طريقة سهلة للبطاطس

[نبضة انيقة]

البطاطس من النشويات الصحية المفيدة اللي كلنا بنحبها مش الأولاد بس!
تعالو نجرب طريقة خفيفة للبطاطس ممكن تبقى غدا خفيف مع السلطة.
هاجيب.. نص كيلو بطاطس نقطعها مكعبات كبيرة.. لمونة كبيرة.. ملح وفلفل.. زيت زتون.. توم مفروم.. بهارات مشكلة (زعتر -ريحان -روزماري -كمون).
هانسلق البطاطس مع شوية ملح لمدة خمس دقايق.. ونسيبها تبرد.
نقلب خلطة الزيت واللمون والملح والبهارات ونقلبهم مع البطاطس ونغطيها عشان تتشرب التتبيلة.
في الوقت ده نسخن الفرن درجة حرارة 200 ونحط فيه الصينية اللي هانستعملها (وهي فاضية) عشان تسخن.
بعدين نحط البطاطس بالتتبيلة في الصينية (هاتعمل صوت كأنها بتتحمر) وندخلها الفرن لمدة ساعة او اقل لحد مايبقى لونها دهبي. ونقلبها كل ربع ساعة عشان نتأكد انها ما بتلزقش في الصينية.
سهلة وخفيفة وطعمها زي المحلات.
اكيد جربتوها قبل كده.. لو عملتوها ابعتولنا صورتها.
نهاركم سعيد :)

[قمر الشرقية]

يعطيك العافية
بانتظار جديدك بشغف ,