تعبانه .. مشاكل كتير فوق دماغي
أفكار كتير عامله زحمة، لدرجة أني اوقات بكون مش عارفة أفكر ...
ضغوط
أحلام و أمنيات
خلاص مش قادرة ... مش عارفة أعمل ايه ....
هشششش ... قولي لكل ده بسسس كفاية ....
أنت مش هتستفادي حاجة من الزحمة دي ...
افصلي ... و عيشي اللحظة مع ولادك !!!
يعني ايه أعيش معاهم اللحظة ؟ ؟ ؟
اقفلي الباب على مشاكلك و ضغوط الحياة لحد ما تأخدي نفس بعيد عنهم ... يخليكي تقدري تفكري بهدوووء
عيشي اللحظة و الحاضر مع ولادك
في فسحة حلووووة ... استمتعي فيها بكل ما فيها
الهواء
الالوان حواليكي
اسمعي الأصوات كويس
بصي على ولادك و ملامحهم و هما فرحانين أنك معاهم .. ايوة أنت معاهم مش بس بجسمك، لا موجودة بروحك
و أفكارك و مشاعرك اللي مركزة معاهم
اضحكي من قلبك
ألمسيهم و أحضنيهم و قبليهم، استمتعي بكل لحظة معاهم
انسي التليفون و ابعدي عن الآلة المعدنية دي ... ابعدي عن العالم الخيالي، و عيشي في الواقع
ممكن تستخدمي التليفون استخدام واحد بس يومها ❤
في تصوير أحلي اللحظات معاهم.
بس و أنت معاهم في الصورة، الصورة لن تكتمل إلا بوجودك بكيانك معاهم
فرق كبيير بين أنك تكوني معاهم في الصورة ... أو أنك تكوني بتتفرجي على الصورة من بره ❤
و وقت ما ترجعي تاني عشان تفتحي باب مشاكلك و الضغوط
هاتي ورقة و قلم، وقسمي الضغوط و المشاكل دي ، و اعملي لها فلترة
و هنا لما تفتحي الباب من تاني هتكتشفي أنك أهدى، تفكيرك مرتب، دماغك خد راحه.
قدر بيها يفصل فترة عشان يرجع يكمل من تاني . .
المشاكل و الضغوط و غيرها موجودة هنروح و نرجع نلاقيها
لكن ...
لحظاتنا مع ولادنا اذا تخلينا عنها عشان مشغولين عن حاضرنا بالماضي او المستقبل
فللأسف
لن تعود هذه اللحظة مرة أخرى
امسكي في اللحظة دي جامد ... لأنها هتفرق معاكي و معاهم ❤❤❤
دمتم طيبين
شيماء الجميل
شير لتعم الفائدة و تعليق و لايك لتصلكم منشورات الصفحة باستمرار تفاعلكم مهم