وينك عني ياابوي

**مطعون بسهام الغدر** · 31-10-2010, 10:53 PM

يابوي وينك عذبتنـي الليالـي ؟؟
ليتك تشوف الحال وشلون منصاب
ليتك تشوف الهم وأوضاع حالـي
ليتك تشوف الدمع وشلون سكـاب
ليتك تشوف اللي بعد كـم جرالـي
حتى الفرح يابوي وياك قـد غـاب
أمشي و أنا يابوي همـي ظلالـي
وأخفيت جرحٍ يابوي مابعـد طـاب
جرحن مع الايـام لامـن طرالـي
سالت دموع العين من بين الاهداب
ساعة رحيلك يابعـد كـل غالـي
انهار حلمي وانكسر قلب معطـاب
خاوتني الحسره وحزنـي غدالـي
اوفا صديقن لي من دون الاصحاب
واوفت لي العبره وضيقـي وفالـي
وعايشتهم يابوي في ديرة أغـراب
يابوي شفت الويـل وانـا لحالـي
تركتني للوقـت ولضيـم الاقـراب
العيش دونـك والزمـن ماهنالـي
موحش بدونك يابعد كـل الاحبـاب
واجهت انا الدنيـا بكـل أحتمالـي
أسد بـاب وتنفتـح بعـده أبـواب
أعيش في حزني وهـمّ ارتحالـي
أشيل حمل جبال يابـوي وهضـاب
مالي عضيدٍ فـي حياتـي موالـي
أنخاه لاضاقت معي كـل الأسبـاب
آخـذ برايـه لا تسكـر مجـالـي
وفيه أعتزي كان الزمن كشر الناب
مالي سند غيرك ولا لـي ولا لـي
غيره سواء المعبود هو رب الارباب
أرجيه سبحانـه عظيـم الجلالـي
يرحمك ياعرب السلاله واالأنسـاب
وينزل على قبرك حقوق الخيالـي
ويجعل عليه الخير والوبل ينسـاب
ويجعل مقامك فـي جنـانٍ معالـي
وينجيك من شر الهوايل والاصعاب

أرق التحايـــــا:81:

**خطاك دمر غلاك** · 01-11-2010, 12:17 AM

ابداع يالغلا
انتظر القادم بشوق
لاتحرمني جديدك

**بنت ابوها** · 01-11-2010, 05:11 AM

يابوي شفت الويـل وانـا لحالـي
تركتني للوقـت ولضيـم الاقـراب
العيش دونـك والزمـن ماهنالـي
موحش بدونك يابعد كـل الاحبـاب

:sm1::sm1::36::36:الله يرحمه
كلمات جدا مولمه
تسلم يدينك على الطرح الرائع