طبعا مفيش حد مبيحبهاش خصوصا فالعيش الفينو البلدي والشطة والليمون والطحينة واوووو حاجة تجنن بصراحة
طريقتها مفيش أسهل منها جربوها هتعجبكم موووت
المقادير
نصف كيلو كبدة شرايح صغيرة(عصافيري)
الحباش
رأس ثوم مقطع شرايح
فلفل رومي بارد اوفلفل حامي حسب الرغبة
التوابل وهي فلفل اسمر وكمون وكسبرة ناشفة وملح وشطة
ليمون وملعقتين خل
طحينة مخففة بماء دافئ
الطريقة
يوضع ملعقتين زيت فى طاسة وتترك تسخن ثم توضع الكبدة وتقلب ١٠دقايق حتي يتحول لونها من الاحمر الى الرمادي الفاتح فنضع الثوم والفلفل ونقلب خمس دقايق ونضع الملح والتوابل ونقلب خمسة تانية ونطفي عليها وهى شبة وردي من الداخل حتي تكون جوسي وطرية متنشفش وتشد وحتي تظل محتفظة بقيمتها الغذائية نطفي عليها ونضع الخل والليمون وتقدم وترش بالطحينة وبألف هنا