الآثار السلبية لضرب الأطفال

[نبضة انيقة]

من الآثار السلبية لضرب الأطفال :
⬅ الطفل بيفهم إنه مسموح يضرب أي حد عادي، وخصوصا إذا كان أضعف أو أصغر منه
⬅ بيتكون عنده معتقد إن الإنسان ممكن يؤذي اللي بيحبهم عادي
⬅ الطفل الدارج ٢-٣ سنين اللي بيتضرب معدل ذكاءه بيتأثر وسلوكياته بتكون أسوأ لما بيكبر شوية
⬅ الطفل اللي بيتضرب بيكون أكثر تمردا في مرحلة المراهقة
⬅ الطفل اللي بيتضرب بيكون أكثر عرضة لﻹكتئاب والتصرف بطريقة عنيفة كشخص بالغ
⬅ الطفل اللى بيتضرب بيكون اكثر عرضه ﻹنه يضرب زوجته / زوجها
⬅ التربية هى وسيلة بناء للطفل ﻻكن الضرب بيهدم الطفل نفسياً
💡الطفل بيعمل اللي إحنا بنعمله مش اللي إحنا بنقوله ..
فلما أقوله ما تضربش أخوك وأضربه عشان ضرب أخوه، هيضرب أخوه تاني عادي جداً ..
🔷 الناس اللي مؤمنة إن الضرب أسلوب مناسب كعقاب بيقولوا إنه من قواعد الضرب إنك ما تضربش وانت غضبان 😄
🔸 مين فينا بيضرب ابنه وهو قاعد هادي ورايق ؟!
🔸مين فينا بيكون قاعد كده في هدوء وفجأة بيقوم يضرب ابنه عشان يعاقبه؟!
إحنا دايماً بنضرب واحنا غضبانين عشان نفرغ طاقة الغضب، " مش عشان نربي أولادنا " .
🔘 ماتخلوش أولادكم 👫 مكب لنفاياتكم النفسية ..
---------
70% أو أكثر من الناس بتكون عاوزه وسائل (عقاب) بديلة (للضرب)
ليه فاكرين إن التربية قائمة على (العقاب) و (الردع) و (القمع) !!!
أنباؤكم محتاجين (حنان) و (حب) و (ثواب) و (مكافأة) و (تعزيز)
👈 انتو أباء و أمهات 💑 مش سجانين في مؤسسة عقابية
❤ لما تحب (تؤدب) إبنك يكون بغياب (الثواب) فيشعر بإن حاجه ناقصاه ، فيسترضيك و يتعلم بكرامة ويستفيد فعلياً من عملية ( التربية) مش عملية ( العقاااب )
🌹 في فرق كبير بين (العقاب) و (التأديب)
فالأول فعل إنتقامي أناني، والثاني فعل أبوي تربوي ..
إتقوا الله فيهم يرحمكم الله..

[شركة العالمية كلين]

الف شكرا ليك ياغالي علي موضوع القيم

[قمر الشرقية]

يعطيك العافية
الف شكر لك

[ينبعاوي]

تسلم على الطرج الجميل

بارك الله بك