مشكلة ضرب الاطفال

[نبضة انيقة]

مشكلة متكررة..أباء وأمهات كتير لما بتتنرفز وبتتعصب بتضرب ولادها بشكل مؤلم
ومش بتضربه لانه عمل حاجة تستاهل العقاب لكنها بتنفس عن غضبها فبتضرب الولد
وبترجع تندم لما تشوف أثر الضرب على جسم طفلها
او الاثر النفسى اللى اتعرضله الطفل بعد الضرب زى الخوف الشديد او والعياط والكوابيس!!
طب الام تعمل اية؟؟
الأول قبل مانقول نعمل إية
هنتكلم شوية عن الضرب وعواقبه..يمكن لما نتعرف على الضرب وتأثيره على الطفل نبطل أباء وأمهات كتير بيستخدموا الضرب او بمعنى اصح بيستسهلوا الضرب كأسلوب للعقاب
وبيكون أول حاجة بيعملوها مع ان هو "اخر اسلوب" ممكن نلجئ له
التربويين حددوا ان السن المناسب للضرب هو 9 سنوات
يعنى قبل الـ9 سنوات ماينفعش انى اضرب ابنى نهائى
واللى يأكد كلام التربويين ان الرسول عليه الصلاة والسلام لما قال لنا ازاى نخلى اولادنا يصلوا قال:
“علموهم لسبع واضربوهم لعشر”
يعنى اعلمه انه يصلى من سن سبع سنين “لما يبدأ يفهم” وافضل اسايسه واحايل فيه واكلمه واستخدم كل الطرق الممكنة معاه لمدة " 3سنين" مش عايز يصلى برضه وخلاص صبرى نفد اخر حاجة بقى اضربه
وضرب خفيف مش مبرح
لكن انك تشغل ايدك بدل عقلك وتتصرف مع الطفل تصرف مش حكيم ومش هادف تربويا والغرض الاساسى منه انك بتنفس عن الغضب اللى جواك وده اللى اثبتته الدراسات
ان 95% من الاباء بيستخدموا الضرب للتنفيس عن غضبهم مش بدافع التربية او التأديب
ده اسلوب مالوش اى علاقة بالتربية ولازم نوقفه
تأثير الضرب على الطفل:
1- الضرب..بيوجد علاقة كراهية بين الطفل وبين الشخص اللى بيضربه..وده طبعا بيأثر على المشاعر الايجابية اللى مفروض تكون موجودة بين الطفل وأهله فبتكون علاقتهم ببعض غير متزنة
بالإضافة لده ان علاقة الطفل بأهله اللى بيضربوه بإستمرار وضرب مبرح مش بتقوم على الإحترام والتقدير لكن على الخوف من الشخص الضارب
2- الضرب بيخلى شخصية الطفل ضعيفة وسهل الإنقياد..سهل حد يستغله او يسوده ويفرض رأيه ورغباته عليه..وده بيظهر أكتر لما يكبر الطفل وبيكون سهل التأثر لأصدقاء السوء
3- الضرب بيضيع فرص التفاهم والحوار بين الطفل وأهله
4- الضرب بيخلى الطفل يشعر بالحرمان بإستمرار لانه دايما مفتقر للحب والإطمئنان وبالتالى بيأثر على نموه النفسى..وأى خلل فى النمو النفسى بيأثر على النمو العقلى والجسدى عند الطفل

5- الضرب بيفقد الطفل تقديره لذاته فبيكون غير واثق فى نفسه وده بيؤدى للإنطواء والخجل وعدم التأقلم مع الحياة الاجتماعية وعدم قدرته على إكتساب مهارات التعامل مع الاخرين..بالإضافة لإنه بيقلل من معدل الذكاء عند الطفل

6-الضرب بيزيد من السلوك العدوانى عند الطفل..وبعض الاطفال لما بيتعرضوا للضرب بيكون جواهم رغبة فى الانتقام وتفريغ طاقة الغضب اللى جواهم،وده بيزود من عصبية الطفل فبالتالى هيكون عنيف
7- لم يثبت علميا ولا بحثيا ولاتربويا ان الضرب بيؤدى لأى نتيجة إيجابية..الضرب ماهو إلا عنف (بدنى ونفسى) ضد الطفل
فضلا وليس أمرا اترك تعليقا ليصلك كل ماهوجديدعلي الصفحه
منقوووووول

[قمر الشرقية]

يعطيك الف عافية
لآعدمنآ جديدكالقآدم
تحياتى