تحشيش***

[نــــــــاصــــــــر]

هذه بعض القصص القصيره المضحكه ونكت ****************************
المحششين

@ فتاة قد تعودت هي وأخوتها إذا مر أحدهم بجانب الثاني مد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مدت الفتاة رجلها - كالعادة - فسقط الزوج وكسرت ذراعه .....واما الفتاة من شدة خجلها من الموقف ذهبت لأهلها !!!!! @

عاده سيئة ..والنتيجة ..كانت اسوأ
****************************

@ واحد تزوج على زوجته ( ومن الحرة اللي فيها )... جت في ليلة عرسة خذت ثيابه اللي بيلبسها ومسحت عليها قشر برشوم " والبرشوم فاكهه لها أشواك رهيبة وماتنشاف @

ياشيخ البرشومي ولا سحر الله يستر !
****************************

@ فيه وحده تقول في اول ايام زواجي طلب مني زوجي ان افتح له علبة بيبسي .... قمت وفتحت العلبة قدام وجهه و.. يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وأنا أشوف هالموقف .. @

تبي تكحلها عمتها ......
****************************

@ فيه وحده تخجل مرة مرة .. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه .. وصممت هالمرأة على كسر هالحاجز من الخجل الزايد ...ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صار !! @

بعد مايبيله ....دفاااشه
****************************

@ وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومادرت الا والدش يصب على راسها !! @

ايه أحسن خلها تطلع على حقيقتها ههههه
****************************

@ وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !! @

أيه مو الاحلام صارت شماعه نعلق عليها حررررتنا !
****************************

@ هذي انخطبت وطبعا جاء العريس ووالده لاهل البنت عشان يتفقون على لوازم الفرح والذي منه ..المهم اللي حصل ان البنت واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب البنت هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط ودزني ودزك .. مادرت البنت الا وهي مدفوعه من الباب .. وطاحت على و[هها قدام العريس !! @


صج ملقوفه لاحقه تشوفينه

****************************

مسكينه؟

عريس توووه أخذ عروسته من أهلها وموديها للبيت

(طبعا كان الوقت متأخر والشوارع تقريبا فاضيه في حارتهم )

قال العريس : وش رايك اوريك حركه حلوه ؟

(قصده يفحط , !! )

قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ......................... .......

ولا صحت إلا بالمستشفى , وقضوا أجمل شهر عسل على الاسره البيضاء






وش تبين ؟

أيضا عريس اخذ عروسته من القاعة , جو أهلها بيسوون لها موكب والعريس

راسه يابس, وهو رايح, يابن الحلال مو عشانك عشان بنتنا !!

ولا فيه فايده , المهم أخذ زوجته وراح يتمشى فيها(مسوي فيها رومانسي)

ورجها طوال الطريق : وش تبين تتعشين؟

وهي تقول : سلامتك ما ابغى شيء

ويقول :لالالالا لازم تأكلين شيء ؟؟
وهي تقول : والله ما أبغى شيء

ويقول : لالالالالا وش هالكلام ....... ( ياخي فقعت مرارتها موناقصتك )

وأصر أنه لازم يشتري لها شىء
قالت : خلاص ببسي

(يا عمري بسيطه )

المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟

وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!

طبعا السيارة وأكيد البنت انسرقو

( فيه مجرم بيشوف له سياره فخمه وبداخلها عروس كاشخه ويقول لا !!!!)







أحفظ زين

عريس دخل على عروسته وحط يده على جبهتها !!!!!!!! وبعدين سكت

ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه

واخر شيء قال " سبحان الذي سخر لنا هذا وماكنا له مقرنين"

العروس ما استحملت الموقف انفجرت من الضحك !!!

(معذوره وش ذااااااا الأخ بيسافر!!! )








سوالف غير

تعرفون سوالف اول ايام الزواج تكون غير

والاخ دخل جو مره وانطلق في السوالف مع العروس

ينلام(طبعا هذا أول يوم والسوالف لحلوة ) ووصلو لموضوع جدول

الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته .

قال : ولا يهمك وجاب ورقه وقلم وجلس يعلمها

3 في5 = 15 قولي وراي ......................... . (قلبها حصة)

قبل ماتضحك ابتسم..!!

محشش وقفوه الدوريات قالوا له : "ليش ماربطت الحزام"
قال : "أصلآ مش لابس بنطلون ...! "
******
محشش جات له بنت قالوا: "وش بتسميها"
قال: "نوره على عمتي هياء."
******
مدرب يسأل لاعب محشش : "في كم مر تقدر تلف الملعب"
قال المحشش: "في زقارتين"
******
واحد معه ارنب يبغى يشوف هو ذكر ولا انثى . .......

سأل محشش قاله المحشش: "اتركه اذا هرب فهو ذكر واذا هربت فهي انثى"
******
-اتصل واحد على زوجته وقال لها "انا ربحت مليون دولار جهزي شنطتك بسرعة"
فقالت الزوجة:" طيب احمل معاي ثياب صيف أو شتاء؟"
فرد عليها : "شيلي كل اللي تبين المهم ما ابي تصيرين بالبيت اذا رجعت"
******
محشش دخل استريو قال: "عندك محمد عبدة"
قال: "ايه"
قال المحشش: "خله يطلع سيارته مسكرة علي"
******
محشش جالس قدام ستارة غرفته ليشششش؟- ينتظر المسرحيه تبدأ
******
محشش سألوه وش أصعب شئ: "قال انك تحدد السكسوكة وانت تاكل لبان"
******
اثنين محششين..واحد منهم يبي يسوي حكيم قال للثاني: "قلي من صديقك أقولك من أنت؟؟؟ "
قال الثاني: "من صديقك؟ "
ردعليه: "من أنت؟"
******
-محشش يقول أحسن خمس أشياء بالدنيا ثلاثة:النوم والأكل ..!! !
******
فيه شايب قال لولده: انت ماتستحي على وجهك شف عيالك ماشاءالله عليهم لحاهم طويله ولا يدخنون ويصلون بالمسجد وانت الله لايبلانا حالقن لحيتك وتدخن ولاتصلي بالمسجد ماتستحي على وجهك.. قاله ولده: هذولا عيالي انا اللي مربيهم لكن انا من اللي مربين؟
******
في واحد خكري زوجوه قام الصبح قال لامه : يمه تكفين خليها تنام عندنا بكرة بعد .
******
فيه واحد مجنون بليستيشن:مات ابوه كتب على قبره

game over.
******
في واحد داخل الملعب ورافع علم اسود ليش؟؟؟؟؟؟ يشجع الحكم.
******

******
في واحد محمل في البيك أب خروف وغنمة يوم وصلوا الطريق الترابي قام الخروف يدق على الشباك ويقول لا تسرع المدام حامل
******
واحد عصبي وجعه ضرسه راح للدكتور وقال له اقلع كل ضروسي وخله زي الكلب لحاله
******
فيه واحد محشش ...مسكوه الشرطه سالوه ليش عيونك حمر؟قال:ابد شارب شاني وانا منسدح
******
فيه قروي ذبح عياله وهو يقول : عصافير في الجنة ولا حمير في الدنيا
******
فيه بعير (جمل)حاجز خروفين في زاويه و يصيح عليهم من اللي قال ابو براطم
******
فية محششين جالسين في خيمة قالوا نبغا كبريت راح واحد منهم قال انا اجيبلكم طلع ودخل مع الباب الثاني قال شباب ماعندكم كبريتة قالو استرح تونا مرسلين واحد بيجي ونعطيكم
******
فيه واحد ضرب عياله؟ ليه ..؟ لقاهم مشغلين المروحة على ثلاثة وهم اثنيين........
******
في واحد كل يوم يروح البقاله يقولهم عندكم اسكريم بالكوسه طفش البقال منه قاله ايه عندنا قاله يعععععععععععع
******
مدرس علوم يشرح لمحششين،يعيش السمك في
الماء..قالوا :يعيش،يعيش،يعيش...
******
-زوج قال لزوجته: أبي كلمة حلوه قالت:طحينية قال أبي كلمة تهزني..قالت: مرجيحة؟؟
******

[سولافه]

هههههههههههههه
يسعدك ربي

[آهــات طــفلهـ]

واحد عصبي وجعه ضرسه راح للدكتور وقال له اقلع كل ضروسي وخله زي الكلب لحاله
******
فيه واحد محشش ...مسكوه الشرطه سالوه ليش عيونك حمر؟قال:ابد شارب شاني وانا منسدح
******
فيه قروي ذبح عياله وهو يقول : عصافير في الجنة ولا حمير في الدنيا
******
فيه بعير (جمل)حاجز خروفين في زاويه و يصيح عليهم من اللي قال ابو براطم
******

هههههههههههههههههههههههه حلووووووووهـ

ربــــــي يسسسسسسسعـدك

004004

[حياتناأبتسامهـ]

(:
شـكــ وبارك الله فيك ـــرا لك ... لك مني أجمل تحية .

[بحة شوق]

هههههههههههههههههههههه .. يعطييك العافيه نااصر ..

[" كريمَ ، المشآعر "]

آلله يسعدك يآبطل ..

[мżσση]

عريس دخل على عروسته وحط يده على جبهتها !!!!!!!! وبعدين سكت

ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه

واخر شيء قال " سبحان الذي سخر لنا هذا وماكنا له مقرنين"



هههههههههههههههههههههههههههه
تووحفه ..الله يسسعدك 004

[نــــــــاصــــــــر]

يســــــــــــــــــــعدني ردودكم الحلوه

وشكرا لمرروكم

تحياتي لـــــــــــــــــكم