يا مرقب ل الصبح ظليـت باديـك

**ينبعاوي 1** · 16-11-2015, 02:48 AM

السلام عليكم ورحمة الله وبركاته

هذه القصيده المليئه بالحكم والنصائح
للشاعر المشهور : الشريف بركات بن مبارك بن مطلب الحسيني .. يخاطب ابنه (مالك) ويوصيه
حيث تعتبر هذه القصيده من غرر الشعر الشعبي على اختلاف معانيها واهدافها الساميه .. مثلاً للروعه

يا مرقب لـ الصبح ظليـت باديـك = ما واحـد قبلـي خبرتـه تعـلاك

وليت ياذا الدهر ما اكثر بلاويـك = الله يزودنا السلامـه مـن اتـلاك

ياللي علي العربان عمت شكاويك = وليت يادهر الخطا... ول ما اقساك

واليوم ها الكانون غادي شبابيـك = تلعب به الارياح من كـل شبـاك

يا مالك اسمع جابتي يوم اوصيـك = واعرف تري يا بوك بامرك وانهاك

وصيه مـن والـد طامـعٍ فيـك = يسبق على ساقه إلسانه العلياك

اوصيك بالتقوي عسي الله يهديك = لها وتدركهـا بتوفيـق مـولاك

احفظ دبشك اللي عن الناس مغنيك = اللي الي بان الخلل فيـك يرفـاك

واجعل دروب المرجله من معانيك = وادراج سيسها علي العز مرقاك

لا تنسدح عنها ... وتبغيني اعطيك = جميع ما يكفيـك مـا حصـل ذاك

أدب ولدك ان كان تبغيه يشفيـك = واستسعفه من بعد مرباك يـالاك

اما سمج واستسمجك عن شانيك = او يفر من فعله صديقك وشرواك

وإلا بعد جهلك ترى هو بياذيـك = لو يزعلت ، امه ، لا تخليه يالاك

واحذر تضيع كل من هو ذخر فيك = معروفه لا تنساه واوفـه لعرفـاك

ترى الصنايع بين الاجواد تشريك = إلى طمعـت بغرسهـا لا تعـداك

واوف الرجال حقوقها قبل تعنيك = لا تعتمد بالعفو فالحـق يقفـاك

وهرج النميمه والقفا لا يجي فيك = واياك عرض الغافل واياي واياك

تبدي حديث للملا فيـه تشكيـك = وتهيم عند الناس بالكذب واشراك

والي نويت احذر اتعلم بطاريـك = كم واحد تبغي به العرف واغواك

واحذر شماتة واحد لك امصافيك = والي جرى لك جاري قلت لولاك

لا تحسـب ان الله قطـوع يخليـك = ولا تفرح ان الله على الخلق ولاك

والضيف قدم له هلا ... حين يلفاك = او مما تنوشه يا فتي الجود يمناك

اكرم اقباله فنهـا مـن شواديـك = وابذل له المجهود مـا دام يعنـاك

احذرك تلقي الضيف مقرن علابيك = خله محب لـك صديـق اذا جـاك

واوصيك زلات الصديق ان عثا فيـك = ما زال يغطاها الشعر ... فاحتمل ذاك

راعه ولو ماشفـت انـه يراعيـك = عساك تكسر نيتـه عـن امعـاداك

واحذر عدوك ... لو بغي انه يصافيك = خلك نبيـه وراقبـه ويـن ماجـاك

لا تامنه واطلـب مـن الله ينجيـك = ويكفيك ربـك شـر ذولا وذولاك

شفني انا يابوك بامرك وانهـاك = عن التعرض بي الاثنين حـذراك

اذا حضرت اطلابه مع شرابيـك = اسع لهم بالصلح واللاش يفـداك

ابذل لهم بالطيب ربـك اينجيـك = ولا تخضع الميزان مع ذا ولا ذاك

اما الشهاده فأدها ان دعـو فيـك = بين عمو الدين لا عميت ارياك

وبالك اتماشي واحد لك يرديك = طالع بني جنسك وفكر ابممشاك

رافق اصيلٍ في زمانك يشانيـك = لاشاف خملاتك عن الناس غطاك

واحذرك عن طرد المقفي حذاريــــك
عليك بالمقبل وترك اللي تعـــــــداك

ثم العن الشيطان لياه يغويــــــــــــــك
ترى ان تبعته للشرابيــــــك وداك

واوصيك لا تشكي علينا بلاويـــــــــك
انت السبب طرفك عيونك بيمنـاك

واعرف ترى ما وطا الناس واطيك
ولانت اعز من الجمــــاعة هذولاك

ألمسك يا راسي عن الذل واخطيــــك
وإحذر تكلم يا لســـــــاني وحذراك

والطف بجارك و قم دون عانيـك
وافطن لما يعنيك عن ربعة اخــواك

ياذيب وان جتك الغنم في مفاليــك
فأكمن لين الرعايــــا تعداك

من اولٍ يا ذيب تفرس بـ اياديــــــك
واليوم جا ذيب عن الفـــــرس عداك

يا ذيب عاهدني واعاهدك ما ارميـــــــك
ما ارميك انا يا ذيب لو زان مرمـــاك

والنفس خالف رايها قبل ترميـــــــك
ترى لها الشيطان يرمي بالإهـــلاك

ومن بعد ذا لا تصحب النذل يعديـك
وعن صحبة الانذال حاشاك حاشاك

ترى العشير النذل يخلف طواريـــك
وانا ارجي انك ما تجي دون ابــــاك

والهقوه انك ما تجي دون اهاليــــك
ولا ظن عود الورد يثمر بتنبـــــاك

والحر مثلك يستحي يصحب الديــك
وان صاحبه عاعا معاعات الاديـاك

لا تسمع قول الطرف يوم يلفيــــــك
بالكذب يقضي حاجته كل ما جــــاك

من نم لك نم بك ما فيه تشكيـــــــك
ويلاه قد ازرا رفيقـــــك وأزراك

عندك هرج فيه وعندي هرج فيـــــك
واصبحت كارهنا وحنا كرهنــاك

وما اخطاك ما صابك ولو كان راميك
واللي يصيبك لو تنقيت ما اخطـاك

مير ... استمع مني عسى الله يهديك
النصح يا مالـك لـك الله لـو لاك

عنـدي مظنـة مـا تمثلتهـا فيـك
واطلب لك التوفيق من عند مـولاك
.