انت مشغولة في المطبخ
وريتاج بتزن ماما عايزاك جنبي ...ماما ....ماما تعالي العبي معايا ...ماما عايزاك تعدي جنبي
اعمل ايه؟
١.شتتي الانتباه واشركي طفلك بطريقة مفيدة
ممكن ياريتاج تجيبي الطماطم علشان نعمل السلطة
طيب الحاجة اللي بعملها مش هينفع يعملها معاي؟
حبيبتي انا مشغولة جدا دلوقتي تحبي تلعبي بالبازل ولا تتفرجي ع عصام والمصباح لحد ماأخلص
٢.او اسأليها أسئلة تشويقية تعليميةوانت بتشتغلي ؟
مثلا وانت بتطبخي المكرونة بنسلقها ف مية ولاعصير😂؟
الكيكة بتتعمل بالبيض ولا كورن فيلكس 😂؟
وانت بتسوقي علميها قواعد المرور واحنا بنسوق بنمشي ع اليمين ولا الشمال؟
بنقف لما الاشارة تكون حمراء ولا خضراء؟
٣.اول ما اخلص هنعمل وقت مخصوص مع بعض special time بتاعنا ياحياتي 😍
ريتاج : يعني بعد ايه؟
لو قربت تخلصي ممكن تقولي.بعد عشر دقايق
او تحددي ساعة مثلا الساعة ٣
يلا نظبط المنبه ع ٣ واول ميرن اندهيلي
#التربية باللعب والضحك😂
استمتعي بالتربية من خلال التواصل