شكراً جزيلاً لموضوعك
علبة_شوكولاته😀
قبل عدة اعوام وفي حارتي القديمة كان الي #جار متحدث لبق , مستمع جيد , ومحاور هادئ , كان انسان اجتماعي و محبوب ... بعرف الجميع والجميع بعرفه , كل ما دخل الحارة او طلع منها بتلاقيّ بقضيها سلامات ومراحب و جيرة الله تشرب فنجان قهوة عندي .
وفي يوم التقيت فيه , كان بجهز حاله بدو يطلع مشوار , وقاعد برتب اغراض في السيارة
واللي اثار استغرابي ...... علب شوكولاتة سنيكرز و مارس و باونتي و فيريروروشيه وغيرها من النوعيات الفخمة , كانوا اكثر من عشرين علبة .
فطرحت عليه السلام ... و سألته : خير يا جار .... و ين متسهل ؟؟؟
فرد علي السلام وابتسم ابتسامة حلوة , بس انا ما فهمت معناها ,وقال : شو رأيك ترافقني ؟؟؟
قلتلوا : برافقك .... بس يارب المشوار ما يكون بعيد ..ههههههههه.
قال : خلص اطلع معي و ان شاء الله ما بنتاخر , شكله المرة عازميتك على الغدا اليوم و ما بتسترجي تتأخر ...ههههههه.
على كل طلعت معاه في السيارة , و ما القيته الا وهو متوجه على حي فقير جدا عندنا في المنطقة , بعيد عن حارتنا مسافة ساعة الا ربع بالسيارة ..... صف السيارة و نزلنا منها , و راح حمل مجموعة من علب الشوكلاتة و توجه الى مجموعة من البيوت ,
طبل على الباب الاول , ففتحولو الباب اولاد صغار و لما شافوه صاروا ينطوا من الفرح , و ينادوا على امهم : ماما ... ماما .... الزلمة تبع الشوكولاطة اجا , الزلمة تبع الشوكولاطة اجا .
قام جاري اعطاهم علبة الشوكولاتة و حكى مع الصغار اكمن كلمة و استئذن و راح .
دق الباب على البيت الثاني , طلعتله مرة كبيرة شوي بالعمر , ولما شافته , صارت تدعيله : ... الله يفتحها عليك .... الله يطعميك من ثمر الجنة .... والله يا ابني انك بتجبر خاطرنا .....الله يجبر خاطرك.
قام جاري حكى معها اكمن كلمة و اعطاها علبة الشوكلاته و استئذن و راح , و هيك سوا مع باقي البيوت , وكل بيت كان قصة بحد ذاته . و في كل بيت كان في سيمفونية جميلة ورائعة من المشاعر و الاحاسيس.
المهم ...... خلصنا لفتنا و وزعنا علب الشوكولاتة و رجعنا على السيارة و ركبنا فيها وتوجهنا راجعين على البيت ,فسألته سؤال المتردد : الله يعطيك العافية يا #جار_الهنا ... و الله اشي حلو اللي صار ....بس انا حابب اسألك سؤال : ليش ما تعطيهم مصاري ؟؟؟ المصاري احسن و بقدرو يشتروا اللي بدهم اياه ؟؟؟؟؟؟.
ضحك جاري ضحكة قوية , و كأنه انبسط من سؤالي .... و لف وجهه على الكرسي الخلفي و تناول علبة شوكولاته , و اعطاني اياها , وقال افتحها يا دكتور .
فتحت العلبة .و انا مترقب , وكلي شوق اشوف شو فيها ...... لقيت فيها بالاضافة للشوكولاته.... مغلف فيه مصاري , فزادت حيرتي .....: طيب ليش ما تعطيهم المصاري مباشرة ؟؟؟, ليش جوا علبة شوكولاتة , و ليش هاي النوعيات بالذات ؟ في بالمولات علب ارخص منها بكثير و اوفر ؟؟؟؟
فتطلع علي جاري , و ابتسم كعادته , و قال : يا دكتور انا زلمة بحب الشوكلاته كثيييير و لازم آكل منها كل يوم , و الله جل في علاه قال :
"لن تنالوا #البر حتى تنفقوا مما #تحبون " .... يا حكيم .
#الصدقة_فن
#الناس_فيها_خير
#الفقير_بشتهي_زي_ما_احنا_بنش تهي
#الخير_بدو_ابداع
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
لكـ خالص احترامي
سلمت يدآك على جميل طرحك
وحسن الاختياار
يعطيك ربي ألف عافيه
بإنتظار جديدك بكل شوق.
لك مني جزيل الشكر والتقدير
يعطيك العاافية
تمنياتي للجميع بدوام الصحة والعافية
الذين يشاهدون الموضوع الآن: 1 (0 من الأعضاء و 1 زائر)
المفضلات