ايس كريم الشيكولاته

[نسمات الجنة]

طريقة عمل ايس كريم الشيكولاتة في البيت






طريقة عمل ايس كريم الشيكولاتة في البيت


لكل اصدقائنا اللي طلبوا يعرفوا طريقة عمل الايس كريم في البيت النهارده هنعمل لكم طريقة سهلة وبسيطة لعمل ايس كريم الشيكولاتة؛ علشان تستمتعوا بطعمه اللذيذ في الصيف…

ايس كريم الشيكولاتة
المقادير:
½ قالب شيكولاتة
2 ملعقة كبيرة كاكاو
3 ملعقة كبيرة نشا
صفار 5 بيضات
ملعقة كبيرة فانيليا
علبة كريمة لباني
5 كوب لبن
كوب سكر

الطريقة:
1 اخفقي صفار البيض مع السكر والنشا والفانيليا.
2 سخني اللبن على النار وبعد كده خدي مقدار كوب واحد منه وضيفيه على خليط البيض اللي عملتيه وقلبيهم كويس مع بعض وبعد كده صبي الخليط ده بالتدريج على باقي كمية اللبن تدريجيا مع الاستمرار في التقليب علشان الخليط مايكلكعش واستمري في التقليب لغاية ما الخليط يتخن معاكي.
3 بعد كده ارفعي الخليط من على النار وقلبيه جامد علشان تحصلي على خليط قوامه عامل زي الكسترد وبعد كده ضيفي عليه قطع الشيكولاتة والكاكاو وقلبيهم مع بعض كويس لغاية ما الشيكولاتة تدوب وبعد كده غطي الخليط وسيبيه لغاية ما يبرد تماما.
4 اخفقي الكريمة اللباني بالمضرب وبعد كده ضيفي عليها الخليط اللي عملتيه وقلبيهم مع بعض كويس وحطي الايس كريم في الثلاجة لمدة ساعة وبعد كده طلعيه واخفقيه مرة تانية وشيليه في الفريزر لمدة ساعة تانية وكرري الحركة دي مرتين كمان وبعد كده سيبيه في الفريزر يتجمد لغاية تاني يوم وبعد كده قدميه ومعاه صوص توت او شيكولاتة. وبالهنا والشفا.
وبكده تكون خلصت وصفتنا النهارده..
يا ريت تجربوها وتبعتوا تقولوا لنا على النتيجة..
واستنونا بكره مع وصفة جديدة..
سلاااااام،،،

[مشتاقه للجنه]

شكرا على الطريقه المميزه

[دارين]

ممممم توحفة
سلمت يدينك

[بنت الديره]

طرح بمنتهى العذوبه والخيآل,,
سلمت اناملك على هذا النثر الاكثر من رائع
دمت ودام عطائك
بنتظآرجديدك بكل شووق
ودي وشذى الورد