اعشق تجاهلها واهي ماتبيني
تعشق تعاندني على كل الافعال
تقول لي مايامن اللي يجيني
واقول انا يبي لها الف حلاّل
مادام قلبي حن وارخت حنيني
عشق ٍ سطا بالروح ماهي بتمثال
وربي لااسطر عشقها في سنيني
يبقى على طول الدهر ضرب الامثال
ماترك هواها سر بيني وبيني
واهي عليمه بعد ربي بالاحوال
تعبت اردد واطلب اللي نسيني
اربع سنين ولابقى شي ينقال
كم لي وانا قايل لها بادليني
عشق الخفا يابنت الاجواد قتال
قولوا لها مادامها ماتبيني
انا عنزي واجيبها بميلة عقال
الذين يشاهدون الموضوع الآن: 1 (0 من الأعضاء و 1 زائر)
المفضلات