتعب النفس :icon120::icon120::29::20:
تسلم يدينك يابعدي
يعطيك العافيه 004 :82:

[اتعبني غيابك]

ماشاء الله روووعة وواضح انها لذيذة

تسلم الايادي حبيبتي