تخيل لو أنا قولتلك دلوقتي أنت قدامك عقد عمل عشر أيام بمليون جنية إيه رأيك؟
عشررررة أيااااااام بمليووووون جنيه !هي دي فرصة تتعوض ؟! احنا مش هنتكلم دلوقتي علي عقد عمل عشرة أيام بمليون جنيه !
ده عقد عمل عند الله عشرة أيام بالعبادة
هنتكلم مع بعض عن عشرة أيام أغلي من الدنيا ومن اللي فيها
أيام أفضل من رمضان اللي النبي قال عنه : " مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ"
أفضل من العشر الأواخر من رمضان علي قول جمهور العلماء.
ليلاً ونهاراً ليلها أفضل من ليل العشر الأواخر ونهارها أفضل من نهار العشرة الأواخر الا ما كان من ليلة القدر طبعاً
لو متقلتش ميزانك في الأيام دي أومال هتتقله أمتى ؟!
جاءت فرصه عظيمة للمصالحة مع الله لو واحد منا مدير الشغل بتاعه زعلان منه بيقعد يقول أكثر يوم أعرف اصالحه فيه هو ايه ؟!
طب أحب هدية هو بيحبها ايه ؟
اهو عشر ذي الحجة أحب الأيام الي الله
ف
#صالح_ربك بأحب الاعمال إلى ربك في أحب الأيام إلى ربك ،فرصة عظيمة عشان كل واحد مننا يصالح ربنا ويترجي في الثواب عند الله تعالي
الباب لسه متقفلش يا جماعة اللي فاته رمضان
أبواب رحمة الله لن تغلق
الكنوز والحسنات لن تغلق
أبواب خزائن الله لن تغلق
أبواب السماء أمام دعائي ودعائك لن تغلق
في موسم عبادة تاني عظيم جاي بعد كام يوم إن شاء الله
و دلوقتى عايزين نقف مع بعض عند قول النبى صلى الله عليه وسلم : ( ما من أيام العمل الصالح فيهن #أحب_إلى_الله منه في هذه #الأيام_العشر قالوا ولا الجهاد في سبيل الله !! قال : ولا الجهاد في سبيل الله ، إلا رجل خرج بنفسه وماله ولم يرجع من ذلك بشيء )
أفضل أيام الدنيا ..... يعني أفضل صلاة فجر هتصليها طول السنة
أفضل أيام الدنيا ...يعني أفضل جلسات ضحي هتقعدها طول السنة
أفضل أيام الدنيا.... يعني أفضل تلاوة قرآن وذكر ل الله هتذكره طول السنة
أفضل أيام الدنيا يعني أفضل صيام نافلة هتصومه طول السنة
دي أحب الأيام الي الله في العبادة يعني مش هيأذن لحد يعبده فيها غير أحب العباد الي الله
يعني انت عايز تعرف ربنا بيحبك ولا لا شوف ربنا هيفتح عليك في العبادة فيها ولا لا
عايز تعرف ربنا بيحبك قد إيه شوف ربنا هيفتح عليك في العبادة في الأيام دي قد إيه ؟!
الأيام دي عايزة #إستعداد
ده موسم #تجارة_الآخرة لازم تجهز نفسك لازم تحضر نفسك لازم تحضر قلبك
العلماء اتكلموا عن العشرة من ذى الحجة كلام في غاية الخطورة ،هذه هي الأيام اللى بني فيها سيدنا إبراهيم عليه السلام الكعبة
هذه هي الأيام اللى كان سيدنا موسي عليه السلام فيها علي جبل الطور يعبد الله بلا طعام ولا شراب و أخذ فيها التوراة من رب العالمين
هذه هي الأيام العظيمة التي يهتف فيها الناس من كل أجزاء الأرض لبيك اللهم لبيك
دي أيام تلبية لله ،أيام كل الخلق بيقولوا لربنا
#جايين_يا_رب #مقبلين_يا_رب #تائبين_يا_رب #معظمين_يا_رب هذه
#أفضل_أيام_الدنيا
ربنا يقسم بعشر ذي الحجة في سورة الفجر والعظيم لا يقسم الا بعظيم " وَالْفَجْرِ ♧ وَلَيَالٍ عَشْرٍ"
عشر ذي الحجة #موسم_عظيم قال عنه رسول الله صلى الله عليه وسلم :
"ما من عمل أزكى عند الله عز وجل ، ولا أعظم أجراً من خير يعمله في عشرالأضحى
ما من عمل #أزكي عند الله .... يعنى لما أعمالك تعرض علي الله يوم العرض الأكبر يوم القيامة اكتر عمل يجعل الله يحبك العبادة في الأيام العشر من ذى الحجة
ولا #أعظم_أجرا .... أكثر أعمال تتقل الميزان #كفة_الحسنات
صيام/قيام / صدقة / قرآن / بر والدين / صلة رحم/ إصلاح بين مسلمين / #خير يعمله في #عشر_الأضحي
و عن النبي صلى الله عليه وسلم قال : ( ما من أيام أعظم عند الله ولا أحب إليه العمل فيهن من هذه الأيام العشر فأكثروا فيهن من التهليل والتكبير والتحميد )
#أكثروا_دى_يعنى_علو_همة
قال تعالى: {وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ} [الحج:28]، قال ابن عباس وابن كثير يعني : "أيام العشر".
معلومة عند أهل السماء ...معروف قدرها عند أهل السماء .
فإذا كان هذا هو قدر هذه الأيام عند الله ، فما قدرهذه الأيام عندك؟!
عايز تفوز بافضل ايام الآخرة اجتهد في افضل ايام الدنيا
عايزين نتخيل العشر أيام دول لو واحد نايم في المقابر فيهم وعدت العشرة أيام عليه وهو بيوجه لينا رسالة بيقول يا جماعة أعبدوا ربنا أنتوا مش حاسين يعني إيه صحيفه اتقفلت
انتوا مش عارفين يعني ايه بني آدم مبقاش ينفع أنه يقول تبت إلى الله
و لا بقي ينفع يقول يارب ولا ينفع يقول أستغفر الله
أنتو مش حاسين يعني إيه إنسان مبقاش عنده عين يبص بيها في المصحف ولا لسان يذكر بيه الله ولا رجلين يروح بيها المسجد
عاوزين نعبد ربنا محدش فينا عارف عشر ذي الحجة اللي بعدهم هنكون فين ؟!
عايزين نغتنم الفرصة علشان نبقي من أولياء الله الصالحين علشان نبقي من المقربين
" إنَّ رَحْمَةَ اللَّهِ قَرِيبٌ مِنَ الْمُحْسِنِينَ "
هتعيش رحمات حياتك كلها
لو أنت أحسنت عبادة الله في هذه الدنيا
عايزين نتفق على حاجتين إن شاء الله
الأيام دي لسه عليها قرابة الأسبوعين يعني احنا الآن قبل العشر
عايزين نبدأ نعمل بروفة على الحاجات اللى ممكن نعملها في عشر ذي الحجة إن شاء الله
( صيام / قيام /قرآن / ذكر / بر والدين / صلة رحم / صدقة /.........و حاجات كتير إن شاء الله )
عايزين ندل الناس علي الخير أنت مسلم إذا أنت داعية
كلم أهل بيتك كلم زوجتك كلم جيرانك كلم أصحابك كلمهم عن عشر ذي الحجة خليهم يجهزوا
أنشر القضية في الدنيا اللي هيعبد ربنا بسببك هتاخد ثواب كل عبادة عبد ربنا فيها في العشرة أيام .