قصيدهـ ياسرالتويجري في الملك عبدالله آل سعود ((ربي يحفظهـ

[بنت ابوها]

الشعر خشم العرب والمدح خشم القصيد
والشعر لولا فعولك كان من يلهمه


عقب تعذر ابو الطيب وقصر لبيد
اسوق لك من من خيار الطفح المشحمه


ياسيدي والمشاعر نار معها حديد
يعني المشاعر من الواقع ومستلهمه


النار لازاد فيها الشوق قامت تزيد
وتضم صدر حديد اللي يذوب سهمه



حتى تصخر لك من المعنى القوي الفريد
وتذكر انك بروح النص وانت نسمه



ياراسمه للعرب يا اوسع ذرى يالرصيد
للعالم العربي وللامة المسلمه



تسعى وكنك يابو متعب عليها جديد
ماكنك مأسس الإصلاح ومعلمه



ابسألك يالمليك الاب وش تستفيد
دام ان مافيه مجد الا رفعت علمه



اخذت حكمت علي وإقدام ابن الوليد
واخذت من كل واحد فالصحابة سمه



مثل انحناء الاله لغصون الجريد
تسجد على كفك الاعداء وهي مخدمه


مبادراتك على السنة وبأمر المجيد
ولاتأثرت بالإعلام و العولمة


يربطك بالمفخرة دم وعروق و وريد
تقول كنك ابوك بهيبته وكرمه


تبطش الى ضقت وتورد وباسك شديد
وتناطح المعتدي سقمه ومر كعمه



حرن مخاليبك العكف تنش وتصيد
من ذحذح الموت لاعرض عليك لحمه



ياسندس الشعر واستبرق حروف القصيد
يامناصر الجود ومحرره ومأممه



لو كثرت بشوت حكام العرب والعديد
المجد لك والفخر والعز والأوسمه



استأصلك ربي من المستحيل العنيد
وزرعك بحلوق حساد الوطن علقمه



ياازرق من الرمح واجرد من رهيب الحديد
واشد من باس ابن حجاج وابوعكرمه



يالعادل المعتدل والمعتضد والعضيد
يامن شملت الوطن بالعطف والمرحمه


اختارك الله تكون بهالزمان الوحيد
في خدمة بيوته وحجاجه المحرمه


خليفة المسلمين افعالك اكبر شهيد
افنيت وقتك تحت سور الحرم تخدمه



ما افنيت وقتك على جمع الذهب والعبيد
ولاطردت الأله ولاحضنت الامه



القدس امانه وبرقبتك ودار الرشيد
وشعوب الارض الغنيه منك والمعدمه



والله ما اضن به غيرك صلاح جديد
وان كان ماكرمت خلق الله ماهي مكرمه


يا ابعد من الهقوة اللي فالهقاوي بعيد
واقرب من الخافي اللي فالصدر نكتمه




ان ضقت شح المطر وان طبت ذاب الجليد
وان قلت حي الله الامجاد جت درهمة


روض عليك العرب تصبح وتمسي شديد
يرجون كف عسى الله يحي مقدمه



يا اسهل الناس عفوا واعسر الناس قيد
واكرمهم ايثار وابخلهم غرور وصمه



رقيت فالعزم والهمة رويدا رويد
حتى مسكت السحاب الغر مع معصمه



وامطرت الاعمار والعيش الهني الرغيد
وعلمتنا شي كنا قبل مانعلمه



الله عطانا ملكاتك على مانريد
وعطاك شعب لو تأشر فداك بدمه



,,

[•°بسمـــہَ خ ـجل°•]

لو كثرت بشوت حكام العرب والعديد
المجد لك والفخر والعز والأوسمه

الله عطانا ملكاتك على مانريد
وعطاك شعب لو تأشر فداك بدمه

صح لسآآآنه
قصيده رآآآآآآآآآآآآئعه
الله يحفظ لنا ابو متعب ويرده سالم

يعطيك العافيه بنت ابوهآآآآآآ

[خطاك دمر غلاك]

صح السان شاعرها
وناقلها
كلمات روعه

[بنت ابوها]

صح بدنكم ياالغوالي
ربي يسعدكم
منوووووووورينـ

[~عيون خجلى~]

الله عطانا ملكاتك على مانريد
وعطاك شعب لو تأشر فداك بدمه


صح لسانه ولا هان ناقلهااا

[مومهم اسمي]

الله يشفي أبو متعب ويحفظه من كل شر ويخليه لنا ياااااارب

قصيدة حلوووووة.........يعطيك ألف عافية على هالطرح المميز..
الله لا يحرمنا من هالابداااع..
تقبلي مروري..

[ح ـآلم]

[align=center]

الله يشفي أبو متعب ويحفظه من كل شر ويخليه لنا ياااااارب

اللهم أمين

صح لسان الشاعر ياسر التويجري
ولاهنتي بنت ابوها على نقل هالقصيده

.

اعطر تحيه
[/align]

[بنت ابوها]

ربي يسعدكم
منوووووووووووورينـ

[شمس ألاحلام]

[glint]روعــــــــــــــــــه
يعطيك الف عااااااااافيه
ماننحرم من جديدك*ـ*[/glint]


دمت بود

شمس ألاحلام

[ـــــــــــــــ]

ابيــــــــــات جدا روووعه
مبدعه دومآ
يعطيك العـــــــــــــــــافيه ..

[بنت ابوها]

[glow1=FF3366]الله يعافيك
منورهـ[/glow1]

[غيمة شتآء !~]

رووووعة


عوافي ع الذوووق

004

[بنت ابوها]

ربي يعافيكـ ياقمر
منورهـ

[هيبـة ملڪ]

روووووووووووووووووعة يسلمووووووووووووو يديكِ

[" كريمَ ، المشآعر "]

صح لسآنه آلتويجري ..


وتسلم آناملك يآلغلا