قول آسف.. وآنا قبل الـ آ بضمك.بس قلها.. قول آسف..قول آسف...!!

[غالية الاثمان]

قول آسف..!!
وآنا قبل الــ آآ بَسَامح..!
قول آسف..!!
وآنا قبل الــ آآ بنادي كل همِّي وأنحره..
قول آسف..!!
وآنا قبل الــ آآ بنادي ليل بردك..واسهرَه..
قول آسف..!!
وآنا قبل الــ آ بَطَيِّر كل ضلعٍ من مكانه..
عاد..تدري..؟
أنت أصلاً ما خَطِيت..
بس محبوبك..يدوُّر لإعتذارك..
لـ ا نتثارك..وسط..روحه..
مثل سَبحة..
لا تَنَفَّس..سَبَّحت..أغلب جروحه..!
قول آسف..!!
لجل يفزز كل عطرٍ من ثيابك..
لجل يحس.. بشي منك..
شي يحرق
شي مثل البحر يغرق..
شي ماله..أي داعي..
شي ماله أي صرفه..
بس قلها..
قول آسف..!!
وآنا قبل الـ آآ بَسَامح..
أمس .. شافوني وغابوا..
مَدري غِبت .. وشوَّفوني..
جرح أكبر من خيانة ..وابتسمت..
ماهي كل الناس خانت .... يعني..بتوقف عليك..!!
ماهي كل الناس عانت .... يعني بتوقف عليّ..!!
والله عادي..
آنا واحد كنت أخونك..
كنت أشم الصبح هذا..
كنت أضم الحزن هذا..
كنت أبوس جروح كفك..لا تبادا خنجرك..
لا توارى في حبيبك..
مثل طفلٍ من لهيب الشمس هارب..
ما يهمك..
بس خلّك..في طقوسك..
ألف طعنة بألف...آسف..
وآنا قبل الـ آآ أبنزف..
بس قلها..
والا تدري..
هات ليلك..
ودِّي أجمع ما تيسر من نجومك..
لجل بكره...!! خوف تخْفِيها..غيومك..
وآنا ساهر
ماقهرت الا عيوني..
ما نهرت الا جفوني..
دون ما أرمش..
قال أرمش..
منهو أصلاً.. قال ابرمش..
السما .. وجهك .. وعيني ..!!!!!!
صرت كلِّي ألف ..عين ..
حتى بيديني أشوفك ..
حتى بظلالي أشوفك ..
قلت لك حتى ظلالي..
يعني كان الوضع قمرا..
يعني وجهك..جاب ظلِّي..
كيف أحاول واحضنه ..؟؟؟؟؟
خايف ان الغيم هذا يمتحني .. وما أشوفك ..
بس عادي..
حتَّى بالنية..اشوفك..
بس قلها ..
قول آسف..
وآنا قبل الـ آ بضمك..
بس قلها ..
قول آسف .. قول آسف ...!!

[آهــات طــفلهـ]

كلمات غااايهـ في الروووعهـ ،،،

ربي يعطيكـ العافيه

لكـ ودي وعبير وردي

[منكم وفيكم]

هذيان رائع منك يا غالية


يعطيك ألف عافية

[غالية الاثمان]

ربي يعافيكم ويسعدكم ..
شاكره تواجدكم ..

[00.00.01]

روووووعهــ كثييير

تسلمي على نقلك الراائع

دمتي بكل الود

[مشـآعر خجولـه]

روووعــــه والله يعطيك العافيه