مصطلحات سحلاويه

**سمو المشاعر** · 21-04-2010, 09:05 PM

هذي مصـــطـلحــات البنات ان شاء الله ما تزعلون يا بنات
نبدا

*
*
*
*
*
*
*

يا كرهي = شديدة البغض..

جوالي خربان = تبغى جوال جديد..

يا حمارة = زعلانه عليها..

أمانة = شدة التعجب..

يوه جرررح = واحد زين..

تخيلي = حدث أمر غريب..

فاتك = شيء حصل في الماضي..

هيه رقم جديد = انها طايره من الفرح..

طفشانه = مقابله الجدران..

أحب أخواني مرة = مسويه حنونه..

صدق = متفاجئه..

حقيرة = قمة الشتمه..

يا بايخة = سبة على خفيف..

وينك أمس = ساحبة عليها السيفون..

باس = استهانه بامرها..

يا خطيرة = انتي قويه..

أحسن = وحدة نذله..قوية = انتي مجرمة..

جعلها تموت = حاقدة..

مررررررة = كثير جدا..

يلاه = هيا بسرعه..

ودي ادق عليك بس جوالي فاضي = تبي شحن..ههههههههههههههههههههههههههههههههههه ..

أبي سحليه تجيب مصطلحات للتماسيح
مايمدييييييييييييكم بالمره

**سمو المشاعر** · 21-04-2010, 11:11 PM

ههههههههههههههههههههههههههه
ولا سحليه قدرت ترد

**missjojo** · 21-04-2010, 11:44 PM

مصطلحات زاحــفه ...

أولا كلمة زاحف:
هي كلمه يقولها الشباب لبعض في صيغه المدح (يعني مهيب سبه) وهي تعني شخص لامبالي بخطورة المواقف وغالبا مايكون داج في المجتمع
________________________________________
مهوي:
وهي كلمه يستخدمها الشباب لوصف حاله شخص ليس بكامل وعيه وتكون ردة فعله على بعض المواقف مضحكه ولها كلمات مرادفه بنفس المعنى(منتهي-مفهي-مأجر العلوي-منسم)
________________________________________
ملكع:
وهو الشخص اللي فاهم الشيء و يزعط إنه مو فاهمه
________________________________________
الزعيط:
كثير الكلام عن نفسه
________________________________________
يتفلت:
تطلق على الشخص اللي يحاول اختلاق مشكله وذلك برفع الصوت ومسوي إن أخوياه ماسكينه لايطق الرجال وهو محد ماسكه
________________________________________
تلايط:
كلمه يستخدمها الشباب لإسكات الشخص كثير الكلام وغيره ولها مفعول قوي ومجرب حيث أنها ما انقالت لأحد وتكلم عقبها
________________________________________
مصطلحات تعبر عن السرعه

مجلعد:
وصف لشخص مسرع في أي شيء سواء كان في سياره أو على الأقدام أو حتى في قراءة رساله أو كتابه أو كلام يعني تعبر عن السرعه بشكل عام
________________________________________
مصفي الطبلون:
أعتقد الكلمه مفسره نفسها ومع ذلك فهي تستخدم لحالات غير سرعة السياره بس تعبير مزاجي
________________________________________
الرفرف يسابق الصدام:
هاذي تعبير شايب يوصف سياره مسرعه على الخط وزي ماتلاحظون قمه في الإبداع هالوصف مع ملاحظة إنه يمكن الشايب كان يمشي 80 والسياره الثانيه 100 وقال هالتعبير عاااااادي ولا يأنبه ضميره
________________________________________
مكيم:
تعبير عن السرعه في عدة حالات وهو مأخوذ من عداد السياره (km) لأنه لو تلاحظون في العداد حرفين بالإنقليزي
________________________________________
دز:
وهي فعل أمر بمعنا اسرع

مسطلحات تعبر عن الخوف

قامط:
وهو المسطلح الأشهر في لغة الشباب ومعناها خايف جدا وسبب التسميه معروف على ما أعتقد
________________________________________
منخرش:
وهو يطلق على الشخص اللي وصل حالة التوتر من شدة الخوف وصارت أفعاله غير مرتبه
________________________________________
مزرقٌ:
وهي تحول الشخص إلى اللون الأزرق من الخوف (طبعا مبالغه مافيه ادمي ازرق)

مصطلحات تعبر عن الغضب

مقلوز:
يعني شخص معصب ومصدرها الأصلي مجهول الهويه بس أغلب الظن أنها تعني كلوز بالانقليزي يعني مغلق يعني قاطع الإتصال بالأخرين من الغضب
________________________________________
إتش:
تعني الشخص الغاضب أيضاً بس الوصف مأخوذ من السياره حيث إذا ارتفعت حرارتها إلى الحد الأقصى تصل في عداد الحراره للحرف (H)
________________________________________
مقفله معه:
ويعني أنه من الزعل يحس وكأنها قفلت عليه الدنيا وتعسرت عليه الحلول بالعربي وخرو عنه لايحط الحره فيكم
________________________________________
منكتم:
وهي وصف للصمت ولكن تعني تحديدا الشخص الصامت من شدة الغضب

مصطلحات عامه

فله:
يعني سعة صدر وهي في الأصل فله حجاج بس اختصروها إلى فله
________________________________________
مستلج:
في الأصل هي تقال للشخص اللي ماكل حبوب منشطه (أبيض) بس الشباب يستخدمونها للشخص اللي داخل يضحك وبحماس بغض النظر عن إنه ماكل حبوب ولالا
________________________________________
راح غلطه:
وهي مصطلح بمعنى تورط وله عدد كبير من المرادفات مثل أكل هوى
________________________________________

قدها ونص

وش رايك يا سمو المشاعر

مصطلحاتكم روووعه

**بنت المدينهـ|~** · 21-04-2010, 11:50 PM

:57:

هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه

أخر وحده عجبتني

يسلموو خيوو مقبوله منك

**ــــــــ** · 22-04-2010, 12:18 AM

هههههههههههههههههههههههههههههههههههههه
يعطيكم العافيه

**مَنٍۈشُِـِﮱ مَـآرڪُِہِ ≈** · 22-04-2010, 12:55 AM

ههههههههههههههههههههه
ربي يسلمك سمو المشاعر
مصطلحات خطنطيره..

**سمو المشاعر** · 22-04-2010, 01:48 AM

شكرا لكل من مر
تحياتي همس الجروح
اكيد قدها

**لسعة شقاوه** · 22-04-2010, 04:21 AM

وي وي وش هالمصطلحات الخطيره ........ياسمووو عن جد انك خطيييير
......وتحياتي لهموووووووووووس الجروح يابعدي والله

**شموخ الغربيه** · 22-04-2010, 05:53 AM

هههههههههههههههههههههههههههههههههههههه
ههههههههههههههههههههههههه
كيف بالله قدهآآ وغصب عن اللي مايرضى <<< وش تحسين فيه
والله خطييييييره المصطلحات حقتنا هههههههههه
يسلمووآآآ خيووو