تخليني كذا وحدي حزين وخاطري مكسور!
أنـاديلك, وأنـاديلك , ولافكـرت تسمعني؟
أبد ماجا على بالي تعاملني بدون شعور!
تحسب إني على كيفك تبعثرني وتجمعني؟
إذا إنك كنت ماتقدر..و بهاالجفا مجبور!
أمانه.. لا تعـودني وصـالك.. ثم تقطعـنـي؟
صحيح..اني معي جمله..تلف بخاطري وتدور!
وربي ودي أنطــــقها.. وقلبي مايطـــاوعني؟
وعشان ارتاح بتكلم بلا أحــم وبلا دســتور!
تجي سمـحه, تجـي عوجــا , على الله يامعذبني؟
أذا هلت لك غيري وصرت بدنيتك محشور!
تبي الفرقى , ولا ودك, تواجهني وتوجعني؟
دخيل الله..دخيل الله..تبين لي وش المستور!
وقول ابعد عن دروبي..ولا هو بشرط تقنعني؟
وانا بوعدك مايبقى ظلامك من شعاعي نور!
ابرحــل عن سمــاك ولا أبي حتى تودعنــي؟
وبكتب فوق قلبي"مات هالطيب وهو مغدور"!
وســاعتها كــنوز الأرض والله ماترجعنـــي؟
أنا مابي حياتي ذل..ولا ابي عيشتي مقهور!
ولا ابي غير عزة نفسي..بوقت الجد تنفعني ؟
ويكفيني رضا ربي علي من الخطا والزور!
ويكفـــي لي ناس برمش العين ترفعني ؟
المفضلات