#الجزء_التامن
ثم تغلق هاتفها مرة اخري وتاخذه الي الشركه
عليا :جميله ايه اللي جابك
جميله : امجد كلمني قالي في ورق مهم عايز يتمضيء هو فين
عليا : مش عارفه هو مدنيش حاجه
جميله : طيب يا حمادة تقعد مع عليا شويه
احمد : ماشي بس متتاخريش عايزين نتفسح وبعدين نتعشي وبعدين نروح
جميله : كل دا حااضر شويه وجايه
**************************
نبيله بزعيق : يعني مش هتقولي راحت بيه فين
الدادا هدي : والله ماعرف يا نبيله مردتش تقول
نبيله بزعيق فاقدة اعصبها : انتي نسيتي نفسك ولا ايه ، ايه نبيله دي ،ايه شيفاني خدامه زيك
الدادا هدي : العفو حضرتك
وتتركها وتذهب
نبيله بزعيق : انتي تقفي هنا وانا بكلمك
الدادا هدي وهي مكمله الي طريقها الي عرفتها : انا مستقيله
نبيله بزعيق : احسن ، غوري في ستين داهيه
*************************
جميله في طريقها لمكتب امجد تسلم علي اسلام
اسلام : خشي علي طول هو مستنيكي
جميله بعد ان دخلت : مسبتش الورق عند عليا ليه لازم اجيلك يعني
امجد : الحمد لله تمام وانتي اخبارك ايه
جميله تبتسم : سوري
امجد : ولا يهمك
جميله : ها بئا فين الورق احمد هيدايق لو اتاخرت عليه
امجد بحدة :مين احمد دا
جميله : مش وقته خالص تسال فين الورق خليني امضيه
امجد بضيق : اه اهو الورق علي المكتب
وبعد ان امضو الورق
جميله وهي تمضي : علي فكرة الورق كان يقدر يستني مش مهم اووي يعني
امجد بضيق : مهو لو كل ورق قلنا عليه مش مهم ويستني كدا مش هننجز حاجه خلاص
جميله : اهو خلصت خلاص وتهم واقفه يلا سلام
امجد يقوم من مكتبه ليلحقها : لا استني سلام ايه لازم نروح نسلم علي احمد ونعتذرله علي التاخير اللي حصل
جميله : لا خلاص ملوش لزوم
امجد : والله ميحصل ، هو مستنيكي فين
جميله :عند عليا
امجد : طب يلا نروحله
وبعد ان ذهبو اليه
جميله : سوري لو اتاخرت اهو امجد جاي بنفسه يعتذر ليك
امجد باستغراب : دا احمد
احمد : دا امجد
فتضحك عليا وتبتسم جميله : ايوة دا امجد ودا احمد
امجد : انا بعتذرلك يا استاذ احمد علي التاخير
احمد مازحا : تقبلته
امجد : نعم
احمد :خلاص تقبلت اعتذارك
امجد بسخريه : شكلك دمك خفيف
احمد : يلا بئا عايز اركب مركب علي النيل
جميله : طب يلا
امجد : استنو عايز اجي انا وعليا معاكو
عليا : لاء انا مش عايزة اروح
امجد : لاء انتي عايزة تروحي انتي مش عارفه
احمد : ماشي يلا بينا
ويذهب عليا وامجد معهم ،ذهبو وركبو مركب علي النيل ثم احضر لهم ذرة واكلها
امجد : اجبلكم حلبسه
احمد : ايه الحلبسه دي يا جوجو
جميله : الحلبسه دي بئا يا سيدي ، دي ...دي..دي حلبسه
يضحك امجد : الحلبسه مش حلبسه دي حلبسه
فيضحك امجد وعليا ولكن تنظر له دون ضحك فيسكت ثم يتحدص بجديه : عارف حمص الشام اللي بيتحط علي الكشري من فوق
احمد : ايوة عارفه
امجد : هو دا بئا بس بيبقي بمايته وبيحطو عليها طماطم وشطه وكول بئاااا
احمد : يلا ناكل كشري يا جوجو
جميله : لازم
احمد : ايوة جعان عايز كشري
امجد : وانا مش هحرمك من حاجه يلا بينا
ويذهبو لمحل الكشري وبعد ان انهو
امجد : تحب تحلي بايه كستر ولا رز بالبن
احمد : كستر وانتا
امجد : وانا كستر زيك وانتي ياجميله انتي وعليا
عليا : وانا كستر زيكو
جميله : لا انا عايزة رز بالبن
يذهب امجد ويحضر لهم ما طلبوه
احمد : ايه دا يا امجد ، مش انتا قلت هتاكل كستر ولا بتقلد جوجو وجبت زيها
امجد وهو ينظر له : عيل لذيذ انتا يا حمادة
جميله : يلا يا حمادة كل بسرعه علشان نروح
احمد : مش وعدتيني هتشتريلي لعبه
جميله : بعدين علشان هنتاخر
احمد بتزمر : لا مليش دعوة عايز لعبه زي موعدتيني
جميله بحدة : احمد ،قلت بعدين
ينظر لها احمد ويصمت
امجد : ايه رايك اخدك واشتريلك انا
احمد بفرحه : ماشي
جميله : قلت لاء
عليا : متبقيش رخمه يا جميله مش شايفه الواد فرحان ازاي ..
جميله : سوري يا....
يرن هاتفها ليعلن عن متصل فقد سبق وفتحته وهما ذاهبون لياكلو
جميله : الو ...خلاص تمام ...انا جايه حالا..سلام
جميله : سوري بئا لازم نروح فعلا
احمد : يعني مفيش امل نروح المحل نشتري اللعبه
جميله وهي تقلده : لا مفيش امل نروح المحل
امجد : طيب يلا نروح بئا
فتسبقهم جميله عند السيارة
وتنادي علي اخيها : أحمد غمض عينيك
احمد : ليه
جميله بحدة : قلت غمض
احمد : اهو
جميله : فتح بئا دلوقتي
احمد بعد ان فتح عينيه وجد هذه الهديه المغلفه
فذهب اايها واخذها و اذا شرع في فتحها
جميله : لا في البيت
احمد : لاء عايز افتحها دلوقتي
جميله بحدة :ليه مصمم تتهزق مني
فيضحك عليا وامجد عليهما
احمد : خلاص خلاص يلا نروح
جميله : ابقي وصل عليا بئا يا امجد
امجد برومانسيه: من عين دي قبل العين العين دي انتي تؤمري
تنظر له جميله بدون أي تعابير في وجهها ثم تقول : يلا سلام
************************
تسوق جميله متجه للمنزل
نبيله بلهفه :احمد ابني..وتأخذه في حضنها وتضعط عليه بشدة الي ان يتوجع
هنشوف هيحصل ايه لأمجد وجميلة في الحلقات الجاية
وهقول تاني انا لسه مخلصتش كتابة الاجزاء فقولو رايكو في اللي قراتوه علشان تشجعوني اكمل وقولو توقعاتكم ☺
المفضلات