تبينى اعتذر اسف....ولكن وش هى الزلة.....؟؟؟

**آسير الشوق** · 28-03-2011, 09:35 AM

تبيني , اع ـتذر ( آسف ) .. , لكـن وش هـي الــزلـه .. !!

تــرانــي كنـت مــتوقـــع تصـــدق هـــرج خلـــق اللـــه
ولكــن مـا توقعتــــك تسولـــف بـي لعذالــــكـ !!

تـبي تنسـاني ؟ / إنسـاني /.. فـداك اللـي مضــى كلــه
يجــوز أحــيا مــن فراقــك مدامــي ميِــت بوصالـكـ !!

تــرى ما يجحــد الواقــع سـوى خــلٍ نســـى خلـــه
مـثل مـا تجحــد عيونـــي حنيـــنٍ حيـــل يظمــا لـكـ

مــع أنــي عـارف مـا أحــدٍ يـــداوي غيـــرك العلــــه
أســج بحالــي لحالــي لجــل مـــا ينبــري حالـكـ !!

وأكابــر مــن خطــا نفســي وأزيـــد الجــــرح و أبلــــه
وأتحــاول فــي عبـــث مضحــك أدور غيــر همالـكـ

حبيبـــي حتــى لــو زولــي مــن غيـابــك فقـــد ظلـــه
كفايـــة شمســك اليــا اليــوم تنســـج حولــي ظـلالـكـ

تبينـــي / اعتــذر /؟ ( آســـــف )، لكــن وش هـــي الزلــــه ؟؟
تبينـــــي أجرحــك؟ حاضــر أنــا همــك وغربالـكـ

مــــدام أنــي سبــــب دمـــــع حزيــــن ناظــــرك هلــــه
فعســـانـي يـا بعـــد عينـــي اجـــل ما اطــري علــى بالــكـ !!

وإذا قالــوا لــك إن قلــبي مــن فراقـك نـــزف غلــه
قــل إن : مــابـه بـلا ! عســـى درب السعــد فالـــكـ

وأنـــا واللــه وثـــم واللــه وثـــم واللــه وثــــم واللــه
لا سوي ما تبي من شان بـس تحقـق آمالـك

ولكــن قبـــل ما تبعــد وتنســـى مـــا مضـــى كلــــه
أمـانــه بــس عـلمــني وش اللـــي غيــــر أحوالــــكـ ....؟؟؟؟

**بنت ابوها** · 28-03-2011, 11:53 AM

مــع أنــي عـارف مـا أحــدٍ يـــداوي غيـــرك العلــــه

يعطيك الف عافيه كلمات في قمه الروعه والجمال
في أنتظار جديدك

**ـآטּـِفِآسِگ دفِـِآيِـِے** · 28-03-2011, 11:56 AM

تنحني كلماتي
تخجل حروفي
تصغر المعاني
تضعف العبارات

امامك وامام ماخطته تلك الريشه وذلك القلب
استاذي اسير الشـــوق ..

مررت كعادتي في متصفحك ومكثت فيه طويلا
فاجبرني خاطري ان انثر لك اجمل عطوري وارق زهوري

تحياتي القلبيه لك ..
و دمت بسعاده .. فا أنا بانتظار المزيد من الابداع .....

**الووواافي** · 28-03-2011, 04:41 PM

تـبي تنسـاني ؟ / إنسـاني /.. فـداك اللـي مضــى كلــه
يجــوز أحــيا مــن فراقــك مدامــي ميِــت بوصالـكـ !!

تــرى ما يجحــد الواقــع سـوى خــلٍ نســـى خلـــه
مـثل مـا تجحــد عيونـــي حنيـــنٍ حيـــل يظمــا لـكـ

يعطيك العافية وتسلم يمينك على النتقاء الراقي

تحياتي