مجموعة حلول وافكار لكل زوجة زوجها مدمن على الافلام الاباحية..
نشرت من فترة سؤال عن موضوع كتير مهم ومنتشر ... واللي هو مشاهدة الازواج #للافلام_الاباحية ..
الاراء كانت اغلبا سلبية ... والحلول كانت ضعيفة نوعا ما .. او ممكن تكون جيدة بس بتنفع للاشخاص اللي مو متعودين بشكل دائم ...
اما اللي عندن ادمان كانت الحلول شبه معدومة ...
كمية الرسائل الكبيرة اللي اجتني اخر فترة عن هالموضوع هي اللي خلتني احكي عنه ..
_زوجة عروس لسى اكتشفت انو زوجا مدمن افلام ومابيقدر يقرب عليها ليشوف كمية معينة من الافلام ... ولما اعترضت قلا انا من زمان هيك متعود وحاليا هي حامل ومو عرفانة شو تتصرف ...
_زوجة زوجها رافض ينام معها بنفس الغرفة بحجة شغله عالكمبيوتر وبينام بغرفة منفردة ليشوف افلام مقرفة طول الليل ...
_زوجة بيجبرا تتفرج معه وبيقارنا بأفلام البورنو وبيقول انتي وين وهنن وين ...
مافي صبية او صديقة او قريبة الي الا ماهمست بادني بشكل او بأخر انها عم تعاني من هالموضوع ...
وبعدين شو الحل ؟؟
في كم صبية حاكوني خاص وافادوني بكم حل زبطو معهم ..
#منهم انك ماتتركيه يقعد لحالو نهائيا ..
تداهمي خلوته كل شوي.. تشغليه .. تزعجيه .. تنزعي مرائه .. المهم ماتخليه يكون بالو فاضي لهالقصص ..
#حل_تاني .. تخوفيه بأن حدا من الولاد فتح موبايله او كمبيوتره وشاف شي وانك متوترة وخايفة وتنزلي بكا ودموع وبهدليه انو وصلك لهون ...
#حل_تالت .. لما بيكون زوجك عم يعمل هالشغلات اتأكدي أنو في حرام ببيتك عم يصير ولازم تخربي هالحرام قبل مايخرب بيتك ...
كوني جريئة وخربي #الراوتر ..
مرة صبية قالتلي كنت جيب دبوس ودخلو بالعرض بالسلك اللي واصل للتيلفون او الواصل للراوتر يقوم يفصل النت ويحتار زوجي شو مشكلة النت واخر شي ييأس وينام .😂
كوني جريئة وخليه مو منتبه وكبي عصير على موبايله😏 ... opssss
اذا كنتي نضايفية وشاطرة .. جيبي اللاتوب تبعو ونضفيه منيح تحت الحنفية 😉😉ونشفيه بالسيشوار على اعلى حرارة والعوض بسلامتك انت وافلامك .. ولامين شاف ولامين دري ..😌
او حطي فيش اللاب توب بالكهربا وافصليه شي 10 مرات ليحترق او ينضرب شي فيوز😉
اسئلي ودوري على شي حدا من رفقات اخواتك ولاد خالتك كذا يكون شاطر بالهكر لو بالمصاري ... وهكريلو موبايلو ... وحرقيلو صفحتو عالفيس ودمريلو الاستديو ...ولا يرفلك جفن ولاتزعلي عليه ..
مرة صبية خليتا تسرق كم صورة من صور اللي بموبايل زوجا صور شخصية طبعا الها ولاهلو .. ووزعتن على 3 من رفقاتا وصارو يبعتوهن لزوجا من ارقام غريبة ويقلولو موبايلك مهكر وصورك عم تبعت للناس .. 😏
اطلبي واتطلبي .. وخليه يركد مايلحق يشتغل اكبر وقت ممكن من النهار ليلحق طلبات البيت حتى يلتهى عن السخافة والقرف ويعبي وقتو ...
اي مشكلة بتصير ببيتك قد ماكانت صغيرة كبريا ورشيلا بهارات وحطيا بضهر الحرام اللي عم يرتكبو ...
جيبي الداخلي تبع زوجك (الاندر) بعد ماتغسليه فركيه بشوية مسحوق غسيل نوع رخيص عالناشف .. خليه يتحسس ويصيبو حكة وقليلو عالاغلب من الشغلات اللي عم تعملا هيك صار فيك .. ولاقيلو شي تقرير على جوجل عن العادة انها بتعمل التهابات وبتأدي لضعف جنسي مبكر .. مليان جوجل هالقصص .
بين قوسين (لاتفضحيه قدام حدا اياكي 😣 ) خليه كبير بعيون الكل ولاتصغريه بس ضلي هدديه لانو هاد كمان ممكن يخوفو ويخليه يبطل ويوقف .. لان مجرد انفضح مابقى تفرق معو .
وحاولي ماتتركي البيت لانو مارح تفرق معه ورح تكون فرصة لياخد راحته اكتر ..
#واهم #اهم نقطة وبعتبرا هي #راس_الافعى🐍 بموضوعنا اللي هو (#رفيق_السوء)
اتأكدي تمام انو رفيق السوء بحياة زوجك اصعب من الضرة بنص بيتك😡 .. لذلك عملي المستحيل لتقضي على علاقتو مع رفقات السوء .. دمري هالعلاقة تدمير .. احكي عليهن قدامو انهم وسخين بشعيون بنظرو .. وقوليلو انو مو مستواه .. وفرجيه انو خربان بيتو على ايدن .. وفهميه انو محبتن عامية عيونو ومخليتن يلعبو فيه .. عملي جهدك لتسودي صفحتن .. واذا صحلك هكر يهكرلك جوزك خليه يهكر رفقاتو بطريقو 😂😂😂 بتريحي حالك وبتخففي عن زوجات رفقاتو ...😜
هلا بتنطلي وحدة بتقلي والله شو ماعملت مابيرد .. انتي عملي اللي عليكي .
وفي صبية حكت انه كانت اثناء العلاقة تضع مراة طويلة مقابلهم لحتى يشوف نفسه ويشاهد نفسه بدل الاشخاص الاخرين وانه هالطريقة نفعت معها
وبالاخر اذا مانفعت كل هالحلول #سلميه_لله .. والله يهديه .. ماحدا بيقدر يجبر حدا على شي اذا ماخاف هو من ربه .. بس بيكفي تعملي خطوة .
حبيتي تكملي حياتك معو هاد بيرجع الك ..
حبيتي تتركيه كمان بيرجع الك ...
#نصيحتي_الاخيرة (طوري حالك بالعلاقة الخاصة لانو يمكن يكون #خجلك #وجهلك بهالامور هنن اللي خلوه يوصل لهون ) 😣
ولاتنسوا تدعوا وتحصنوا بيوتكم وازواجكم واولادكم الله يبعد الحرام والغلط عن بيوتنا جميع ..
لا تيأسي من الدعاء ...