بطاطس لندن ...واااااااااااو لازم تجربيها

**منارالكون** · 31-07-2012, 06:30 PM

السلام عليكم ورحمة الله وبركاته

اليوم جايبه لكم طبق أنما أيه أكيد أكيد.... راح يعجبكم ...

قصة هذا الطبق أنا ذقته في تركيا ومره عجبني وأكتشفت أنه أسمه بطاطس لندن ما أدري وش سبب التسمية ؟؟

أكيد هم أول من أخترعوها ...المهم في مطاعم كثير وتسويها ويمكن أكثرهم شهرة مطاعم أسماك لندن (فيش أند شيبس ) ....

والحلو في هذا الطبق أنه أنتي وذوقك وش تحبين مع البطاطا حطي ....

بس نصيحة لا تكثرين مره المكونات عشان لاتسير خبيصة ومنقدر نميز الطعم والنكهة

وبعد أختاري الصوص اللي يعجبك وأنتي وذوقك والأختيارات راجعه لكل شخص ...

الحين نجي للخطوات وبالصور ...

الخطوة الأولى : نختار بطاطا حجم كبير ويكون العدد على حسب الأشخاص - نغسلها زين بالماء
ونعمل ثقوب في البطاطس في أماكن مختلفة بواسطة الشوكة ونغلفها بالقصدير جيدا وندخلها الفرن تقريبا من ساعة ألى نص ساعة ..

الخطوة الثانية:
بعد ما نتأكد من أستواء البطاطا بالسكين نقسمها نصفين ونفرغ اللب بالملعقة ونضيف عليه زبدة - مايونيز - ملح

.تحبي تضيفي( فلفل أسود أو كمون أو أوريجانوا ) براحتك ..

وهذا اللب بعد ما خلطتوا بالزبدة والمايونيز والملح...

الخطوة الثالثة :
نرجع اللب الى البطاطس ونبدأ بوضع المكونات أنا وضعت ( نقانق مسلوقة ومقطعة - زيتون - وفطر -ذرة -فاصولياء حمراء- مخلل خيار )

أقتراحات للحشوة : ممكن تضيفي مارتيديلا - بليلة - بازلاء -دجاج مبهر ومقطع صغير - مفروم لحم -فلفل حار - سبانخ -كزبرة خضراء -بروكلي مقطعه صغير ومسلوق ..واللي تحبي ممكن تضيفي ..

الخطوة الأخيرة :
نضع على الوجه جبن موزورايلا وندخلها الفرن من أعلى فقط ونضع الصوص أختياري
(كاتشب -مايونيز-خردل -شطة سومطرة) أي صوص تحبيه ممكن تضيفيه ..

وهذا الشكل النهائي عاد الله الله بالردود السنعه والله تعبت وأن أنزل الصورة بس عشان خاطر
فوضي كل شي يهون دمتم بحب ...