..آلجـرح آرحم ....إذا يرجـع مـن أغليتـه.....!

**غيمة شتآء !~** · 19-12-2009, 07:26 PM

:tears::tears:

آلشـآعـر...عبداللـه آلظفيـري

آلجرح آرحم...!

اللي بقى لي مع الأيام .. وفّيته

والضيق لو ينهمر تشربْه ودياني

ماهي كبيره علي والحزن غنيته

وْلاهي غريبه إذا وقتي تحداني

الخوف -يا من نبشت القلب وادميته-

لاعشت زهرة شبابك وانت وحداني!!

كم جرح خذْته من الأحباب.. ضمّيته

وجروح قلبي زكاة لْحُبّّ خِلاّني

مطعون؟ عاااادي ،، جفا الأقراب؟ داويته

تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته

مقرود؟ أدري ،، وإذا حرمان؟ عدّاني

ما فاح همّ ٍ لك الله ما تقهويته

ما مرّ حزن ٍ بغيري ما تبلاّني!

ياما وياما من الخذلان .. عديته

إلا بصاحبْ .. بعد عِشره تناساني!!

أزريت لأنسى غيابه لين ناديته

والموت لامن تجاهلني وجافاني

وينه يجيني .. وكل عْتاب كنّيته

ياليت يدري بعد فرقاه وش جاني!!

من كنت طفل ٍ وانا أرجاه في بيته

شيّبت.. واثره على هالحال خلاني!

حتى جناح العَتَب لرضاه ذليته

ماطِرْت بعده فرح من ذلّ جنحاني

يا قلب صبرك .. ترى كل شيّ سويته

ما كان أفضل من اللي كان بإمكاني

لو بيّ قوه على الهجران؟ خليته

لو بيّ ذره من النكران؟ يفداااني

الجرح أرحم .. إذا يرجع من أغليته

مجروح؟ فِدوه .. ولكن صعب وحداني! !

:tears::tears::tears:

نكسر آلخآطر...!

علامك جيت ياقلبي وراجع خاطرَك مكسور

أبد لاينكسر خاطرك دامـه صاحبـي جايـر

أبي تنسى مبادئنا وتتـرك طبعنـا المغـرور

وأبي هالحين ترجع له.. وقلّه يطلب ويامـر

وإذا جت عينك بعينه أبي تشهد شهـادة زور

بأني مذنب ومخطي.. وقلبه ناسـي وغافـر

وقلّه لايخليني على حزنـي أبـات شهـور

لأن الموت أشوالي وأنا من طبعـي ماكابـر

ولايفكّر يقول: انسى وغيري بالبشر مذكـور

لأني ماخبر غيـره / قسـم بالله مـو خابـر

أحس اللي خلق زينه خلق باقي البشر ديكور

وأحس الورد لاشمه يميـل وينثنـي شاكـر

وربي هالبشر بعده هياكـل والبيـوت قبـور

ولابه شي بالدنيـا يجـاري غيابـه الكافـر

حبيبي يابعد كل الحبايـب والزمـان يـدور

علامك ماتخاف الله تعال وشوفنـي وناظـر

ألا ياصاحبي القاسي بدونك هالحياة تغووور

ألا ياسبّـة جروحـي..ألا ياحظـي العاثـر

أحبك يامنى عمري وغيرك يمسك الطابـور

أحبك يامولّعنـي وأذوب بصوتـك الخاثـر

أنا من كثر مااحبك أحس إني معك مسحـور

فديتك خلني مسحور إذا تبقى لـي الساحـر

تعااال وخذني بكيفك.. قصيد ولو تبي جمهور

فداك اللي قصدته أمس واللي بَقصِـده باكـر

لك الله وانت خابرني شجاع ولاعلي قصور

ولكن لو وصل أمري بيدّك... آآه ياساتـر!!

دخيلك انتبه! لا..لا.. تمادى مع رجل مقهور

ترى قهر الرجال أكبر من اللي تحسب وفاكر

:tears::tears:

يسآلوني ليه آحبك..!!

نور عيني.. علميني كيف أبكتب لك شعـر؟

وانتي نظره من عيونك ضيّعت كل المعاني!

انتي كلماتك عذوبـه.. وابتساماتـك مطـر

وصوت ضحكك يحتويني وينثر الدنيا أغاني

أشهد إن العمر من بعدك ترى ماهـو عمـر

واشهد إني ماأطيق الغيبه من بعدك ثوانـي

من عرفتك لاحزن غطى عيونـي ولاكـدر

يابعد من شافته عيني وعن شوفـك خذانـي

جارت الدنيا علينا وحالت ظـروف الدهـر

لكن انتي ياأصيله دايم أكسب بـك رهانـي

واذكر إنك يوم رحتي صحت أنا صيحة قهر

ويعلم الله ماتركتـك ليـن ماربـي هدانـي

كل ليله تذكريني يضـوي ف(ليلـي) قمـر

وإن جفيتيني في ليله أظلمت حولي المبانـي

عند بابك ياغناتـي أنحـر أشواقـي نحـر

من عرفتك ياطموحي وانتي لي كل الأماني

"يسألونـي ليهأحبـك حـب ماحبـه بشـر"

هذي الغنوه "لراشد" لك تعبّر عـن حنانـي

انتي ياعطر القصيد وطيش فكري والسهـر

والله ماغيرك أحد يستاهل أبياتـي وجنانـي

يابعد كل الخلايق واللي فـي بالـي خطـر

من دخلتي في حياتي مابقى لغيرك مكانـي

أقبلي يانور عينـي وتامريـن انتـي أمـر

يااللي ذكرك يهدي عمري والقصايد جو ثاني

مالي إلا أعتـرف بعيـون حسـادك وأقـر

إنك - أحلى مارأت عيني- وقابلت بزمانـي

قلت أبكتب لك قصيده وطاشت أبيات الشعر

ولا طرالي طاري اسمك ينعقد حتى لساني!!

:rolleyes:

آتمنى ترتقي لِـ ذآئقتكـ‘مـ :smile:

:81::81:

**ضياء الكون** · 20-12-2009, 07:20 PM

روؤوعه فديتج

لا عدمنا جديدج الغلااااا

**• ŔFi3άT àℓѕђάn •** · 20-12-2009, 07:30 PM

يـمه تحزن مرره

آكيد رآقتلنآ تسسلم آنآملك

**مومهم اسمي** · 20-12-2009, 07:51 PM

[align=center]
رائعه بكل ماتحمله الكلمه من معنى
لكِ مني ارق واعذب التحايا

[/align]

**غيمة شتآء !~** · 03-01-2010, 07:08 PM

تواجدكم الأرووووووع

ماانحرم منكم 004 004 004

**ــــــــ** · 03-01-2010, 07:19 PM

روعة

وصح لسان شاعرها

ويسلم بنانك

**يخنقني غ ـيآبك** · 04-01-2010, 05:56 PM

يا قلب صبرك .. ترى كل شيّ سويته

ما كان أفضل من اللي كان بإمكاني

لو بيّ قوه على الهجران؟ خليته

لو بيّ ذره من النكران؟ يفداااني

تستحق أكثر من آلآنتشـآر ؤالنجآح اللتي حققته هآلقصيد

شكررا لك