جيت اقول ( اني احبك) شفت عينـك استحيــت ....!

**خطاك دمر غلاك** · 26-04-2010, 07:14 PM

جيت اقول ( اني احبك) شفت عينـك استحيــت ....!

لا تقول اني ذكرت .. ولا تقـول انـي نسيـــت

كيف يعني .. يذكرك انسان لحظـه مانســـاك

ادري اني صدق احبك .. وادري انك مادريـت

اني حتى ضد نفسي صـرت ياعمـري معـــاك

لو اقول اشكثر احبك ! ما تصدق لـو حكيـــت

داااام حبي فـووق والله مستـواي ومستـــواك

(كل حرف ٍ لك كتبت ) و (كل حرف ٍ لي قريت)

(في شي ٍ من عــناي) و(فيه شي ٍ من غـــلاك)

في غيابك ... ياحبيبي ياكثـر ماقلـت لييـــت

وياكثر ما قيييل عني في غيابـك وش بلاك

مو مهم اللي جــرى لي ... المهم انك رضيــت

دام يزعلني زعلّك ... ودام يرضينـي رضـــاك

انت دمع ٍ في عيوني .. مابكيتـه لـو بكيـــت

وانت كل اللي كتبته ... وانا بس اللـي قــراك

وانت درب ٍ من بديته فـي حياتـي منتهيــت

وانت تعني لـي بهالدينـا نجاتـي والهــــلاك

جيتك أتأسف حبيبي .. وأعترف انـي خطيــت

جيتك اسبق لهفة اشواقـي ويسبقنـي غـــلاك

وانا مدري ( شلت قلبي لك ) بعد عمري وجيـيت

والا ( قلبي شالــني لك ) يابعد عمـري وجـاك

جيت اقول ( اني احبك) شفت عينـك استحيــت

في عيونك قدرة الله ... واشهـد أن الله عطــــاك

لا تقول اني ذكرت .. ولا تقـول انـي نسيـــت

دام قلبي ماذكـرك .... ودام قلبـي مانســاك .

**مومهم اسمي** · 26-04-2010, 07:57 PM

صح لسانكــ ... ابدعتي
كلمات راقت لي كثيرآآآآآآآآآآآآ
أعجبتني بالحيل روووعهـ
لاتحرمينا جديد قصايدكـ....
ودي ومودتي.......

**خطاك دمر غلاك** · 26-04-2010, 11:11 PM

الاروع مرورك يالغلا

**محمودى** · 26-04-2010, 11:45 PM

دلوعة بكيفى

كلمااات ومعااانى يستحقها الحبيب

دمتى محبة

مودتى

**خطاك دمر غلاك** · 27-04-2010, 05:27 AM

يسلمووووووووو على المرور

**جبرني الوقت** · 27-04-2010, 07:24 AM

دلوعه بكيفي
تسلم يديك على هذا النقل الرااائع
كما راقي لي طرحك
فيها من المعاني الشي الكثير ...
يعطيك الف الف عاااافيه...
بنتظااااااااار جديدك ....
ودمتي بوووووووود

جبرني الوقت