الناس عندها خلط شدييييييد بين "التربيه" و "العقاب"
كل ماحد يقول عاوزه اربي مابيسألش غير على اعاقب ازاي ..
اعاقب ازاي ..
ابني الضرب مابقاش يجيب نتيجه معاه
الحرمان مابقاش يجيب نتيجه معاه
المنع من الخروج .. سحب اللعبه المفضله او التاب او او .. مبقاش يجيب نتيجه برضه
يا جماعه صلوا عالنبي
التربيه مش عقاب ومنع وحرمان بس
التربيه اوسع واشمل بكتيييير
اقولك امتى تقولي انا بتعلم اربي صح
لما تتعلمي "الاحتواء" وتطبقيه صح
وتتعلمي "التقبل" وتمارسيه في كل لحظه في يومك
لما تتعلمي "فن التجاهل" اللي يبني ويسمح للاستكشاف وفي نفس الوقت مايعلمش الطفل كسر القواعد
ولما تتعلمي "التواصل" و ازاي تصاحبيهم بشكل عميق مش بسطحيه
لما تميزي بين "السلوك" و "الشخصيه" وتعرفي ان مش اي حاجه مش عاجباكي تبقى محتاجه تعديل سلوك
ولما تفهمي "الاحتياجات النفسيه" لطفلك
ولما تعرفي "طبيعه المرحله العمريه" لطفلك
وحاجات تانيه كتير والله العظيم
واخييييرا يأتي "العقاب"
اللي له قواعد و له حدود لازم انتي اللي تلتزمي بيها قبل طفلك حتى
"ده لو احتاجتيه بعد كل ده اساسا "