• دخول الاعضاء

    النتائج 1 إلى 2 من 2

    الموضوع: اختلاف القيم

    1. #1
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي اختلاف القيم

      اختلاف القيم " أنا شخصية عندي قيمة العطاء عالية بحب العطاء جدا
      بحب اوي أساعد الناس واعطيهم أي حاجة أقدر عليها
      لما بشوف حد محتاج حاجة ومش قادر، بحس اني مسئولة اني اعملها او اجيبهاله
      الموضوع عاملي مشاكل شخصية كتير
      اول مشكلة: هي اني لو حد احتاجني ومعرفتش اساعد او اعمل اللي طلبه بحس بتوتر وغضب من نفسي وان المفروض عليا اتصرف واعمل اللي هو عايزه
      تاني مشكلة: ان لو حد طلب حاجة فوق طاقتي بخاف اقول لا وبحس بذنب شديد واني لازم اجي على نفسي عشان اعملها حتى لو ده هيؤذيني نفسيا مثلا
      تالت مشكلة: ان اللي حواليا كانوا ومازالوا ديما يسألوني ليه بساعد؟ ايه المقابل؟ اللي ادامك ده عملك حاجة قبل كده؟ طب لو احتجتيه هيردهالك؟
      ولاني شخصية بتتأثر باللي حواليها كلامهم فعلا اثر عليا واحيانا اكون رايحة اساعد حد وافتكر الكلام ده فأتأثر وافكر هو انا شفت منه خير ايه عشان اساعده؟
      بس برضه مكنتش بحس اني مرتاحة، انا نفسي أتعامل بطبيعتي وفطرتي انا بساعد عشان انا بكون مبسوطة وانا بعمل كده مش عشان مستنية مقابل انا بعمل حاجة بتسعدني قبل ما تكون بتفيد غيري
      المهم اني بالقراءة والعلم وصلت لمعلومات فهمتني شوية حاجات وهي ان كل انسان عنده مشاعر وقيم خاصة بيه...في ناس عندها قيمة العطاء عالية وفي ناس عندها الاحترام والتقدير في ناس بتحب الامتنان في ناس بتفضل الامان وفي ناس الاخلاق عندها مهمة بس في ناس عندها التعليم اهم
      مش لازم اللي مهم عندي يكون مهم عندك ومش لازم اللي انا بحبه تكون انت بتحبه
      لو اتعاملنا مع بعض من وجهة النظر دي سلوكنا تجاه بعض هيتغير...بدل ما تبص لحد انه وحش وندل هتبص له انه مختلف عنك
      احنا بشر مختلفين مش كلنا نفس التفكير ولا الميول ولا عندنا نفس القيم
      (في ثوابت طبعا دينية واخلاقية ومش دي اللي بتكلم عليها نهائي)
      انا بحاول أشتغل على نفسي حاليا في التلات مشاكل اللي فوق:
      لو حد طلب مني حاجة ومش في ايدي اساعده بعتذر وبحاول افكر نفسي ديما ان ده غصب عني واني مقصرتش واني فعلا مش هقدر وان ده غصب عني.
      لو حد طلب مني حاجة ومش عايزة اعملها بقول لا وبحاول اتقبل نفسي زي منا كده واعرف ان من حقي اقول لا واراعي مشاعري زي ما براعي الاخرين
      واخيرا لو حد طلب مني حاجة وكلام الناس اشتغل عن رد الجمايل والمقابل فين، بحاول برضه افكر نفسي ان مش لازم مقابل واني بعمل كده عشان انا مبسوطة كده وان الثواب عند ربنا أكبر
      صحيح لسه موصلتش لفطرتي وطبيعتي تاني 100% بس بحاول وبجاهد وما لا يُدرك كله لا يُترك كله
      اخر حاجة بقا متلعبوش في فطرة اولادكم لو هما بيحبوا الناس والخير والمشاركة والمساعدة بلاش ديما تأنبوهم وتفكروهم ان الناس اللي برا في العالم اشرار
      ولما تحبوا تنتقدوا تصرف حد أدامهم لان قيمه مختلفة عن قيمكم حاولوا ديما تنتقدوا التصرف مش الشخص نفسه انتقدوا سلوك البشر مش البشر نفسهم
      اللهم ارزقنا الرضا ونوّر بصائرنا

    2. #2
      فوضوي له مكانه
      تاريخ التسجيل
      Aug 2013
      المشاركات
      608
      معدل تقييم المستوى
      46

      افتراضي رد: اختلاف القيم

      اشكرك على النقل الجميل

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المواضيع المتشابهه

    1. اختلاف الغيرة بين الزوجين 2017
      بواسطة بنت الديره في المنتدى عالم الحياة الزوجية
      مشاركات: 9
      آخر مشاركة: 04-04-2017, 07:51 PM
    2. اختلاف .., وخلاف ., وتخلّف !,.
      بواسطة شعاع الاكوان في المنتدى منتدى المواضيع العامة
      مشاركات: 4
      آخر مشاركة: 13-07-2015, 09:23 PM
    3. اختلاف وخلاف وتخلف
      بواسطة بنت ابوها في المنتدى منتدى المواضيع العامة
      مشاركات: 6
      آخر مشاركة: 02-03-2013, 09:02 AM
    4. اختلاف الرأي لايفسد للود قضية
      بواسطة منكم وفيكم في المنتدى منتدى المواضيع العامة
      مشاركات: 7
      آخر مشاركة: 20-12-2010, 03:53 AM
    5. اختلاف الثقافات لووووول ...
      بواسطة ๑яâmâ๑ في المنتدى منتدى المواضيع العامة
      مشاركات: 17
      آخر مشاركة: 29-10-2009, 05:07 PM

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  
    www.yanbualbahar.com