هو يعني إيه أب؟؟ 🤔
من أصعب الأسئلة اللي لو اتكتب سطور وصفحات وكتب مش حتكفي ...الأب هو الميزان ...الحماية...الأمان..الشدة...الحكمة...الحنان...بال نسبة للبنت هو بطلها الأول .. نموذج الجانب الذكوري في تكوينها ... سندها ... قوتها ...
وبالنسبة للولد هو قوته وبوابته لعالم الرجولة...
الأب حاجات كتير ميتحكيش عليها ...
بس الأهم إن دوره لو متعملش صح في حياة البنت أو الولد حيبقي عدم إكتمال الشخصية بشكل سوي أمر صعب شوية... لأن مكانه محتاج مجهود كبير أوي عشان أي حد يقدر يقوم بدوره ...
الأب مينفعش حد يقوم بدوره ... إلا من رحم ربي ...
الأب لازم يقوم بدوره صح ... عشان بنت سوية مشبعة من وجوده ودوره فاهمة كويس يعني إيه راجل بجد... عشان ولد سوي فاهم واعي يعني إيه راجل بجد ...
يارب كل الآباء يفهموا دورهم صح ويقوموا بيه .. عشان مش عايزين أنصاف بشر ... مش عايزين بنت بتكبر تلاقي امها راجل وست وتتلخبط حياتها وتكبر ومتعرفش تحدد هي المفروض تعيش أنثي والا راجل تدافع عن نفسها وعن حقوقها .... مش عايزين شاب يكبر يلاقي أمه الكل في الكل ويتجوز واحدة يظلمها ويسلملها دوره لأنه أصلا متعودش يعني إيه راجل ....
مجتمعنا محتاج أب بجد...
مجتمعنا محتاج راجل بجد 😎