التسويق الالكتروني

[علاء ال دين]

التسويق الالكتروني في الفترة الاخيرة كانت له خطط متغيرة بطرق كتيرة ، و لعل أبرزالقواعد اللي لاقت إستحسان كبير من قِبل محركات البحث هو المحتوي ، يعني لو سألت أي متخصص في التسويق الالكتروني هو جوجل بيساوي إيه ؟!
هيقولك جوجل هو المحتوي و طبعاُ المحتوي الحصري ، و اللي إحنا إتكلمنا فيه قبل كدا ، لدرجة إن العلاقة بين المحتوي و جوجل إتغيرت بنسب كبيرة ، فأصحاب المواقع اللي بيتجهوا بس لبناء الروابط الخلفية في الموقع و بيهملوا المحتوي بيخسروا خساير كبيرة جداً ، و في سنة 2012 جوجل نزل تحديث جوجل باندا و اللي إتقال فيه بالنص الصريح كدا " لم يعُد محرك البحث يعمل بالكم " وكانت الجُملة مبهمة لناس كتيرة ، لكن متخصصي التسويق الالكتروني و المواقع فهموا الدنيا ماشية إزاي ؟!
طبعاً الموضوع مش رص محتوي ، و مش مجرد محتوي فيه كلمات مفتاحية عشان محركات البحث بقت أذكي بكتير جداً من حتة الكم ، يعني لو حضرتك واخد إتجاه الباك لينكس أو الروابط الخلفية و أهملت المحتوي ، فأنت لازم تعرف إنك ماشي غلط ، ولو تابعت ترتيبك في محركات البحث و جوجل رانك هتلاقي نفسك واخد إتجاه هبوط مش صعود ، و دا بيترجم علي الورق علي إن الباك لينك موضة قديمة و إن كانت لازم تكون موجودة ، لكن معايير جوجل ذات نفسها قفلت المجال قدام محركات البحث اللي من إتجاه واحد ، لازم يكون المحتوي نفسه مُدعم بروابط خارجية و روابط داخلية ، متنساش طبعاً إن المحتوي الحصري بيوفر عليك 90% في إنك تقضي وقتك في بناء روابط ملهاش قيمة ، و لازم تبقي عارف إن جوجل إستحدثت معايير جديدة في أرشفة المواقع .
ولو بصينا للمعاير هنلاقيها مرتبطة بالصفحة نفسها إهتم بالسايت بتاعك و دعمه بالفيديوهات و اهتم بالمحتوي ، وطبعاً حط في الاعتبار حتة الروابط الخلفية لكن ميبقاش الاساس اللي صاحي و نايم عشانه ، هندسة المواقع أو الـ SEO قايمة علي المعطيات الكيفية و مش قايمة علي الكم أبداً ، و في محاضرة لجوجل إتقال حرفياً كدا
If you think you are intelligent We are more intelligent
يعني إن كنت تتسم بذكاء فنحن أكثر ذكاءً منك ، و المقصود هنا طبعاً محركات البحث و المهتمين بالويب و التسويق الالكتروني بوجه عام .
مصدر المقال موقع سويشال ماركتينج

 

[بنت الحجاز]

شكراً جزيلاً لموضوعك