طريقة عمل الاوز النابلس 2017 , كيفية عمل الاوزي النابلسي 2017 , كيفية عمل الاوز

[بنت الديره]

الاوزي على طريقة اهل نابلس وقراها
والاوزي عنه اكلة بتنعمل دايما بالعزايم خصوصا عزايم شعبان
طبعا الاوزي بنعمل على دجاج وفي ناس بتعمله على لحمه
بس اكيد على دجاج اطيب خصوصا انه احنا بنحط لخمة مفرومة كمان
المقادير
دجاجة مقطعة ومنضفة
بصلة
وبهارات صحيحة هال ورق غار وعيدان قرفة
بنسلق الدجاجة بعد ما نقليها شوي مع البصلة على نار هادية
وبعدين بنضعطها على نار هادية لمدة نص ساعة مش اكتر



وبننقع الرز وطبعا متل كل مرة بهيك طبخات بخلط رز مصري مع رز طويل بس مش كتير تلت كمية الرز وانا هون صورت الرز الطويل اللي بستخدمه وهو نوعه تايلندي وكتير ممتاز وسعره مناسب



هلأ بنيجي للخطوة المهمة بهاي الاكلة واللي هي
قلي الشعيرية مع سن تومة مفروم ناعم
وبعد ما تحمر الشعيرية بنحط الرز عليها وبنخليه يتحمص
تقريبا نص ساعة وكل فترة وفترة حركيه عشان ما ينحرق
وحاولي تخلي النار كتير هادية



هلا بنيجي للخضار اللي بتنحط للاوزي
انا بستخدم بازيلا وجزر بس
انا هون استخدمت بازيلا مع جزر مفرزة غسلتها



وبعدين قليتها بشوية زيت لحد ما استوت
وازا حسيتي انه حبتها يابسة شوي حطي عليها من مرقة اللحمة
واللحمة المفرومة برضه قليتها لحد ما استوت (عصجتها )
وحطست عليها بهارات مشكلة هي والبازيلا وملح
والرز طبعا بهرته وحطيت عليه فلفل اسود وزنجبيل وقرفة مطحونة
وشوية عصفر وشوية بهار مخلط وسلقته بميه الدجاج
ولما استوى الرز حطيته بالصحن وحطيت عليه الحشوة
وفرمت بقدونس وقليت لوز وحطيت على وجهه
والدجاج حطيت عليه بابريكا وقليته بشوية زيت





هاد صحن اولادي حطيتلهم اياه لانهم ما بقدروا يستنوا ابوهم



بالعافية على قلوبكم

[نقاء الروح]

تسلم يدك على الوصفه

[مزيونه]

موضوع جميل ومثر
يعطيك العافيه

[دارين]

يسلموووو على رقي الطرح واختياره

ابداع لايضاهى بالطرح
سلمت يمناك وعساك على القوه
تحياتي لك

[مشتاقه للجنه]

أسعدني تشريفكم لموضوعي وأنار به البهجة والسرور

فجزآكم الله خير الجزاء

وأحلى باقة ورد لعيونكم

[قمر الخليج]

تسلم يمينك على الوصفه الرائعة

[ملاك الغلا]

تسلمي ع الموضوع الرائع
ف انتظار جديدك
لك مني أجمل تحية
مودتي

[دلوعة الخليج]

مشكوره ومآقصرتي .. آختي آلكريمه
عآلطرح آلرآئع وآلجميل
لكي خآلص .. آحترآمي .. وتقديري ..
منورة يافديت قلبك

[سوما]

مشكور على الموضوع الرائع
اتمنى لك المزيد من التالق والتميز