عاوزة اتطلق زهقت

[الجواهر الغالية]

عاوزة اتطلق --ززززهقت
نساء كتير صوتها الداخلى بيقول الكلام ده وساعات اكثر شويتين
وبيكون جواها كلام ندم وهم وغم
انا غلطانة
انا اخترت غلط
يا ريتنى سمعت كلام اهلى
يا ريت اللى جرا ما كان
حسبي الله ونعم الوكيل
مفيش فايدة
يشيل يحط عليك
اشوفك ......قادر يا كريم
كشفت راسي واتجهت ...
اشوف فيك يوم او يومين 😃
الاهى ........
انا قدت صوابعى العشرة شمع وبردوا مش عاجب
و...........
ورجالة كمان بتعمل كده وساعات اكثر شويتين
اول ما يحصل حاجة من شريكة حياته يلقب على موجة الافورة
لازم ننفصل
دى عيشة .................
دى حياة تقصف العمر ( هو قلم رصاص)
كل واحد يروح لحاله
كان يوم فوشيا لما عرفتك
و.....................
انتبوا اوى للكلام ده
فى نوعية من الناس طريقتها التهوييييل والتعميم
وشايفة دايما ان الحل هو البتر مش العلاج
وفى ناس بتعالج غلط
وفى ناس فاكرة نفسها فى حقل تجارب-- ادينا بنجرب يمكن حاجة تجيب معانا
وناس وناس 😊😊
عاوز اركز شوية النهاردة فى فكرة التعميم والتهويل
يعنى مثلا فى واحد/واحدة ممكن تكون زعلانة من شريك حياتها او زعلانة اوى فتقول البيت اتخرب او الدنيا باظت او كده خلاص او كل شئ انتهى او الحل الطلاق
برااااااحة شوية
لما تزعل/تزعلى مع شريك حياتك مهم تسأل نفسك شوية اسئلة
1-انا زعلانة من ايه بالضبط ((من طريقته فى الكلام بعصبية ))مثلا
2-هل هو الطبيعى بتاعه كده ((لاء بس فى الفترة الاخيرة الموضوع زاد بصراحة ))
3-هى من غير الحاجة او الصفة دى اخبارها ايه ((فلة شمعة منورة يحميها يارب ويسترها من العين 😃😃))
4-الحل المرحلى التدريجى المناسب للفترة دى ايه ((مش عارفة ايه الكلام المجعلص ده 😅))
ااقولك يا سيدى/سيتى
اوعى اوعى اوعى تحاولى تصلحى السلبي------ كده يا شاطرة حيزييييد وانت كمان يا باشا
ركزى /ركز فى العكس
يعنى ايه
كل شوية قاعد اسربلكم حتة من الكورس الصوتى الابواب الخلفية للحياة الزوجية 😃😃ماشى( اللى عاوز الكورس ده على الواتس اب او التليجرام يبعت على رسائل الصفحة)
نرجع تانى
عكس العصبية ايه---- الهدوءءء
جميل اختارى الاوقات اللى هو فيها هادى وابدأى خطتك 😃😃
يعنى ايه
اعملى الصح 😃😃😃
ايوه يعنى اعمل ايه يا ا غسان 😅😅😅😅
بصى يا سيتى😃
اول ما تلاقيه هادى كده
مثلا
--ياااااه احلى لحظة فى حياتى لما بشوفك جميل وكيوت وهادى ((برجاء مراعاة فروق الثقافات متاخدوش الكلام copy paste)) عشان انا مليش دعوة بالاعراض الجانبية المتوقعة والغير متوقعة 😃😃
--على فكرة انا بشكرك اوى انك كده
-متعرفش سعادتى وانا فى حالتك دى ربنا يباركلى فيك يا اخلى واغلى تييييييت
--وحاجات ذى كده وممكن كل واحدة تحط التاتش بتاعها وابداعتها
وانت يا حلو تلعب نفس اللعبة
الستات تحب المدح والكلام الحلو والابتسامة وانك تشكرها على اى حاجة بتعملها كويسة حتى لو من وجه نظرك بسيطة ده بيفرق معاها جدا وبلاش ابوووووس رجلك تعمل مشكلة بعد الكلام الحلو خد نفسك شوية
ابنوا رصييييد ايجابي فى علاقتكم قبل ما تفكروا فى اى حلول للسلبيات
كده مساحة الهدوء فى حياتك مع زوجك حتبدأ تزيد لانك بدأتى تركزى على الحلو حتى لو كان قليل
كده الامور حتتحسن بالتدرييييييييييييج ماشى بالتدرييييج مش هوب يلا بقى هادى
المهم نستمر واحدة واحدة بدون افورة
كده حتلاقوا الدنيا بدأت تظبط ان شاء الله
انا عارف ان الموضوع اكبر واعمق من كده بكتيييييير
وعارف ان فى علاقات محتاجة اكبر من مجرد نصايح
وناس محتاجة كورسات عشان توصل لمعانى اعمق
وعارف ان فى ناس مهم جدا تبدأ جلسات عشان تتزن قبل اى قرار تاخده
وعارف ان فى ناس المشاكل بينهم من فترة طويلة
وناس تانية الكلام ده حيفرق معاهم جدا للافضل
كل مرحلة ولها طريقة تعامل
بس رجاءا خلينا نبدأ
بحاول كل شوية اديكم فكرة ومهارة جديدة وبسيطة عشان الحياة تكون اروع وامتع ان شاء الله😊⚘
ارسليها/ارسلها لغيرك
يومكم غير اى يوم 😃

[انفاس غاليها]

انجاز رائع ومواضيع مميز وابداع راقي
سلمت وسلمت الايادي التي شاركت وساهمت في هذا الطرح الجميل
بارك الله بك ولا تحرمنا من ابداعاتك وتميزك المتواصل