عمل كشششة ميريآم فآرس ...~

[لحن الحياة]

عمل كشششة ميريآم فآرس ...~

,
’


هل سئمتي من الروتين اليومي لكشششتك ؟! هل ودتس تسسوين تغيير لهآ ؟!
هل أنتي من محبيّ التغيير ؟! أم أنتسسس تودين تدبرين بعمرتس حاجة جديده
عششان لا رحتي للجآمعه يتجمعون عليتس صديقآتس ويقولون بصووت وآحد - وآآآآآآآآو

يور هير ستآيل إز وآآآآآآو

لقيت الحل الا وهو { الافرو ستآيل } يعني زي كشت ميريآم فآرس حقت - دلوعه ويدلعني واتدلع
على حُبي وقولو لي ويش اسوي

- نخش في الموضوع دوغري






المقآدير :



1 - اسستشوآر
2- لفة قصدير ( يستحسسن تكون الوآلدة نآيمة تجنباً لكسسر الخوآطر )
3 - مثبت شعر أو رغوة ( يستحسسن مثبت لإن بعض النآس كششهم مع الرغوة تضرب في السقف )
3 - اسسستشوآر

الطريقة :

قصصي القصدير تسسسذآ ولفيهآ تسسذآ

ثمن وزّعي شعرتس الله يسسلمتس ورشي عليه - فليت - عفواً الـ ( مثبت )








بعدين نحط القصدير تحت الخصلة ونمسسك الشعره ونبرمهآ بـ ( رقة ) ركزو قلت
رقة موب تتحمسسسسون وتمصعون شعركم وتلعبون فيه ترآني علمتكم وانتم كيفكم
اخلي مسئوليتي عن اي حالات صلع متوقعه








بعدين نسستمر في الرش واللّف ونرّش ونلف ونرش ونلف
الين اهلتس ينامون ويصحون ويفطرون ويروحون لدواماتهم ويضرب السواق بوري
وانتي تلفين وترشين








نسسيت اقول لا تطلعون عند الاطفآل مادون الـ ( السآبعة ) بهالشكل
تفادي لحآلات الهلع والاضطرآب النفسي



هنا الشكل النهآئي للشعر المقصّدر








نمسسسسك الاستشوار ونشبك الفيش على خط 220 فولت
ونبدا بعملية التهوئه الهوائيه









نبدى نفكك القصدير عن الخصل وحاولو تفرقون الشعيرات باطراف انآملكم
وبـ ( رقة ) وركزو للمرة الثانيه قلت رقة









ووصلنآ للشكل النهآئي








:



طبعاً فيه بنآت تطلع عليهم هـ الكششششششه خقق ، فاللي تحب تغير تغييرات جريئه
تجرب



إيه قبل اروح بوه شوية تعليمآت
اذا سويتي هـ ( الافرو ستآيل ) لا تسسسوين فيهآ ذربة وتروحين تفطرين
مع اهلتس خصوصاً الوالد واخوانتس العيال وترى هذا كله من مراعاتي لمشاعرتس
لانه ممكن يقولون لتس يآ ( القنفذ ) ولا وش شجرة السسدر هـ ( اللي مصبحتنا على الفطور )

..
م/ن

[سولافه]

يعطيك العافيه ياعسل 004 :82:
الموضوع مكرر

http://s1s10.com/vb/showthread.php?t=38070