ماتصنعت المشاعر لأجل أبرهن من أكون

**خطاك دمر غلاك** · 14-12-2010, 11:27 PM

ماتصنعت المشاعر لأجل أبرهن من أكـون

كان همي إني آصل ساحلك ياأغلـى غـرام

أبتسم ساعة أشوفك وأنسى أيام الشجـون

وأتخذ لأجلك مساحه في مواعيـد الزحـام

لا تلاقينا وشفتـك قاسـي الغربـه يهـون

والفرح يسري بدمي ويخترق صلب العظام

وإن تفارقنا دقيقه مالـت أوراق الغصـون

والدقيقه في عيوني شفتهـا الفيـن عـام

الغلا ماهو حكايه تعتبـر ضمـن الفنـون

الغلا عشته بقلبـك ياقمـر وسـط الظـلام

لو درا بصادق غرامي الغدر حـرم يخـون

ولو يعيشه كل مذنب إلتـزم بعـد الحـرام

والبلابل لو تحسـه زادت أنغـام اللحـون

وبه تغنت وإهتفت به وغارت أسراب الحمام

والبحر لو قاس حبي صارت أمواجه سكون

وقال أنا قطره وجف وأبهر أحـلام الأنـام

حتى قيس اللي تصدر قائمة أهـل الجنـون

واللي أهل العشق أخذوا من أساطيره وسام

كل حب غير حبي لك مثل همـال المـزون

يستمر وقت السحاب وينتهي بعـد الغمـام

وكل شعر غير شعري مايفي باللـي يبـون

تكتـب حروفـه أحبـك ونيتـه بالإنتقـام

أتحدى وأتحـدى وأتحـدى مـن ،،،يكـون

إن مافي قلب غير قلبي حبه صادق بالتمام

الغلا قصه وصارت بيني وبينـك (جنـون)

صغتها بشعور قلبـي قبـل ماابـدا الكـلام

الغلا واقع أعيشه معك مايرضـى الظنـون

واقع أجمل من خيال واقع نبـراس الوئـام

بطلبك قبل أنتهي دامك لإحساسـي تصـون

إن لحظـات التواصـل نغتنمهـا إغتنـام

مانبي الأيام تمشـي والمشاعـر يلهثـون

والخطاوي الهاويه في سراديـب الخصـام

والأمانه في النهايه ياحكي حـب العيـون

لافهمت حروف شعري ضمهابعـد الختـام