يوم اموت وما يضل غير ذكري

**آسير الشوق** · 12-10-2012, 10:37 AM

تجرح حبيبك دوم و تقول مدري
طيب متى تدري اذا قيل مات

وفر دموعك يبي يجي يوم و تجري
اذا رجعت و مارجع لك زمان فات

يوم اموت وما يضل غير ذكري
و غاض الندم يفتح قديم الملفات

تبي تجي و ترش بالدمع قبري
و في وقتها ماني محتاج دمعات

بتقول لي اسف و تسكت و تسري
و ليا سريت بترجعك بعض الاصوات

لا صاحوا الاموات ما عاد بدري
و ليا النفت و جيت ماردوا اموات

مافاد بك تلميح وجهي و شعري
و لا فاد صوت عتاب مليان عبرات

حطمتني بجروح و انا بصبري
لجلك صنعت من الجروح ابتسامات

كم جيت لك مكسور وزودت كسري
اقسى من جروحك لا طنشت سكات

و انا محال اعاتبك يوم ادري
اخاف اجرح خاطرك بالعتابات

اسكت و اخليها على الله و اشري
خاطرك لو قلبي تشققه صيحات

انا عطيتك يالغلا كل عمري
و تبخل تراضي خاطري بالكلمات

شفني اذا زعلتك على طول عذري
جاهز و نابع من حنان و قناعات

ما في شئ يسوى الزعل لا تهذري
خل نستغل العمر و العمر لحظات

العمر يجري مثل مالدمع يجري
ما دامنا مع بعض ليش الاهات

خلنا نوفر حزننا دام ندري
نبي نتفارق يوم و نذوق حسرات

قبل الندم و قبل يضايقك هجري
اصنع معي ذكرى جميلة للاوقات

و ان كان همك كياني و قدري
على الاقل للحب قدر و كرامات

و ان كنت تستانس ليا ضاق صدري
اجرح على كيفك جروحك مسرات

جرح حبيبك يبي يجي يوم تدريي
لا قلت وينه و القبر جاوبك مات

**خيالي** · 12-10-2012, 01:35 PM

وفر دموعك يبي يجي يوم و تجري
اذا رجعت و مارجع لك زمان فات

يوم اموت وما يضل غير ذكري
و غاض الندم يفتح قديم الملفات

ابيات روعة وقوية
تسلم يدك اسير

**عجآيب** · 13-10-2012, 03:52 AM

الجزل لاياتي الا بالجزل :75:
صح بووووووحك 004
ماننحرم من هكا طرح :82:

**! سمُو الإحساس !** · 13-10-2012, 04:05 AM

يعطيك العآآآفيه ع القصيد ...

ننتظر جديدك وعسآك ع القوة ..

**آسير الشوق** · 13-10-2012, 02:07 PM

هلا فيكم منورين

وشكرا لتواجدكم

**شمس ألاحلام** · 13-10-2012, 08:11 PM

[glint]

موضوع في قمة الخيال
طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك
تقبل مروري

[/glint]