قائمة الانجازات

[نبضة انيقة]

قائمة الانجازات 😍" اعملي ورقة حلوة كده وشيك والوان ومهرجانات 😃 وسميها قايمة الانجازات
ايوة بجد اكتبي في النص فوق في برواز كده قايمة الانجازات
وكل ما تعملي انجاز روحي اكتبيه في القايمة دي
سواء بقا:
*قرأتي كتاب.
*خلصتي كورس.
*حققتي هدف صغير.
*حقتتي خطوة في طريقك للهدف الكبير.
*نجحتي في تحدي مع ابنك اللي كان بيعمل سلوك مش حلو وفضلتي تقري وتسألي لحد ما اتعاملتي مع الموضوع صح وبدلتي السلوك.
من الاخر اي حاجة ايجابية او مؤثرة عملتيها اكتبيها
احنا احيانا بنعمل حاجات كتير كويسة وبننسى اننا عملناها ونيجي كل فترة نحس ان ملناش لازمة في الحياة واننا واقفين مكاننا لا بنتطور ولا بنعمل حاجة مفيدة
قايمة الانجازات دي بقا مهمة عشان كده عشان تفكرك انك بتعملي حاجات كتير كويسة وكل ما تحسي بالاحباط تروحي تفتحيها وتقرئيها، منها تعرفك انك مش واقفة مكانك وماشية صح ومنها تديكي امل وطاقة انك تبذلي مجهود اكتر 😉
قدروا نفسكم وقدروا اي مجهود بتعملوه وكافئوا نفسكم كمان لو بتحبوا المكافآت 😍😍
#walaa_elsherbini

[ينبعاوي]

اشكرك على النقل الجميل