رجع يسأل عن أخباري بعد غيبه سنه وشهرين
رجع شايل وجع صدره وقال أرجوك واسيني
؛؛؛
رجع كنه يحسبني سعيد بدنيتي أو زين
وهو مايدري الدمعه تسيل ولاتسليني..
؛؛؛
دمع هالوجه أوكانه جمع في غيبته جرحين
وأنا عيني بدت تدمع على حزنه وتبكيني..
؛؛؛
يقول الدنيا خانتني وبعدك ياالغلا سكين
ولاأحدن ياالغلا غيرك يقدرني ويراعيني..
؛؛؛
حبيبي ضقت بغيابك حبيبي حيل أنا مسكين
وأنا جيتك بهاليله وتكفـى لا تخليني..
؛؛؛
وأنا لامن نطق تكفى عطيته لوطلب هالعين
وأجود بكل مايملك خفوقي وتملك إيديني..
؛؛؛
وقلت ابشر ولايهمك تدلل وش تبي يازين
تراني فدوة عيونك لو إنك جيت تشقيني..
؛؛؛
حبيبي لو تبي القمره عطيتك فوقها ثنتين
بعد لو تطلب النجمه أبنطق جيتك إضويني..
؛؛؛
بعد هذا ضحك بعثر همومه سلهم الرمشين
وقـال الله ياالطيب وأنا ظــــنيت ناســــيني..
؛؛؛
صراحه حيل تحرجني ياطيب ياأطيب الغاليين
ولاادري كيف بوفيلك حـــبيبي وأنت تعطيني..
؛؛؛
بعد هذا تسامرنا وتواعدنا بعد يومين
ووصيته على قلبي وهو مثلي يوصيني..
؛؛؛
تواعدنا على الجمعه ولاجاني إلى الاثنين
ومر أسبوع والثاني وشوقي يشتعل فيني..
؛؛؛
تصدق عاد ياالسامع ولاجاني الى الحين.
وقبل تسأل عن أسبابه بجاوب وإنت واسيني..
؛؛؛
لأنه مـــــــــات في حادث وأنا مت بغيابه لين
عرفت إني كذا ببقى ولاأحدن يقوى يحــييني
مما لامس احساسي ..
المفضلات