في النفس حاجات

**ــــــــ** · 18-12-2009, 11:07 PM

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

في الكبد ليعاتها وفي النفس حاجات
حاجات ماهيب برغبـات وشهـوات

ندم على حزن على ماادري شسمـه
اللـي يكلمـك وتكلـمـه بسـكـات

ياودي اصرخ من اللي داخلي حيـل
وياودي ماتنبس مـن الليعـه شفـات

مزحوم تفكيـر ومشـوش وبـردان
وياخوفي من الغضـب والانفعـالات

تعـارك الشـر والخيـر فيـنـي
يأثـر علـى اتـخـاذي للـقـرارت

ثاقب والاحظ تفاصيـل التفاصيـل
كن البشر عري وعيونـي مرايـات

أفضال ربي علي واجـد وأفضـل
أفضال ربي علي الفقر وأنكارة الذات

يامجمل الفقـر وأشيـاءه وروحـه
تموت منه تعـب وتعيشـه ازمـات

يعلمـك ضعفـك وبـأن عقـلـك
هو اللـي يميـزك عـن الحشـرات

وتعرف بأن هذا لـك وذا لغيـرك
ولاتفـكـر ولاتكـسـر حسـابـات

الفقـر مفيـد وأشـيـاءه مفـيـده
ملـيء قـوه قنـاعـه وغـايـات

يمكن لو أن إنك غني تطغى وتنسى
وتطيش وتطوف الخمـس الصلـوات

لذلـك الحمـدلله والثـنـاء لــه
على الفقـر والمصايـب والمسـرات

يمكن اني فقير بس مانبـي تبعـي
أجلس ولا أنقـاد خلـف الاتجاهـات

وان مااعجبتني قناعات الزمن هـذا
انـا أألـف لتفكـيـري قنـاعـات

شاعر ويسكن فمخي ألـف شاعـر
ماهم بشعـار هاالوقـت التروفـات

اللي يقولون مافـي الشعـر نـادر
وان الشعـراء نفـس المستـويـات

لـو انهـم واحـد وبتفكيـر واحـد
كان ماشفت ناقد ولامعجب وشمـات

الله علـى هاالكـلام ومـن يقولـه
الله يقطـع سيـاسـة هاالمـجـلات

يعني اللي قصيده ملى الدنيا جماهير
مثل اللي يطلق قصده سـرة ابيـات

لامن سمعت القصيـد قلـت هـذي
سمعتها قبـل هـذي عشـر مـرات

يشيل اخـر كـلام الشطـر الاول
ويحطه باخـر الثانـي وخـذ هـات

قاف متكـرر ولا فكـره ولاشـي
يبني القصيـده علـى تفكيـر بنـات

وبه نـوع سـاذج علشـان يتميـز
يصـرخ ويعمـل بيدينـه حركـات

والمـرء عـدو مايجهـل لـذلـك
هاالشعراء يكرهونـي انـا بالـذات

الله يخلينـي لشعـري وأصـونـه
وأحرق به كبـود شعـار المسجـات

أجذب بـه أذواق حكـام الجزيـره
وازرعـه فعقـول فتيـان وفتيـات

أركبـه جـن وأمارسـه بجـنـون
وأشبـعـه فلسـفـات وإبتـكـارات

وأعلم الجيـل هـذا واللـي بعـده
جودة الاطالـه وفـن الاختصـارات

ووشلون احرث صخر فكري وأخلي
بيني وبين اقـرب منافـس مسافـات

الشعر في نظـرة أغلبهـم مصالـح
فلـوس وشيـوخ وبنـات ولقـاءات

وفي نظرتـي رورح وروح حـرة
ماتخضع لشف واشخاص وقياسـات

الشعـر ماتقشعـر لـه الابــدان
ومايسـرق مـن الكلمـات الكلمـات

تقـراه فعيـون شاعـر وتحـسـه
يفتـح لـه فجلـد يدينـك مسامـات

ردد قصيدي ياجمهـوري وصفـق
وعلمهـم ان الغـلا مابـه خيـارات

وتعال نسرح سوى في شي عنـدي
واخاف لاابكي وتبكينـي العبـارات

حزيـن جـداً ومتعـوس وخايـف
أحس كنـي علـى مهـوى نهايـات

حبيبتـي اللـي أغليهـا وابيـهـا
راحت وقالت بجي وللحيـن ماجـات

والصبر صبر القلوب البيض وادري
يامصعب الصبر لاقد بـه محاتـات

دمرني الشوق واستنزفنـي شعـور
وتعبت اثبت وجودي داخـل اشتـات

تمر كـل الوجيـه بـدرب عينـي
نفس الملامـح ونفـس الابتسامـات

حبيبتي طاغيـه وبشكـل طاغـي
صديقـة الليـل واجنـاب البنايـات

من ويـن ماافتـر لاهـذا وجههـا
على الطرقات وأضـواء السيـارات

يابري حالي عليهـا بـري حالـي
عليها يابري حالـي عشـر بريـات

لأنـي أحبـهـا فـعـلاً وجــداً
ماهي محبـة رفـث ولا اتصـالات

احـس كنـي أخوهـا او أبـوهـا
أدرى عليهـا مـن العالـم مـدارات

واللي سواتـي يحـب وخايـف الله
يعـرف معنـى معانـات المعانـات

الحزن في بعض الاحيان أزدواجـي
وجميل لاصار من تجنيـب غلطـات

من خلا حاجة لربي عاضه أخيـر
منهـا واحسـن دبـلات الـدبـلات

وانا مابي غيرهـا ولا التفـت لـه
السـيـده لا رجعـنـا للـسـيـدات

جعل امها اتوافق ان جيت اخطبهـا
تكفـون دعواتكـم يااهـل الدعـوات

[/ALIGN][/CELL][/TABLE1][/ALIGN]

**حنون في زمن ظالم** · 18-12-2009, 11:51 PM

يــســلمـــوووو ع الطرح الرااااااااااااااااااااااائع
كـم هـي كــلمــات رائـعــة -- وعــبارات جمــيـــلة

سـررت بمروري بصـفحتـكـ التـي تسـتحــق الوقــووف
عـلى الـتأمل فـي عبـاراتـها ومـعـانيــها ســلمـــت

يــمــيــنــكـ وســلم أنتــقائــكـ الجـمـــيل ودام نـزف قـلمــكـ

وأخيرأ أقول تقبــل مروري

**ــــــــ** · 18-12-2009, 11:55 PM

المشاركة الأصلية كتبت بواسطة حنون في زمن ظالم

يــســلمـــوووو ع الطرح الرااااااااااااااااااااااائع
كـم هـي كــلمــات رائـعــة -- وعــبارات جمــيـــلة

سـررت بمروري بصـفحتـكـ التـي تسـتحــق الوقــووف
عـلى الـتأمل فـي عبـاراتـها ومـعـانيــها ســلمـــت

يــمــيــنــكـ وســلم أنتــقائــكـ الجـمـــيل ودام نـزف قـلمــكـ

وأخيرأ أقول تقبــل مروري

ربي يسلم هالطله منووووووور والله وهذا من ذوقك
واسعدني تواجدك في متصفحي

الملف الشخصي · 19-12-2009, 12:32 AM

في النفس حاجات شعر رااااااائع لراااااااائع لرااااااااائع ..

شعر يفووووق الوصف .. احسنتي الاختيار ..

الله لايحرمنا منك يالغاليه ..

**ــــــــ** · 19-12-2009, 01:36 AM

المشاركة الأصلية كتبت بواسطة ღ آمًيَرٌٍ بٌَِكَلمًتُِِّْيَ ღ

في النفس حاجات شعر رااااااائع لراااااااائع لرااااااااائع ..

شعر يفووووق الوصف .. احسنتي الاختيار ..

الله لايحرمنا منك يالغاليه ..

يارب لا يحرمني هالطخه ههههههههههه
منوووووووووووور ومرورك هوا الاروع

**مومهم اسمي** · 19-12-2009, 03:14 AM

صح لسانك

وعلا شانك

مشكووره يالغلا على القصيده

والله يوفقك

**ــــــــ** · 19-12-2009, 11:34 AM

يالبى قليبك منوووووره يابعد قلبي

**"إحساس عاشق"** · 19-12-2009, 11:54 AM

[align=center][table1="width:95%;"][cell="filter:;"][align=center]ما اروعها من كلمات

وما اجملها من احرف

احسنتي في جلبها لنا

وتميزتي في طرحكي لها

لاتحرمينا المزيد

تقبلي مروري[/align][/cell][/table1][/align]