تعبت اخربهـا .. عشان الجماهير !!

[أرتوس]

أظن تصفيق البنات بحراره
جرعه أمل ولاتموت المشاهير


تعبت من صوت الصخب والاثاره
وتعبت أخربها عشان الجماهير


الزهد بين الصومعه والمغاره
احساس خلاني مع نفسي إصغير


التجربه ماتلغي الاستشاره
والظاهرة من منتجات الاساطير


وأنا ظهرت بعالم اكبر صغاره
الشاعر المداح .. والشاعر الزير


هذي محطاته وهذا مداره
وهذي خطاوينا وهذي المشاوير


مالله خلق إكفوفنا للطراره
ولا خلق رجليننا للطوابير


حسب معايير الرقي والحضاره
ممكن تكون امير لو مانتب امير


الهم واحساس الفشل والمراره
خلاني اكتب شي عن ماكتب غير


الشعر لولا سطوته وأقتداره
أنجلترا ما فاخرت في شكسبير


أبلغ من الهمسه صريح العباره
واصدق من الدمعه صدوق المعاذير


الارض هذه ياقصور وحجارة
سكانها أثنين غير العصافير


ومادام حنا أثنين ماهي شطارة
الأولي يضحك ويهزأ بالاخير


والله يا لولا نفوسنا والنزارة
إن كان حشناها قصور ودنانير

الوجه له عند الكريم إعتباره
والقول عند الرجال المحاذير

حنا بشر لكن بدون استمارة
عقولنا تشكي جفاف التفاكير

سوالف اللا صدق والمستعاره
حسب قوانين السواليف تبذير

ياسر التويجري :41: 004 004 004

[عجآيب]

ياسر التويجيري
ابداإاإاإاإع
شاعر قوي
اختياره للكلمات دميل
احسنتي الاختيار راقت لي قدن
يستحق التقيم + :82: + اعجابي بذائقتك