حدوتة كريم وأداب الطعام

[نبضة انيقة]

حدوتة النهاردة ...... ( كريم وأداب الطعام )
كتابة و تأليف :شيماء عبد العال
كان ياما كان .....كان في زمان ....😃😃😃..ولد اسمه كريم .......كريم كان ولد جميل .....و نشيط ...👨👨👨👨.لكن مشكلته كلها كانت في الطعام ........لما كان بيجي ياكل كان بيعمل شوية تصرفات وحشة جدا جدا .......🙊🙊🙊رغم انه لما كبر و بقي عنده تلات سنين ......
. ..بدأت مامته تدربه علي انه يعتمد علي نفسه و يأكل نفسه.....👍👍👍..قالتلوا ساعتها ...... بص يا كريم .....الطعام دة ليه آداب ......🍜🍜🍜🍜🍝.رسولنا الكريم سيدنا محمد ( صلي الله عليه و سلم )....وضحهالنا ......و لازم نلتزم بيها ......🚹🚺🚹🚺🚹..و دي تعتبر الاساس و هي ....سمي الله و كل بيمينك و كل مما يليك.......🙋🙋🙋
يعني لازم قبل ما نبدا نأكل نقول بسم الله الرحمن الرحيم ........و لما نخلص الاكل نقول الحمد لله الذي اطعمنا و سقانا و جعلنا مسلمين .....👄👄👄..و لما نيجي ناكل نستخدم ايدينا اليمين في الاكل .......🙋🙋🙋.و ناكل من الاكل القريب مننا علي السفرة ........دة غير ان في شوية اداب تانية لازم نراعيها اثناء الاكل زي مثلا ... 😃😃😃. اننا لازم نغسل ايدينا قبل الاكل و بعد الاكل .......👈👈👈👈
.واننا نقفل بوقنا اثناء مضغ الطعام ... و منطلعش اصوات عاليه من بوقنا و احنا بناكل ......😫😫😫😫و نحط في بوقنا كميات بسيطة من الاكل علشان نعرف نمضغها كويس ...🍝🍜🍝🍜🍝🍜. مش نحط كمية كبيرة من الاكل في بوقنا و نقعد نمضغ فيه و منبقاش عارفين نبلعه...🍟🍔🍟🍔.
. و الا ساعتها يبقي ايه الفرق بينا كبني ادمين و بين الحيوانات ..🐎🐫🐘🐎🐫🐘..و كمان لو في نوع اكله مبنحبش ناكله ....نسيبه و ناكل اي اكل تاني من الموجود ....مينفعش نقول علي نعمه ربنا انها وحشة ........🍕🍚🍛🍚🍛 و برغم ان مامه كريم كانت علي طول بتفكره بالحاجات دي في كل مرة يجي يأكل فيها .......الا انه كان دايما بينسي ........و دي اكتر حاجه كانت بتزعل مامته و باباه منه .......👵👴👵👴👵👴.....
.و لما .... كبر كريم و بقي عنده اربع سنين و دخل المدرسة ......و بقي عنده اصحاب....👦👧👦👧 و بقي في توقيت معين هو و زمايله كلهم بيطلعوا اكلهم و ياكلوا فيه......🍔🍟🍔🍟🍔بدأ اصحاب كريم ياخدوا بالهم من عادته الغلط اللي بيعملها كريم و هو بياكل ....😱😱😱....وبدأوا يضايقوا منه .......و يبعدوا عنه .....لان منظره بصراحه كان بيبقي وحش اوووي .😔😔😔😔..
...خاصه و هو بيتكلم و هو بيمضغ الاكل و يفتح بوقه .....يييييي......... و لا الاصوات العالية اللي كان بيعملها و هو بياكل ............😨😨😨😨و لا لما كان بيمسك السندوتشات و ايده مش نظيفه و ياكل بيها ......😖😖😖😖..اصحابه بقوا بيقرفوا منه جدا ......و طلبوا من المدرسة تنقلهم من جمبه ...... 😔😔😔😔و لما المدرسة بتاعتهم عرفت منهم السبب ..... اخدت كريم علي جنب لوحده .......😖😖
و قعدت تفهمه ان الاكل ليه آداب لازم نلتزم بيها ........و لسه هتشرحلوا ايه هي الاداب دي ..... قالها انا اسف انا فعلا غلطان انا مامتي قالتلي كل الكلام دة لكن انا اللي مسمعتش كلامها .... 👎👎👎👎 دلوقتي بس عرفت ماما و بابا كانوا بيزعلوا مني ليه لما مكنتش بلتزم بأداب الطعام ..
...و لما رجع البيت اعتذر لمامته ووعدها انه مش هيعمل كدة تاني ...👌👌👌👌..ردت مامته و قالتلوا انه لازم يلتزم بأداب الطعام مش بس عشان مامته و باباه و اصحابه ميزعلوش منه و يضايقوا .....لا و عشان ربنا كمان يرضي عنه و يحبه........😃😃😃😃😃
و توتة توتة خلصت الحدوتة
هستني تعليقاتكوا علشان اعرف رأيكم و رأي اولادكم في حدوتة النهاردة 😃😃😃
يلا خلوا اولادكم يجاوبوا علي الاسئلة دي :
1-لما نيجي نأكل لازم ناكل بايدينا الشمال ( ✔/❌)
2-قبل ما نبدأ اكل لازم نقول بسم الله الرحمن الرحيم (✔/❌)
3-لما نخلص اكل لازم نقول سبحان الله (✔/❌)
4-لما أصحاب كريم شافوه و هو بيأكل قرفوا منه و بعدوا عنه (✔/❌)
5-لما نيجي نمضغ الاكل في بوقنا لازم نقفل بوقنا كويس ( ✔/❌)

[قمر الشرقية]

يعطيك الف عافية
لآعدمنآ جديدكالقآدم
تحياتى

[شعاع الاكوان]

سلمت يمناك على رقي عطاءك
تحيه وتقدير لسموك