خبر تحذير من عرض نيسان الجديد نصف القيمة

[عبوودي2]

بسم الله الرحمن الرحيم

As received



السلام عليكم ورحمة الله وبركاتة


أخواني أنا من ملاك نيسان وبالاخص ألتيما 2010 سمعت عن عرض نيسان الخياااااالي استخدمها ثلاث سنوات واستمتع بنصف القيمة ( أو شيء زي كذا ) وبصراحة بمجرد التفكير به العرض خيالي ولاكن كان معي قريب لي وقال : ياخي مستحيل العرض يكون كذا بدون شروط لانه الحمراني هو الخسران في هالحالة ..

وكنا نلف في الرياض .. قال : عندك شيء .. قلت : لا والله قال خلنا نمر الحمراني ونشوف وش السالفة ..


دخلنا وبعد ما سأل الموظف عن العرض وقال له : أنا بأشتري ألتيما ستاندر بكم تطلع علي ..

قال : تدفع دفعة أولى ما يقارب الـ 17000 وتقسط 820 شهريا لمدة ثلاث سنوات .. حسابيا تطلع عليك السيارة بـ 46500 ريال ولاكن ترجع السيارة لهم ( وهنا الزبدة ) فية شرط موب مذكور للعلن وهو أنه تكون السيارة ما تعدت الـ 90.000 كيلو وهو شيء شبة مستحيل للشخص الطبيعي وكل كيلو زيادة يحسب بـ 0,25 ريال .. وعليك الحساب ..

أو تدفع دفعة 38000 ريال وتأخذ السيارة ..

بالحساب الشخص الطبيعي راحي تعدى الـ 90.000 كيلو بكثييير فراح يقرر انه يشتريها لانه حرام يدفع فلوس ويعطيهم السيارة بعد ولاكنه بينصدم بالدفعة الاخيرة الكبيرة وهي 38000 ريال وحتى لو دفعت لهم الدفعة الاخيرة راح يكون سعرها 84500 ريال وهو بالظبط مثل سعر الالتيما بالتقسيط لمدة خمس سنوات ..




خلاصة القول إذا أنت راح تشتري السيارة وما راح تمشي كثير .. يعني اقل من 30000 كيلو في السنة يعني 82 كيلو في اليوم (بس ) .. العرض بيكون حلو لك ..

( وما أتوقع فيه أحد ما يتعدى الثلاثين الف في السنة ) << أنا مثلا لي شاري السيارة ما يقارب اربع شهور وطبلوني 17500 كيلو ..

وإذا أنت تتوقع تتعدى الـ 30000 كيلو في السنة اببببعد عن العرض ولا تخدعك كلمة نصف القيمة ..



ووالله ويعلم الله اني ماني حاقد على شركة الحمراني ولا الجبر أو سمسار لشكرة ثانية كل ما في الامر اني ابي النصح لأخواني المسلمين ولا ابي احد ينخدع بجشع التجار والي يبي يتأكد من كلامي يمر أقرب وكالة أو يدق عليهم ..

وأسف على الإطالة ولا تنسوني من صالح دعائكم ..



منقووول

[مشـ ع ـل]

يسلمو اخوي على الطرح الرائع
والواجب منجد نحذر من اعلان نيسان

[ღ آمًيَرٌٍ بٌَِكَلمًتُِِّْيَ ღ]

[align=center]
انا قريت هذا الاعلان في الجريده قبل تقريبا شهر او شهرين ..

والصراحه استغربت .. يعني عرض يغرييييييييييييك ..


وفكرت آخذ منهم التيما 2008 .. اكرفها وارجعها لهم .. هـع هـع ..

بس يوم قريت كلامك خلاااااااااااص طااااااااااارت الفكره ..

يعني انا من الناس الي ماتقعد في البيت ابدا ..

دوران طووووول الوقت وطلعات وسفريات ..

يعني اتعدى 90آلف بسهوله ..

{ يتم التثبيت لـ الاهميه }



يعطيك العافيه يالغلا على الخبر .. ~
[/align]

[•°بسمـــہَ خ ـجل°•]

يعطيك العافيه عالتحذير

[هيبـة ملڪ]

جزااااااااك الله خير أقسم بالله لما قريت الاعلان قلت لازم فيها شروط من صالحهم شركات يهودية والله

يسلمووووووووووو يالغالي

[عبوودي2]

أسعدني مروركم يا الغوالي