ياسعد وش شاف مجنون ليلى بلغرام

[مومهم اسمي]

السلام عليكم ورحمة الله وبركاته

قصيدة جدا روعه ومن عرف الحب ومعنى الحب غصب عليه اذا سمع كلمات القصيدة
يوقف ويتمعن في كليماتها ..,

المهم فيه طلب صغير قبل لاتقرون القصيدة ياليت كل من قرائها يكتب في الرد اجمل بيت اعجبه ممكن ..,

تفضلو :

ياسعد وش شاف مجنون ليلى بالغرام
أشهد انه وان بِلِي بلوته ياهونها
ياسعد ليلاه وان مات فيها مستهام
تدري انه بالهوى ياسعد مجنونها
المصيبه من غدى ميتٍ له كم عام
عشقته ماتدري انه قتيل عيونها
قرهدت نفسه عليها ومرّ الكبد زام
ودوك قلبه ياسعد مزّعته طعونها
ياسعد والله يالولا الحيا واخشى الملام
والقرابه والحيا والهوى وجفونها
لاانهبه وانحاش واجلى جنوب ديار يام
ما يردن لو وقف جيش هتلر دونها
ياسعد راع الهوى بالهوى لاضيم شام
مايرده طول بيبانها وحصونها
وان غوى راع الهوى في هواها مايلام
لااجتمع غبن الزمن ياسعد وغبونها
ياسعد هي منوة اللي تمنى والمرام
لعن ابو حظٍ قصر ياسعد من دونها
أسمع الرعاد واخيل براق الغمام
بس مادري ياسعد وين وبل مزونها
وياسعد والله فلا اسلى هواها لاحرام
لو يلوح الشيب في لحيتي وقرونها
وخذ وصاتي ياسعد وصلّه بنت الحشام
ذي وصاتي كان غيري غدى مظنونها
لا شرت ثوب الفرح تشتري لي باع خام
يدفنوني ليلة العرس ويزفونها


* بصراحه القصيده كليماتها كلها حلوه وفيها معاني جدا قويه
ومحتار اقولكم اجمل بيت اعجبني بس لازم اقول عشان الكل يقول
البيتين الاخيره:
وخذ وصاتي ياسعد وصلّه بنت الحشام
ذي وصاتي كان غيري غدى مظنونها
لا شرت ثوب الفرح تشتري لي باع خام
يدفنوني ليلة العرس ويزفونها

اي والله يدفنوني ليلة العرس ويزفونها

وشكرا على أطلاعكم ع الموضوع

[سمو الذات]

ياسعد والله يالولا الحيا واخشى الملام
والقرابه والحيا والهوى وجفونها
لاانهبه وانحاش واجلى جنوب ديار يام
ما يردن لو وقف جيش هتلر دونها

روعه سيدتي انتي وذائقتك..
لاهنتي يالغلا ...

[بنت المدينهـ|~]

قصيده راااااائعه


يعطيك العافيه يالغلا

بإنتظار روعه جديدكـ بشوق

[الووواافي]

يعطيك العاافية ع الاقصيدة الرائعة