ممــنوع .. لـ صانع الحـرف / أحمــــد الصانع|..|

**غيمة شتآء !~** · 12-01-2011, 08:41 AM

| مدخل | ..~

تعال , دامه [ صعب ] قربك / دخيلك
وإلا السهل من حضرة الحُب ما أبيه
أقول أبيك ,, وقلت : ممنوع أجي لك
ما تدري كل ممنوع / لي رغبةٍ فيه

[ ممنوع ] ..!

:

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك

[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك

[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.

قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]

دام .. المشاعر .. يا حبيبي , رقيقه ؟
و القلب خان أحبابه اليوم / .. صانك .

بردان ؟؟ شبّ إحساس " قلبي " حريقه
إدفا عسى تكسب ( دفاك , و رهانك )

" سيفك " إذا خان الرفيق بـ رفيقه ,
يعني أشيلك , لو تعثَّر .. [ حصانك ] .. .

لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :

دام " القوافي " في بحورك ../ غريقه
( شاعرك ) يبدع و إنت إطلق عنانك

بـ أكتب قصيدي فيك وهذي الحقيقه
ياللي تِهِز [ أبيات شعري ] .. كيانك

:

لـ أحمد الصانع

| مخرج | ..~

مسموح كل إنسان يقرا المعاني
لكن شعور القلب يا ناس محفوظ
ما قلت من ( حظَّه ) لأنه لقاني
أقول أنا من يوم ألاقيه : محظوظ

.. ..

**βέşђ** · 12-01-2011, 07:36 PM

كلمات رووعه وصادقه ..صدق المبدع احمد الصانع ..
وتسسسلم يدينك ع نقلك قصيدته هووون من جد رووعه ..

تقبلي مروري ..

دمتي بود ..~

**غيمة شتآء !~** · 13-01-2011, 08:10 AM

الأروع تواجدك ياقمر

ماننحرم 004

**๑яâmâ๑** · 14-01-2011, 04:29 PM

روووعه
انتقآء بروعتك غيومه :64:
والمخرج حاقة تآآنية : )

يسعد روحك

..~

**мżσση** · 14-01-2011, 04:54 PM

لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :

احمد الصانع رااائع دوما
سلمتِ ع النقل الرائع
..}

**عـــزف المستحيل** · 15-01-2011, 03:12 AM

" سيفك " إذا خان الرفيق بـ رفيقه ,
يعني أشيلك , لو تعثَّر .. [ حصانك ] .. .

لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :

دام " القوافي " في بحورك ../ غريقه
( شاعرك ) يبدع و إنت إطلق عنانك

<<= آحمد الصآنع بآسلوب الوصف الدقيق الرائع ابداع بين ثنايا هذة القصيدة

غيمة انتقاء رائع استمري ~

**آهــات طــفلهـ** · 16-01-2011, 09:40 AM

رآآآآآآآئــــــــــعه

يعطيك العااااااافيــه يالغــلا

**~عيون خجلى~** · 16-01-2011, 08:21 PM

[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.

قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]

آبياااات رائعهـ
وانتقاء رائع كروعتكـ