المستبدهـ

**عجآيب** · 26-03-2011, 02:27 PM

مدخل شعبي //
يـامـن ايطـمـنـي عـــن الـحــال ويـعــود
عــزالله انــــه تــــل قـلـــبــي غــيـــابـه

على الطريق اللي له شهور مسدود
وعـلـى جــدار بـويـت مصـكـوك بـابــه

فرقا الولايف ياسعد نار وحطام
.................. خص الحبيب اللي يضلل ضلاله
انا اشهد انه خامل الحظ ماقام
.................. وبان الخلل في خافقي واعتلاله
هم اليتيم اللي فقد عون الأيآم
.................. لوشآف همي كآن روًح بحآله
وهم الكسير اللي نسى عز الأقدأم
.................. في دفتر همومي سطر اومقاله
يارب ياعالم خوافي هالأيآآم
.................. ومن دبرتك نسير ياذا الجلاله
احسن لنا في هالزمن طيب وختام
.................. دام الرجل مآعآد يضمن عيآله
سر ياقلم وارسم تصاوير الأقلآم
.................. الموت ماخلا البنآدم بحآله
شكل من حروفك مسارات والهام
.................. فيها من المضمون صدق وجزاله
وقل للصديق اللي نساني من اعوام
.................. لاجمل الله في لياليه حآله
كنت أعتزي به والبسه كنه حزام
.................. وصال بثنايا قلب وافي وجاله
قله تراني لو تجآوزت الأبهآم
.................. صرت بطريقه واقتديت بخصاله
يارب انا في دنيتي عاشق احلام
.................. واعشق من الحلم النداوي محاله
حب المحال يزيد في نفس ضرغام .
.................. وحب الدناوه في نفوس النذاله
لاخير في من لايشوف السما دام
.................. نظرة عيونه لجل يضبط عقاله
البارحه نفذت في عيني اعدام
.................. حكم السهر يازين فالي وفاله
وذكرت ناسن وافية قدر وحشام
.................. وضحكت من قلبي ولاني بداله
احيان ربي يرزق اكرام بكرام
.................. عشرة عمر ماهي بساعة عجاله
وناديت ياللي تستلذين الأجرام
.................. يآمستبده شآعرك ماجرآاله
غير العنا والضيق ياروح الانسام
.................. وتصفق على حسرة يمينه شماله
كنا سوا ننزع من الروح الألغآم
.................. كنا نعيش وما تهم الحثاله
كنا وكنا والهوا كان اجرام
.................. وخيل العواطف بالميادين جاله
سبق وتمادي والهوى كله اهيام
.................. وعهدن جمعنا ماعرفنا زواله
حتى سمعنا قول واشي ونمام
.................. وكلن على فرقاه ينوي رحاله
هذي نهايتنا تجي مثل الافلام
.................. وفلان قال ولارحم حي قاله
وش همني مسلم على نهج الاسلام
................... يذنب ويستغفر ويخطي وناله
من قولة العذال وضنون الاوهام
.................. شي أجبره يطرح عليكم سؤاله ؟
الناس وش يبغون من عاشقٍ هام
.................. يهوى على كيفه اذا المال ماله
ماني مدورهم عساهم للأخصام
.................. من صد جعله مايرد وبداله
مكنت نفسي مع شواميخ واعلام
.................. كلن على فكره ينمي خياله
واللي تناساني ترا الوقت قدآم
.................. مصير عقله ينتهي من ضلاله
اما انا طيري على عالمي حام
.................. ويحمل لكل انسان مني رساله
الحب احلى الحب لودام لك دام
.................. لقيس ومجاريح الغرام ورجاله
ياصاحبي لوكنت للقلب لوام
.................. حاول تسوي له دخيلك ازاله
خلك على خبري عنادي ومقدام
.................. وقلبي لياحصلت قلبن مثاله
اقسم بربي لطعن القلب بحسام
.................. واثق بقلبي مير مالك وماله
مايرفع الانسان شكلٍ وهندام
..................لاصار تضعف فالمواقف فعاله
وقت الجهل ولاً ياعباد الاصنام
.................. يالله عسى تالي قصيدي سهاله
الله يعز الحرف ويعز من قام
..................يرخص على شان المراجل رياله
الادمي ماهولحم بس وعظام
..................الادمي لاصار عشقه مناله
وياعيني اللي تسهر الليل مانام
.................. غير اللذي بالوقت مااسهل مناله
اما انا عيني وقلبي كذاااعام
.................. ماشاقها عذب النعاس وزلاله
احلام عشنا ونتفارق بالاحلام
..................هذا الهوى ملذته باحتماله

مخرج //
اقفى ونا حافظ مواثيق وعهود
ورجلن وضع لعيونها في زهابه

بندق وجنبيه وشلفا وبارود
ورصيد من عمره لعينه سخاآبه

النايف الذويبي

**мżσση** · 26-03-2011, 04:20 PM

كنا وكنا والهوا كان اجرام
.................. وخيل العواطف بالميادين جاله

في قمة الروووعه :29:
شوشتنـآ..ذآئقه متميزه كآلعآده 004_004

**ساحبه عالدنيا** · 26-03-2011, 04:44 PM

ياصاحبي لوكنت للقلب لوام
.................. حاول تسوي له دخيلك ازاله
خلك على خبري عنادي ومقدام
.................. وقلبي لياحصلت قلبن مثاله

ابدعتي في طرررحك
تشكراااااتي

**الووواافي** · 26-03-2011, 07:53 PM

اما انا عيني وقلبي كذاااعام
.................. ماشاقها عذب النعاس وزلاله
احلام عشنا ونتفارق بالاحلام
..................هذا الهوى ملذته باحتماله

الله الله

تألق داااائماً

بنتظاااااار جديدك