• دخول الاعضاء

    صفحة 3 من 5 الأولىالأولى 12345 الأخيرةالأخيرة
    النتائج 31 إلى 45 من 75

    الموضوع: رواية أطياف الغرام / الكاتبة : معاميريا ; كاملة

    1. #31
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة


      الـــــــــــــــــــعنـــــــــــــــــــود


      انا طبعا فاهمه تركي ولو وداد تركت عصبيتها شوي بتلقى ان تركي عنده حق يعني مو عوايدنا ولا طبعنا ولا حتى مستساغ او حتى مشروع ان الرجال يكلم غريبه قبل ما يملكون
      وكون ماجد تجرأ وفكر في هالشي ومع من ؟...مع بنت خاله فهذا معناه ان حتى مروه وغيره على محارمه ما عنده ...ومن حق تركي يتصرف بهالطريقه اساسا المفروض ان وداد تشكره انه ما كبرها وخبر اخوها او ابوها وحاول يلملم الموضوع ....صحيح اني في البدايه شفت انه تصرف مبالغ فيه انه يغير ارقامنا بس لمن فكرت فيها لقيتها معقوله لان ساره اليوم جت لوداد وطلبت منها بدون تردد او حتى احساس بالذنب اذنها علشان تعطي رقمها وصورتها لماجد وجايه فرحانه باخوها وجرأته والقهر انها تشوف الامر غايه في الرومانسيه بدل ما تنصحه وترفض الامر بشده ...والصراحه عنده تركي حق يغير الارقام لانها ممكن تحت الحاح ماجد تعطيه الرقم وهالمره من غير ما تشاور وداد ....انتبهت للطريق اللي حنا فيه اعرفه
      سألت تركي بشك :- حنا وين رايحيين بالضبط
      ما جاوبني وكل اللي قاله:- اتصلي على ساره سأليها وين هي فيه اللحين
      استغربت ليش يسأل عنها ولاني مو حمل عصبيتعه اتصلت عليها
      :- سلام
      ردت ببرود :- هلا
      سالتها :- الا ساره وينكم فيه اللحين ؟
      ردت بدون نفس :- يعني وينا فيه عقب حركات اخوك البايخه ؟....ردينا البيت وانا كنت ناويه اقضي يومي في السوق
      ما عرفت شلون ارد عليها فقلت اختم المكالمه :- اجل اخليك يلا مع السلامه
      سكرت الجوال وناظرته :- تقول في بيتهم
      رد :- تمام اجل اللحين بنروح عندها
      توترت وش يبي فيها؟ وش ناوي عليه ؟ مو بيغير الارقام ومانعنا نعطيها االارقام خلاص وش يبي بعد ؟؟؟سألته
      :- تركي ليش نروح لهم خلاص اللي صار صار وانت بتغير الارقام....يعني ما له داعي نكبرها وحنا ما نبي احد يعرف شي

      وقف السياره حذا بيتهم والتفت لي وقال :- اسمعوني زين انتم بتروحون لساره وش بتقولون لها مو شغلي بس المهم ما ابيكم ترجعون السياره الا وكل صوركم اللي عندها في يدكم

      شهقت :- وهذي شلون نسويها ....تركي ترى البنت اكيد بتزعل وبتخبر عمتي وساعتها ....

      قاطعني :- بتزعل يمكن لكن اذا خبرت امها عن سواد وجه اخوها وانها موافقته على طلبه اكيد ساعتها امها بتزعل منها وبتطلب منها تكتم الامر

      ناظرت وداد وما عرفت بسبب غطاها هي وش تفكر فيه فقلت اترجى تركي
      :- بس صعبه والله صعبه يعني على الاقل اتركنا اليوم نفكر شلون نجيب الصور من عندها بدون ما نخلق حساسيات و.........

      لكن تركي ولا كانه يسمعني دخل سيارته داخل البيت ووقف السيارة عند باب الصاله وقال
      :- يا تنزلن اللحين وترجعن بصوركن او المهله بتكون علشان غيركم يتصرف
      (ناظرني) انتي تتوقعين طلال وانا اتكلم عن اهدأنا اذا عرف عن اللي صار بيرضى بوجود صورك او صور اخته عندها ....والشيبان لو عرفوا ساعتها مو بس يجيبون الصور الا يحرمون عليكم التصوير بعد

      تخيلت فعلا لو عرف طلال او ابوي وش راح يكون رد فعله ولا خالد اذا كان تركي اكتفى بكذا فخالد اذا عصب ممكن يسوى كل هذا وبعد مايرضيه فقلت لوداد
      :- وداد ...
      ما كملت لانها فتحت باب السياره وقالت :- مالنا راي مو اليوم حنا عبيد اخوك
      نزلت وسكرت الباب بقوه
      دخلنا وكانت عمتي في الصاله وقدامها دله القهوه وتمر قربنا منها سلمنا عليها وسالناها عن ساره فردت عمتي
      :- من رجعت مع اخوها على طول رقت لغرفتها ومنها ما نزلت (اشرت على الكنبه جنبها ) اجلسوا اللحين انادي الشغاله تناديها لكم

      لكن وداد قالت لعمتي :- ما لك لوا يا عمتي بس حنا بنطلع لها غرفتها

      وتركنا عمتي ورحنا لغرفة ساره وقفت على الباب ودقيته جاني صوتها من داخل الغرفه
      :- نعم ؟؟
      رديت بهدوء :- انا العنود معي وداد
      ومن دون ما نسمع جواب فتحت باب غرفتها وبايتسامه ساخره قالت
      :- يعني جيتوني عقب الفلم اللي سواه تركي
      ما عجني لا اسلوبها ولا كلامها فقلت :- مو حنا جينا بطلب من تركي
      رفعت حاجب :- ليش؟ لا تقولين فكر وعرف ان ما له دخل وان الامر عادي واحد بيخطب وحده ويبي يعرفها زين قبل ما يملك عليها
      ساعتها بس انفجرت وداد في ساره وقالت :- عادي ...عادي اكلم واحد ما يحل لي ؟؟وعادي تعطينه صوره لي ؟؟ من متى الحرام صار عادي ؟؟ويا عمري اللي يبي يعرف اللي بتزوجها يسأل عنها ...وتعالي هنا اخوك ليكون من المريخ عشانه ما يعرفني ويبي يتعرف علي ....ودامه يبي يشوفني ليش ما طلب يشوفني الشوفه الشرعيه بدل ما يطلب يتمقل في الصور

      فتحت ساره عيونها على وسعهم ما توقت ان وداد تثور عليها كذا فقالت برود
      :- هدي نفسك ...ودام الامر مو عاجبك ليه ما رديتي علي هناك ؟ ولا انتي ما كنتي بتمانعين لو ما عرف احد بالامر ولمن عرفوا جايه.....
      ما كملت لان وداد قاطعتها وقالت :- ما رديت لاني ما حبيت اسوي فضيحه في مكان عام
      وردي اذا تبينه ترى ....
      قاطعتها ساره :- اوهوووووووو يعني ما تبين تسوين فضيحه وما تبين تكلمينه او تعطينه صورتك خلاص عرفنا وش بعد ناقص

      هالمره انا تكلمت :- نبي صورنا
      تخصرت ساره :- وشو ؟؟وليش يعني ؟؟
      رديت بنفس الهدوء :-اقول لك تركي هو اللي جابنا بس علشان الصور ولو طلعنا من غيرها الامر بيكبر وبيوصل لابوي وعمي واكيد ساعتها بيوصل لابوك وعلشان الموضوع ينلم عطينا الصور
      عضت ساره على شفتها وقالت بقهر :- كل الصور في الدرج بس والله بتندمون على هالحركه
      فتحت الدرج واخت انقي صورنا وحتى الصور اللي تجمعنا فيها و وداد ساعدتني اما ساره فضلت ساكته ولا حركت ساكن واول ما خلصنا قالت
      :- خلصتوا ؟؟
      هزيت راسي اشاره نعم فقالت :- اجل طلعوا ولا عاد ترجعون مره ثانيه
      تقدمت ووصلت عند الباب لكن وداد قالت لساره
      :- قبل ما اطلع وصلي هالرد لاخوك قولي له وداد ما يمهرها اللي يبخس قدرها وهو ما عرف قدري....فما له داعي يتعني ويخطب
      الغريب ان ساره ابتسمت وقالت بخبث :- ما راح اوصل شي ....ولعلمك ماجد الليله بيحدد مع ابوك موعد ملكتكم بعد ملكة طلال (ضحكت بسخريه )وساعتها رفضيه على راحتك

      سحبت وداد من ذراعها وانا حامله صورنا في كيسه والحمد لله ان عمتي ما كانت مكانها لمن نزلنا وعلى طول طلعنا لسيارة تركي اللي ما كان فيها استغربت وين راح لكن وداد قالت وهي تأشر على جهة المجلس
      :- مو هذا تركي مع ماجد ؟
      التفت لهم وكان واضح رغم المسافه ان الاثنين ماسكين في بعض ويصارخون على بعض
      وسرعان ما فلت تركي ماجد على الارض وكلمه وهو يأشر بصبعه كأنه يهدده وبعدها رجع السيارة واول ما شافنا قال
      :- جبتوا الصور ؟
      اشرت على الكيسه اللي عندي وقلت :- جبناهم ...(ترددت لكني في الاخير سألته )تركي انت وش عندك مع ماجد ؟وش قلت له ؟
      تجاهل سؤالي وقال :- وين تحبون تروحون البيت او بيت عمي
      رديت :- بيت عمي ....نزل وداد وناخذ نجود ونرجع بعدها البيت
      حرك السياره وقال :- بس لا تتأخرين لان وراي شغل لفوق راسي
      وفعلا نزلنا عند بيت عمي طلبت من وداد تنادي نجود لكنها قالت
      :- نزلي انتي ناديها
      ترددت بعدين قلت لها :- اخاف في احد و......
      فهمتني فردت :- طلال مو هنا وامي اللحين تلاقينها اما في المطبخ او تجهز حالها لصلاه الظهر في غرفتها ....


      نــــــــــــــــــــدى


      قعدت من الصبح لقيت فراس لازال نايم بسته ورحت غرفة النوم ونفس المنظر عزيز نايم بنفس الوضع اللي نايم فيه ولده تسحبت علشان ما اوعيه وعلشان ما اشوف النضره اللي انرسمت في عينه البارحه فتحت الكبت ونقيت لي تنوره سوده لتحت الركبه وبدي احمر بربع كم دخلت الحمام وبعدها طلعت لقيت سعود صاحي ومشغول يجهز له ثياب قربت من الكبت وقلت
      :- انت اخل تحمم وما بتطلع الا هدومك جاهزين
      رد من غير ما يفسح لي :-بس الزوج يبي اكثر من هدوم جاهزة يا بنت يوسف
      تعلقت عيوني فيه :- وانا وش مقصره فيه ؟؟
      التفت لي ومسك كتوفي :- تبين تحرميني من العيال يا بنت يوسف
      غمضت عيني وبلعت ريقي :- شلون تقول كذا وفراس مو ولدك ؟
      فلتني تركي وقال :- بس انا ابي له اخو
      هالمره انا مسكت وجهه بين ايديني :- اخو؟؟ ولد يعني ...طيب لو جاك بنت
      ابتسم وقال :- باذن الله وحوله بيجيني ولد ...بس انتي طيعيني
      ما حبيت اهدم فرحته لكن ما اقدر اكذب عليه :- انا على طول تحت شورك وحتى في هذي كل اللي انا طالبته الوقت
      انطفى نور الفرحه من عينه وماتت مثل ما ماتت الابتسامه على شفته وقال بحده
      :- الوقت ما اقدر اعطيك الا لغايه ملكة طلال وبعدها يا ندى بنشوف وش بيصير
      (دار ظهره واتجه للحمام )وجهزي حالك بنروح بيت هلي امي تسأل عنكم

      جهزت ثيابه على السرير وجلست قدام المرايه انشف شعري وانا تفكيري مشغول ((متى يا عزيزبتحس فيني وبتفهمني متى يا رب متى ؟؟والله ما ني قادره متحمله احس نفسي بين نارين...نار جفاك ونار طلبك والنارين تلهب بجوفي لا هذا مريحني ولا هذا مريحني ))
      رحت غرفة فراس قبل ما يخلص عزيز من حمامه جهزت اغراض فراس خاصه انا بنقضي كل اليوم عند خالتي ام عبد العزيز قعد فراس من نومه جهزت واول ما خلصت لقيت عزيز على راسي :-جهزتي ؟؟
      حملت فراس قلت له :-باقي البس عباتي خذ فراس على ما البس

      اخذه ودخل وراي لغرفتنا لبست شيلتي وعباتي واخذت من عنده فراس اللي اول ما شافني لابس العبايه رمى نفسه على وهو يبتسم :-ويييييييييه فدييييييييت البسمه وراعيها
      عمري اللي يجننون
      لوى عزيز فمه :- واضح واول الجنون تمنعيني من حقي
      ما رديت عليه لانه بكل بساطع ترك المكان وطلع وحطيت يدي على فمي امنع نفسي من البكي وانا اناظر مكانه الخالي
      وصلنا بيتهم دخلت الصاله لقيت المكان خالي دخل وراي عزيز وسأل الشغاله
      :- كريشما وينها ماما كبير
      كريشما :- ماما كبير في صاله داخليه (عزيز على طول توجه لها ساعتها قربت مني كريشما ) هاتي عبايه مال انته
      ابتسمت لها :-زين امسكي فراس اول (قلعت البرقع )خالتي لحالها داخل ؟؟
      كريشما تحمل فراس :- لا في داخل بابا كبير وعلي
      رجعت لبست البرقع :- حسبي الله عليك يا كريشما اللحين علي داخل وتقولين هاتي عباتك

      اخذت فراس ورحت للصاله لقيت عمي بو عبد العزيز جالس يتقهوىوجنبه ولده علي وخالتي قباله وعن يمينها عزيز دخلت سلمت على عمتي بست يدها وراسها ابتسمت في وجهي وقالت وهي تمد يدها على فراس :-حيا الله الحامل والمحمول هلا بالغاليه مرة الغالي وام الغالي
      رديت بصوت واطي :- تسلمين يا خاله ويسلم قلبك وشلونك اللحين ؟؟
      ردت باعياء :- هذا انا مع ابر السكري والرطوبه اللي خانقتنا
      قام علي من مكانه وجلس عن يسار امه
      :- وش لك بالشرقيه يمه هذا بيتي بالرياض اكتمل طيعيني وتعالي معي
      من قرب علي بعدت عن خالتي وسلمت على عمي وجلست جنبه اقهويه
      وخالتي ردت على ولدها :-ويه عاد اروح الرياض واترك بيتي انت اللي انقل للشرقيه واترك عنك الرياض
      ضحك علي على امه وقال :- ما تركين بيتك ولا ما تقدرين على فراق بو عبد العزيز؟

      دفته خالتي وتصنعت الغضب :-استحى يا ولد انا امك تقول لي كذا
      تعذر منها وطى على يدها يبوسها :- اعذريني يمه بس والله الوحده وما تسوي يا ام عبد العزيز
      عادت عليه امه كلامها :- وش لك بالهم والغثى اترك الرياض وانقل للشرقيه
      ابتسم لها :-ما اقدر يمه هناك فرصتي للبروز احسن غير ان العروض اللي لقيتها هنا ما ترضي طموحي
      ردت عليه :- اجل تزوج وخذ لك بنت الحلال اللي تونسك في وحدتك
      قام وقف وقال :-على يدك يام علي
      عزيز اللي كان ساكت نطق :- وشو ام علي قول ام عبد العزيز
      ابتسم علي :- شفتي يمه ولدك مستخسر اناديك ام علي
      عزيز وقف قدام اخوه وباس راس امه :-مهما يكون هذي الغاليه وما احب اسمها يرتبط في غيري
      علي الي تصنع الزعل عند امه :- ما تقولين شي يمه ولا يرضيك اللي يقوله عزيز
      خالتي اللي مشغوله في فراس تلاعبه قالت بدون مبالاه :- كلكم عيالي
      ضحك عزيز وقال لاخوه :- شوفها ولا معطيتنا وجهه
      تدخل عمي :- امك دامها شافت فراس خلاص ما يملا عينها حد
      ضحك علي :- ليكون غيران من البزر يايبه
      ابتسم عمي :-اذا علي انا امك من جابتكم وهي مو معبرتني لكن الدور عليكم تتعودون
      (وقف )يلا لمتى بتظلون جالسين عند الحريم
      طلع عمي وعزيز التفت لامه يكلمها :- يمه وش رايك في اخو لفراس ؟
      رفعت راسي اللي كنت منزلته ابي استوعب اللي عزيز يقوله وخالتي قالت
      :- ندى انت حامل يمه ؟؟
      عزيز رد على امه :- لا يمه بس نخطط حق اخو لفراس
      تدخل علي :- مو كأنه صغير ...الا هو كم عمره ؟
      عزيز :- 6اشهر
      ام عبد العزيز توجه كلامها لعزيز :- غريبه خبري فيكم اولاد هاليومين ما تبون عيال واجد
      ولا تجيبون على بعض (ناظرتني وهي لا زالت تكلمه )يعني ندى ما تقول شي

      رد عبد العزيز وهو لاغي وجودي :- بالعكس انا وزوجتي متفقين على هالشي وندى ما عندها اعتراض
      لوى علي فمه وقال :- بس يا عزيز فكروا زين ترى الولد صغير وبحاجه لرعايه واهتمام
      يعني المفروض تكونون اوعى من كذا و.........
      قاطعته خالتي لمن شافت نظرات الاستياء وعدم الرضى على عزيز وقالت بس علشان مدللها ما يتضايق :- وانت شعليك منهم ...وانا بعد اقول احسن علشان العيال يكبرون مع بعض ويصيرون قراب من بعض (وابتسمت لعزيز )وعلى البركه يمه

      لحظتها طلع علي بدون ولا كلمه وعزيز سلم على امه وطلع ولا احد حاس فيني ليش سويت فيني كذا يا عزيز يعني تبي تحطني قدام الامر الواقع تخضعني لرغباتك بطريقه مذله وكأن ما لي شعور او احساس ولا كأني ترجيتك بدل المره الف على الاقل تعطيني فرصه اجبر نفسي على الموافقه ... فرصه احسس نفسي ان لي راي مؤثر في حياتنا وان لي عندك خاطر ...مو كذا تزرع فيني شعور بالعبوديه والذل

    2. #32
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء السادس عشر))
      (تحديات)

      لمن تؤمن بفكره معينه ساعتها تقاتل وتتحدى الكل علشان تحقيقها .... وأكيد راح تلاقي اللي يساندك علشان توصل لخط النهايه ....بس لمن تكون الفكره مجنونه او مضره او حتى جبانه
      فأكيد بتتزايد العقبات قدامك وساعتها فعلا بتحتاج لانك تتحدى الكل.....
      بس الشي اللي فعلا استغرب له هو ليش في بعض المواقف ما تظهر روح التحدي الا علشان نحطم انفسنا ؟!!!!!!!!
      بعض ابطالنا راح يتحدون علشان يتخلصون من الالم اللي يعصر قلبهم ....لكن هل سينجحون ؟
      واساسا هل كلهم اذا فازوا بالتحدي فعلا بيرتاحون ؟


      طـــــــــــــــــــلال


      ما صدقت اني اخلص مشاويري بهالسرعه و لحقت ارجع البيت قبل اذان الظهر تحممت ولبست استعدادا لصلاه الظهر نزلت الصاله لقيت وداد توها داخله من الباب سألتها
      :- ها وش الاخبار قلتي للعنود ؟؟وش ردت عليك ؟؟
      اشرت على وحده وراها وقالت :- هذي هي عندك اسألها بنفسك
      ورقت لغرفتها وتركتني مع العنود في الصاله لحالنا قربت من العنود اللي تراجعت للخلف ما حبيت اخوفها فقلت لها
      :- العنود انا كنت ابي ......
      قاطعتني بانها قالت بصوت هامس
      :- ممكن تبعد شوي ؟
      انتبهت اني ساد عليها الطريق لفوق ابتسمت
      :- اول توافقين على طلبي (ومن غير ما استنى ردها ) العنود وش رايك نخليها ملكه و زواج مره وحده؟
      رفعت راسها بحده وقالت بصوت مهزوز من الانفعال:- مستحييييل
      وتفادتني ورقت لفوق بسرعه صحيح ان خالد قال لي ان العنود مستحيل توافق بس بعد صدمني ردها ...يعني توقعتها تفكر شوي او حتى ترد علي عن طريق وداد ...بس بعد ضحكني رد فعلها رغم انها ما قالت غير كلمه لكني حسيتها تختزن بداخلها الاف المشاعر... توتر وانفعال وخجل ....( خساره لو بس وقفت شوي كنت اكيد باقنعها )...طلعت من البيت لقيت سياره تركي برى (اوه يعني العنود ما بتجلس عندنا ) قربت منه سلمت عليه ولفت نظري انه متضايق حيل
      :- لا تقول ان الحريم اتعبنك في السوق
      حاول يبتسم:- ابدا وتراهم ما خلصوا مشاويرهم
      اتكيت على دريشه السياره وقلت له :- ولا يهمك انت ارتاح وبكره انا بوديهم
      ضحك :- ريح حالك لا انا ولاانت سلطان بيتكفل فيهم
      بوزت :- يعني اللحين فضى سليطين
      قربوا خوات تركي من السياره فقال :- زين اخليك علشان الحق ارجعهم البيت واصلي واروح لاشغالي
      كنت بابعد بس حبيت اشوفها فطولت السالفه مع تركي:- طيب بس الليله اكيد بتجينا ؟
      خساره نجود هي اللي جلست قدام وما سمعت من كلام تركي غير نهايته
      :- .............عازم الربع وبسهر معاهم
      خلاص مالي نفس اطول كلام بس علشان ما يحس تركي قلت
      :- رتب مع ربعك على عشا متأخر ...وتعال هنا اول (غمزت ) ولا تفوت عليك منظر ماجد الليله
      ضم تركي حواجبه مستغرب :- ليه وش فيه ماجد؟
      ابتسمت :- ابد غار مني ويبي يتملك بسرعه ..والليله بيجونا يحددون موعد الملكه
      جمدت ملامح تركي وراح اللون من وجهه وكأنه صعق بهالخبر وفتح فمه بيقول شي لكنه تراجع استغربت حاله وقبل ما اسأله وش بك قال بصوت مبحوح
      :- ما اظن بس بحاول ...يلا في امان الله
      رفعت ظهري وسلمت عليه توجهت لسيارتي وانا بالي مشغول فيه يا ترى وش فيه تركي معقوله شكوك خالد صحيحه وان بين تركي وماجد شي ؟....يعني المفروض انه يفرح لصديق عمره بدل ما يعبس كذا ...ركبت السياره واتجهت للمسجد وانا فكري وبالي مشغول بشي واحد
      العنوووووووود واللي بسويه ( رفضتي نعرس اللحين وهذي نقطه لك ...لكن بنشوف وش بتسوين يوم الملكه ) انعشتني الفكره وخلتني طول اليوم في حاله من الروقااااااااااااااان


      خــــــــــــــــالــــــــــــــــد



      ما ادري كيف قدرت اخلص الاجتماع مع بو نادر وانهيت كل شغلي معاه ...احس راسي بينفجر خلاص رديت الفندق واخذت لي شاور وحبتين بندول نايت وحاولت انام لكن القلق والتوتر كان اقوى من الحبوب علشان كذا طول على ما اخذ مفعوله .....اخ للحين يتردد كلامها في راسي ما توقعت ان نهايه حوارنا تكون كذا ....اول ما تكلمت حسيت بتعاطف معاها ولمن بكت حسيت بالندم حسيت باني جرحتها واهنتها حسيت اني كسرتها إلا حرقتها بشكوكي ...لكن تماسكها في البدايه خلاني احسبها قويه بس لمن انهارت عرفت شكثر هي ضعيفه وهشه... شعورغريب دفعني لاني اضمها مو علشان تهدأ لا ....ضميتها علشان تتطمن وعلشان ما تذوبها حراره الدمع علشان تحس بالدفى علشان تحس بنار الندم اللي تكويني علشان تعرف انها لي وبسسسسسسسسسسسس.....لدرجة اني اعتذرت ...ايه اعتذرت يمكن ما يكون اعتذار صريح بس انا كنت اعتذر كنت اقول لها من ورى كلامي اني ما شكيت وما اهنت الا كدفاع عن كرامه تنزف نيران حولت قلبي الى رماااااد ..... الكرامه اللي جرحها ما التئم حتى عقب اللي قالته
      كرامتي وغروري كرجل اللي هدتها لمن قالت انها مغصوبه علي يعني رافضتني وهالمره غرست خنجرها للاخير حتى وصل للعمق وحركته بقوه في الجرح وهي تقول بكل بساطه
      :- خالد احنا ماننفع نكون مع بعض .......خالد طلقني ........
      وش تبي من المطعون غير انه يصرخ ويأن فقلت وانا احاول اني اكون هادئ
      :- نعم!!!وش قلتي
      وعادتها مره ثانيه وهالمره حسيتها طعنه في الروح :-طلقني ...حنا مستحيل نقدر نعيش مع بعض
      خلاص ما عندي قدره على الاحتمال الصبر نفذ هذا اذا واحد يقدر يصبر على الالم وهو ينازع الموت ليش احس بالموت ما ادري كل اللي عرفته انه الم لا يطاق في راسي وصدري ما قدرت اصرخ لكن الغضب والاصرار واضح في صوتي المنخفض
      :- طلاق مافي يا بنت عمي
      استفزتها لهجتي وعدم انصياعي لرغبتها فطعنتني مره ثانيه
      :- بس انا ما ابيك ...يعني بتعيش مع وحده ما تطيقك تكرهك ؟؟
      اعماني كلامها عن اني اتكلم بمنطقيه وخلاص اصلا ما عاد للمنطق مكان
      :- مو مهم انتي وش تبين او ش تحسين المهم اني طلاق ماني بمطلق
      ما تراجعت ولمع في عيونها تحدي اكبر
      :- ليش هو غصب ...ولعلمك اذا ما بتطلق من نفسك بتطلق غصب عنك ...بقول لابوي و.....
      عندها قدره جباره على تعذيبي وهالمره صرخت ومن غير احساس
      :-اللي ما طولينه بايدك واصليه برجلك ....والطلاق لا تحلمين فيه ولعلمك زواجنا عقب شهرين (صديت بطلع قبل ما ارتكب فعل اندم عليه وقلت وانا صاد عنها )وصدقيني كل غلطه او حركه مستفزه بتقصر المده
      .....يمكن اكون قسيت عليها ويمكن اكون اخترت الاسلوب الاسوء ويمكن اكون ارتكبت غلط
      في ردة فعلي وتعاملي مع الموضوع يمكن ما كنت منطقي او موضوعي .....لكن من متى يفكر الشخص في الاسلوب الافضل لانقاذ روحه من الهلاك
      ليش اعتبرها روحي لا لا ....انا جالس ابالغ كل السالفه انها جرحت كبريائي وغروري واثارت روح التحدي في داخلي ....ثانيا هو الزواج لعبه علشان الطلاق يجي بهالسهوله ..هذي خلاص صارت حرمتي يعني لي لي انا وبسسسسسسسسسسس..... صحيح ان الزواج مو غصب ولا تعايش بالجبر مع الطرف الثاني ....بس انا اعرف انها مستحيل تكون لغيري مهما يكون اللي بيعترض طريقي......ريحتني هالفكره او الحبوب اخذ مفعوله ما ادري لاني عقب كذا نمت ولا حسيت بشي حولي........

      صحيت من النوم على صوت جوالي تنبهت للوقت فتحت عيني على الاخر
      :- معقوله نمت تقريبا يوم كامل
      حسيت ان جسمي متكسر وما فيني قوه تجاهلت المتصل ورحت على طول علشان اتحمم وصليت كل الصلوات اللي فاتتني استغفر الله اول مره اسويها خلصت من الصلاه فتحت جوالي اللي كان مليان مكالمات لم يرد عليها من تركي وطلال و.....رفعت حاجب عليا
      توني بدق عليها بشوف سبب اتصالاتها لكن منعت نفسي هي اللي تبيني وانتبهت للمسجات وحده من طلال
      ((وينك اتصل ما ترد ....المهم العنود ما واففقت على فكرتي ..وانا ناوي ....ولا اقول تعال بسرعه وانا اقول لك ))
      ابتسمت هالمجنون متى بيركد اخاف اذا زوجناه يجن زياده
      فتحت المسج اللي بعده وكان من تركي
      ((ضــــــــــــــايق مررررررره ...احس اني بختنق يا خوي ....خالد تعال تكفى تراني احس بيومي قرب))
      الهواجس لعبت في دماغي وابليس يوسوس في صدري وش فيه تركي؟؟ اتصلت عليه لكن جواله مغلق اتصلت على البيت ردت العنود
      :- نعم ؟
      وحشوني وبالذات العنود من سافرت وانا اسمها اسمعه من طلال يوميا وهذا اللي خلاني اشتاق لها اكثر
      :-السلام عليكم ...هلا بالعروس
      واضح انها استحت لان نبرتها انخفضت وصارت اقرب للهمس
      :- وعليكم السلام ...اخبارك واخبار عليا
      زفرت كل الحراره اللي بصدري :- تمام (وعلشان ما تسأل عنها اكثر قلت ) وينه تركي
      العنود :- في الشركه على حسب علمي ليش ؟؟؟
      ما حبيت اقلقها :- ابدا بغيته في شغل وجواله مغلق ....خلاص راح ادق عليه في الشركه
      سكرت من العنود ودقيت على مكتبه لكن ما في اي رد
      رميت الجوال وقمت اجهز شنطتي خلااااص الليله برد السعوديه سكرت الشنطه الا جوالي يدق من جديد لقيت المتصل عليا كنت بتجاهلها عقاب للي سوته بس ما قدرت رديت عليها ببرود
      :- نعم ؟
      ما تكلمت مره ثانيه قلت :- نعم ؟داقين خير انشاء الله ؟
      جاني صوتها الهامس :- اليوم زواج جاسم .... ابي اروح الصالون وبعدها الصاله
      كنت ابيها تطلب اذني بصراحه فقلت :- ما فهمت وش المطلوب ؟
      ما على صوتها لكن نبرتها شابتها شي من الحده :- مهما يكون لا زلت زوجي فقلت اخذ اذنك
      ما ادري ليش ابتسمت :-مع من بتروحين ؟
      سكتت بعدها قالت :- مع واحد من عيال خالي
      سألت :- لحالك مع ولد خالك ؟
      تنهدت :- لا مع بنات خالي
      يعني مو عاجبك اني اسأل طييييييب يا عليا :- ومتى بتروحون ومتى بتردون ؟
      ردت وهي تحاول ما تبين انزعاجها الواضح :-بنروح عقب ساعه الصالون واول ما نخلص بنروح العرس لكن متى نرد هذي على حسب الوقت يمكن وحده يمكن اكثر ويمكن اقل

      على طول قلت لها :- لا تروحين
      ردت بحده من صدمتها :-نعم ؟!!انت وش..
      ما كملت لاني قلت :-لا تروحين مع حد انا باخذك كل مشاويرك
      عليا :-بس انا وعدت البنات اكون معاهم و........
      قاطعتها بتأنيب :- المفروض ما تواعدين قبل ما تشاوريني ...وترى البنات بتكونين معهم في نفس المشغل وفي قاعه الاعراس بعد ...جهزي حالك اقل من ساعه وانا جاي
      سكرت الخط من غير ما استنى ردها اساسا انا تكلمت اكثر من اللازم ..أووووه تذكرت اني لازم ارجع السعوديه باسرع وقت ..بس لو تركي يرد واعرف وش فيه بالضبط ... غير اني من خوفي على تركي نسيت عليا مو معقوله ارد السعوديه واتركها هنا خاصه عقب اللي قالته امس ...لكن بكره باذن الله بكون هناك

    3. #33
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة


      هــــــــاجــــــــــر


      ما لي مزاج عروس وطقطقه لكن بعد علشان خاطر عليا بس جيت والقهر اني قعدت انطرها اكثر من ساعه في القاعه ....ولمن شرفت حضرتها لفت على خلق الله تسلم عليهم ....وبعدين فكرت تجي عندي سحبت الكرسي اللي جنبي وقالت
      :-هلا هجور ...من متى انتي هني ؟؟
      رديت ويدي على خدي :- صارلي ساعه ...وحضرتش توش واصله
      دزتني بكوعها :- الا المزاج معتفس وش صاير ليكون حمد له دخل في السالفه ؟
      طالعتها بنضره بائسه :- افففففففففف راسي يعورني من الصبح وانا افكر شلون اتخلص منه مو عارفه وش اسوي وين ما اطقها عوجه
      ابتسمت :- عاد هجور للحين هالفكره البايخه في راسش !!
      طالعتها بنص عين :- فكره بايخه هاااااااا عجل تبينه عقب اللي قاله اوافق عليه واخليه يفرح انه مشى كلامه علي !!
      مسكت عليا يدي وقالت بجديه :-وعلشان تحدي سخيف تخربين على روحش (كنت بتكلم بس نضرتها منعتني وحطت صبعها على راسي )فكري عدل وش عيبه حمد علشان ترفضينه
      (وغمزت )غير ان القلب يعشقه واذا على التحدي اذا تزوجش وعرفش زين اكيد بيندم انه خطبش بهالطريقه وساعتها سوي فيه اللي تبين

      حلوه الفكره اتزوجه واعرفه ان الله حق وما يتجرأ ويتحداني بس بعد مؤلم اني اتزوج واحد ما يحبني وماخذ مسأله الزواج تحدي والقهر اني احبببببببببببه وعلشان ما تصر عليا على فكرتها اكثر غيرت الموضوع
      :-حلو الاسود عليش (حركت حواجبي )الا ماقلتين وش قال خلودي لمن شافش؟؟
      تحولت بسمتها الى عبوس وقالت :- ما قال شي اخذني من البيت للصالون من غير ولا كلمه ورجعت البيت ابدل وهو نطر بره وطلعت له ونفس الحال وكل اللي قاله قبل ما انزل اذا خلصتين دقي علي
      غمزت :- على هالكلام الا شكلش ينطق الحجر ....بس الظاهر خايفه من الحسد ولا اللي صار مشفر
      ضربتني على كتفي ودزتني :- صدق انش قليله حيا ....وثانيا وين بيتكلم والاخ يزعم زعلان من عقب ما تهاوشنا امس... مو كأنه هو الغلطان وعلى باله انه اذا سوى جذي بتنازل

      هذي شتقول وش هالالغاز :- اي هواش وانتوا توكم مالكين ... وش هذا اللي ما بتتنازلين عنه؟؟
      اعرفها عليا ما كانت تبي ترد وعلشان تسكتني قالت :- مو وقته بعدين اقول لش


      وطبعا ما عرفت شي لاننا رجعنا البيت قبل وانصدمت يوم ثاني لمن عرفت انها رجعت السعوديه..... بس الحلو انها جتني من السما الطريقه اللي ارد فيها على حمد وغصب عن خشمه بعد .....



      علـــــــــــــــيــــــــــــاء



      اساسا ما كنت ابي ادق عليه بس فكرت اني اهدي الامور شوي يعني مسأله الطلاق اكيد ما بتم وقلب الصقيع معند فخليني اسير الامور على الاقل هني واذا رحنا السعوديه ساعتها بابتدأ الحرب اللي لازم اخوضها واكسبها بعد ..... توقعته يتكلم يقول اي شي وان كان اعتراض على اي شي لكنه ابد طول الطريق ظل ساكت وما سمعت صوته غير لمن رد علي وقال انه بياخذني كل مشاويري .....جاسم من سمع ان العروس جاهزه اصر ان الزفه تكون من وقت ودخل عقبها بربع ساعه بس وما طول وطلع واخذها ....اسرع زواج حضرته يعني بالعاده يخلص العرس على الوحده او الثنتين لكن جاسم ما صارت الساعه 11الا خلاص اخذ عروسه وطلع
      وبما ان هجور طلعت عقب ما شافت العروس وباركت لها فما بقى احد اقعد معاه فاضطريت ادق على خالد في الاول كان الخط مشغول وفي المحاوله الثانيه رد
      :- نعم ؟
      كان واضح ان مزاجه للحين زفت رديت بهدوء :- خلصت ممكن تجيني اللحين
      خالد بنفس المزاج :- انا موجود برى...لا تتأخرين
      وسكر الخط من غير ما يسمع ردي لاااااا مصخها على باله ان هالحركات ما تغيض يسكر الخط في وجهي ....عاد هالمره ما بسكت له ..... ركبت السياره حتى ما سلمت وهو ولا على باله كان مشغول في موبايله والظاهر ان محد يرد عليه لانه تأفف بحده وقبل ما يضغط على زر الاتصال جاه اتصال رد عليه
      :-هلا
      الطرف الثاني :-.............................
      خالد بايتسامه مصطنعه :-زين بس لا تاكلني ... وانا كلها كم ساعه واكون عندكم
      الطرف الثاني :-.......................................
      خالد :- ما في داعي اجلس اكثر من كذا ...اشغالي وخلصتها (ميل فمه بحركه ساخره )واخاف اذا طولت غيبتي تبهذل الدنيا
      الطرف الثاني :-.........................................
      خالد بعتب :-افاااااااااا يا طلال انا ما لي لزمه ؟؟ واذا كذا ليش متصل فيني ؟
      طلال :-..............................................
      خالد وعلامات الدهشه على وجهه:- جد؟!! متى ؟؟
      طلال :-.....................................
      خالد :- الله يبارك لهم (سكت شوي بعدين سأل ) الا ياطلال انت اليوم شفت تركي ؟
      طلال :-.....................................
      خالد :- ما ادري مشغول بالي عليه وكل ما اتصل فيع الاقي جواله مغلق
      طلال :-........................................
      خالد :-تدري الوضع كذا ما يطمن خاصه انه مرسل لي يقول (طالعني بعدين قال ) نتكلم في ذا الموضوع بعدين ...كلها كم ساعه وتلقاني عندك بالسعوديه يلا في امان الله

      سكر الخط التفت لي وقال :- الليله ماجد خطب وداد وحددوا ملكتهم عقب ملكه طلال ....

      سكت ما عرفت وش ارد عليه فهزيت راسي باشاره نعم وكاني اقول له اني فاهمه وسامعه
      بعدها قال وهو يطالعني بنظره حسيتها تبي تنفذ لروحي لكن البرقع مثل درع حصين تجاهها
      :- عندك ساعه بالكثير جهزي اغراضك وبدلي هدومك لاننا بنطلع على السعوديه
      استغربت وش يطلعنا في هالوقت :- بس هذا مو وقت سفر خليها لبكره الصبح احسن
      رد ولا كأني تكلمت :- هذا حنا وصلنا جهزي حالك وانا بستناك في الصاله

      اففففف دخلت البيت وهو وراي وصلت الصاله قلعت عباتي والبرقع ورميتها على الجلسه العربيه اللي في الصاله وانتبهت انه موجود فقلت له
      :- ما راح اتأخر بجهز اغراضي وببدل هدومي وبنزل .... تامر على شي قبل ما اروح
      ماادري وش اللي خلاه يبتسم لكنه قال :-ممكن اكل شي ترى صار لي يوم كامل ما ضقت الزاد

      كسر خاطري فعلا كان واضح عليه التعب والارهاق تقدمت المطبخ قلت اسوي له كم سندويشه
      ياكلهم على ما اجهز نفسي وتوني فتحت الثلاجه طلعت العصير والاجبان وغيرها الا هو واقف على راسي ابتسم على جنب وهو يطالعني من فوق لتحت بنضره تقيميه حبست انفاسي حسيت ان نضراته وهي تنتقل على مهل من شعري لوجهي لصدري لخصري لرجلي وترجع مره ثانيه بنفس النضره ....تحرق الدم وتهيجه بجنون لدرجه ان كل دمي حسيته اندفع لراسي واشعل خدودي وخدرتني نضرته لمن استقرت على عيوني ما كان يطالع عيوني لا ....كان يفتش في قلبي وهمس بصوت هيج جيوش الدم وخلى قلبي يدق بقوه لدرجه اني خفت انه يسمعه
      :- تعرفين انك هزمتيني وسحرك تملكني (مسح على شعري بيده اليسار ورفع يدي اليمين لفمه وباس يدي لامست انفاسه الحاره جلدي وارسلت الرجفه لكياني حس بالرعشه تسري في جسمي وضمني لصدره ) وتعرفين ان سحرك اشعل الحيره والمراره في صدري

      ما حبيت اضعف او انهي الامور بهالطريقه ويمكن بدايه كلامه ونضرته هى اللي سحرتني لكن اللي ردني لارض الواقع كلاماته حتى وهو يبي يقول ان لي تأثير عليه جاي يقول اني ما سببت له غير الالم والعذاب والمراره ايه مو انا الشوكه اللي انغرست في خاصرته ومنعته من تحقيق اعز امانيه انه يرتبط بساره بعدت عنه بحركه حاده وقلت
      :- والله شفاك بيدك طلقني وبترتاح
      حسيت شرارات الغضب طفرت من عيونه تنسف كل اللي يواجهها وقال وهو ضاغط على اسنانه
      :- والله يا بنت عمي ان هذي ابعد لك من نجوم السما (وقرب مني وهمس في اذوني )
      وما بيفكك مني الا الموت
      حسيت ان انفاسي انسلبت مني والدنيا ضاقت بوجهي لمن ذكر الموت لكني اصريت وقلت
      :- بس انا روحي ما ترضى بالمهانه والذل ....
      ما كملت ابتسم بسخريه والم وقاطعني :- وانا بعد ما ارضى لك المهانه والذل...والطلاق فيه
      حط من قدرك يا بنت عمي....لكن اذا تبين ترتاحين (اشر على رقبته ) اذبحيني وفي هذي ما بقول لا
      حطيت يدي على فمي عاقل هذا ولا مجنون ما يحبني وروحه متعلقه في غيري ويعترف انه يتألم في كل لحظه لكن بس علشان ما يتراجع في كلمته يفضل الموت على راحته نزلت دمعت الم وحيره وقهر وطلعت وراها انه من الروح
      :- انت ليش ما تشوف انه من الجنون استمرارنا مع بعض ....شلون ترضى على نفسك تتزوج وحده غصب عنك وحده ما تبيها وتتمنى غيرها ؟؟
      مسح دمعتي اليتيمه ورفع حاجب :- يمكن لاني مجنون ...ويمكن لاني عاقل ...ويمكن لاني مغامر ابي اشوف سحر دمعتك وبسمتك وحنانك وقسوتك وش ممكن يسوي (ابتسم )ويمكن تكونين فاهمه غلط وتشوفين الامور معكوسه

      قعد على الكرسي وقال :- انا بصلح لنفسي السندويشات وانتي روحي شوفي شغلك و........ وسيرت الطلاق تراها لمعلوماتك تقصر المده ....بس هالمره بعديها

      ما كنت في وعيي كلماته شغلتني وزادت على حيرتي حيره اقلقتني وزعزت استقراري كنت مصره ومستعجله على الطلاق لكن اللحين صرت اتأرجح بين نارين مرات اتمنى الطلاق بسرعه ومرات اتمنى يكون عندي الوقت اللي اسمع منه هو نفسه تفسيره لكلامه
      هالافكار كانت هي المسيطره على طول الوقت وما تركتني الا على عتبات بيتنا وهو يقول لي
      :- الحمد لله على السلامه (وناظرني كأنه بيقول شي لكنه تراجع )
      وانشغلت بعدها مع طلال اللي كان ينطرني عند الباب



      مـــــــــــــــــــــاجـــــــــــــــــــد



      يمكن خطبت دلال بس تلبيه لغربة الوالده لكن بعد ما رجع تركي من بريطانيا صرت احس اني لازم امتلكها ومحد غيري يطالها ....هو صحيح ان تركي عمره ما قال انه يحبها او حتى يتمناها لكن في الفتره الاخيره من دراسته صار اذا تكلم عن رجعته وعن عروس المستقبل احسه دائما يوصف وداد اذا تكلم عن فتاه احلامه وهالشي خلاني اتعلق فيها رغم انها بنت خالي وقريبه مني مثل ما هي قريبه منه بس شوقه ولهفته خلتني اشوفها بمنظار مختلف وخلاني اوافق امي على طلبها مباشره وكأنها تنفيذ لرغبه مدفونه في نفسي ..... وحتى اتصالي لتركي ما كان علشان اسمع منه كلمة مبروك لا انما علشان اعرفه اني قدرت اسبقه هالمره وانال الي هو يتمناه لكن رده ما شفى غليلي لانه ما اهتم وبارك لي بكل بساطه
      ....فتناسيت وانشغلت عن وداد ويمكن فقدت رغبتي في الارتباط فيها لكن لمن رد تركي من بريطانيا رجع لي الحماس خاصه ان كنت اشوف في عيونه الم الخساره اللي ما يوضحها فعله او حتى صوته اذا ذكرت وداد قدامه ....واخرها فكرت اني اوريه ان وداد لي وبس وانها حلم مستحيل يطوله فطلبت من ساره صوره لوداد ورقم جوالها وتعمدت ان تركي يعرف هالشي
      ...لكن رد فعله كان مخالف لتوقعاتي توقته يتألم يعارضني يناقشني انما يسوي اللي سواه واخرتها يجي البيت ويقول لي
      :- شوف يا ماجد انا ما سكت عنك الا لاني ما ابي اسوي فضايح ... لكن ان عدتها مره ثانيه صدقني ما تلوم الا نفسك
      تكلمت ببرود :- اي فضايح خطيبتي وطلبت صورتها ورقم جوالها وين المشكله
      ساعتها ما تحمل مني تركي ومسكني من ثوبي :-الا فيها حط من قدر بنت خالك واهانه لها ودوس على كرامتها ...واذا كنت تشوفها خطيبتك فهذا يعني انك اكثر واحد لازم يحافظ على سمعتها مو يسوي اللي سويته
      رديت بتحدي وانا افك نفسي من يده :- وداد حرمتي واسوي معاها اللي ابيه وانت مالك دخل
      هالمره مسك ثوبي ووشدني له وقال وهو يخنقني بتشديده على قبضته على الثوب
      :- صدقني اذا تجرأت وعدتها ساعتها تحلم انك تنال ضفرها وسواياك بتوصل لخوالك وساعتها
      ما حد بيردني عن ذبحك
      ابتسمت بسخريه :- اصحى من حلمك ترى وداد لي مو لك وابشرك الليله انا وابوي بنروح نحدد موعد الملكه وان كنت رجال اوقف في وجهي وامنعني

      هزته كلمتي لدرجه انه نفض يده عني بقوه ورماني على الارض وقال بلهجه يشوبها شي من الجنون:- وانا احذرك ابعد عن وداد لانك ما تستاهلها ...
      ضحكت :- تحذرني ليه وش بتسوي!!!.... بتفضح بنت عمك وسط الرجال وبتقول اني كنت ابي صورتها ورقم جوالها وساعتها فسر لهم كيف اني تجرأت على بنت خالي وطلبت منها هالطلب
      ..ولا بتقول انك تحبها وتبيها لنفسك
      صرخ تركي :- صحيح انك نذل وخسيس لكن لو على ذبحي ما خليتك تتزوجها
      وتركني من غير ما يسمع ردي عليه وراح لسيارته ....يمكن اكون هزمته لكني لا زلت خايف منه لانه رجال عند كلمته عمره ما وعد واخلف غير انه رجال لا يستهان به وخفت انه يسوي شي رغم تأكدي اني بكلامي سديت عليه كل السبل ...علشان كذا كنت طول ما حنا في المجلس عند خالي وانا اناظر الباب اخاف ان تركي يدخل في اي لحظه ويخرب على كل شي
      وارتحت انه ما ظهر طول الوقت واول ما طلعنا ملاني شعور مختلف الشعور بالنصر وهذا الشي خلاني اتجرأ واتصل عليه لكن جواله كان مغلق فبعثت له رساله
      ((بارك لي يا تركي تراك خسرت وفزت انا بالدره ))
      وعلى الساعه وحده وصلني تقرير باستلام الرساله وبعدها صوت رساله من تركي يقول فيها
      ((لاتفرح تراك ما ملكتها ...وخسارتك قربت ))
      هذا وش جالس يقول ليكون انجن انا خلاص بملك عقب طلال باسبوع او اثين على الاكثر وهذا جالس يهذي حاولت اتصل فيه كان مشغول وبعد عدة محاولات رد على طول قلت له
      :- انت وش اللي تهذي به انجنيت ولا وشو؟؟
      رد برود :- انت اللي تهذي ولا في حد يبارك لحد على وهم و حلم مستحيل يتحقق
      رديت بعصبيه :- انت اللي تحلم ترى ملكتي عليها بالكثير عقب ثلاثه اسابيع
      ضحك :- ثلاثه!!! كثيييييييييييير ترى حلمك ما بيطول اكثر من اسبوع
      خلاص فلتت اعصابي وما عدت اتحمل :- يعني وش بتسوي خلااااااااص انا خطبتها وتحددت الملكه افهم يا بني ادم
      سألني برود :- وانت ليش تبيها؟؟
      سحبت نفس ورديت بغرور:- علشان اكسرك ... علشان تعرف اني مثلك واحسن منك بعد وان مو كل اللي تتمناه تقدر تنوله ... علشان تعرف اني اقدر احصل على اللي انت نفسك ما تقدر تحصل عليه
      سكت تركي شوي بعدين قال :- شوف ياماجد انا عمري ما قلت اني احسن من حد ...وياريت نلت كل اللي تمنيته .....لكن وداد مستحيل تكون لواحد مثلك ما يعرف قدرها
      وموتي ولا ان وداد تكون لك

      ضحكت بهستيريه :-وداد ما بتكون الا لي ...وان كنت جبان ما تبي تعترف انك تتمناها وتحبها الااني اقول لك خلاااااااااااص ما عاد لك حق تقول هالكلام وهالمره بيمنعك كونها ملك لغيرك ملك لي (ضحكت ) وهذا سبب اشرف من جبنك
      همس بنبره وعيد :-ما الجبان والخسيس الا انت .... وهذا انا اتحداك ترى ملكتها صحيح عقب ثلاثه اسابيع لكن العريس هو انا مو انت
      وسكر بوجهي حاولت ادق عليه مره ثانيه لكن ابد قفل جواله وما عاد فتحه الى ان استسلمت


      نــــــــــــــــــــــدى



      من بدايه اليوم وانا مو مرتاحه وجا عزيز وكمل علي عقب اللي قاله قدام امه طبعا طلع مع اخوه ولا همه الدمار اللي خلفه في نفسي لكن مستحيل اسكت لك يا عزيز ولا تتوقع انك بهالحركه قدرت تنتصر على او تخضعني لا تراك بالعكس زدتني اصرار وعزم على موقفي واللي سمعته بعد كذا بينه وبين اخوه الدكتور علي قهرني وخلاني مو مستحمله الاثنين عزيز
      بتسلطه وانانيته وتجاهله لرغبات الاخرين واحاسيسهم ما دام الامر يرضيه واخوه على المغرور اللي شايف نفسه فوق الكل واحسن من الكل ......كنت في المطبخ مع كريشما
      اشرف على تجهيز الغدا توني خلصت وكن ناويه اروح لغرفة الطعام القريبه من المطبخ علشان ارتب السفره الا اسمع صوت عزيز واخوه علي ولاني ما كنت لابسه شي يسترني رجعت المطبخ وقلت لكريشما
      :-كريشما هاتي لي جلال علشان اعرف اطلع ترى بابا علي هنا
      هزت راسها وقالت :- زين ماما بس اول اودي صحون غرفه اكل
      وطلعت وانا جلست اسمع اصواتهم الجايه من غرفة الطعام كان عزيز يقول
      :- وانت تبي تفهمني اني غلطان لمن اتمنى طفل ثاني !!
      رد عليه علي :- الغلط مو انك تنجب طفل ثاني لكن انا اشوف التوقيت غلط
      عزيز بسخريه :- حتى هذي يبي لها توقيت ؟
      تأفف علي :- طيب انت كونك رجل مشغول وما تجلس مع عيلتك كثير ما تحس باللي اقوله لكن زوجتك كيف وافقتك ؟؟
      عزيز :- زوجتي شورها من شوري وما تطلع من طوعي هذي كل السالفه
      علي :- ولو اعتراض الزوجه او انها تتناقش مع زوجها ما يعني انها طلعت من شوره
      دخلت خالتي ام عبد العزيز اللي قالت :- علامكم صوتكم واصل لاخر البيت ؟
      رد عزيز:- ابد بس علي يبي يقنعني ااجل فكره الانجاب اللحين
      ردت خالتي على ولدها علي :- اترك اخوك في حاله ...والتفت لحالك طيعني وانا من بكره اخطب لك بنت عمك .....
      قاطعها علي :- الله يهداك يا يمه انا حتى لو ابي اخطب ما باخذ وحده جاهله وغير مثقفه انا ابي وحده دارسه وفاهمه
      خالتي :- ومن قال ان بنات عمك مو دارسات !! تراهم اخلاق وزين وعلم مثلهم مثل حرمة اخوك
      تدخل عزيز :- اسمع كلام الوالده وصدقني بترتاح
      علي بسخريه :- اي ارتاح !! اذا مثل حرمتك انا ما ابيها
      تنرفز عزيز :- ليش وش فيها حرمتي ؟؟
      علي برود :- وحده وش اقول جاهله فهمها على قدها تفكيرها تفكيرحريم قبل ...اجل في وحده في هالزمن تقبل تنجب على طفل صغير وما تراعي انه يحتاج اهتمام ورعايه وحسن تربيه ...يا اخي اذا جابت عيال على بعض وين تلقى الوقت لكل ذا .... انا تبيني اتزوج وحده تفكيرها ما هداها على الاقل انها لسى طالعه من تجربه حمل وولاده متعبه وانها لازم ترتاح وتستمتع بامومتها على ما تفكر تنجب واحد ثاني ....لا انا اذا بخطب بخطب لي وحده مستواها التعليمي والفكري ارفع وارقى من كذا بكثير

      هه يعني الاخ على باله هو الوحيد المتعلم الفاهم والواعي وهو اساسا ما يشوف ابعد من انفه ولا من وين حكم اني جاهله و..........حسبي الله عليك يا عزيز اللي خليت واحد مغرور وشايف حاله مثل اخوك يتكلم على سمعت خالتي تتكلم بس ما فهمت وش تقول لان كريشما جت ومعها جلالي والبرقع لاني اتغطى عن اخوان عزيز لبستهم ودخلت وسلمت عليهم وقبل ما اطلع للصاله نادتني خالت ام عبد العزيز
      :- تعالي يا ندى سمعي علي وش يقول (والتفتت لولدها ) عيد اللي كنت تقوله
      رفع حاجب وقال :- ما قلت شي غير انك اذا كنتي مصره تخطبين لي انا ما ابي من العيله انا
      يا ام علي ودي تخطبين لي زميلتي الدكتوره اسيل ...وش قلتين ؟؟يا هذي يا ما في خطبه

      خالتي لوت فمها :- سمعتي يا بنتي عايف بنات عمه علشان وحده تشتغل مع رجال
      ابتسمت اساسا افتكوا بنات عمه والله من هي اللي بتتحمل هالكم من الصلافه والغرور
      الا وحده زيه ...وهو اللي بيندم والله بنات عمه ما ينعافون جمال واخلاق وعلم مثل ما حضرته يبي قطع افكاري صوته
      :- يمه هي صحيح تشتغل مع رجال بس محافظه على نفسها وعلاقتها بزملائها في حدود العمل يعني ما اخطت واذنبت وثانيا لو ما في طبيبات حريم ما كنت انتي نفسك رضيتي تتعالجين
      هزت راسها بعدم اقتناع :- انا ما قلت ان بها عيب بس حنا عوايدنا ما تسمح ان الوحده تشتغل في مكان كله رجاجيل تراه عيب ومنقود عندنا ...انت ما تشوف الحريم عندنا اللي تشتغل تلقاها في مدرسه ولا مكان ما به اختلاط ... اسمعني يا وليدي والله ان بنات عمك اصلح لك ...
      تدخل عزيز :- انا اقول يمه اخطبي له اللي يبيها واهم شي انها ملتزمه بحجابها ودينها
      وهو يشتغل معها واعرف باخلاقها
      ايه بالنسبه لك يا عزيز اهم شي طلبات الرجل تجاب سواء كانت صح او خطأ واللحين جاي تفكر بمنطقيه ولمن طلبت انا اني اشتغل رفضت وتحججت بالبيت ومسؤلياته يعني المدرسه تنشغل عن عيالها وبيتها وزوجها والطبيبه تقدر توفق بينهم
      ما ردت عليه عمتي وسألت علي :- وطبيبه وشو بعد اطفال ولا نساء؟؟
      ابتسم علي :- يعني الحرمه ما تتخصص الا في ههالمجالين ؟.....لا هذي طبيبه عظام
      خالتي بدهشه :- عظاااااام !! يعني تكشف على رجال (هزت راسها بعنف )لا لا ما تصلح لك دور لك على غيرها
      عبس علي ومسك يد امه وباسها :- على راحتك يا ام علي الشور شورك والراي رايك ...ولو ان قلبي ما يبيها الا هي وغيرها لا ...يعني اذا قلتي ما اتزوجها اقول لك على راسي لكن تقولين لي تزوج غيرها اقولك لك سامحيني ما اقدر قلبي ما يسمح لي
      طبعا كلهم يعرفون نقطه ضعف امهم... يتمسكنون ويحسسونها انها كاسره بخاطرهم وانها بتحرمهم من امانيهم و وفرحتهم فعلى طول تخضع لهم وتنفذ رغباتهم
      ناظرتني وقالت :- تظنين يا ندى ان العرب ما بتتكلم علينا و........
      كسرت خاطري وعلشان اطمنها قلت :- محد راح يتكلم ترى علي رجال كبير وفاهم والرجال الحرمه تنسب له مو هو اللي ينسب للحرمه ...ويا خالتي اذا البنت اصلها طيب وعلى خلق ودين فما اظن يعيبها شي والمهم انه يرتاح لها (وكملت اقصد علي ) وعلي دكتور ما تناسبه الا وحده مثقفه ومتعلمه وفاهمه تناقشه وتحاوره وتكون ند له في الفكر
      اظن انه حس اني سمعت الكلام اللي قاله عني وفهم الرساله اللي كنت قاصده اوصلها له لانه رغم غروره ما انكر حدة ذكائه وفعلا ما ضيع فرصه وقال
      :- سمعتي يمه هذي حرمة اخوي فهمتني والله انها مثل ما يقول عزيز حرمه عاقل شورها ما يطلع عن شور الرجال
      قهرني رده كان يقهر يعني يبي يوصل لي اني ما افهم واني ما قلت كذا الا لاني بكل بساطه تعودت ان ما يكون لي راي واني مثل الماشيه وين ما يأشر لها الراعي راحت وراه طبعا سكت وما رديت لاني اذا رديت بيتطور الموضوع وراح افرغ كل حرتي فيه وفي اخوه اللي قاعد جنبه وعلشان ما انغث اكثر انسحبت بحجة اني بروح اطل على فراس .............
      وفي نفسي اتوعد عزيز اني ما بعديها له لكن اول ما وصلنا البيت عقب ما تعشينا عند خالتي انشغلت بوداد اللي دقت علي وهي تصيح تقول ان ماجد الليله بيجي مع ابوه علشان يحددون ملكتها ....في البدايه ما فهمت ليش هي زعلانه كذا وش الامر الغريب في ان ماجد يخطبها
      ..لكن اول ما حكت لي عن اللي سواه هو و اخته ساره انا نفسي اشتعلت النيران بقلبي ....واللي ضايقني انها صارت تصيح بقوه ما ابيه ما ابيه ....وطبعا كان من الصعوبه اني اهديها خاصه اني بعيده عنها وما اطالها فاول ما سكرت اتصلت على طلال بحكم قربه منا وقلت له يروح يطل على وداد ويطمني عليها وكل اللي قلته انه تصيح بسبب التوتر من مسأله قرب ملكتها
      ....لكن طلال شغله اكيد شي ثاني لانه ما عاد اتصل فيني وساعتها ما نمت الا لمن وافق عزيز انه بكره يوديني الرياض ..........


      انتهى البارت
      اعذب و ارق التحايا

    4. #34
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة


      ((الجزء السابع عشر ))
      (ربح الخساره )

      ادري العنوان غريب لكن هذا واقع مو كل احلامنا اذا حققناها راح نكون سعداء بتحقيقها
      لسبب بسيط اننا في احلامنا تناسينا او استبعدنا ان ربحنا للمعارك اللي نخوضها قد نخسر في الطريق للربح الكثير فلا يعود للربح معنى
      او ان يتحقق الربح لكنه مقرون بخساره فيكون ربح مؤلم
      او ان الربح نفسه يكون هو الخساره


      علــــــــــــــيــــــــــــاء


      اليومين اللي طافوالبيت كان في حاله قلق والجو مشحون بالتوتر والحديث الشفوي بينا ثقيل ومختصر والاعجب ان رغم قلت الكلامات لكن حوار العيون كان ما يتوقف كان على اوجه
      عيون وداد كانت تشتكي من الم حاد كانت تقول لطلال تكفى اوقف جنبي ساعدني وطبعا الكل عارف عقب موجة البكاء في ليله ردتي من البحرين واللي تجددت في اليوم الثاني او بالاصح استمرت وسلبتها قوتها وادخلت على صوتها بحه من انهاكها لاحبالها الصوتيه انها ما تبي ماجد .....وش الاسباب ؟!!!! هذا شي ان كان في احد يعرفه غير طلال اللي طول معاها على ما هدأها فهو ندى
      وعيون ندى اللي تقول لوداد قلبي وياش ولطلال تقول فديته الحنون الله يعينك
      هذا غير النظرات السرحانه والتنهدات اللي تقول ان ندى فيها شي بس مو حابه احد يعرفه
      وعيون خالتي ام طلال اللي ملت من سؤال ما لقت له اي نوع من الاجابات المريحه ومات السؤال على شفايفها لكن عيونها ما توقفت في محاوله لمعرفه الاجابه
      وش فيكم ليش يا وداد ما تبين ولد عمتك ؟.....وش اللي متعبك يا ندى؟... ولا تقولين ما في شي ....طلال المفروض تفرح ليه شكلك مهموم؟....وحتى انا سألتني ولا زالت تسألني بعيونها
      وش بك ؟ صار عليك شي في البحرين ضايقك ؟

      وعيون طلال اللي تطالب ندى بالمساعده...وتقول لوداد صبري وان شاء الله بتفرج لكن في نفس الوقت تحس بحيرته شلون بيقدر يحل الامور.....وتقول لامه تطمني ما في الا كل خير.....وتوجه العتب واللوم لي عتاب حاد ما قادره اتحمله عقب ما صارحته برغبتي في الطلاق من خالد ...حاول يقنعني بعدم معقوليه ومنطقية طلبي وزعل من قلب لاني في نظره غلطت غلطة اكبر من غلطه خالد الي فرض امور من غير ما يعرف حقيقتها بينما انا ارتكبت خطأ فادح لاني عميت عن الحقيقه المطروحه قدامي لاني كنت انتظر اعتذار بلا معنى ... وكل اللي قدر عليه انه يقنعني اني ااجل موضوع الطلاق الى ان تتم ملكته وينتهي موضوع وداد على خير ...طبعا هو فرح بموافقتي على اساس اعيد التفكير واغير راييي ....لكن بالنسبه لي هيهات اغير رايي وانا بنفسي بكلم ابوي عقب ملكة طلال وانتهاء موضوع وداد

      على الساعه تسع الصبح كنا قاعدين كلنا في الصاله طبعا ما عدا ابوي وطلال اللي في الشركه وفيصل اللي سهر لصبح على البليس تيشن والحوار معدوم بينا الى ان قطع حدة الصمت صوت خالتي ام طلال تقول لنا
      :- ام خالد اتصلت تذكرنا بعزومه امها لنا اليوم على الغدا
      ما تلقت اي نوع من الرد فقالت :- جهزوا حالكم عقب صلاة الظهر اما خالد او تركي بيمرنا علشان يودينا بيت ام عبد الملك
      تبادلت ندى النظرات مع وداد وبعدها قالت :- يمه انا ما قلت لعبد العزيز و وداد تعبانه ما اظن تروح معكم فأنا بجلس معها وانتوا روحوا
      قالت سعاد بتضرع لخالتي :- بصراحه انا استحي اروح بيتهم ما ني متعوده عليهم ولا اعرفهم كويس (وغمزت ) غير ان العزومه مهي لي
      قبل ما خالتي انفتح باب الصاله وسمعنا صوت عمتي تقول :- يا هل البيت وينكم ؟
      توجهت لها خالتي ام طلال ترحب فيها
      لفت نظري ان وداد اللي ارتعشت اول ما سمعت صوت عمتي بعدها وقفت بسرعه وراحت فوق
      دخلت عمتي وسلمنا عليها وبطبيعة الحال سلمنا على ساره اللي كانت واقفه وراها جلست عمتي اما ساره قلعت عباتها وهي تسأل
      :- إلا وينها وداد؟؟
      استغربت لمن ردت عليها ندى :- نايمه بغرفتها تعبانه ولا تقدر تقابل احد
      ردت ساره وهي تجلس جنبي :- عسى ما شر وش فيها ؟؟
      ندى وكأنها مو طايقه ترد على ساره :- ابدا شويه ارهاق وصداع اذا ارتاحت بيروح
      ابتسمت ساره وطالعتني بنظره غريبه :- مو مشكله اذا ما شفتها اللحين اشوفها بعدين
      ...خاصه ان امي جايه اليوم ودها تتغدى عندكم تقول واحشينها
      بانت الدهشه والضيق على ندى وردت خالتي ام طلال
      :-حياكم الله في اي وقت ترى البيت بيتكم
      ابتسمت ساره لخالتي :- تسلمين يا خالتي (ولفت لي ) الا يا عليا متى عزومتكم عند ام عبد الملك ؟
      حسيت من رفعت حاجبها انها عارفه الرد وان توقيت زيارتهم مو جاي عبث لكني رديت بكل هدوء :- ما ادري الخبر عند خالتي ام طلال
      سمعتنا خالتي وردت :- والله من شوي دقت ام خالد تقول ان عزومتهم اليوم و..............
      قبل ما تكمل قاطعتها عمتي :- وخزياه يعني حنا بجيتنا خربنا عليكم (ووجهت كلامها لبنتها )ساره دقي على السواق يرجعنا البيت
      حلفت خالتي:- لا والله ما تطلعون من هنا الا متغدين ....واذا على ام خالد وام عبد الملك محلوله (نادت سعاد ) سعاد هاتي التلفون ودقي لي على خالتك ام خالد
      قامت سعاد وعطت امها السماعه عقب ما دقت على بيت عمي :- هذا هو يرن
      اخذت خالتي السماعه :- السلام عليكم ....وين ماما ام خالد ؟؟
      :-.................................
      ام طلال :- زين قولي لها ام طلال تبيك
      ام طلال :- هلا بوخيتي السلام عليكم
      ام خالد :-..................
      ام طلال :- عاد سامحيني يا ام خالد ماني عارفه وش اقول لك بس اعتذري لي من امك...كان خاطري اشوفها بس اليوم مانقدر نجيكم
      ام خالد :- .......................
      ام طلال :- لا شر ولا ضر بس اليوم جاييني خطار وحلفت عليهم يتغدون معنا
      ام خالد :-........................
      ام طلال :- والله البنيات ما اظن يجون لان وداد تعبانه وندى ما خبرت زوجها وسعاد تقول تدرين عنها تستحي تقابل الناس خاصه انها مو معتاده عليكم وعليا ما اظنها تروح لحالها
      ام خالد :-...........................
      ام طلال :- ادري بس ما اظن ابو طلال يرضى غير انها تستحي و.............
      ام خالد:- ................................
      ام طلال :- بس يا اختي ...........
      ام خالد :-........................
      ام طلال :- زين اجل هذا انا استنى
      سكرت خالتي التلفون وقالت لعمتي :- خلاص ما لك عذر وطلعه من هنا قبل ما تتغدين معنا ما في
      طالعتني ساره وعلى وجهها علامات السرور :- لا تزعلين يا عليا خيرها في غيرها (وطالعتني بوقاحه ) واظن كفايه الايام اللي قضيتيها معاه في البحرين
      نرفزتني نضرتها :- لا تحاتين ماني زعلانه ....وثانيا العزومه عزومة حريم يعني زياره البحرين ما لها دخل
      تنهدت وقالت بوقاحه :- يا عيني ادري انها عزومة حريم بس الامر ما يخلى من نظرات وحركات تحيي الايام اللي قضيتوها هناك
      كنت بصرخ في وجهها بلا قلت حيا واحترمي نفسك ترى مو كل الناس مثلك لكني بصعوبه سيطرت على نفسي ورديت علشان اقهرها وبصوت واطي علشان الباقي ما يسمعون
      :- شي طبيعي بين كل زوجين (تنهدت)والصراحه خالد اثبت لي انه رومنسي وبكل جداره
      خزتني بعيونها وكأنها تبي تذبحني :-اكيد رجال وبيشوف وحده راميه روحها عليه بيسوي كذا واكثر بعد
      كان ودي اخنقها لكني تصنعت الدهشهوقلت عقب ما شهقت :- سااااره جنيتي !!! كل السالفه ان كلماته ونظراته تذوووووووووووب ااااااه يا ساره عيونه اذا طالعني ولا كلامه اللي يخلي قلبي يرجف مثل العصفور المبلول ....ولا حرارة كفه اذا صافحني .....(طالعتها ما ابي يفوتني رد فعلها ) الصراحه اعذرش يوم انش تكذبين وتحطين نفسش في موقف مذل يوم ملكتنا

      توقعت كل سي الا انها تمد يدها علي وتسطرني حطيت يدي على خدي وصحت اااااه
      وقفت ساره وكانت بتطلع لكن عمتي مسكتها وسألتها
      :- وش عندك مع بنت خالك ؟؟
      خفت من هالسؤال لاني متأكده ان ساره راح تكذب لكنها سكتت ما عرفت ترد فسألتني خالتي ام طلال وهي تشوف سعاد ترفع يدي عن خدي المحمر وضمني لصدرها وندى المذهوله من الموقف كله :- وش صاير يا عليا ؟؟
      قررت ان ارد لساره الصفعه بس بطريقتي وقلت وانا امسح دمعتي وابعد نفسي من حضن سعاد :-ابد يا خالتي بس كنت اسأل ساره ليش رفضت خالد لمن تقدم لها ؟؟
      عقدت ندى حواجبها وقالت لي :- من قال هالكلام !! وخالد اساسا ما خطبها و..........
      قاطعتها :- هي اللي قالت لي بنفسها يوم ملكتي ...واذكر انها وصتني عليه بعد
      ساره هاجت :- تكذب انا عمري ما قلت هالكلام
      رفعت حاجب وقربت منها :- عجل ليش مديتين ايدش عليي؟؟؟؟
      الظاهر ان الموقف كان اقوى منها ولا كانت ابتكرت اي كذبه وقلبت السالفه علي لكنها راحت لحضن امها وبكت بقوه وهي تقول
      :- شفتي وش سوت فيني بنت اخوك ؟؟ تكذب علي وتهيني بس خلاص ما لنا جلسه هنا
      مسكتها امها من كتفها وقالت لخالتي
      :- ما هقيتها منك يا ام طلال تنهان بنتي في بيتك وتسكتين !!!!
      حست اني احرجت خالتي لكني استغربت لمن قالت :- تعرفيني يا ام ماجد ما ارضى بالاهانات ...وانا اللي ما هقيتها منك تشوفين بتنك تمد يدها على بنت خالها وفي بيت ابوها وما تردينها
      ....وعليا ما غلطت وكل اللي سوته انها ردت على سؤالنا

      عمتي ما عجبها طبعا رد خالتي فمسكت بنتها وقالت :-هذا حق الضيافه يا ام طلال؟؟؟
      اللي ما توقعته رد ندى :- والله لو ما حق الضيافه يا عمه كان امي ردت الصفعه صفعتين
      ...لكن الضيف ما ينهان وان هان غيره
      ردت خالتي على ندى بحده :- ندى خذي خواتك وروحوا فوق..(بعدها لفت لعمتي ) حقك محفوظ يا ام ماجد وانتي راعيه بيت ومثل ما ساره بنتك هم بنات اخوك بناتك وهذولا بعدهم صغار ما يعرفون كيف يتصرفون وحق علي وامسحيها في وجهي و.........
      قاطعتها عمتي :- والله لو ما اخوي وغلاته كنت طلعت وما عتبت باب بيتكم لكن هذا انا اقول اذا تبيني اجلس عندك عليا ما ابي اشوفها
      وصلنا فوق واخر ما وصلني رد خالتي ام طلال تقول :- ولا يهمك عليا ما راح تشوفيها طول اليوم


      خــــــــــــــــــــالــــــــــــــــــــد


      صار لي يومين من رديت من البحرين وكنت متوقع اني اذا وصلت برتاح شوي واني اذا شفت طلال بيخف شي من الهم اللي على كتفي لكني لاول مره ما عرفت افضفض لطلال او اقول له عن اللي في قلبي ....وبدل ما اسمع منه اللي يسر وينسيني اللي انا فيه لقيته مهموم ومشغول البال.....وما اقل لي الا بعد جهد ومحاولات مستميته اخرتها قال لي عن وداد اللي من عرفت عن جيت ماجد وابوه وهي تبكي وكل اللي تقوله انها ما تبي ماجد ولمن سألته عن السبب قال لي وبكل غموض اسأل تركي ...ما فهمت وش دخل تركي في الموضوع لكن طلال قال لي بنوع من العصبيه
      :- اخوك يعرف كل شي وقوله يوم انه تصرف في الاولى ليه ما تصرف في الثانيه (ومسك راسه بقوه ) لو قالي من الاول ما كان صار هذا كله وكن انهيت الموضوع من اوله
      حطيت يدي على كتفه :- طيب قول لي يمكن اقدر اساعدك
      رفع راسه وعينه حمرا :- قلت لك اسأل تركي وهو يقول لك وساعتها بنشوف كيف تنحل
      (ابتسم على جنب ) الا بتنحل بس اهم شي تركي يكون معي واللحين روح بيتكم ارتاح وانا بعد بروح انام
      ابتسمت في وجهه:- يعني تطردني !!
      ابتسم :- يا اخي اي اطردك انت بس شوف حالك شوي واتنام وانت واقف
      سلمت عليه وطلعت للبيت وانصدمت هناك بتركي اللي جالس في الصاله واللمبات مطفيه نورت الصاله وجيت جنبه
      :- وش بك ليه متضايق ؟؟
      رفع راسه مدهوش :- خالد!! متى جيت مو المفروض انك توصل بكره ؟؟
      ابتسمت :- والله لو ما عمي امني على بنته كنت لقيتني عنك من المغرب .... والمهم اني هنا جيتك بس علشان اعرف وش اللي مضايقك (حطيت يدي على كتفه ) ها قول وش اللي متعبك ومن اللي متعبك ؟؟
      سكت لكن بعدها قال :- وش تسوي اذا كنت تحب وحده وتبيها لكن سبقك عليها اعز الناس لك ...وقبل ما يملكها عرفت انه ما يستحقها الا ما يستاهل تراب رجليها

      سحبت نفس بقوه :- قبل ما اسألك من هي البنت ومن هو الرجال بسألك هي تبيه ؟؟

      التفت لي وعلامات الهم واضحه في عيونه :- مو هذا اللي ذابحني اني ما ني بعارف اذا هي تبيه او لا والمصيبه اني انحطيت ونزلت لمستواه وتحديته وانا متناسي لمشاعرها وقلت له اني بتزوجها وما بتكون له ولو على موتي
      هالمره جلست على الطاوله اللي عند الكنبه علشان اكون قباله :-لذي الدرجه تحبها ؟

      مسح وججه بايده ورد علي بحزن :- وارخص روحي علشانها

      انحنيت في اتجاهه:- تركي من هي البنت ومن هو الرجل وليه حكت انه ما يستاهلها

      ضرب ذقنه بقبضته :- مو وقت الاسماء بس وش تقول عن واحد يبعث اخته للبنت اللي خطبها يبي منها صورتها ورقم جوالها علشان يتعرف عليها قبل الملكه

      عقدت حواجبي :- والله انه رجال ما فيه مروه ....يعني ما يقدر يستنى الى ان يملك وبعدها ياخذ اللي يبيه ومن البنت نفسها ...واخته كيف طاعت اخوها و.......

      ابتسم طلال بسخريه :- وازيدك من الشعر بيت تراه ما اكتفى بكذا لا ...الا جاني بنفسه وقال عن سواد وجهه وبكل غرور قال لي استنى كلها دقايق والرقم بيكون في يدي ...(ضرب فخذه بقوه) والله ثم والله لو ما خوفي من اني افضحها كنت دفنته مكان ما كان واقف...وكل اللي قدرت عليه اني اهدده انه يبعد عنها ولا يقرب منها لكنه بكل برود خبرني انه بيحدد يوم الملكه
      وبعث لي يذبحني يبيني ابارك له انه خلاص بيملكها(مرريده على شعره ومسكه بقوه ) وتخيل يبيها بس علشان يكسرني بس علشان يبعدها عني هذا جزا الصداقه يدري اني احبها ويقوم يحرمني منها

      ما ادري ليش حسيت انه يجاوب على سؤالي لطلال فقلت له :- علشان كذا تركي زعلان منك

      رفع راسه مستغرب :- تركي؟؟زعلان مني ليه ؟؟

      فركت جبيني :-يقول لو انك قلت له عن اللي سواه ماجد بوداد من الاول كان وقفه عند حده وهان عليه انه يوقف هالخطبه من اولها وتراه يقول لك مثل ما تصرفت في الاولة يبيك معاه
      علشان تتصرفون في الثانيه

      تركي وكانه ما فهم كلامي :- وتركي وش دراه ؟ ومن اللي قال له ؟

      ابتسمت :- اللي بكت طول اليوم ما تبي ماجد لانه ما صانها وهانها وهي بنت خاله

      تركي وعلامات السرور بدت تغزو ملامحه :- يعني وداد ما تبيه و........(تحولت ملامحه للحزن فجأة ) وحتى لو ما تبيه وقدرنا نمنعه لكن تعتقد اني استحقها و انها تبيني و........

      مسكته من كتوفه :- انا اقول انه من حقك تطلبها وما اظن انها تردك وعقب اللي سويته تراك تستاهلها واذا على التحدي(ضربت صدره ) تراه قلبك اللي تكلم بعد ما هيجته الغيره والمره علشان هذي تصفح وتسامح ....وقبل ما تنام طلال يبيك بكره في مكتبه

      ما عرفت وش اللي صار بين الاثنين وكل اللي اعرفه انهم اليوم بيقابلون ماجد وطبعا ما عرفت وش صار بينهم لان امي اتصلت تخبرني ان اليوم الغدا عند جدتي وانها وخواتي بيروحون مع سلطان وكلفتني امر بيت عمي علشان اخذ معي بنات عمي وخالتي ام طلال لكنها قبل صلاة الظهر بشوي اتصلت تقول
      :- خالد يا عمري لا تنسى تمر على عليا عقب الصلاة

      رديت عليها وانا مشغول بشويه وراق قدامي :- ان شاء الله بس خليهم يجهزون حالهم من بدري لاني عقب الصلاة مباشره بمرهم

      سمعتها كانها تكلم احد حولها بعدها رجعت قالت لي :- انا اللحين مشغوله ...دق انت على حرمتك وخلها تجهز حالها وقول لها تبلغ خالتك ام طلال ان عمك موافق انها تجي عند جدتك لحالها

      لحالها!! رفعت راسي عن الاوراق بحده :- لحالها !!والباقيات و..........

      ضحكت امي :- وش فيك يا امك هذا بدل ما تستانس انك بتكون معها لحالك ؟

      ابتسمت على تفكير امي اااااااااه لو تدرين بس :- لا بس استغربت مو العزومه لبيت عمي كيف تقولين اللحين انها لحالها ؟

      ردت امي :- ابد يا وليدي بس خالتك ام طلال جوها خطار وحلفت عليهم يتغدون عندها والبنات لهم ظروفهم وعاد انا ما رضيت ان عليا ما تجي تراك تعرف امي اذا ما جت عليا بتزعل ويكفي انها ما قدرت تحضر ملكتك (انشغلت تكلم احد حولها بعدها قالت لي ) اسمع يا خالد
      هذي جدتك توصيك ما تتأخر ....اخليك في حفظ الله

      سكرت وانا حالي مقلوب ما ابي اكون معاها لحالي لكني رجعت واستسغت الفكره بالعكس كذا احسن وهالعزومه وتواجدها لحالها من غير خواتها او خالتي بيرجح كفتي ....فكرت اكتب لها مسج لكني تراجعت ودقيت عليها رفعت السماعه وجاني صوتها
      :- نعم ؟
      رديت بنفس برودها :- السلام عليكم

      ردت :- وعليكم السلام ....امر اخوي بغيت شي ؟؟

      استفزتني كلمة اخوي :- اولا انا زوجك مو اخوك يعني المفروض تنقين كلمه غير هذي

      احس اني بديت اطلعها من برودها لانها قالت :- وش يعني اقول امر عمي او ........
      قاطعتها :- تقولين امر حبيبي امر عمري امر قلبي امر يا حياتي امر يا .....

      خلااااااص فعلا قدرت استفزها واطلها من طورها لانها قالت :- لا ياعيوني لا تحلم وتبي تقول قول ما تبي على راحتك
      ضحكت عليها وقلت اغيضها :- ما عليه عيوني بعد مقبوله ...المهم جهزي حالك بعد الصلاه بمرك نروح عند جدتي وخبري خالتي ام طلال ان عمي موافق

      سكرت من غير ما اسمع ردها وبعد الصلاه رحت بيتهم وكنت خايف لا انها تنقعني برى علشان كذا تعمدت ادق على خالتي اخبرها بوصولي واني استنى عند البابوكلها خمس دقايق الا عليا عند السياره مدت يدها على الباب اللي ورى وكنت مسكره فتحت لها الباب اللي قدام وقلت
      :- تعالي قدام ترى ماني بسواقك
      تأففت وركبت قدام وطول القوت ما نطقت بكلمه ولمن قربنا نوصل قلت لها
      :-ما ابي احد من اهلي يحس ان بينا شي

      ناظرتني بعد ما رفت الغطا عن عيونها :- والمطلوب ؟؟

      قربت وجهي من وجهها وهمست :- تجي على نفسك مثل ما بجي على نفسي وتحسسينهم انك عايشه احلى ايامك
      بعدت حالها ولصقت في الباب :-دامك بعيد عني فما في مشكله

      ابتسمت :- مو هنا المشكله اني بعد الغدا متعود اجلس مع جدتي شوي واكيد تبي تشوفنا مع بعض
      بلعت ريقها وقالت بصوت حاولت انه يكون هادئ :- وش قصدك تبيني اجلس جنبك وامثل دور المغرمه الهيمانه
      وصلت بيت جدتي وقفت السياره عند باب الصاله وقلت :- عليك نور بس بحدود (توها بتصرخ لكني حطيت يدي على فمها من ورى النقابورفعت يدي بسرعه وكان كهربا لسعتني )وصلنا ادخلي وانا بروح اوقف السياره في الكراج وبجي اسلم

      تحول غضبها الى ارتباك :- بس انا اول مره اجي هني واستحي ادخل بروحي (ناظرتني برجا ) بدخل وياك

      تنهدت :-بس الكراج بعيد عن هنا والشمس هالوقت حاره و

      ردت :- ما عليه انا بنطرك عند الباب

      احتديت :- عند الباب لا بعدين خالي ولا واحد من عيال خالاتي يشوفونك واقفه هنا وساعتها ما بيتركوك في حالك
      مسكت يدي :- زين وش اسوي والله استحي انزل بروحي تدري بروح وياك و...

      ما ادري ليش حست لمستها بعثت نيران في جسمي ورغم كذا مسكت يدها الناعمه برقه وقلت لها :- ولا يهمك اللحين العنود تجيك وتدخلين معاها

      حاولت تسحب يدها لكني شددت مسكتي وابتسمت لها :- لامفر انتي لي وبكل الطرق (فتحت كفها واشرت على باطنه ) تعرفين وش تعني البوسه هنا ؟؟

      ما ردت واحمرار خدوها ومحاولتها الضعيفه في انها تسترد يدها اعلنت عن حياها الشديد وهمست لقلبي لك تأثير عليها يعني لك امل في انك تخليها تتراجع عن فكرة الطلاق المجنونه
      رديت عليها :- تعني احبك وانا ملكك ( رفعت يدها مره ثانيه وبست ظهر كفها ) وصدقيني اذا حاولتين تفهميني وتكرمتين و وهبتيني قلبك ساعتها قلبي وعيوني قبل ما اقبل باطن كفك بيصرخون بحبك

      سحبت يدها على استحياء :- اخاف اذا ملكتك قلبي اكون ساعتها دست على كرامتي ومكنتك من ذبحي بالاهانات

      ابتسمت وقبل ما ارد عليها ردت العنود على جوالها وامرتها تجي تدخل عليا سكرت من العنود ولفيت على عليا :- واذا قلت لك انك على خطأ ؟وان اللي صار سببه ثورت قلب عطشاااااااااااااااااان واذا ارتوى مستحيل يقسو او يهين لانه بكل بساطه بيكون عبد للي يرويه ؟؟

      ردت وفي عيونها حيره اكبر من انها تخفيها :- عطشان لشنو ؟وارويه بشنو ؟

      ابتسمت لها ورفعت حاجب وانا اشوف العنود قربت من السياره :- هذا اللي لازم تعرفيه لحالك

      فتحت العنود الباب لعليا واول ما نزلت من السياره ضمتها وهي ترحب فيها فتحت دريشه السياره وقلت للعنود :- كفايه لم وضم ترى هذي حقوق ناس

      ضحكت العنود :- لا تخاف ما راح تخلص وحقك محفوظ
      دفتهاعليا وقالت لها شي ما سمعته ......وقفت السياره في الكراج وبالي مشغول فيها يا ترى كلامي اثر عليها ولا زي عدمه ...والتساؤل الاكبر اللي تردد في راسي معقوله قلت لها هالكلام بس علشان تتراجع عن الطلاق ؟؟؟...............

      دخلت اسلم على جدتي وخالاتي لكن للاسف ما قدرت اكلم عليا لان خالي عبد الملك كان موجود
      وطلعت معه للمجلس وعقب الغدى جلست معهم شوي وبعدها طلعت من عندهم علشان اجلس مع جدتي دخلت لقيتهم كلهم موجودات امي وخالاتي وخواتي والاهم عليا اللي جالسه جنب جدتي سلمت وقربت من جدتي بست راسها وجلست جنبها وسألتها
      :- الا ما قلتيلي يمه وش رايك في حرمتي ؟

      تبسمت :- هذا هو رايي ما تغير الا انت وش رايك ؟

      غمزت لها :- وانا لي راي من بعد رايك يا يمه

      مسكت يدي وقالت وهي تهمس في اذني :- يعني قدرت تنسيك سويره ؟؟

      تفاجأت بسؤالها وما كنت عارف كيف ارد عليها لكنب توعيت انلو ما جدتي قالت اسمها م كنت تذكرتها فقلت :- واللي تحصل له بنت يوسف يفكر في غيرها
      عادت سؤالها :- متأكد يعني سفرت البحرين ما جت بلاش

      ضحكت عليها :- الله يهداك يمه سفرت البحرين قضيتها في الشغل (ومسكت يدها وبستها ) وتطمني ترى هذيك الله يستر عليها انا كنت ابيها لانها بنت عمتي .....لكن اللي جنبك فوق انها بنت عمي لكنها ساحره مثل ما قلتي عليها يمه زين وجمال ولا العيون والشفايف (غمزت ) تذبح يمه تذبح

      وفعلا كلامي جاب مفعوله لان جدتي ضربتني على كتفي وقالت :- استحي يا ولد كل هذا وانت بعد ما تدخل عليها ....ولا تقول هالكلام قدامي بعد ؟؟

      ضميتها وبست راسها :- وش اسوي يمعه مو قلت لك ساحره

      دفتني وقالتهالمره بصوت مرتفع :- زين ما تبي تتقهوى علشان تروح

      ابتسمت لها وكملت كلامي وهالمره الكل يسمعنا :-افاااااا يمه مليتي مني

      التفتت لعليا وقالت لها :- يمه قهوي رجلك
      وقفت عليا وجابت لي صحن الحلا مسكته وقبل ما تبعد سحبتها وجلستها جنبي وطبعا هي ساعتها قلب وجهها احمر من الحيا لكني ما رحمتها وهمست في اذونها
      :- كذا تضيفين رجلك ؟....(طبعا ما ردت فواصلت ) المفروض تجلسين جنبي وتأكليني
      حمر وججهها زود وكانت بتقوم لو ما اني مسكتها وجدتي لاحضت فقالت

      :- انت وش قلت للبنت حسبي الله على عدوينك ؟

      غمزت لجدتي :- يعني وش يقول الرجال لحرمته

      عليا ذابت في ثيابها وجدتي قالت :- عليا صبي لرجلك قهوه (التفتت لي ) وانت اقول احسن لك تعرس بسرعه

      ضحكت وقلت لها :- كأنك بقلبي تصدقين اني معزم يوم ملكت العنود اكلم عمي واحدد موعد العرس (ناظرت عليا وانا اخذ منها فنجال القهوه ) وش رايكم اخليه عقب شهرين ؟؟

      خالاتي عجبهم الوضع والعنود ونجود اعترضوا
      :- لا ما يمديها تجهز حالها غير ان الدراسه بتكون ابتدت

      هزيت راس ي علامه لا وقلت :- انا سألت امي وجدتي ما سألتكم

      امي قالت بهدوء :- انا اقول اجلها شوي خليها في اجازه نص السنه علشان يكون عندها وقت تجهز حالها وما تشغلها دراسه ومنها تسافرون لكم اسبوعين عسل

      لفيت على جدتي وانتي يمه :- والله كلام امك صحيح ...مع اني ابي افرح بك ليوم قبل بكره

      ناظرت عليا وقلت :- اذا على الدراسه فالعرس ما بيمنعها من الدراسه ...واذا على شهر العسل أاجله لأجازة نص السنه
      رجعت عليها الفنجال عقب ما هزيته بمعنى خلاص ما ابي غيره ووقفت وانا اقول لها
      :- عليا جهزي حالك كلها ساعه واردك بيتكم

      اعترضت نجود :- يلا عاد خالد ما شبعنا منها خليها معانا لعقب العشا

      هزيت راسي لا لكن نجود اصرت :- علشان خاطري

      نفس الرد هزيت راسي لا ساعتها العنود قالت :- طيب علشان خاطر جدتي وامي

      ابتسمت وقرصت خدها :- خاطرهم ولا خاطرك يا مكاره على العموم خاطرهم على راسي بس عمي موصني اردها قبل المغرب ....يلا في امان الله

    5. #35
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      طــــــــــلال


      المفروض ان مشواري مع تركي لاى ماجد تكون نتيجته انه يتراجع عن خطبته لوداد من غير شوشره على اساس انه اتفاق بين الاثنين وانهم ما يبون بعض لان رفض وداد لماجد وتمسك ماجد فيها وبالذات بعد تحديد موعد الملكه بيخلي من الصعب اذا مو من المستحيل ان ابوي يوافق على طلب وداد لكنه رفض انه يتراجع عن خطبتها حتى لمن قلت له انها رافضته
      والقهر انه رد علي بكل وقاحه لمن واجهته باللي سواه
      :- انت فاهم غلط انا ما كنت ابي صورتها او رقم جوالها أنا .............

      قاطعته وكلامه بدى يخليني اطلع من طوري :- فااااهم غلط لا والله وكيف المفروض افهمك ان شاء الله
      رد بنفس البرود :- انا ما كنت ابيهم لانها راح تكون كلها لي وعقب الملكه اقدر اطلبهم ...لكني كنت ابي اختبرها توافق اولا والحمد لله طلعت عند حسن ظني ورفضت

      رده خلاني اهيج وعلى طول مسكته من رقبته وعطيته كف وضربته وانا اصرخ عليه :- لا يا الخسيس اختي انا تختبر اخلاقها وش قالوا لك تربيه شوارع ولا اهلها ما عرفوا يربونها

      كنت ناوي اذبحه لو ما بعدني تركي عنه لمن شافني مسكت رقبت ماجد وكنت ناوي اخنقه
      ساعتها ما جد جلس على الارض وهو يكح
      :- انا ما قلت كذا بس من حقي اتطمن على زوجة المستقبل

      حاولت افر من يدين تركي :- صدق انك نذل هذي بنت خالك ياللحقير وش تختبرها فيه
      وتعال هنا ياللجبان (التفت لتركي ) اتركني عليه اذبحه

      لكن تركي ومن غير ولا كلمه طوقني ومنعني من اني افلت من يده فصرخت على ماجد
      :- واللي يختبر اخلاق بنات الناس يشهر فيهن قدام الناس ويفتخر لربعه انه بيجيب رقمها ؟؟

      ماجد وهو يمسح على رقبته :- اي ربع انا ما شهرت بها وحتى ساره طلبت منها من غير ما يحس احد

      حاولت افلت من يد تركي مره ثانيه :- واختك هذي ما تعرف تقول لك ان اللي تطلبه ما يجوز
      ما تعرف تقول لك ان بنت خالك اشرف منك ومن الاف زيك ....وتكذب بعد يالخايس مو انت قلت لتركي بلسانك انك طلبت رقمها وصورتها ؟؟(صرخت بقوه ) رد ياللجبان وياللحقير هذا بعد اختبار لاخلاقها انك تتكلم عليها عند ولد عمها ياللحقير

      بكل برود قال ماجد :- انا تعمدت اقول لتركي هالكلام علشان اعرف اذا كان يحبها وهي اذا كانت تبادله نفس الشعور

      ساعتها ما حسيت الا وتركي فكني وراح ركض لماجد ومسكه من رقبته وسنده على الجدار وهاتي ضرب في كل مكان في لين تعب بعدها رماه على الارض وقام يرفسه وهو يصرخ عليه
      :- انت ما فيك ذره مروه او اخلاق تقول هالكلام عن بنت خالك تخلخلت ضلوعك يالنذل يالحمار

      واصل تركي سيل الشتائم والضرب وانا اتفرج وبكل برود على الموقف واول ما تركه تركي وهو يتنفس بقوه من التعب مسكت ماجد من ثوبه وقلت له
      :- ترى اللي جاك اقل من حقك وداد اذا ما تركتها طيب بتتركها غصب وكلها يومين بالكثير ويوصلك رد خالك

      لكن الامر المحزن ان ماجد سبقنا وراح للوالد وهو على حالته بعد ما ضربناه وخبر ابوي السالفه بشكل مغلوط وقال له ان تركي اخترع هالقصه كلها وان ما صار اي شي من اللي قاله والغرض ان تركي يبي وداد لنفسه ....لكنه مصر يبي وداد .....ساعتها رجع ابوي البيت هايج
      وطلب يكلمني في المكتب دخلت عليه وانا مستغرب سبب غضبه لكنه فاجأني لمن قال

      :- ليش ضربت ولد عمتك ؟

      اندهشت وش دراه ومن اللي قال له لكني قررت ارد عليه واقول السالفه اختصارا للوقت
      :- لانه تجرأ واهان وداد ومو مره انما مرتين

      رد ابوي بحده :- اهانها ؟وكيف اهانها ؟

      بلعت ريقي :- اول مره بعث اخته علشان يبي رقم جوال وداد يكلمها قبل الملكه وفوقها صوره بعد و.............

      قاطعني ابوي :- ومن قال لك هالكلام تركي ؟؟
      كنت برد لكن ابوي واصل كلامه :- مو كل شي تسمعه تصدقه وانا ابوك قبل ما تعرف حقيقته
      وترى هالكلام مو صحيح واليوم جاني ماجد مبهذل ومضروب وقال لي عن السالفه وان تركي يبي بنت عمه له علشان كذا كذب على ماجد.....ولو ما اني عاذره لانه توه شاب وغرور الشباب ماخذه وانه يشوف انه احق ببنت عمه كنت عاقبته وحاسبته حساب عسير على كذبته اللي تمس سمعة بنت عمه قبل كل شي ...لكن كل اللي بسويه له هو قرصت اذن بس...انا نقلته لفرع جده لمدة سنتين والقرار ساري المفعول من بعد ملكتك على اخته

      صابني ذهول حاولت ارده عن قراره :- يبه انت غلطان وماجد هو اللي يكذب ولو كان صادق ما كان قال انه يختبر اخلاقها ...يقول في وجهي انه كان بي يختبر اخلاق وداد من ورى طلباته

      مسكني ابوي من كتفي وقال بهدوء :- ادري انك تعز تركي كثير وتتمناه يكون لاختك بدل ماجد
      وانا بعد رغم ان ماجد ما ينعاب لكن تمنيت لو ان تركي سبقه وخطبها مني...بس هذا نصيبها
      ومو عدله نرد الرجال عقب ما قربناه ..... وليه علشان كذبه !!!

      ما قدرت اقنع ابوي لانه رفض يسمعني و وداد عقب ما حكيت لها اللي صار وان في يدها تبرأ تركي وترد ماجد بنفسها إلا انها سكتت ما ردت علي وكل اللي قالته بعد ما الحت عليها ندى
      ((افكر ويصير خير ))

      اليوم عااااااااااد يوم نسيان الهموم لانه وبكل بساطه يوم ملكتي اليوم العنود بتكون لي لي انا وبس

    6. #36
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      هـــــــــــــــــــاجـــــــــــــــــر


      الايام اللي فاتت كنت اتبع سياسه البكاء والاضراب عن الطعام طبعا قدام امي وابوي علشان يرحموني ويفكوني من حمد هو صحيح اني احبه بس ولو انا ما اتزوج واحد ما يحبني ولا الاخ جاي يتحداني ان موافقتي مو مهمه وانه بيتزوجني سواء رضيت او انرضيت ....المهم ان هالسياسه الطفوليه ما مشت على امي وابوي الظاهر ان الوالده لاحظت اني اكل من وراهم والوالد ما يدلع الدموع عنده شي غير مؤثر الى ان تلقيت اتصال من لولوه رفيقتي من ايام الثانويه
      :- هلا هجور شخبارش

      رحبت فيها :- هلا وغلا يا عمري ...وش صاير متذكرتني ؟؟ وش تبين ؟؟

      ضحكت لولوه :- بل يعني محد يدق الا اذا يبي شي ؟

      ابتسمت :-مو جذي بس استغربت من زماااااااااان ما سمعت صوتش

      ردت :- ادري ادري والصراحه انا ما دقيت لله

      تخصرت وكأنها تقدر تشوفني :-بعععععععععد ترى ما اخذتين دقيقتين من رفعت السماعه هاااا
      قولي اسمعش بس مو شرط تلقين اللي تبينه

      لولوه :- بل بل ما يسوى علي لا عيوني ما بتصرفين شي من جيبش كل السالفه اني جايبه لش عريس
      بلمت ما عرفت وش اقول وتحولت نبرتي من الهزل الى الخجل:- هااااااا (بلعت ريقي ) لولوه لا تلعبين علي ترى مزاحش بايخ ؟
      تأففت لولوه :- لا اله الا الله .....انا قايله احد يدق عليها غيري قالوا لا انتي تعرفينها دقي عليها وشوفي رايها
      الظاهر ان مخي اليوم في اجازه لاني للحين ما استوعبت شي فسألت بغباء:- رايي في ويش؟؟؟

      ضحكت لولوه :- شوفي هذي خالتي تبيش لولدها رائد وناوين يجون يخطبونش بس في الاول يجسون النبض ها وش قلتين ؟؟
      توني بقول عن حمد ومشكلتي اللي ما انحلت بس لقيت فضولي اشتغل وسألتها
      :-ومن وين خالتش تعرفني علشان تبيني لولدها ؟؟
      ردت لولو ه :- شافتش انتي وعليا في زواج نسيب عليا بس لمن عرفت ان عليا مرتبطه لفت على ام عيون خضرا الحلوه (ضحكت ) المؤدبه الراكده هههههههههههه تصوري تاخذين رائد ويكتشفون جنونش ههههههههه
      تضحك علي السباله :- جني يركبش ان شاء الله قولي امين انا مجنونه!!! (وكملت بغرور ) والله ان خالتش هذي مره ما في منها تنحب من السمع
      واخيرا لولوه سيطرت على نفسها :- بسم الله علي ان شاء الله عدويني (تنهدت )ايه اكيد خالتي بتعجبش مو مدحتش لكن معذوره ما تعرف عن خبالش يالمربوشه (تنحنحت )
      انجي للمهم ما قلتين هجورتي وش رايش ؟؟؟
      دورتها في دماغي اقول عن حمد او لا لكن في النهايه لمعت في راسي فكره فقلت :-
      شوفي انا في هالامور ما اقول اي او لا
      ما فهمتني :- شلون يعني ؟؟
      بلعت ريقي:- يعني اذا قلت تفضلوا وابوي درى اني على علم وش اقول له والله استحي منه بيقول عني قليله حيا
      انجرت لولوه للي انا ابيه :- اشلون يعني والحل ؟

      قلت ببرائه :- يعني الي يبيني يكلم ابوي وانا ما لي دخل

      ردت لولوه :- زين وخالتي وش اقول لها ؟

      اف ما عملت حساب لهذي :- قولي لها ما لقيتيني وانهم اذا يبوني البيت الف من يدلهم عليه

      لولوه :- تدرين عجل خير البر عاجله عطيني رقم ابوش وانا اخلي زوج خالتي يكلمه ويتفقون على وقت الزياره
      تبلعمت :- واذا سأل ابوي من وين له الرقم ؟؟
      ضحكت لولوه :- لا تخافين ما بيسأل وبعدين انا بتصرف يلا خسرتيني بسرعه عطيني الرقم
      ابتسمت :- صدق بخيله
      عطيتها الرقم وسكرت منها وانا في راسي موال ما بيكمل الا اذا عرفت متى بيزورونا والمشكله اني ما اقدر اقول للولوه تخبرني عن وقت زيارتهم....لكن الفرج جا في نفس اليوم واحنا قاعدين نتعشى قال ابوي لامي
      :- ام عيسى ؟
      ردت عليه امي :-امر
      ابوي بعد ما اخذ رشفه من الشاي :-ما يامر عليش عدو بس ابيش بكره تجهزين المجلس ترى بيجونا ضيوف عقب صلاة العشا ولا تنسين القهوه والبخور وغيرها
      ابتسمت امي :- ان شاء الله يا بو عيسى بس من هذولا وش يبون ؟

      رد ابوي :- الحمد على النعمه اللهم زدها واحفظها من الزوال (رفع راسه لامي ) والله هم جماعه من بيت الـ........ وما قالوا وش يبون ومي عدله اسأل ضيفي عن حاجته قبل ما يقولها بنفسه
      هزت امي راسها موافقه على كلام ابوي وانا عاد عرفت من اسم العيله انهم بيت خالة لولوه خلاص بكره ان شاء الله من الصبح بشتغل على باقي المخطط

      وفعلا على غير عادتي قعدت من الصبح ومن شدة الاثاره ما عرفت اكل شي وما صدقت خبر ان البيت فضى ابوي مع عمي بو محمد وامي كالمعتاد عند الجيران هالحزه ((هالحزه =هالوقت )) ما عرفت ادق على من بالتحديد حمد او جواهر في النهايه قررت اني ادق عليه هو بنفسه بس للاسف الرقم خارج نطاق التغطيه اففففففففف حاولت مره ثانيه بعد نفس الحاله في الاخير استسلمت وقلت انطر شوي لكن دخول سويلم خرب علي وش هالبلشه وش اقوله هذا اذا سألني من تكلمين اخرتها قررت ادق عليه من موبايلي وفعلا صعدت غرفتي وقفلتي على نفسي ورحت على السرير لميت نفسي في زاويه ودقيت عليه الحمد لله هالمره يرن مره ثنتين ثلاثه واخيرا رد
      حمد :- الو
      ما في رد احس كل خلاياي تجمدت والشجاعه والحماس اللي كانوا فيني اختفوا
      حمد :- الو من معاي
      بعد ما في رد ساعتها عصب وقال
      :- انا ما ني فاضي للحركات البايخه بترد ولا اسكر
      خفت يسكر وتضيع علي الفرصه فقلت باندفاع
      :- لا...لا تسكر
      حسيت انه عرف صوتي ويبي يتأكد لمن سأل :- من معاي ؟

      تنحنحت وبلعت ريقي:- اناااااااا هاجر

      نبره استغراب وقلق طغت على صوته :- هاااااجر وش صاير عسى ما شر خالتي فيها شي ابوش فيه شي ؟؟
      قطعت سيل الاسئله :- ما فيهم شي الموضوع يخصني انا

      رجع الهدوء لصوته :- نعم ؟ وش هالموضوع

      استجمعت كل قوتي وقلت :- انت تعرف اني ما ابيك ...(صمت ما في اي رد الظاهر انه يبيني اكمل) وانا الصراحه كلمت ابوي بس ما اقتنع باسبابي ....بس انا قلت انت رجال ما ترضى على نفسك انك تتزوج وحده ما تبيك فلو تكرمت و.........

      ما عرفت وش اقول بالضبط لكنه فهم وقال
      :- هممممممممم وش المطلوب مني بالضبط ؟؟

      حسيت بالحر الشديد لدرجه ان التنفس صار صعب :- اعتذر لابوي باي حجه وساعتها اذا شاف ابوي ترددك مع رفضي اكيد بتنفض هالسالفه كلها

      احسه متقصد يستفزني لانه قال :- بس انا ماعندي اعذار اقدمها لاني ناوي اكمل للاخيييييييييييييروالله نسيتي كلامي
      بس خلاص طفح الكيل فقلت اخر شي عندي :- بس انا ما ابيك غير ان اليوم جاييني خطاب والصراحه الصبي ما ينرد بس حضرتك واقف لي عظم في البلعوم ....افهمها يا اخي ما اشتهيك ولا اطيقك فليش تربط نفسك فيني ؟؟؟
      كل اللي قاله :- والله لادبش على قلت حياش يا بنت جاسم وبتشوفين ؟؟
      ما عاد فيني عقل يوزن الامور فرديت :- انا متأدبه غصب عنك ...وهذا انا اقول لك ابعد عن طريقي يا ولد الناس وخلني اتهنى مع اللي احسن منك

      سمعت صوت ضربه وبعدها قال بهدوء عجيب :- ولا يهمش اليوم بانهي كل الامور بس ما قلتي متى بيجونكم ؟؟

      احس كأن احد صاب علي ماي بارد فرديت من غير احساس :- عقب صلاة العشا

      وسكر من غير ولا كلمه اضافيه والغريب اني ما حسيت بالراحه مثل ما كنت اتوقع بالعكس رميت الموبايل وتكورت على نفسي وقعدت اصيح من قلب ما ابيه بس بعد ما ابي غيره
      ولا ابيه يتخلى عني بكل هالسهوله ...ما ادري وش كنت متوقعه منه صدق اني غبيه يعني وش بيقول معقوله بيقول احبش وما اقدر استغني عنش ومستحيل تكونين لغيري ....اصحي يا هاجر اصحي.... واستمريت في البكاء الى ان نمت من التعب


      العــــــــــــــــــــنــــــــــــــود


      من بداية اليوم ولقلق والارتباك كان رفيقي طول الوقت اليوم ملكتي على طلال ما ادري شلون تحملت تعليقات البنات وشلون رديت عليها واحس ان كل خطواتي مشوشه والامور غير واضحه فستاني كان زهري فاتح علاق فتحت الصدر نوعا ما واسعه ضابط على الصدر والخصر ومن عند الحوض يبتدي ينزل بانسيابيه علي جسمي قير الى اسفل الركبه ولا بسه معه صدل كعب عالي وخيوط ...شعري كله مموج والميك اب هادئ وناعم كنت قلقانه على شكلي لكن نجود وبنات عمي مدحوا شكلي في محاوله فاشله لرفع التوتر عني وحتى وداد اللي من سالفه ماجد مو على بعضها احسها اليوم تناست كل همومها بس علشاني انا وطلال
      قربت مني وهمست
      :- كانك اميره من الخيال ...ما اقول الا الله يعين طلول (ابتسمت ) ترى ولدنا من غير شي مجنونك
      وقبل ما ارد عليها اندق الباب وكراحت نجود ورجعت لنا ووجهت الكلام لي
      :- هذا تركي يقول الشيخ يبيك تحت علشان يسمع موافقتك بنفسه
      حسيت ان الهوى انسحب من الغرفه كلها فهويت على نفسي بيدي واخذت نفس لحد ما حسيت ان رئتيني ما عادت تقدر تتحمل اكثر وصلت لباب بصعوبه واول م طلعت التقت عيوني بعيون تركي كانت عيونه مليانه حنان وابتسامته مطمئنه وحسيت بحمره الخجل تكسي خدودي لمن قال
      :- كل هذا لطلول اكيد بيجن الرجال ...الليله بيفصخ العقل
      نزلت راسي من الحرج وما عرفت ارد عليه مسكني من يدي وحس برجفتها وبرودتها
      فقال يطمني
      :- كلها كلمه موافقه وبعدها توقيعك الكريم على العقد وبعدها اذا ما تبين تشوفينه انا مستعد انذبح على يد طلال بس انفذ لك رغبتك
      نزلت مع طلال لعند باب المجلس الداخلي وقف الشيخ ورى الباب وسألني حسيت حلقي جاف وان من المستحيل يطلع صوتي حاولت ارطبه بس ما في فايده فهمست لتركي
      :- حلقي يابس ابي كاسه ماي
      ضحك تركي واعد الشيخ علي السؤال ساعتها قلت والدمعه ماليه عيوني وبصوت مهزوز
      :- موافقه
      دخل الشيخ وانا ما احس بش حولي وتفاجأت بتركي يمد يده على بكاس ماي اخذته وحست اني شربته كله دفعه وحده عطيته الكاس ومن دون ما اناظره رحت ركض لغرفتي وصلت وان الهث تلقتني وداد بحضنها جلستني وقالت
      :- وش فيك ؟؟ العنود وش صار ؟؟
      رديت كأني وحده توها صاحيه من النوم :- هاااااااا لا ما صار شي
      ابتسمت وداد والبنات كلهم عيبونهم علي :- ما صار شي والشيخ اللي نزلتي على شانه ؟
      رفعت راسي لوداد وقلت في محاوله لتفريغ مت التوتر :- كله من اخوك صدمني لمن عرفت انه لغى حجز القاعه للمكله واستبدلها بخيمه في حديقة البيت ...كنت عامله حسابي انه بيكون بعيد وانه بينشغل بالمعازيم وما بشوفه .....
      ضحكت ندى من قلب :- وانتي على بالك ان طلال بيتركك اليله من غير ما يشوفك (وغمزت )
      اجل لو تعرفين وش ناوي عليه وش بتسوين ؟؟؟
      البات اشتعل فضولهم من كلام ندى وسبقت نجود وسألت السؤال اللي كنت بسأله
      :- ليه هو وش ناوي عليه
      ردت ندى وهي تلعب حواجبها :- سررررررررررر ما اقوله
      نشيت سعاد في حلقها :- يلا عاد ندوشتي بجد قولي لي وما بقول لحد بس انا لحالي
      اعترضت نجود :- لا مو بس لحالك انا بعد ابي اعرف
      ندى ما اهتمت وكل اللي قالته :- مفاجأه بعدين كلكم تعرفونها ...ويلا اللحين لازم ننزل للضيوف وانتوا (اشرت على سعاد ونجود ) جهزوا شريط الزفه

      طلعت ندى وراها البنات وما بقى معي غير وداد وبعد اقل من خمس دقايق رجع تركي يدق الباب لبست وداد عبايتها وتغطت فتحت الباب لتركي اللي دخل وهو حامل دفتر الزواج بيده تقدم ومع كل خطوه كنت احس ان قلبي يرجف ورعشة جسمي تزيد واللي زاد اني حسيت بمغص مفاجئ في بطني وصل عندي وفتح الدفتر عطاني القلم وقال
      :- يلا يا حرم طلال وقعي خلينا نفتك من حنت زوجك
      ما ادري ليش ناديت وداد البعيده عني
      :- وداد تعالي عندي
      حسيتها متردده تقرب مني وتركي من سمع اسمها احسه جمد مكانه لكني ناديتها مره ثانيه
      :- وداد تعالي جمبي لا تركيني
      احس ان خطواتها بطيئه واخذت لها وقت طوييييييل الى ان وصلت لعندي ساعتها تشبثت بيدها بقوه وبالايدين
      ابتسم تركي :- واللحين بالله كيف بتوقعين ؟
      فلت يدي اليمين وضليت ماسكه فيها بيدي اليسار احس ان كنت انحت في صخر مو اطبع توقي على ورق وما صدقت اني خلصت انحنى تركي على راسي وباسنس وقال
      :- مبروك ...(ورفع طرف عينه لوداد وكمل ) مبروك مقدما يا بنت عمي
      (عطانا ظهره متوجه للباب ) خساره ما بقدر احضر ملكتك
      ما لحق تركي يوصل للباب الا حست ان رجفتي ازدادت قوه لكن بعد ما طلع استوعبت ان وداد هي اللي ترجف وكانها ورقه في مواجهة الريح انقلب الوضع وبدل ما تهديني وقفت وجلستها احاول اسكن الرعشه اللي غزت جسمها صبيت لها كاسه ماي سميت بالرحمن وخليتها تشربها
      ةلمن هدأت سألتها :- علامك ؟؟...وداد بك شي حاسه بشي
      احسها تمالكت نفسها بصعوبه وكل اللي قالته :- ابد ما في شي (ابتسمت ) يلا ننزل للحريم تحت لانا لو تأخرنا اكيد طلال بيقلب علينا الدنيا تراه موصينا ما نأخرك

      وفعلا جلستي مع الحريم ما طولت وطلال طبعا رفض يدخل عند الحريم وتصرفاته كلها كانت غريبه يا دوب سمح لامي ونجود وامه وخواته انهم يدخلون وما ادري وش اللي منع عمتي ام ماجد من الدخول بس اللي ما توقعته انه لمن تقرب مني بس صافحني وقال لي مبروك بنوع من الجفاف ..........وش فيه ؟؟ليش كذا توقعته من كلام خواته واخواني انه يكون اكثر رومانسيه لكنه ابد كل اللي سواه بعد كذا انه طلب من ندى تجيب الشبكه لبسني اياها على عجل وطبعا ندى هي اللي لبستني الحلق ....تقربوا مني الباقي يسلمون علي ويباركون واللي تضمني واللي تبوسني واللي توصيني عليه وانا ما عدت استوعب حاجه كل اهتمامي مصبوب على الرجل اللي يتصرف بآليه جنبي واول ما خلصوا سلامات اشر على ندى وهمس في اذنها بشوية كلام هزت براسها واشرت على كيسه وصرفت الجماعه وصرنا لحالنا
      .............والغريب انه ما تكلم جلس ساكت يجي خمس دقايق ....ما ادري ليش حسيت الدموع تجمعت في عيني وش فيه هذا ؟؟ ليش يعاملني كذا ؟؟وما ادري كيف واتتني الجرأه وسألته

      :- طلال وش فيك ؟؟ وش صاير ؟؟

      طالعني وهو يقرص بعيونه :- وتسألين بعد وش فيني ؟؟ يعني ما تعرفين وش صاير ؟؟
      اقول لك خليها زواج مره وحده تقولين مستحيل ....وتبيني اضحك ؟؟

      حسيت ان الدمعه هزمتني فقلت :- طيب انا وش ذنبي والله اني استحي ومو متعوده و...........

      قاطعني :- عاد مبرراتك اللحين ما لها اهميه وقبل ما اسمع بقيه القائمه (قام وجاب الكيسه اللي اشرت عليها ندى ) شوفي هذي وبعدين نتفاهم

      فتحت الكيسه وكلي فضول اعرف وش داخلها واول ما طلعت اللي جواتها فتحت عيوني على وسعها ...........

      الى هنا وانتهى البارت
      اعذب وارق التحايا
      وفي امان الله

    7. #37
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء الثامن عشر ))
      (رد فعل )


      من القوانين الاساسيه في الفزياء هو قانون نيوتن اللي يقول :-
      ((لكل فعل رد فعل مساو له في القوه مضاد له في الاتجاه ))
      وانا اشوفه قانون ينطبق حتى على النفس البشريه واكثر افعالنا او تصرفاتنا عباره عن رد فعل
      لكن هل يكون رد فعل صائب ؟؟؟؟؟؟؟؟؟

      ما ادري شلون راح تشوفون رد فعل كل من
      طلال تجاه رفض العنود لمقترح الزواج المبكر
      حمد تجاه رفض هاجر له
      وداد تجاه ماجد
      ندى تجاه عزيز .....وعزيز تجاه ندى
      واخيرا رد فعل ابو طلال تجاه....وداد ....علياء ....ماجد .....تركي ....خالد



      العـــــــــــنــــــــــــــود


      فتحت الكيسه وكلي فضول اعرف وش داخلها واول ما طلعت اللي جواتها فتحت عيوني على وسعها ........... ما ني مستوعبه شي طلعت القطعه السودا من الكيسه ورفعتها قدام طلال
      :- وشو ذي ؟؟
      ابتسم وميل فمه على جنب :- وشو بعد عبايه وبرقع
      ما كان هذا سؤالي انا عارفه انها عبايه بس استغربت اول مره اعرف ان حد يهدي زوجته يوم الملكه عبايه .....ما عرفت وش ارد عليه او ش اقول له لكنه فاجأني بأنه قال
      :- طيب البسيها خليني اشوفها عليك
      وانا اردها في كيسها قلت له :- ليه ما شفتني قبل بعبايه
      ناظرني من فوق لتحت بنظرات احسها احرقتني
      :- الا...بس الصراحه انا اشوفك بالعبايه احلى
      هذا وش جالس يقول !!!!!! بالعبايه احلى ...يعني لدرجه ذي طلال يشوفني قبيحه ومو مستحمل حتى يناظرني ....وانا اللي كنت اتوقعه ما يرفع عينه من علي وانه ..........حسيت
      بالف احساس واحساس لكن ما بينها ايس شي من اللي كنت اتخيل اني ممكن احس فيه في ليله مثل هذي حسيت بالالم والمهانه والغضب ...وحسيت ان دموعي تبي تغسل احزاني علشان كذا لبست العبايه والبرقع وبعدها توجهت للباب وانا اوقل بصوت منهك
      :- تصبح على خير
      ما لحقت امسك قبضه الباب لان طلال كان اسرع سند نفسه على الباب
      :- على وين ان شاء الله ؟؟
      تجاهلت سؤاله وقلت وانا ودي اصرخ في وجهه
      :- لو سمحت بعد عن الباب
      مسك يدي في يده وتوجه لباب المجلس المؤدي لخارج البيت
      :- بنطلع بس من هذا الباب
      مشيت معه خطوتين برى المجلس وبعدها استووعبت هو وش قال
      :- نطلع وين نروح ؟؟

      ما رد علي وفتح باب سيارته اللي كانت واقفه قريب المجلس واشر عليب اركب رفضت اركب وهالمره سألته بحده :- طلال ...انا برد البيت ومستحيل اروح معك الى اي مكان
      قرب مني وقرص بعيونه وقال بلهجه حاده وان كان يهمس
      :- ركبي السياره اللحين ...وكلمة مستحيل لا عاد تقولينها في وجهي
      قلت في محاوله مني لردعه عن اللي ناوي عليه
      :- وش بيقولون الناس اذا عرفوا اني طلعت معاك و........
      قاطعني :- وش بيقولون يعني ....حرمه وطلعت مع زوجها ...ولعلمك خالد وندى يعرفون اني باخذك معي ....
      ركبت السياره وانا اقول :- وامي وابوي ؟؟
      قفل الباب وركب جنبي ساق السياره ولمن صرنا بالشارع قال
      :- انا زوجك وانتي حرمتي ...هذا اللي بيقوله عمي
      كنت ناويه اسأله وين ماخذني لكنه قال اللي صعقني
      :- وترى الزواج اللي قلتي عنه مستحيل انا اشوف انه ما له داعي



      خـــــــــــــــالـــــــــــــــد


      الحمد لله محد انتبه ان العريس من طلع يشوف العروس ما رجع ..... احس اني تعبت في ملكة طلال اكثر مما تعبت في ملكتي .... احس فرحتي ناقصه او اقل مما يجب تفكيري موزع بين العنود ورد فعلها من اللي ناوي عليه طلال ...وتركي اللي استسلم لقرار عمي بنفيه لجده ورفضه انه يدافع عن نفسه او حتى اني اتدخل في الموضوع واساعده ....واكثر شي اثر فيني الانكسار اللي واضح في عيونه ...والتعب اللي مسيطر على روحه خاصه بعد ما رجع من عند العنود بعد ما وقعت على عقد زواجها كان جالس عن يميني انحنيت في اتجاهه
      :- وش فيك يا اخوي ؟
      انتبه من سرحانه وفشل في انه يرسم ابتسامه
      :- ابد غير اني فرحان لطلال والعنود
      مسكت يده وضغطت عليه بحركه تدل على اني حاس فيه
      :- تكذب على الناس كلها الا انا ....الدعوه فيها وداد
      بلع ريقه وقال وهو يناظر ماجد اللي جالس في الطرف الثاني من الخيمه
      :-حتى ملكتها ما بقدر احضرها (ضحك بسخريه ) وانا اللي مسوي روحي رجال واتحداه انها ما بتكون لغيري
      ناظرت ماجد بنظره تحمل الكثير من الكره لانه سلب اخوي احساسه بالحياه لانه سلبه روحه
      :- وانت رجال والنعم ...وداد اذا تبيها ما بتكون الا لك (حسيته بيعترض فواصلت )وكل شي بيدك انت
      زفر زفره حاره حسيتها جزء من اللهيب اللي يحرق جوفه
      :- وهي ؟؟؟....ادري بتقول انها ما تبيه لكنها ما عبرت عن هالشي ...واخاف انها ما تبيني واكون في هالحاله ....ظلمتها
      ما لحقت ارد عليه الا جواله يرن تركته يكلم وانشغلت بعدها في المعازيم

      طلعت من الخيمه ابي ابعد شوي عن الضجه وروائح العود والبخور توجهت للحديقه وفي طريقي مريت على المطبخ واستوقفتني صوت صرخه على اثرها دخلت المطبخ من غير ما اتأكد من اللي داخل او اذا الحريم متغطيات او لا
      وكل اللي استوعبته ان علياء كانت تصرخ
      :-اااااااااااااااااااااااااااااااااااااح اح اح ااااااااااااااااااااه
      وشفت نجود في المطبخ تحاول تمسك عليا والشغالات واقفات على جنب مو عارفات شلون يتصرفن على طول ركعت على ركبي جنب نجود وسألتها وانا الاحظ ان ارضيه المطبخ متلعوزه
      وبلوزة علياء الحمرا مبلوله وجزء من تنورتها البيضاء متحول الى اللون الاصفر وهي دموعها تجري انهار على خدودها بس للاسف مي قادره تمحي علامات الالم من وجهها
      سألت نجود
      :- وش صاير ؟؟؟......وش فيها عليا ؟؟
      وقبل ما ترد نجود جاني رد من شخص كان واقف في الزاويه ما انتبهت له اول ما دخلت
      :- ابدا كانت ماسكه كاس الكوفي واندلقت عليها
      عندها صرخت نجود
      :- كذاااااااابه ....انتي اللي دلقتي عليها الكاس متعمده (وجهت كلامها لي وهي تبكي وتأشر على ساره ) شفتها بعيوني
      ردت ساره تدافع عن حالها
      :- هي اللي تكذب والله انا وش اللي يخليني اسوي كذا
      صرخت نجود
      :- نفس السبب اللي خلاك تصطرينها وفي وسط بيتهم
      ساعتها ما تحملت صراخهم وخاصه وانا اشوف عليا تتألم ودموعها رافضه توقف فصرخت في نجود
      :- بس.... وروحي بسرعه هاتي عبايه اغطيها فيها
      (والتفت بحده لساره وقلت بلهجة تهديد ارعبتها ) والله ثم والله اللي ما احلف به باطل
      اني ما بعديها لك ...ولو ما انك حرمه كنت دفتك في مكانك
      ما لحقت انهي جملتي الا نجود جت وفي يدها عبايه لبستها عليا حملتها على ذراعي وقلت لنجود
      :- مد يدك على جيبي طلعي مفتاح السياره
      طلعته وقالت وهي تمشي وراي
      :- بجي معك
      ما كانت في مزاج يسمح لي بمناقشتها غير اني ابي اعرف وش اللي حصل بين عليا وساره وخلى ساره تتصرف كذا



      حـــــــــــــــمـــــــــــــــــــــد


      ما اعرف شلون قدرت اقضي الساعات اللي تلت اتصال هاجر .....استفزتني مكالمتها لابعد حد وخلتني ازيد اصرار على اصراري الاول في اني اتزوجها ...صدق ان سالفه الخطبه في البدايه كانت بسبب ابوها واني ما كنت افكر فيها ابد ....لكن من شفتها هذاك وتحول شعوري ساعتها للفضول ابي اعرف هاجر اللي اختلف شكلها كل هالاختلاف شخصيتها شلون صارت والاكثر حسيت انها لغز خاص فيني وانا الوحيد المعني باكتشافه ....وحركه التحدي اللي هي بدتها اثارت فيني روح الحماس اكثر من التحدي وان كنت حسيت بشويه غضب .....لكن اتصالها اليوم ....اثار فيني شعور جديد شعور عارم بالغضب اكتسح روحي ....معقوله هاجر تكون لغيري ..مستحيل لو على موتي ...هاجر ملكي ومستحيل تكون لغيري ....لا المسأله مو تحدي لا المسأله صارت دفاع عن حقوق ....ما ادري ليش عقلي مستسلم لفكره ان هاجر انخلقت لي مو لغيري ....وانا الوحيد اللي يحق له انه يشوف بسمتها وضحكتها ودمعتها انا الوحيد اللي له الحق في انه يراضيها ويمسح دمعتها ويلمسها ويضمها مستحيل اني اخلي رجال غيري يلمسها ............ويييييييييييييش رجال غيري يلمسها هالفكره اثارت جنوني وخلت الوقت يخنقني ببطئه والمسافات قدامي تطول ....كنت في واحد من الشاليهات في حوار مع الشباب وكان من المفروض اننا نبات هناك ...لكن هيهات اقعد دقيقه وحده في حوار عقب مكالمتها
      ....طبعا اعتذرت للشباب بضروف عائليه منعتني من اني اقعد معاهم وطلعت على اول مركب رحلات يردني من حوار وما صدقت اني وصلت لكن لا زال الوقت طوييييييييييييييييييييييييل

      فحاولت اشغل نفسي لكن كل اللي قدرت اسويه اني ظليت الف بالسياره في الشوارع الا ان اذن المغرب رحت لاقرب مسجد صليت فيه وطلعت بعدها على طول للبيت سبحت ولبست ثوب وغرقتها عطر وحتى الجزمه الله يكرمكم لمعتها قبل ما البسها اخر شي وقفت قدام المنظره
      اعدل غترتي واول ما خلصت كان اذان العشاء يأذن وطبعا تعنيت للمسجد اللي جنب بيتهم وصليت فيه ....التقيت هناك بعمي بو عيسى
      :- هلا بحمد
      رديت والتوتر لازال مسيطر علي وان كنت من بعد الصلاة هدأت شوي لكن الوقت والترقب لازالوا يقتلوني وبطء
      :- هلا فيك عمي (حسيت اني لازم ابرر وجدي في فريقهم (فريقهم = فريجهم =حارتهم ))
      كنت ناوي امر على واحد من الربع ساكن قريب فقلت اصلي هنا مره وحده

      ابتسم عمي بو عيسى وقال لي وابو محمد واقف جنبه
      :- دامك عندنا تفضل المجلس عندي (وكمل لبو محمد ) اليوم بيجوني ضيوف غرب وابيك عندي يا بو محمد

      ما سمعت رد ابو محمد وبالنسبه لي هذي فرصه وجت لي من السما وفعلا توجهت معهم للمجلس اللي كان مجهز لاستقبال الضيوف توجهت لعند دلال القهوه والشاي وقهويت عمي بو عيسى وبو محمد وبعدها دخل سالم واستلم مكاني ومالحق قعد شوي الا موبايله يرن طالع الشاشه ارتبك وما رد قطع الاتصال لكن المتصل كان لحوح وقبل ما سالم يحول موبايله للصامت قال له ابوه
      :- رد عليه ولا طفى هالموبايل ما نبيه يفشلنا قدام الرجال اللي بيجونا كل شوي يرن
      رد سالمعلى المتصل :- نعم وش بغيتون
      الطرف الثاني :-.......................
      سالم :- لان الوقت غلط
      الطرف الثاني واللي حستيه صوت انثى بحكم قربي من سالم :-....................
      سالم :- قلنا مو وقته ....ولا لا تدقون انا اذا فضيت بجيكم
      وسكر غمزت له قاصد احرجه خاصه اني عارف سواياه مع البنات
      :- من هذولا ؟؟وين بتروح لهم
      سالم وهو يحول موبايله لصامت :- هذولا الربع يبوني اروح لهم القهوه
      طبعا ما صدقته فقلت له :- تدري اني ملان وربعي كلهم في حوار ....وش رايك اجي وياك القهوه
      ساعتها همس سالم :- بس انا معزوم وما اقدر اخذك معاي
      ضحكت بصوت خافت في محاوله مني اني ما الفت نظر عمي بو عيسى
      :- الا قول ان الجلسه خاصه وتخاف ابو صوت ناعم يزعل عليك اذا جبت احد وياك
      سالم عمره ما خجل من الكلام عن علاقاته لكن وجود الشياب في المجلس له احكامه ودخول الضيوف علينا قطع الحديث من بينا

      كانوا ثلاثه رجال اثنين منهم شياب الظاهر انهم ابوه وعمه والثالث اكيد عريس الغفله
      طول القعده وانا ما رفعت عيني من عليه وش فيه زود علي او احسن مني؟؟؟ ....هذا ياخذ هاجر مستحيل نجوم السما اقرب له ...ورغم ابتسامته العريضه الا اني ما قدرت ابتسم في وجهه وكنت حاقد عليه لانه موضع ترحيب وكان ياخذ ويعطي في الكلام مع سالم اللي شاف موضوع مشترك بينهم اللي هو الكوره ....ورغم حبي لها الا ان التزمت بالصمت بسبب احساسي ان اي شي يتكلم عنه هو شيئ تافه ما يستحق اني اناقش فيه
      الا ان عم الصمت وكان صوت ابوه الصوت الوحيد في المجلس
      :- والله يا بو عيسى احنا اليوم جايينك طلاب حاجه ولمعرفتنا فيك وفي اخلاقك وكرمك
      جيناك واحنا كلنا شوق اننا نصير منكم وتصيرون منا
      عمي بو عيسى والظاهر انه ما فهم وش طلب الرجال
      :- يا بو رائد اطلب اللي تبيه وما يردك الا لسانك واذا قدرت اعطيتك
      ابتسم الشايب :- يا بو عيسى احنا من كثر ما سمعنا عنك حبينا ناسبك ونبي كريمتك لولدنا رائد
      وقبل ما يرد عمي بو عيسى تكلمت وعيني في عين عمي بو عيسى
      :- اسمح لي يا عمي وان كانت العين ما تعلى على الحاجب (والتفتت لبو رائد ) بس البنت مخطوبه لي وملكتها يوم الخميس الجاي ......وتراك انت وجماعتك معزومين
      عم المجلس صمت حاد يكاد يصم الاذان الى ان تكلم بو رائد
      :- الله يبارك لكم ...واعذرونا والله لو اننا نعرف ان البنت مخطوبه ما كنا جيناكم و...
      رد عليه عمي بو عيسى يرفع عنه الحرج
      :-وانا اشهد ان نسبكم يشرف وينشرى بالذهب ...ولو ما البنت مخطوبه لولد خالتها ما كنا عزيناها عليكم

      بعد خروج الزوار الغير مرغوب فيهم من قبلي غمرتني الراحه الممزوجه بشيئ من القلق تجاه رد فعل عمي بو عيسى اللي ما وجه لي ولا كلمه من ساعة ما تكلمت وانتظر الى ان طلع بو محمد وسالم اللي ما صدق ان الضيف يروحون علشان يقدر يروح وين ما يبي ساعتها حاولت اتحجج بصديقي اللي ساكن قريب منهم لكن عمي سبقني وقال لي
      :- عجل ملكتك على هاجر الاسبوع الجاي يا حمد
      بلعت ريقي اللي نشف من التوتروتنحنحت علشان يطلع صوتي وقلت
      :- ادري اني اللي سويته غلط واني المفروض ما اقول جذب بس والله يا عمي خفت البنت تروح من يدي وتحت عيني وانا ما سويت شي
      لا زالت ملامح عمي لا تفسر :- ومن قال اني باسمح بخطبه على خطبه ؟؟
      احرجني رده :- هااااااااا بس يا عمي انا شفتكم تأخرتوا علي في الرد وانت تعرف كلها عشرة ايام وانا راد مصر وخفت لا اروح قبل ما املك عليها .....وخفت اكثر ان طول المده يجي من وراه الرفض
      ادري ان كلامي ومبرراتي ما تغفر لي عند عمي بو عيسى ولو انا مكانه كنت شرحت اللي يتجرأ ويسوي في وحده من خواتي جذي ويحرجني قدام ضيوفي
      لكن سؤال عمي فاجأني
      :- انت تبي هاجر من خاطرك
      من غير تفكير او تمهل رديت :- وش للي تقول يا عمي وهو في احد ما يتمنى هاجر
      والله اني ما تهورت الا لاني ابيها من قلب
      ابتسم عمي بو عيسى :- يعني مو لاني طلبت منك تخطبها ...........
      ما خليته يكمل وقلت علشان اطمنه :- انا اساسا ما كان ماسكني عن خطبتها الا الدراسه والوظيفه (وكملت وهالمره بصدق ) ولو ما كنت ابيها ما كنت جيت وسويت اللي وسيته قدام الرجال

      طلعت من بيت خالتي وانا مرتااااااااااح اني انهيت مهمتي على خير وحصلت اللي ابيه ضمنت ان هاجر ما بتكون لغيري وضمنت عدم تراجع عمي عن الخطبه مهما سوت هاجر خاصه عقب اللي صار قدام الخطاب وبو محمد .....ورحت البيت وانا في دنيا غير الدنيا قلعت الجوتي والثوب وضليت بالسروال والفانيله وانسدحت على السرير ابي اغمض عيوني اناااااااااام عقب التعب وشد الاعصاب اللي حسيته طول النهار واول ما ابتدى النوم يداعب اجفاني دق موبايلي
      زاللي خلاني افز قاعد على سرير ان المتصل كان هاجر

    8. #38
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة


      طــــــــــــــــــــــــــــــلال


      من اول ما دخلت عليها وانا ماسك نفي ما ابي اناظرها ما ابي احسسها انها كل دنيتي واني ماني حاس باحد غيرها ....ومسكت نفسي عن الضحك لمن شفت نظرتها اول ما طلعت العبايه من الكيسه ...الصراحه تمثيل الزعل والغضب عليها خاصه عند السياره تطلب مني جهد كبير علشان اقسو عليها وجهد اكبر علشان امسك نفسي وما اراضيها وامنع نفس من اني اضمها وانزل راسي على شعرها واشمه و...........وصلنا للمكان المطلوب وهي ارتعبت اول ما شافت اننا دخلنا من بوابه جنبها لوحه مكتوب عليها املاك خاصه وسألت وفي صوتها رجفه

      :- طلال وين حنا فيه ؟
      طنشت وما رديت عليها وصلنا الى خيمه منصوبه في وسط الارض والاضاءه منبعثه منها وسط عتمة الليل المحيطه بالمكان وقفت السياره وقلت لها
      :- تفضلي نزلي
      ما تحركت من مكانها رحت فتحت لها باب السياره
      :- العنود نزلي
      هالمره ردت بتوسل:- تكفي يا طلال رجعني البيت
      ابتسمت ومسكت يدها بحنيه ورفعتها لفي بستها :- من عيون طلال يا عيونه بس اول نزلي شوي
      احسها لانت شوي لكنها قالت :- اول اعرف حنا وين فيه ....وهالخيمه لمن ؟؟و....
      قاطعتها :- كل شي بتعرفينه في وقته (حاولت انزلها لكنها عندت وعلشان ما اخوفها قلت ) الخيمه انا مجهزها علشانك وحنا في ارضي
      احسها ما استوعبت رغم انها ما سألت ولا تحركت من مكانها فسويت اللي لازم اسويه من البدايه نزلت وشلتها بين ذراعاتي وسكرت باب السياره برجلي وهي تصرخ
      :- طلال نزلني....طلال نزلني وردني البيت ط...............
      دخلنا الخيمه ونزلتها وماتت بقيه حروف اسمس على لسانها اول ما استوعبت اللي هي تشوفه
      الخيمه ارضيتها كلها مفروشه باوراق الجوري الحمراء وفي وسطها طاوله مستديره عليها شموع معطره والعشا مجهز قربت من الشموع ولعته ورفعت الغطى عن اطباق العشا وعلشان يكمل الجو شغلت الشريط لموسيقى كلاسيكيه ناعمه شتت غيوم التوتر اللي كان الجو مشحون بها ...رفعت راسي للعنود لقيتها على وقفتها ما غيرت شي قربت منها ورفعت البرقه عن وجهها
      :- يعني معقوله طول سهرتنا بتحرميني من شوفه هالوجه
      نزلت راسها بحياء وقالت :- بس انت تقول اني بالعبايه احلى
      ضحكت :- وانتي اي كلام انا اقوله تصدقينه .....شوفي في كل شي صدقيني الا اذا قلت انك مو حلوه او ان قلبي ما يعشقك وانفاسي ما تردد اسمك ترى انتي حياه الروح وعيني في كل ثانيه تشتاق لطيفك وما يسكن قلبي غيرك ولولاك مت مخنوق واللحين ترضين اني اجلس معك بحسرتي ان البنت اللي اعشق التراب اللي تمشي عليه تحرمني من نظره وهي حلالي

      حمرت خدودها ونزلت راسها والجمها الخجل فقلت :- يعني بتظلين واقفه كذا بعباتك

      مديت يدي بقلعها العبايه لكنها مسكتها بقوه وقالت بهمس
      :- ومتى بتردني البيت ؟؟
      رفعت راسها :- ناظريني يا العنود وقولي لي ......انتي ملانه مني وتبين الفكه ؟؟
      هزت راسها علامه لا وقالت :- بس يا طلال البيت اكيد .........
      قاطعتها :- اولا بنتعشى ....وثانيا رجعتك في ايدك متى ما بغيتي ترجعين بس امري وارجعك

      بلعت ريقها :- بس انا شبعانه و.........طلال رجعني البيت
      ابتسمت :- من غير كلمه السر ما في رجعه
      استغربت وقربت حواجبها من بعض :- وش كلمة السر بعد ؟؟

      اشرت عليها تجلس على الطاوله وفعلا جلست وهي تترقب اجابتي
      :- تقولين حبيبي عمري قلبي روحي يا بعد روح طلال مو طلال حاف هاااااااا تبين ترجعين يا حياتي وروحي وعشقي وجنوني انتي

      نزلت راسها عرفت ان خجلها منعها من انها توقلها :- على العموم انا مستعد انطرك طول الليل لين تشفقين علي وتقولينها

      ورفعت لها لقمه علشان تأكلها :- اذا ما اكلتي لحالك ترى انا مستعد ااكلك بنفسي وترى العشا بعده ساخن ما شاء الله عليه سليطين يعتمد عليه
      ردت وهي تاخذ اللقمه من يدي :-انا باكل لحالي ......بس ما جاوبت على اسألتي

      ابتسمت :- وين حنا فيه ؟........حنا في ارضي (واشرت على نموذج الفلا اللي ورى ظهري )مكان بيتنا المستقبلي
      وقفت العنود واتجهت الى النوذج قربت منه وناظرته بتأمل وما لقيت نفسي لا واقف وراها ومنزل راسي اشم ريحة شعرها اللي خدرت روحي وزفرت نفس من شدة قربي منها حرك شعرها وكرد فعل منها رجعت على ورى وبدل ما تهرب مني جت في احضاني لميتها بقوه وطبعت قبله رقيقه وناعمه على رقبتها هيجتني واشعلت نيران الشوق فيني وحسيت بالرعشه اللي سرت في جسمها .....حاولت انها تفر مني لكني شددت من ضمي لها وقلت بهمس وشفايفي تلامس اذونها
      :- ما قلتي وش رايك في بيتنا المستقبلي ؟؟
      حاولت مره ثانيه تفر مني وقالت بصوت مهزوز :- طـ طلاا طلال
      قلت وصوتها يطربني وقربها يسكرني :- عيونه وروحه وعشقه وهيامه
      زاد اهتزاز صوتها :- طلال تكفى اتركني
      درتها علشان اروي ضما عيني لوجهها واطفي شوق عيني لعينها لكني انصمت بدمعه تعلقت برمشها تبي تلحق سابقتها علشان تلامس خدودها الناعمه مسحت دمعتها بصبعب وبست صبعب المبلل بدموعها وتركتها ورجعت جلست مكاني ......تحركت ورقفت ورى كرسيها وقبل ما تتكلم وتطالب اني ارجعها قلت وانا ارفع كيسه واطلع منها علبه مغلفه
      :- هذي هديتك (ابتسمت ) فتحيها وقولي لي رايك (ناظرت العبايه ) والعبايه بس علشان نجي هنا
      فتحت العلبه وطلعت منها لاب توب سوني لونه بنك عرفت من وداد ان العنود ودها فيه بدل لاب توبها الاسود والو ما شفت الفرحه ما ليه عيونها احس ان كل فرحه وسعادة الدنيا تسربت لصدري وضاعت علومي لمن قالت بانفعال
      :- مشكوووووووور يا عمري
      بلمت هالكلمه شلتني لثواني :- ها وش قلتي ؟؟تكفين عيديها
      نزلت راسها وقالت بارتباك :- ابد ما قلت غير مشكور
      ابتسمت بخبث :-يعني ما تبين ترجعين بيتكم وبتجلسين معي طول الليل
      رفعت راسها بحده :- الا ابي ارجع البيت
      جاوبتها وعلى فمي نفس الابتسامه :- من غير كلمه السر ما راح اتحرك من مكاني
      استغربت منها توجهت لعبايتها لبستها ولبست البرقع وقالت بعدها
      :- حبيبي ابي ارد البيت
      ما صدقت اللي سمعته اذني سحبت نفس بقوه وزفرتها اااااااااااااه
      قطعت المسافه اللي بيني وبينها في ثواني ورفعت البرقع من على وجهها وقلت
      :- توقلينها من غير ما اشوف وجهك مو مقبوله
      ساعتها مسكت يدي وهي مو عافه وش سوت فيني احرقتني وضاق صدري وبغى يتفجر من الفرحه والتهب قلبي بنيران مياه الدنيا كلها ما تطفيها وقالت
      :- طلال تكفى رجعني البيت
      ما اقدر اقاومها رفعت يدها لفمي بستها :- من عيوني اللحين ارجعك

      رجعتها وطول الطريق وان معتصم بالصمت ويكفيني انها جنبي وكفي يحتضن كفها
      واول ما وقفت عند باب بيتهم قلت لها قبل ما تنزل
      :- اخذت من تركي رقم جوالك (غمزت لها ) انطري مكالمه مني الليله
      فكت يدها من يدي بسرعه ونطت من السياره وهي تقول
      :- مع السلامه ...تصبح على خير
      حتى ما نطرت ردي وطارت لبيتهم على طول وما حركت الا لمن اختفت من قدام عيوني

    9. #39
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء التاسع عشر ))
      (رد فعل )



      رد الفعل عند الانسان ليس له قياس محدد ولا يخضع لحسابات او قوانين معينه
      وغالبية ردود الافعال تكون غير متوقعه .....والاغرب انها ساعات تجي فعلا مغايره لكل المقاييس لانها تكون عكس اللي نحسه .... وساعات يكون لنفس الشخص اكثر من رد فعل واحد تجاه نفس القضيه ....ما ادري هو بطء في الاستجابه او ان النفس البشريه تختزن الفعل وفي كل مره تستذكره يكون لها رد فعل مختلف ؟؟؟



      نــــــــــــــــــــــــــــدى


      ابتدأت اليوم فرحانه ومتناسيه كل همومي وفرحة طلال كانت اكبر من ان صدره لحاله يختزنها
      فكان لنا نصيب من عدوى الفرح ......الى ان جتني سعاد تقول بصوت لاهث

      :- ندوش ما دريتي باللي صار ؟!!

      توقعت انها عرفت عن طلال والعنود لكني حبيت استهبل فقلت :- ليش وش صاير ؟؟

      اخذتني على جنب وهمست في اذوني :- عليا في المستشفى

      شهقت وبطلت عيوني على وسعهم :- في المستشفى ؟!!! وش فيها ؟؟

      حركت يدها قدامي :- اششششششش لا يسمعونك العجايز .....ساره كبت على عليا كاسه كوفي وحرقتها
      لا عاد اول صفعتها واللحين حرقتها معقوله ساره البارده تسوي كذا ؟!!

      :- وليش حرقتها ؟؟اقصد عليا وش قالت لها
      سعاد وهي تتكتف :- ما يبيلها تفكير لنفس السبب اللي خلاها تصفعها خلاها تحرقها
      ((الصراحه ما اصدق ساره البارده الهادئه تسوي كذا ....وعلى وشو على كذبه ما ادري من اللي اخترعتها فيهم ....والله اني خايفه ان عليا ابتدت تسوي حركات مثل امها ))

      انتبهت من افكاري وقلت لسعاد :- يعني تبيني افهم ان ساره علشان هالسالفه تصرفت على غير عادتها وحرقت عليا من غير ما عليا تقول لها او تسوي لها شي ؟؟؟

      ردت سعاد وصبعها على راسي :- انا ابي اعرف انتي شلون تفكرين ؟؟........خذيها بالعقل الكل يعرف ان خالد عمره ما خطب ساره ....وان الدعوه كذب في كذب ...لكن عليا شخص غريب ما تعرف خلفيات الموضوع فشلون بتخترع كذبه زي هاذي .....ويا حبيبتي اللي دفع ساره انها تصفع عليا وتحرقها وقدام الكل مو الكذبه نفسها لا ؟؟

      هزيت راسي ابي استوعب اللي تقوله سعاد واللي خلى تفكيري يتجه لطريق مختلف
      :- وشو هو الدافع يا بو العريف ؟؟

      ابتسمت سعاد :- بكل بساطه ساره تشوف ان خالد ملكها وبس وعليا سلبتها املاكها فحبت تنتقم من عليا والله العالم وش قالت لها واكيد رد عليا افحمها وما شافت لها منفذ تنقذ كرامتها من خلالها غير تصرفات هبله ومن غير تفكير

      اقنعتني سعاد بكلامها خاصه انه يفسر اللي صار من غير ما يترك اي ثغره :- طيب وعليا من امعاها اللحين وش اخبارها ؟؟

      تنهدت سعاد :- معاها نجود وخالد .....وما اعرف وش صار عليها لان الثنتين تركوا جوالاتهم هنا
      طرأت على بالي فكره وانا اناظر الصاله والحريم اللي فيها وساره اللي ماخذه زاويه لحالها جنب امها :- طيب هاتي جوال عليا علشان نتطمن عليها

      بلمت سعاد :- وشلون بتطمنين عليها

      حطيت صبعي على راسها :- شغلي مخك...بندق على خالد (وكملت بتساؤل ) انتي تعرفين عليا مخزنه رقم خالد تحت اي اسم

      ابتسمت :- هو احد ينسى ((لهيب الروح ))

      راحت ورجعت وجوال عليا في يدها مدته علي :- تفضلي

      اخذته وقلت :- يلا خلينا نروح الصاله نكلم هناك

      سحبت سعاد الجوال من يدي :- اقول لك الحريم ما يعرفون عن عليا تقولين بتكلمين قدامهم

      ابتسمت على جنب وانا اغمز لها :- ليه ما تبين ساره ساره تسمع المكالمه؟؟

      وقبل ما ترد سعاد دق جوالي وكان المتصل عزيز التفتت لسعاد وقلت لها
      :- هذا عزيز ...روحي انتي وكلمي خالد ولا اقول لك عطي خالتي ام عبد الملك تكلمه احسن منك ومني

      ضحكت سعاد :- اه منك تبين تولعينها انتي تعرفين ان خالتي ام عبد الملك ما تحب ساره
      على العموم اخليك مع عزوز

      كنت ناويه اضربها بس ركضت قبل امسكها ناظرت جوالي قبل ما ارد على عزيز سحبت نفس اهدي من نفس ورديت
      :- هلا حبيبي
      عزيز :- هلا ....ندى انتي للحين في بيت عمك

      ما استغربت جفاءه خاصه بعد الخلاف اللي بينا :- ايه تعرف الحريم يطولون مو مثل الرجال

      سكت فتره بعدها قال :- كذا ما ينفع .....لكن تدرين بكره عقب اذان المغرب جهزي حالك بمرك

      ما كنت حابه ارد الشرقيه فقلت بدلال :- عزيييييييييز حبيبي بلاها بكره اجلها ليوم ثاني

      تنحنح :- وشو اللي ااجلها ؟؟

      :- الشرقيه

      ما ادري ليش حسيت ان نبرته تغيرت للغضب :- اول ما نخلص مشوار علي بنرجع الشرقيه ولا تحسبين انك اذا اجلتين اني بانسى اتفاقنا

      كنت ناويه ارد عليه اي اتفاق هذا اللي تتكلم عنه لكني قلت :- وانا وش دخلني في مشاوير اخوك

      رد من غير نفس :- امي مصره تشوف البنت اللي بيخطبها علي ومصره انك تكونين معهم

      ما لي نفس اروح مكان فقلت :- بس انا وجودي ما له داعي

      عزيز وبنفس المزاج المتعكر :- ادري بس امي مصره انها تروح وانتي واختي مزنه معاها

      مع مزاجه هذا اكيد بيكون من الجنون معارضته فقلت :- صار بعد اذان المغرب راح اكون جاهزه ان شاء الله
      قال عزيز وكأنه يتقصد انه يغثني :- بنطلع من عندهم على الشرقيه على طول فجهزي كل اغراضك ترى المهله خلصت من اليوم

      ما رديت عليه انا اساسا ناويه اجي له من زاويه ثانيه والكلام اللي بقوله يحتاج اننا نكون في مواجهة بعض مو عن بعد كذا سلمت عليه وسكرت الجوال

    10. #40
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة



      علـــــــــــــــــــيــــــــــــــاء



      صرخت من غير احساس او شعور وما قدرت اوقف على رجلي ونزلت الارض وانا اصرخ من الحراره وكل اللي اعرفه ان نجود كانت قاعده جنبي ومحتاسه مو عارفه شلون تتصرف طبعا كان الفرق ثواني من صرختي الى تواجد خالد في المطبخ او لما شفته كنت ناويه اكتم صرخاتي بس الالم ما عطاني فرصه وما قدرت اتماسك قدامه ....سمعت صراخه على نجود المسكينه وكلامه لساره (((والله ثم والله اللي ما احلف به باطل اني ما بعديها لك ...ولو ما انك حرمه كنت دفتك في مكانك ))) حسيت ان كلماته هذي ردت لي اعتباري قدام ساره لكن اول ما شالني على ذراعه وقربني لصدره وانا في دنيا ثانيه كل اهتمامي واحاسيسي مع العضلات الصلبه اللي جسمي الغض متسند عليها ودفء جسمه ودقات قلبه المنتضمه اللي بعثت في نفسي شعور اشبه بالمسكن .....بتقولون شلون انتبهت لكل هذا وهي تتألم من حراره الحرق بقول
      ان خالد هذا انسان غريب مجرد حضوره وتواجده جنبي يفقدني تركيزي على الاشياء من حولي واليوم اكتشفت ان قربه يسلبني احساسي بكل شي حولي ما عدا هو هو وبس ..... ولول ما نزلني على السيت الوراني في السياره رجع لي الاحساسس بالالم بقوه خاصه مع الفكره الجديده اللي جت على بالي((انا بكل غباء احب شخص ما يكن لي اي نوع من الشعور ودفاعه عني كان لمجرد اني زوجته وكرامتي من كرامته .....))استرسلت في افكاري ((معقوله يا عليا لانش تحبينه بتنسين موضوع الطلاق ......لا لا لا تسوينها لان احساسش بالذل من شخص ما يعني لش كل شي راح يكون اشد ايلام من الذل على يد شخص ما يعني لش اي شي ))
      قطع افكاري وصولنا للمستشفى نزل خالد وكان ناوي يشيلني على ذراعه مره ثانيه لكني رفضت
      :- ما له داعي اقدر امشي
      من غير ولا كلمه شالني وتوجه للاستقبال اشرت له وحده من الممرضات على غرفة المعالجه بعد ما قال لها انها حاله حروق نزلني على سرير المعالجه وطلع برى الغرفه عقب شوي دخلت دكتوره مصريه كشفت على الحرق عالجته بصمت وبعدها سألتني وهي تكتب شويه ادويه على الوصفه الطبيه
      :- الحمد لله ان حرق بسيط لا هو الحرق ده من ايه ؟؟
      كنت متوقعه ان اي دكتور بيسأل هالسؤال فقلت :- ابدا كنت رافعه كاس كوفي ولد اختي يركض قريب مني ...صدمني وانكتت القهوه علي

      سلمتني الوصفه وقالت :- اه كده طيب مش مشكله هو مجرد احمرار عاوز له كده كم يوم ويروح ...وده مرهم تحطيه على الحرق مرتين في اليوم ..وكمان دي حبوب مسكنه تاخديها لمى تحسي بالالم

      سالتها وانا اطالع في اسماء الادويه واستغرب من الصيادله شلون يعرفون يفكون هالشفره
      :- زين دكتوره بس الحروق هذي وبالذات اللي في صدري ورقبتي راح تترك اثر ؟؟

      وقبل ما ترد دخل خالد بعد ما استأذن وسأل عن حالتي ردت عليه نفيس الردود وبعدها قالت له
      :- وما تخافوش الحروق مش حتترك اي اسر لو انتزمتي على العلاج

      وقبل ما تطلع التففت لخالد وقالت :- الحمد لله على سلامه المداد يا استاز

      رد خالد وعينه مركزه علي :- الله يسلمك (طلعت الدكتوره وساعتها قال ) هاتي الوصفه اصرفها من الصيدليه و...............
      قطع كلامه دخول نجود اللي ضمتني وهي تتحمد لي بالسلامه
      نجود :- الحمد لله على سلامتك اشوى ان الحرق سطحي (طالعت خالد ) اظن اننا بنرد البيت على طول مو ؟؟
      ابتسم لها خالد ابتسامه كنت حابه انها تكون موجهه لي لانها ابتسامه خاليه من اي معاني مخفيه وراها :- اول شي خليني اقول لزوجتي الحمد لله على السلامه (قرب مني ونزل راسه وطبع قبله دافييييييييييييييييه على خدي وقال بصوت تغلبه البحه ) الحمد على السلامه يا عمري ( ومسك يدي وطالعني وكأنه يدور على شي ) تقدرين تمشين ؟؟
      ابتسمت له ابتسمت لعيونه :- اكيد اقدر ترى الحرق مو في رجولي

      غمز وهمس في اذني :- طيب ممكن اتأكد
      حسيت ان درجة حرارتي ارتفعت وان اذوني قبل خدودي حمروا وما رديت والظاهر انه استمتع باحراجي لانه كمل بهمس :- اختاري اما توريني مكان الحرق او تخليني اتأكد ان رجلك ما فيها اي حروق
      نزلت راسي وغمضت عيني وكل اللي قدرت اوقله هو :- خالد جوز عني
      ضحك والتفت على نجود :- خللك جنبها دقايق اصرف الدوا اول وبعدها نمر بيت عمي ننزل عليا هناك وبعدها نرد البيت

      فعلا ما طول خالد على ما رجع لنا ركبنا السياره وهالمره نجود سبقتني وركبت ورى فاضريت اني اكون جنبه ما لحق يحرك السياره الا موبايله يرن عقد حجاته وطالعني
      :- جوالك معك ؟

      استغربت سؤاله :- لا نسيته

      اخذ موبايله وعطاني اياه :- ردي اكيد يبونك

      اخذت الموبايل وانا مستغربه بس اول ما شفت ان المتصل ((العليا )) عرفت ليش عطاني اياه رديت وقبل ما اتكلم وصلني صوت خالتي ام عبد الملك
      :- ساعه علشان ترد الله يهداك ؟؟المهم وش اخبار عليا ؟؟

      ابتسمت وقلت بهدوء :- بخير عساش بخير

      انذهلت :- عليااااااااااا !! شعلومك يا بعدي وين خالد عنك ؟؟وش قالوا لك المستشفى ؟؟
      رديت بنفس الهدوء والابتسامه ما فارقتني :- الحمد لله الحرق سطي شويه احمرار ويروح
      وخالد جنبي تبينه ؟
      سمعتها تحمد الله :- الحمد على سلامتك يا بنيتي ...ايه عطيني اكلمه ؟؟

      عطيت خالد موبايله :- خالتي ام عبد الملك تبيك

      اخذه مني وقال والابتسامه شاقه حلقه :- حيا الله الصوت وراعيته ....امري يا بعد خالد وروحه

      ام عبد الملك :-.......................

      ضحك خالد بقوه :- والله ان هالكلام من قلبي

      ام عبد الملك :-.........................

      خالد تغيرت ملامحه للعبوس :- اقول لك بس على شرط ؟؟ موافقه ولا لا ؟

      ام عبد الملك :- .................................

      خالد :- كل اللي اعرفه من نجود ان ساره تعمدت تحرق عليا

      الظاهر ان ام عبد الملك قاطعته :-...............................

      خالد :- والله ما صار لي وقت اسألها بس اللي اعرفه ان عليا مستحيل تكون غلطت عليها
      وترى يمه هذي مو اول مره تهين حرمتي وانا اقسمت بالله اني ما بعديها لها

      ام عبد الملك :-............................

      خالد :- كذبت على حرمتي تقول لها اني خطبتها قبل وانها ردتني وما اعرف بعد وش حصل باضبط والظاهر ان رد عليا ما عجبها فمدت يدها على عليا قدام الكل ....انا يا يمه تنهان مرتي قدام الناس ومحد يدافع عنها ترضين يمه (طالعني وكمل ) قلب خالد ينداس وما يرد له اعتباره
      والله يمه لو هي مره ما سامحتها كيف وهي ثنتها
      ام عبد الملك :- ...........................

      جالد :- اول شي ما ابي اشوفها في البيت ومثل ما اهانتها قدام الكل تنطرد قدام الكل

      ام عبد الملك :-...........................

      خالد :- استني مو اللحين كلها خمس دقايق ونكون عندكم يلا في امان الله

      سكر خالد والتفت لي :- عليا ليه ساره سوت كذا؟؟ واللحين اب الرد

      بلعت ريقي احترت اقول اللي صار بالضبط ولا ....وما كان في وقت للتفكير خاصه تحت الحاح
      خالد فقلت باختصار :- البنت ذبحتني من تشوفني قعدت تتغزل فيك وترمي علي كلام يمين وشمال وتصرح اكثر مما تلمح اني اخذتك منها وهي اللي لها الحق فيك وانك تحبها وما اخذتني الا لانها رفضتك من قبل وانت خطبتني عقابا لها (حسيت بسخونه على خدي دمعت عيوني من غير ما احس ) تقول انك تحبها ومستحيل تفكر في غيرها تقول انك وان كنت بعيد عنها بالجسد لكن قلبك وروحك وياها

      ابتسم بسخريه :- بس هذا ما يخليها تحرقك وهالكلام ان كان بيغيظ حد فالمفروض انه يغيظك

      ما استحملت انه يبتسم واكيد في داخله يضحك علي وسعيد ان حبيبته تبادله نفس الشعور ولولا غروره كان اكيد تراجع عن نواياه تجاهها :- اي مو لان كلامها يقهر اول مره قلت لها انها كذابه وان من المستحيل وحده تحب واحد هالكثر ترفضه وتجي يوم ملكته توصي زوجته عليه ....يعني وبكل بساطه ان اللي تحبه ما يحبها وهي اللي راميه نفسها عليه ....علشان جذي مدت يدها علي

      حسيت ان شي في نظرته تغير ما ادري كأنه استرجع شي في ذاكرته او قاطعني وقال
      :- في يوم الملكه ؟؟علشان كذا ما قلتي عن .....(كأنه توه تذكر وجود نجود فكمل ) والمره الثانيه ؟؟

      صديت عنه وطالعت الشارع من الدريشه :- ما تحملت وقاحتها وقلت ادبها فصفعتها وقلت لها انها لو تكلمت مره ثانيه عن زوجي اني راح اجرها من شعرها وأطردها من بيت ابوي وبيت عمي اللي هو بيت زوجي وقدامك ....فكان ردها انها حرقتني

      ضحك خالد بقوه :- ههههههههههههههههههههههه(بصعوبه تماسك ) طيب شوفي انا اقول لك نفذي كلامك يا بنت يوسف تراها عادتها وبيت زوجك بيتك (ضحك مره ثانيه ) بس من غير شد شعور ترى البنت ماهي محرمه لي


      هــــــــــــــــــــــاجـــــــــــــــر



      انصدمت يوم جاني سالم حامل صينيه القهوه اللي جابها من المجلس وهو يقول لي
      :- يلا يا عروس وديها المطبخ

      اخذت منه الصينيه وانا لاويه فمي :- بلا عروس بلا بطيخ ....انا لحين ما وافقت

      من الهبل اللي فيني كنت احسبه يتكملم عن رائد نسيب لولوه لكن سالم صعقني برده
      :- خلاص ما عاد لرايش لزمه حمود من الغيره ققفل عليش وابشرش ترى الملكه يوم الخميس الجاي
      عقلي رافض انه يستوعب او يفهم سالم :- سويلم بلا مصاخه ترى ما احيب المزاح في هالامور
      ضحك سالم :- كيفش لا تصدقين اللحين ابوي يجي ويعطيش العلوم

      حسيت من جملته ان السالفه صدق لكن شلون والمكالمه و......سألت سالم
      :- ترى ما لي مزاج اصلا شلون يحددون موعد الملكه وانا ما وافقت الا رايي المبدئ كان الرفض
      سالم ما كان يعرف اني رفضت حمد طالعني بحده :- وليش ان شاء الله رفضتينه هااااااااااااا؟

      خفت يعصب ويشدني من شعري وساعتها ما اطول منه حق ولا باطل واكيد ما بيسمعني
      :- انا ما قلت اني رفضته انا قلت رايي المبدئ يعني حتى بعدني ما فكرت

      ابتسم سالم :- خالاص ريحناش من التفكير والملكه قرييييب

      قلت وانا ابي اعرف شلون صارت هالسالفه :- انا ابي اعرف شلون ابوي وافق على تحديد الملكه مكن دون ما ارد عليه خبر

      وقالي سالم كل اللي صار ساعتها حسيت ان الضغط والحراه ارتفعت عندي وان اباليس العلم كلها محاوطتني ركبت غرفتي وقررت اتصل عليه اليوم ما بنام قبل ما اعرف ليش سوى هالحركه النذله فيني لازم اعرفها حدوده ولازم خلاص ما عاد فيني صبر وتوني بدق عليه الا امي تناديني حاولت اتماسك واهدي من اعصابي نزلت وشفت امي وجنبها ابوي في الصاله
      اشر ابوي اجي اقعد جنبه
      :- تعالي ابغيش في سالفه

      اعرفها اكيد يتقول لي عن سوايا حمد قربت من ابوي وانا ادعي انه رافض لتصرفات حمد لكنه صدمن لمن قال :- تدرين يا هاجر ان حمد ولد خالتش رجال ما ينعاب وا ينرد وانا من قبل كلمتش عنه وانتين ما اعترضتين عليه ....وتذكرين انش قلتين انش ن تبينه لانه ما جا خطبش من نفسه ؟؟

      ما رديت انتظر اخرت كلامه فهزيت راسي اشارة موافقه على كلامه فتابع
      :- واليوم حمد كان عندي في المجلس وخطارنا اللي كنت انتضرهم طلعوا خطاطيب

      قاطعته امي :- خطاطيب !!! وحمد ولد اختي ؟؟

      ابتسم ابوي لها :- ايه خطاطيب لهاجر...و ولد اختش حتى ما نطرني يسمع ردي وعلى طول نط قدام الجماعه وقال لهم ((البنت مخطوبه لي وملكتها يوم الخميس الجاي ......وتراك انت وجماعتك معزومين ))....يعني ولد اختش ضمن بتش لانه قدام الرجال قال انه خطبها وحدد بعد الملكه (والتفت لي ) الصراحه انا في الاول زعلت منه لاني ما رديت عليه وعتبت عليه لاني في كل الحالات ما برضى بخطبه على خطبه .....لكن سمعيني يا هاجر زين انا خلاص ما في يدي ان ارده عقب ما ربطني بكلمه قدام الرجال ..وترى يا بنتي انتين رفضتينه من قبل لانه ما جا خطبش من نفسه ...وانا اقول لو انه ما يبيش كان ما سوى اللي سواه ...ترى ما في رجال يربط نفسه هالربطه مع وحده ما يبيها

      نزلت راسي وقلت باستسلام :- اللي يريحك يبا سوه وانا راضيه فيه

      لكن طبعا حمد مستحيل اخليه لازم ابرد حرتي فيه والليله قبل اي شي انسحبت بهدوء ورحت غرفتي واتصلت عليه واول ما رد وقبل ما يقول اي كلمه هجمت عليه
      :- انت مخلوق من ويش ما تحس ما عندك مشاعر اقول لك ما ابيك اقابل الموت ولا اقابلك
      تقوم بكل بساطه تجي تقول قدام العلا والملا اني مخطوبه لك والملكه يوم الخميس

      على عكس صراخي رد بكل بروده العلم :- الا كلي احساس ومشاعر وعلشان جذي اشفقت على الولد المسكين اللي كان بيرتبط فيش فضحيت وتنازلت وقدمت خدمه للبشريه باني اتزوجش

      زاد هيجاني لا خلاص استخفيت رسمي :- ليش وش شايفني علشان اشفقت عليه ليكون على بالك انك تنطاق ولا تتعاشر ترى احمد ربك انك وان بالغلط قدرت تلاقي وحده مثلي

      نفس البرود ولا كأن كلامي حرك منه شعره وحده :- شايفنش علة حقيقتش وحده نعومة شعرها ونحافة خصرها وبياض وجمال بشرتها الناعمه الملسه وخضار عيونها الصافيه
      ما قدرت تغطي على قلت ادبها وطول لسانها وتسرعها

      اكره هالاسلوب اسلوب الهجاء بهيئه مدح لكن مثل كل انثى مدحه لشكلي كان له مفعول المهدئ على اعصابي :- لااااااااااااا والله انا قليله ادب وطويله لسان واللي قلته اللحين مو قلت ادب وطوالت لسان ..وثانيا وش عليك انت اذا كنت طويله لسان او لا

      تغيرت نبرة صوته احسه يبتسم :- اللي قلته اللحين تقرير واقع انتي سألتيني شلون شايفنش فرديت علش ....وثانيا انتي خلااااااااااص في حكم زوجتي يعني لي كل الحق وبشكل حصري بعد في اني اتغزل في معانيش بكيفي شلون اوصفش ...وبالنسبه لطول اللسان وقلت الادب فهذي راح تكون مهمتي وياش الا وهي تأديبش

      رديت بتسرع :- وانت متخيل اني ممكن اعيش وياك ....لا يا حبيبي ده بعدك ...اصلا انت من تتكلم يرتفع ضغطي وتنفقع مرارتي وينلغي العقل عندي واهستر

      ضحك هالمره :- حلو منش انش تعترفين اني حبيبش هذا اولا وثانيا لا تتحديني ترى اخليش تجربين العيشه معاي من يوم الخميس يعني هي ملكه وعرس مره وحده واظنش جربتين تتحديني قبل ....وثالثا شكرا يا عمري ما دريت ان لي هالتأثير الكبير عليش

      قهرني كل ما اقلو له كلمه قلبها علي :- لا تصدق روحك ترى كلمة حبيبي كلمه وتنقال يعني بلا معنى ....وترى هالتأثير من كثر الكره لا غير

      رد ببرود :- كلمه حبيبي لغيرى وان كانت بلا معنى ما تنقال مفهوم ؟؟
      واذا انتين مو مصدقه يوم الخميس بتصدقين ...وادري يا عمري انش خجلانه تقولين لي احبك فتعبرين عن مشاعرش بشكل عكسي

      اخر جمله حسيتها ضربتني في الصميم احسها فعلا وصف دقيق لمشاعري لكن مو بس الخجل بروحه الا الا معاه احساسي بانه ما يحبني والضروف وغروره كرجل وكبريائه ههم اللي خلوه يرتبط فيني وهذا هو دافعي لتصرف بهالشكل ....لكني ما استسلمت وقالت في محاوله مني لرفع ضغطه
      :- لا مو مفهوم ....ترى بعدك ما صرت زوجي علشان تأمر وتنهي على كيفك...واستنتاجاتك كلها غلط وكل السالفه ان عمري ما اهتميت او حتى فكرت التفت لك والظروف هي اللي حكمت باني انتبه لوجودك ومن مواقفك السخيفه كرهتك


      غريبه وين ردوده السريعه والجاهزه حسيت ان قلبي عورني لمن ساد الهدوء من بينا الى ان جاني رده اللي انعشني اكثر من ما اغضبني
      :- مو مشكله يوم الخميس اجيب لك قائمه الاوامر والنواهي .... وبطوف هالمره كذبتش والايام بينا وراح اثبت لش انتي وش كثر تحبيني ....وعلى فكره الاوامر تقول تأدبي لكن خلش خبله
      ترى جمالش وخبالش هم اللي خلوني انجن وامشي ورى قلبي علشان اخطبش


      ما ادري ليش بلمت وقلت بكل عفويه :- هاااااااااااااااااااا ؟؟

      ضحك وقال بصوت حنون :- هاجر ...تصبحين على خير وهالمره طلب مو امر احلمي فيني

      ما عرفت ارد عليه فقفلت في وجهه


      ادري انكم بتعتبون علي ان ما جبت سيرت وداد وتركي وماجد
      ولا احرزنا تقدم في سالفه عزيز وندى
      ولا عرفتون وش بيصير على ساره
      بس ان شاء الله البارت الجاي
      بيحتوى على كل هالاشياء واكثر
      اعذب وارق التحايا
      وفي امان الله

    11. #41
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء العشرون ))
      (جنون مطبق)

      في اشياء كثيره تدفعنا لتصرف بجنون .....دوافعنا قد لا تكون مفهومه من قبل الغير ...لكن احنا نشوفها الحل الوحيد وعلشان نتخلص من الدوامه اللي احنا فيها نتصرف بجنون لتحقيق ما نريد
      من غير ما نحسب حساب النتائج



      عـــــــــــــــــــــــــــــــــــلي


      اليوم رحت اخطب اسيل وبالمره اخذت الحريم معي انا كان بودي اني اخذ معي امي بس لكنها اصرت تاخذ معها مزنه وندى ....المهم ان كل الامور بالنسبه لي كانت على ما يرام وهذا حنا في طريق رجعتنا للبيت ....طبعا عزيز كان يبي يرجع الشرقيه الليله حاولت معاه انه يجلس لكنه تحجج بالشغل في النهايه تركته يرجع لكني حلفت ان امي ومزنه يضلون عندي
      .....اللي استغربته انهم كانوا ساكتين طول الطريق وانا اللي اعرفه ان من عادة الحريم وبالذات مزنه انهم ما يسكتون خاصه انهم توهم راجعين من زياره وشايفين اسيل عروس المستقبل

      وصلنا البيت واقرب كنبه للباب في الصاله جلست امي عليها تريح ومزنه جلست جنبها
      جلست انا في الكنبه اللي قبالهم وانا احوس في مفاتيح السياره وسألتهم وعلى وجهي ابتسامه
      :- ما قلتوا وش رايكم في العروس ؟؟

      مزنه ناظرت امي كانها تبيها تقول قبل لكن امي ما تكلمت فقالت :- من ناحيه الجمال زوينه وووومن ناحيه الاخلاق للحين ما عرفناها و.........
      قاطعتها امي :- وشو اللي زوينه انتي بعد انا اشوف ان بنات خوالك وعمامك ازين منها
      واخلاقها مبين عليها ما هي بشي ولا ما شفتي كيف تناظرنا ولا حكيها ابد ما عجبني ولا ملابسها (تنهدت) استغفر الله العظيم ....ما تصلح لك ياولدي ما تصلح

      طبعا انا ماانصدمت لاني عارف امي تبي تزوجني من بنات العيله ولانها رافضه اسيل من غير ما تشوفها فاكيد بتقول هالكلام فقلت لها :- افا يا ام علي يعني اسيل ما هي عاجبتك اذا على الجمال انا شايفها وعاجبتني واذا على اخلاقها فانا اشوف تعاملها مع زملائها بالعمل ومرضاها ما عليه ولبسها انا شفتها اليوم ما فيه شي لاني اعرف ان الحريم يلبسون زي كذا في بيوتهم
      .....لكن حكيها هذي عاد ما فهمتها تراها تحكي سعودي موفرنسي
      لوت امي فمها لان كلامي مو عاجبها وقالت :- بلاك ما سمعتها وهي تحكي معنا كنها شغاله فلبينيه ما فهمت من حكيها غير كم كلمه .....واكيد ما بتلبس في الشوفه اللي لبسته قدامنا لبس المفاصيخ

      ابتسمت مزنه :- يمه لا تعتبين عليها تلقين نص كلامها انجليزي لانها درست برى ودراستها وشغلها يتطلبون كذا فصار حكيها مخلوط

      لوت امي بوزها وصدت عن مزنه وهي مسنده ذقنها بيدها :- ايه الا من قلت الادب والله هذي لغوه تواجهه بها ضيوفها وفيهم حرمه كبيره زيي ما تعرف للغوتها ....وهذا اخوك قدامك دارس برى ما شفته يتحكى زيها

      تبادلت النظرات مع مزنه اللي ابتسمت وقالت :- خلك من ذا السالفه وقول لي شفتها ؟ كلمتها ؟
      وش كانت لابسه ؟؟

      اختي واعرفها ملقوفه واذا ما جاوبتها بتموت من القهر تسندت :- شفتها وتكلمت ولبسها اظن انك شفتيه تنوره جينز وبلوزه صفرا

      شهقت امي :- لا تقول ان اللبس الفاصخ اللي دخلت به علينا ما غيرته؟؟

      عقدت حواجبي ومزنه قالت لامي :- لا يمه تلقينها لبست نفس الالوان تراها شوفه وما يجوز لها تدخل عليه بقصير و.........

      قاطعت مزنه :- ليه هي وش كانت لابسه بالضبط ؟؟

      ابتسمت مزنه :- تنوره قصيره وبدي اصفر من غير اكمام من هذولا اللي ينربطون على الرقبه

      ابتسمت :- يمه اللي دخلت اسيل به المجلس كان طويل ومحتشم

      وقفت امي :- ولو اللي لبسته قدامنا ما تلبسه المره الحشيم الا لرجالها
      ...وخلك من هالهرج وخذ بنت عمك اصلح لك ...وين غرفتي بروح اصلي لي ركعتين قبل ما انام

      وديتها لغرفه مجهزها لها بالدور الارضي ورجعت لمزنه وقلت لها :- مزنه الله يرضى عليك انتي تعرفين لامي حاولي تقنعينها باسيل ترى اذا ما تزوجتها ما بتزوج غيرها

      ناظرتني مزنه :- ما اعرف اذا كانت امي تبالغ لكن انا اشوف ان كلامها به شيئ من الصحه ...الصراحه فعلالبسها كان مبالغ فيه تنوره لفوق الركبه وبدي ماسك على جسمها والصدر عريان ...الصراحه هذا مو لبس تقابل به ضيوف او حتى تلبسه بنت قدام ابوها واخوانها
      ...والصراحه انا ما همني انها تتكلم انجليزي كثر ما همتني طريقه كلامها ....باختصار احسها كانها من مجتمع غير متحرره بزياده و..........

      انتظرتها تكمل :- وشو يا مزنه ؟؟

      مزنه بتردد :- ومن غي رزعل تراها فعلا ما تناسبنا كعيله وما تناسب عاداتنا والاهم انا اشوف انها ختى ما تناسبك ما تناسب فكرك او حتى اطباعك .........علي انا ما افرض عليك رايي بس انا اشوف انك لو تزوجتها راح تتعب معاها كثيييير


      طول الليل وانا افكر بكلام مزنه لكن ارجع واقول مو معقوله مزنه تعرف اللي يناسبني واللي نما يناسبني من جلسه وحده مع اسيل وانا اعرفها اكثر منهم واذا على اللبس هذي مقدور عليها والبنت اذا اخذتها اكيد بغير فيها اشياء كثيره .....ارتحت على هالفكره ونمت وانا مقرر اني اكمل مشروع الزواج من اسيل



      نـــــــــــــــــــــــدى


      وصلنا البيت وفراس كان نايم شلته بشويش علشان ما ينتبه من نومه لانه ساعتها ما بيرجع بنام لا عقب صلاة الفجر وعزيز نزل الاغراض من السياره ولحقني لداخل حطيت فراس على سريره ودخلت غرفتي علشان اغير لاني هلكانه ابي احط راسي واناااااااااااااام لكني اول ما طلعت من الحمام لقيت عزيز واقف برى يستناني ومااسك في يده منشفته وقال

      :- استنيني لا تنامي ابيك في موضوع

      ودخل اخذ له شاور وجلست استناه على الكنبه اللي قريب من السرير.....جا جلس جنبي في البدايه ما انتبهت له كنت احاول اعد نفسي للكلام اللي بقوله لكن ندائه نبهني لوجوده
      :- ندى ...موضوعي وتعرفينه الا وهو اني ابي طفل ثاني واظن اني قبل كذا اعطيتك مهله واليوم ابي اسمع ردك

      اخذت وحطيت عيني في عينه :- عزيز انت عارف اني مو معترضه على قرارك في ان يكون لك ولد او بنت لكن اعتراضي على التوقيت ...يعني لو نأجلها بس

      مسك عزيز ذقني وقرب راسه من راسي :- بس انا ودي بطفل ثاني ....وودي فيه اليوم قبل بكره ..وبانسبه للمده ممكن تكون قريبه وممكن تكون بعيده يعني مو شرط الحمل يحصل مباشره ....ولو تأخر حدوث الحمل انا مستعد اصبر لكن اني أاجل المحاوله لالالا
      وما اظنك بتمنعيني من حقي

      بللت شفايفي واستجمعت كل قوتي وقلت كمحاوله اخيره :- انت تعرف يا عزيز ان قرار الانجاب قرار مشترك وترى راي الزوجه مهم لانها بتتحمل الجزء الاكبر من المسؤليه والتعب
      و....
      قاطعني عزيز وقال بحده:- يعني تبين تعصيني وعلشان وش علشان فرضيه في راسك انه الحمل بيتم في اسرع وقت .....وعلى فرض صار هالشي انا بتحمل معك العواقب واعتبريهم توم ..يعني لو كان لفراس تو م ما بتربينهم وبتقولين ما اقدر و.....

      هالمره انا قاطعته :- ساعتها كنت بقول هذي كتبت رب العالمين .....وانا حشى لله ما اعصيك واخلي ربي يغضب علي

      ابتسم :- معني كلامك انك خلاص رضيتي واقتنعتي

      اخ الا قول انجبرت وابد من غير قناعه لكني قلت :- بس في حاجه لازم نراعيها

      ناظرني باستفهام :- وش هالحاجه

      نزلت راسي وغمضت عيني خايفه من ردة فعله :- المانع انا ما اقدر اتركه من غير استشاره
      يعني اول نستشير الطبيبه واللي تقوله نسويه

      عزيز ما عجبه الكلام :- وش هالهرج ندي هي كلمه ما في غيرها المانع واتركيه ...يعني وش بتقول الطبيبه غير كذا ...ولا انتي تحسبيني بزر وتبين تلهيني بهالسالفه

      ومن غير مقدمات راح للدرج اللي فيه الحبوب وطلعهم وبعدها سألني :- في غيرهم ؟؟

      ما عرفت اتكلم هزيت راسي بلا ساعتها راح لعند لسله الخمام ((الخمام=الزباله =المهملات )) وحذف الادويه وبعدها قال وفي عيونه لمعه الانتصار :- وهذا المانع وتخلصنا منه ومالك حجه خلاص
      حسيت بصداع مفاجئ وقلت له وانا احس ان اعصابي مشدوده :- بس انا اخاف تكون في اعراض جانبيه لترك المانع بهالشكل المفاجئ غـ..........

      قاطعني وتقرب مني ومسك كتوفي
      :- لا تهوجسين (ورفع حاجب) ولا هذي حجه جديده للتهرب؟

      بلعت ريقي وحاولت اتملص من بين يديه :- لا مو حجه بس المفروض ما اقع الحبوب من غير استشاره و..........

      مسكني من خصري وضمني لصدره وهمس في اذني :- انسي انسي و........

      حسيت بتوتر ورعشه تغطي جسمي انا نفسيا لازلت رافضه وهالشي خلاني انفعل واتجاوب مع عزيز بشكل عكس اللي فهمه لانه من حس برجفتي ظن اني تجاوبت معاه وابتدأ يتودد لي ويتنفس بالقرب من اذني وهو يهمس بكلمات الحب وبعدها ابتدأ يبوسني من رقبتي لكن دفيته بعيد عني وقلت له وانا ودي ابكي :- عزيز مو الحين اجلها لوقت ثاني (وكملت برجى) خلني استعد نفسيا قبل ما ...قبل ما ..يعني

      بان الغضب في عيونه وفي حده لهجته وان كان ما على صوته :- وشو اللي تستعدين له هااا؟؟ ما تنطقين يا حرمي المصون ...وليه تونا نعرف بعض ولا توني المسك ؟؟ولا كنت تلعبين علي؟؟تقولين بقوله كلمتين اسكته فيهم .....لكن لا مو انا اللي تلعبين علي والليله باخذ حقي سوى برضاك او غصب عنك

      وفعلا تقدم مني وانا مديت ايدي وحطيتها على صدره وصرت ادفعه بعيد عني ...لكن هالحركه زادت من عزمه وخلته يصر على اللي بيسويه بدل ما يتراجع ........ قرب مني اكثر وبعد ايديني وضمني بقوه لدرجه حسيت ان نفسي ضعف فحاولت اني اشمخه (اخرمشه ) باضافري
      في ذراعاته وصدره ساعتها قيدي ايدي الثانتين وقرب وجهه ن وجهي يبي يقبل خدودي صرت احرك راسي بقوه يمين وشمال استسلم ودفن راسه في رقبتي ساعتها صحت بقوه وطلع صوتي صرت اصرخ
      :- تكفى عزيز تكفى اتركني ...ارجاك عزيز تكفى ومع اصراره وفرق القوزه بينا صرت قوتي تخور وصوتي بدى يتلاشى الى ان عم صمت حاد مزق الجو حولنا وما تركني الا بعد نفذ اللي براسه ............

      ما ادري ليش عقب اللي صار تكورت في زاويه من السرير ابكي ابكي قهر واحساس بالذل ...ايه بالذل حتى في هذي عزيز ما راعى شعوري ...اساسا اعتب على من ؟؟عزيز طول عمره كذا اذا كان رايق وكل اللي يطلبه تنفذينه له فما في احن او اطيب منه اما اذا عارضتيه فهو يعتبر الامر عند واذا ما استسلمتي وعطيتيه اللي يطلبه ساعتها ياخذه لو غصب .....بس هذا شي بالذات بين الزوجين يكون قمه في الاذلال لمن يكون بالغصب ...حاله تكون اشبه بحالع الاعتداء .....اااااااااااااه صدرت مني ااااااه وغطيت فمي علشان ما يحس عزيز علي وحاولت اكتم دموعي لكني ما قدرت غصب عني والله غصب عني ترى الي سواه جرحني بقوه
      وما انتبهت ان صوت اهاتي وانيني نبه عزيز من نومه واول ما شاف دموعي
      لبس هدومه وطلع ...طلع عني ولا حتى طيب خاطري بكلمه ....هالشي خلاني اصيح بشكل هستيري وضميت ركبتي بقوه لصدري وصرت اهتز واحرك جسمس لورى وقدام
      وفجأة طرت على بالي فكره ......لالالالالالا ما ابي احمل ما ابي ولد بهالطريقه ولد نتيجه اعتداء صرت مثل المهووسه ورحت ركض لمكان التقويم ومثل المجنونه قمت اشوف موعد الدوره الشهريه لقيت باقي عليها خمسه ايام .....المفروض ان هالشي يريحني لان في هالفتره نسبه ان يصير حمل ضئيله جدا ....لكني صرت اشوف هالايام بعيده جدا والتوتر والخوف بشكل مفزع من اني احمل صيطر علي ....

    12. #42
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ســــــــــــــــــــــاره


      اتذكر هذيك الليله رحت لعليا المطبخ فرصه انها لحالها ..كنت ناويه اغيضها لكنها ابد ولا كأني اكلمها واخرتها الـ......... عطتني كف لا وتقول ان هذا جزاي واقل من جزاي وانه رد للصفعه اللي عطيتها اياها ...لكن على من ما تحملتها واخذت كوب الكوفي الحار وكبيته عليها لكن حسافه نجود شافتني ومن صراخها جا خالد وطبعا وجود نجود ما خلاه يصدقني ..
      اساسا الكل حتى اللي كنت متوقعه منهم انهم يكونون في صفي وقفوا ضدي فما بلك بنجيد اللي من اول ما في استلطاف بينا ..... طبعا هي طلعت معاهم المستشفى والصراحه كنت ناويه اطلع من بيت خالي على طول عقب ما حرقتها ....
      لكن اللي منعني اني كنت ابي اعرف وش صار عليها
      ....طبعا مو حبا فيها لكن كنت حابه اعرف لاي درجه ماثر الحرق وكنت اتمنى انه يشوها
      علشان اتشمت عليها ....
      لكن العجيز دقت عليهم وكانت فرحانه اول ما طمنوها وقالوا انه مجرد حرق سطحي ...وبعد شوي قلبيت خلقتها ما ادري وش قال لها خالد بس اول ما انهت المكالمه التفتت لي وقالت لامي :- انا ابي اعرف هذي بنتك وش فيها على حرمه اولدي ؟؟

      اندهشت امي من سؤال العجيز وقالت :- ليه وش فيها ؟؟واصلا ساره ما تحتك فيها فـ.........

      قاطعتها العجيز :- اذا كذا اجل ليش حرقتها ؟؟

      استنكرت امي الكلام وقالت :- وشو ؟!! بنتي ما سوت شي ومو كل كذبه تقولها بنت نجاه تصدقوها
      سندت العجوز يدينها على عصاها وقالت وهي تحوس فمها :- والله هي ما قالت لكن اللي شافوها قالوا ....واذا مني مصدقه اسألي بنتك
      امي انقهرت من حؤركه العجيز :- ما لد داعي اسألها لانها تربيتي واعرفها زين واللي قالك تراه يكذب
      ثارت العجيز :- نجود وخالد هم اللي قالوا لي وترى اولادي ما يكذبون لكن الدور على تربيتك
      اسأليها ..........
      قاطعتها امي :- وش قصدك يام عبد الملك ؟؟يعني انا اللي بنتي كذوب عز الله ان بنت نجاة هي اللي كادت لنتي و.......
      ما ادري وش اللي خلى وداد اللي طول وقتها ساكته تقول :- كيف يعني ياعمتي ؟؟تبين تقولين ان عليا حرقت حالها ...واذا صدقنا وش اللي يخليها تقول ان ساره سوت كذا ؟؟

      ما استنيت امي ترد وقلت :- والله اللي خلاها تكذب علي قبل في بيتكم هو اللي خلاها تكذب هالمره

      وقفت وداد على طولها وقالت :- بس اللي اعرفه ان المره اللي فاتت انتي اللي صفعتيها وهي ما قالت غير الصدق ...ولا عندك سبب ثاني ؟؟....غير كذا يا بنت عمتي عليا ما قالت من اللي حرقها ....لكن نجود هي اللي شافت بعيونها وسمعت باذونها والا بتقولين انها تكذب بعد ؟؟

      ما عرفت ارد لان العجوز ساعتها شهقت بقوه وقالت :- حسبي الله عليك يا سوير يعني اول تضربين البنت وفي بيت ابوها واللحين تحرقينها في بيت عمها ...يعني لو راحت بيتكم بتذبحينها؟؟ (والتفتت على امي ) هذي التربيه يام ماجد بنت تعتدي على الناس في بيوتها وتسكتين عنها ؟!!
      ثارت امي هي من الاول ما تحب العجيز كيف اللحين :- تعيبين على تربيتي وعلشان من علشان بنت نجاه ؟؟و.........
      قاطعتها العجيز :- بنت نجاة هذي تصير بنت اخوك ...وانا ان كنت اعزها لانها حرمه الغالي ...لكني ما ادافع عنها الا لان الحق معها
      التفتت امي على ام خالد وقالت :- وش يام خالد بتسكتين عن امك وتخلينها تهيني في بيت اخوي
      مدت العجيز رجولها :- ليه تبينها تسكتني عن كلمه الحق ؟؟
      صرخت امي :- لا والله ما اسكت عنك يا عجوز النحس واللحين ادق على اخوي يشوف كيف انهان في بيته

      ام خالد ما تحملت ان ينقال عن امها كذا فقالت :- الضيف يا ام ماجد له الحشيمه دام هو حاشم نفسه ....وانا سكت عن اهاناتك واهانات بنتك لكن توصل لامي ولا ...واذا عندك كلام لاخوك قوليه برى بيتي

      وقفت امي ومسكتني من يدي تقومني وقالت :- تطرديني يام خالد لكن ما عليه ما راح ادخل هالبيت الا بعد ما يقلعك اخوي انتي وامك من هالبيت

      وسحبتني وطلعنا من بيت عمتي رجعنا معالسواق للبيت امي كانت ناويه انها تكلم عمي قبل ما يعرف اي شي من احد ثاني وحاولت تكلمه لكنها ما قدرت ....اما انا انشغل بالي في اتجاه ثاني
      ....لاني شاكه ان امي تقدر توصل لشي مع عمي اللي اكيد بيعرف بالسالفه منهم قبل ما يعرفها من امي وساعتها كل اللي بيسويه هو محاوله لترضيه امي من غير ما يسوي شي لحرمته او االعجوز امها ...علشان كذا سهرت اخطط على اللي ممكن اسويه لازم اهينهم مثل ما اهانوني وسرحت مع افكاري ..............



      ((وداد))



      من سافر تركي وانا عازله نفسي ....كل وقتي موزع بين الجامعه والتجهيزات لملكتي المرتقبه الملكه اللي احس الكل متحمس لها فيما عداي ...حتى عليا وبيت عمي من عقب اللي صار بين عمتي ام ماجد وخالتي او عبد الملك في بيت عمي ....كاوا كتحمسين لملكتي وكانت الاستعدادات عندهم على اوجها ....لكن انا غير احساسي كان مختلف ..او بالاصح انا ما احس باي شي انفعالاتي ومشاعري احسها في حاله سبااااااااااات ....صرت احس اني عديمه احساس بالذات اذا التقيت بالعنود ...اللي اختلفت من يوم ملكتها تلاقينها طول الوقت كلامها ما يخلو من اسم طلال واذا سكتت فهي سرحانه فيه او مشغوله في مكالمه معه ...احس حبهم مبالغ فيه زياده عن اللزوم ...تلاقينهم يشتاقون لبعض بمجرد ما ينهون المكالمه ويعيشون حاله ترقب للمكالمه الثانيه ...في عيونهم لهفه غير طبيعيه لسماع اخبار بعضهم ودائما قبل كل لقاء احسم يتوترون ويتحمسون وكأنهم اول مره يتلاقون ...الله يتممها عليهم نعمه ويوفقهم ....
      بس هالشي حسسني اني بلا احساس...يعني المفروض افرح لان ملكتي قريبه ...وماجد مو غريب ولد عمتي صحيح اننا في عيلتنا ما نختلط في الاولاد بس مهما يكون الفرق بيني وبينه اربع سنوات يعني مو ذاك الفارق الكبير واثناء طفولتي كنا نلعب مع بعض انا والعنود فريق وهو وتركي فريق واثناء مراهقتي وقبل ما اتحجب كان في نوع من التحرش بالكلام والمغايضه يعني حركات مراهقين عند ومزاح ثقيل دم ....وماجد مو توه يخطبني لا صار له تقريبا سنه وشي من خطبني .....لكن الموقف اللي سواه خلاني الغي كل هالاعتبارات من فكري احسه صار غريب المفروض ان يكون لي ردهة فعل يعني اتضايق اكرهه ارفض وبشده

      لكن اللي محد يعرفه ان كل البكى والزعل وصراخي في وجه طلال وندى اني ما ابيه وكل مشاعري السلبيه كانت موجه لتركي .....اكيد اللي يفكر بعقله بيقول وش دخل تركي بالعكس هو ان كان تصرف من راسه ولا قال الى ابوي او حتى طلال لكن تصرفه كان سايم والقصد منه الحرص على سمعتنا وانه يلمك الموضوع قدر الامكان ...بس ما اعرف ليش كرهت انه يكون هو صاحب هالبطوله كرهت انه يكون هو المتصرف في حياتي ولو للحظات ....كرهت انه يكون على حق ومكا اقدر ارد عليه او اعانده ...........

      وانقلب غضبي الى برود يعم مشاعري وكل كياني لمن عرفت من طلال اللي سواه تركي في ماجد ....ضربه ليش لان ماجد غلط علي لانه حاول يشكك في اخلاقي وتربيتي ..... تصرف المفروض يكبر تركي في عيني ...لكن وضع تركي غير هذا انسان اذا حن علي او دافع عني اعتبر نفسي خسرت معركه ضده ....شلون يدافع عني وليش لو نسى اللي قاله قبل اكسيد نسى
      هو وش يهمه علشان يتذكر .......
      قرار ابوي ظلمه لكن بداخلي حسيت بنشوة الانتصار ان استبعد وبسببياحس انس بدأت اخذ بثاري منه .....لكنه رجع وجه لي ضربه اقوى لمن بارك لي ملكتي قبل ما يسافر نضرته هزتني حركت شي كان نايم في اعماقي .....نظره وحده بس خلتني ارتعش خلتني افضل الصمت والانطواء وش قصده وليش قال هالكلام ؟؟....من يومها بدل ما افكر كيف اتخلص من ماجد صرت ما افكر الا فيه في عيونه ....صرت ابي افسر شعوري تجاهه صرت الوم نفسي الف مره في الدقيقه لضعفي وعدم قدرتي على ابعاده عن خيالي ..... احس اني اختنق بافكاري لازم اتكلم مو مهم وش اقول بس ابي ارتااااااااااااح قررت ادق على العنود لكني تراجعت لاني بقدر اتكلم معاها في كل شي لا تركي ونفسالشي بالنسبه لطلال
      دقيت على ندى وقبل ما يتم الاتصال تراجعت ما اقدر اصلا ما اعرف وش بقول واخاف اقلقها غير اني اخر مره كلمتها كانت نفسيتها زفت وطبعا الاخت كالمعتاد تعرفين انه متضايقه لكن عمرك ما تعرفين السبب .....طيب اكلم نجود ؟؟لالا ما تصلح ...طيب عليا ؟!! بس عليا مو بذاك القرب مني وعلاقتنا ما وصلت لـ............ بالعكس لاني علاقتنا مو بذاك العمق احس انها الشخص الانسب وبيكون كلامها اكثر منطقيه لانها ما راح تحيز لا لي ولا لتركي


      اوهوووووووو رديت على تركي اصلا هو ما له دخل طلعت من غرفتي ورحت لغرفه عليا
      دقيت الباب خفت تكون نايمه بس الحمدلله طلعت بعدها مانامت
      فتحت الباب بشويش ودخلت راسي :- انا وداد ممكن ادخل ؟؟...لو بتنامين ؟؟

      ابتسمت واشرت علي ادخل :- حياش ..ما فيني نوم غير ان بكره عندي اوف

      رديت لها الابتسامه :- يعني تقدرين على السهر

      ضحكت وهي تسكر الكتاب اللي في يدها :- اصلا خاطري اسهر (هزت الكتاب في ايدها وبعدين حطته على الطاوله قدامها ) وما لقيت غيره اسهر وياه

      قربت وجلست جنبها وفي محاوله مني لفتح موضوع سألتها :- وش اخباك مع الجامعه ؟؟

      ابتسمت :- ماشي الحال والحمد لله ما ضاع علي غير مادتين ما عادلوها لي بس احس النظام هني مختلف وللحين ما تعودت عليه
      استغربت :- كيف يعني ؟!!!
      لازالت الابتسامه على شفايفها :- انا ما اقصد النظام التعليمي بس قصدي ما تأقلمت علىالوضع تعرفين هناك الجامعه مختلطه بينما هني لا ...وهالشي ساعات احسه مرييييييييييييح جدا وساعات احسه غريب ويقيدني

      استغربت اكثر :- اوكي مريح وفهمتها خاصه ان الجامعه غير مختلطه لكن يقيدك كيف ؟!!

      شبه ضحكه بانت عليها :- بقول بس لا تضحكين ... يعني اذا اقعد من النوم متأخره عاد ذيك الحزه احس اني لو في البحرين احسن لي ....اذكر مره كان عندي امتحان فاينل وصحيت متأخره ساعتها كل اللي سويته غسلت وجهي واسنانس ولبست بنطلون جينز على قميص البجاما ولبست الحجاب من غير ما اتمشط وعليه العبايه وطبعا لا كحل ولا قلوز ولا شي من هالهم لاني ما كنت اتغطى وطرت على الجامعه ....يعني تخيلي هالشي يصير هني بتقدرين تسوين جذي ؟

      ضحكت من قلب وانا اتخيل نفسي اروح الجامعه كذا :- لا والله اكيد على الاقل صاحباتي ما بيخلون لقافتهم وبنفضح علشان قميص البجاما وشعري العدم

      ماتت الضحكه وانقلب حالي فجأه مثل ما ضحكت من غير مقدمات وحسيت اني لازم اتكلم قبل ما انفجر وما عرفت كيف ابدا لكن عليا سبقتني وقالت
      :- وداد ادري ان اللي بقوله تدخل في خصوصيتك خاصه ان علاقتنا ما وصلت لهالمرحله
      بس ما احسش عروس ملكتها عقب كم يوم ....يعني في الاول بكى وما على لسانش الا ما ابي ماجد ...وبعدها صمت مريب يعبر عن رفضش اكثر من كلامش ...غير انش طول وقتش من الجامعه لغرفتش وحتى السوق ما تروحينه الا غصب

      ابتسمت ابتسامه مايله :- قصدك ان العروس المفروض تكون مبسوطه وسعيده ؟...بس اللي اذكره انك ابدا ما كنتي فرحانه حتى يوم ملكتك

      نزلت راسها وحطت يدها على رقبتها كانها تدلكها :- بس انا وضعي مختلف ....يعني انخطبت لواحد ما اعرف عنه شي غير ان اسمه خالد ويكون ولد عمي .....ادري بتقولين مو سبب لان اغلبية الزيجات في الخليج بالذات يتم التعارف بين الزوجين في فتره الملكه الى الدخله وبعضها في بدايه الزواج ....بس انا وحده طول عمري حاسبه نفسي بحرينيه تربيت هناك وما عرفت من اهلي غير جدي وخوالي دراستي طفولتي صديقاتي حياتي كلها هناك ...فجأه لقيت نفسي برتبط بواحد غريب ومو بس هو التغيير الوحيد لا لكن حياتي كلها بتتغير
      لكن انتي ............

      سكتت ما كملت احسها محتاره ما تدري وش تقول فاختصرت وقلت لها عن كل شي الموقف الللي صار وسبب رفضي لماجد وحتى الموقف اللي صار بين ماجد وتركي وطلال واللي سواه ابوي واخرتها قلت لها
      :- طلال اول ما قلت له اني ما ابيه ساندني وحاول لمن كلم ماجد انه ينهي الموضوع لكن بعد كذبت ماجد وقرار ابوي انقلب الوضع وصار طلال هو اللي يطالبني بحل المشكله واذا حاولت استنجد فيه يقول لي الحل بيدك (ناظرتها بشبه توسل ) والله ماني عارفه وش اسوي

      ابتسمت ومسكت يدي وشدت عليهم :- طلال عنده حق الحل بيدش ..وادري انش محتاجه لمسانده وعون ...وصدقيني اي قرار تتخذينه طلال ما بيعارضه ...والقرار لازم يصدر منش ولازم تكونين مقتنعه

      رديت عليها والحيره لازالت لابستني :- كلامك صحيح بس انا صار لي تقريبا اسبوعين وزود وانا افكر وما لقيت حل

      ابتسمت ابتسامه مؤازره :- هذا لانش ما سالتين نفسش السؤال الصح اولا
      وداد انتي موافقه تربطين نفسش بواح تجرأ وطلب منش شي مو من حقه وباسلوب ما حفظ كرامتش يعني من خلال اخته وتباهى بهالشي قدام صديقه اللي هو ولد عمش ...قابله انش تتزوجين واحد بكل بساطه اهانش قدام اخوش ولد عمش ...وجذب على ابوش بكل اريحيه ؟؟

      هزيت راسي بعلامه لا وقلت :- لا ...بس ماجد ولد عمتي و.......

      قاطعتني :- الشق الاول هو المهم ...والشق الثاني ما راح يتغير سواء قبلتين او رفضتين والاهم انه ما بيغير من اللي سواه ماجد ...وترى هذي حياه مو زماله يوم او يومين
      والسؤال الثاني
      وداد انتي ترضين لرجال دافع عن كرامتش وصان سمعتش لدرجه انه تصرف بكل شهمه من غير حتى ما يعرف ابوش او اخوش عن الموضوع لمجرد انه ما حب ان سمعتش تكون عرضه للتساؤلات ...ترضين لرجال ورغم وجود اخوش دافه عن سمعتش وصانها حتى في تواجد اخوش ....ترضين لرجال ما دافع عن نفسه عن لا يضرش رغم ان اللي تعرض له نفي وعقاب مو نقل لضروره عمل....ترضين لواحد مثله ينظرون له بستصغار وينظرون له بنظره اقل من نظره الحترام اللي يستحقها ....بينما اللي يغلط عليش ويهينش يشوفونه رجال ينحط على الراس وفوق هذا ياخذ وداد كجرائزه لاهانته لها ...ترضين


      هذا هو السؤال اللي رفضة اجاوبه لاني ما ابي احد يقول عني مهتمه او حتى حاسه بوجود تركي بس طريقه عليا في بسط الاحاث قدامي وتفسيرها لها خلتني اجاوب اجابه اعتبرها
      اهانه لذاتي لاني فيها اعترف ان تركي هو البطل وهو من يستحق التكريم
      بلعت ريقي وغصه تعلقت في حلقي
      :- اكيد ما ارضى ....(وفي محاوله لدفع تهم ما حد يشوفها غيري ) صدق ان تركي مكا يهمني واساسا ما له اي حق ان يتدخل في شؤني سواء بتواجد طلال او من غيره لكن بعد هو ما يستحق انه يكافئ بهالطريقه وماجد ...اخر واحد اتمنى اني ارتبط فيه

      ابتسمت عليا :- شفتين هذا انتي قررتي بنفسش ...ماجد ما تبينه وتركي لازم يرد اعتباره وكل هذا يصير بخطوه وحده منش

      اعرف الجواب بس ما ادري ليش مو مستوعبتنه :- كيف ؟؟

      ابتسمت عليا على جنب :- تبلغين ابوي بقرارش وبالسبب وراه وتقولين له كل شي وبجذي تفتكين من زواجه انتي رافضتها وتردين لتركي اعتباره

      ابتسمت لها ما ادري ليش ضميتها وبستها من خدودها :- تسلمين لي يا احلى عليا في الدنيا كلها واللحين بروح اكلم ابوي

      ضحكت عليا على حماستي وقالت :- تعالي وين بتؤروحين هالحزه الناس نايمه خليها لبكره الصبح

      ناظرت الساعه لقيتها ثنتين ابتسمت بارتباك وقلت :- ابلشتك بمشاكلي وسهرتك...واخرتها الحماس اخذني على بالي تونا المغرب

      ضحكت مره ثانيه وقمت وهي تدفني لبرى غرفتها :- صدق انس تونست بالقعده وياش بس خلااااص النوم هجم علي وما اقدر اقاوم وحتى ما قادره اجامل ...تصبحين على خير


      رحت نمت هالمره وكل تفكير في الكلام اللي راح اقوله لابوي


      انتهى القسم الاول من بارت (جنون مطبق )
      وشفنا فيه تصرف عزيز الجنوني
      والقسم الثاني بنشوف فيه تصرف مجنون من قبل ناس ثانيه
      وعقب يومين بالكثير بنزل القسم الثاني
      اعذب التحايا
      وفي امان الله

    13. #43
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء الواحد والعشرون ))
      القسم الثاني من
      (جنون مطبق)


      نـــــــــــــــــــدى


      ما قدرت اصبر لمن الشمس تطلع بس صليت الفجر وعلى طول رحت ركض للدولاب ولميت هدومي واحتياجاتي الاساسيه رتبتها في الشنطه وبعدها رحت لغرفه فراس ونفس العمليه واول ما خلصت نطرت الى ان صارت الساعه سبع .....واتصلت على طلال
      :- صباح الخير

      رد طلال :- صباح الخير ...عسى ما شر داقه هالوقت ؟؟

      رديت عليه بالكلام اللي كنت محضرتنه :- ابدا قلت اكلمك قبل ما تنشغل ولا تقدر تجيني

      الظاهر ان ردي خلاه يهوجس لانه قال :- اجيكي وين؟؟الشرقيه ؟!!! ندى وش صاير عليكم بكم شي؟؟ احد صار له شي؟؟ انتي وفراس وعزيز .........

      يا ربي صرعت اخوي فقاطعته اهديه :- حنا كلنا بخير وما علينا شر...تدري ملكه وداد عقب يومين وانا ما اقدر ما احضرها ....(اخذت نفس علشان الكذبه اللي جهزتها ) وعزيز مشغول ما يقدر يجيبني عندكم فقلت ما لي غير طلال ...(توسلته ) طلال تكفى ابي اليوم اكون في الرياض
      ضحك طلال :- صرعتيني وتاليها هذا طلبك ...ابشري بعزك ولا يهمك اللحين ابلغ الوالد وكلها مسافة الطريق واكون عندك (سكت شوي بعدين قال وكأنه استدرك شي ) ندى عزيز عنده خبر اني بمرك ؟

      ابتسمت لاني بكذب على طلال لثاني مره :- ايه انا متفقه معاه من البارحه
      رد طلال :- اوكي ...اجل كلها كم ساعه واكون عندك واللحين بروح ارتب اموري قبل ما اجيك

      اااااااااااااه هذي المرحله الاولى وتمت بنجاح وباقي الاصعب عزيز وامي اخذت نفس وحاولت ادق على عزيز بس قلبي ما طاوعني ماني قادره اسمع صوته احس اني بحاجه لوقت علشان اقدر استوعب اللي صار ومحتاجه اني ابعد علشان اقدر اقرر وش بسوي من غير اي ضغوطات ....ولاني من اللحين الى ان اقرر ما ابي اي شوشره كتب مسج لعزيز وطرشته وكان محتواه
      ((انا محتاجه ابعد كم يوم ...علشان كذا قررت اجلس عند امي في الرياض ...وراح اقول لهم اني بتواجد هناك علشان ملكة وداد وعلي ....طلب اخير ارجوك لاتحاول تتصل فيني هالفتره ))

      اقل من خمس دقايق وصلتني مسج منه يقول فيه
      ((مع مين بتروحين ؟؟؟))
      رديت بمسج ((مع طلال ))
      بعث مسج ثاني ((عندك وقت الى يوم ملكة علي وبعدها تردين بيتك ... تحملي في نفسك وفي فراس...واذا احتجتي شي خبريني ))

      اخ حتى في هالمواقف غرورك ما تتخلى عنه ....متى يا عزيز بتحس وبتفهم ان الحياه الزوجيه مشاركه مو فرض راي وكونك رجل ما يعني انك تهمشني؟؟ متى بتعطي عاطفتك المجال وتبعد عنك الصلف والغرور ؟؟ متى بتتعلم انك تنظر لي كند وشريك متى متى ؟؟
      اخاف انك تتأخر على ما تفهم اخاف اني امل وازهق اخاف ان استيعابك يجي متأخر
      قريت المسج مره ثانيه وقلت بصوت مسموع
      :- اخاف اني بعد ملكة علي ما ارجع ابد



      الـــــــــــــــــــــعنود


      مليت وانا جالسه لحالي اليوم عندي محاضرتين وحده الصبح والثانيه الظهر عادة اقضي الوقت بين المحاضرتين مع وداد لكنها اليوم ماجت وعليا اليوم عندها اوف
      ...ملل اليوم ابد مالي حظ ما شفت ولا وحده من صديقاتي الظاهر كلهم عندهم محاضرات هالوقت .... قلت اروح الكفتيريا اكل واقضي وقت دخلت شريت لي فطور وجلست على طاوله فاضيه ....اووففففففففف ما تعودت افطر لحالي قلت ادق على وداد اتسلى واشوف ليش حضرتها غايبه ...دق جوالها مره ...مرتين ....ثلاث ....الى ان انقطع ومحد رد
      وين راحت هذي عن جوالها ؟؟ ادق على بيتهم ؟؟لا ما لي خلق الشغالات يردون علي
      اخيرا قررت ادق على عليا اسألها عن احولها وبالمره اتطمن على وداد

      وحتى عليا تأخرت على ما ردت علشان كذا او ل شي قلته
      :- واخيرا قررتوا تردون ؟؟وينكم عن جوالاتكم ؟؟وليش انتي واختك مطنشيني ؟؟

      ضحكت عليا :- شوي شوي لا تاكليني ...انا كنت عند وداد وموبايلي نسيته في غرفتي
      و وداد موبايلها على الصامت ...الصراحه شفت اتصالش بس قلت اول اتطمن عليها بعدين اتصل فيش ....واللحين صباح الخير ...وشخبارش

      ابتسمت :- توك تذكرين تسأليني عن اخباري ؟؟ الحمد لله ...ووش فيها وداد ؟؟

      ردت عليا :- احسن من ناس حتى بعد ما سالتهم عن احوالهم ما تذكروا يسألوني عن احوالي
      ...وداد ما فيها الا كل خير ... بس شويه تعب وارهاق ...واللحين هي نايمه اول ما تقعد من نومتها بخليها تتصل عليش

      ما ارتحت لكلام عليا بس قلت مسيري بعرف اذا مو من عليا من وداد فقلت لعليا
      :- وما دورت تتعب وتركني لحالي الا اليوم ؟؟ تخيليني كأني يتيمه لحالي افطر وامشي
      تدرين الظاهر بسحب على المحاضره الثانيه وبجيكم

      قالت عليا بخبث :- وين تجين وداد نايمه وسعاد في المدرسه وخالتي عندها زياره لوحده من جاراتنا مريضه وانا وحده ما فيني على هذرتش ...قعدي مكانش وقابلي محاضراتش احسن

      ادري انها تمزح لكني اعتضت وقلت :- تدرين انا كنت متردده بس اللحين انا مصره اجيكم وفطور ما راح افطر الا عندكم ...يلا جهزي الفطور كلها ساعه بالكثير واكون عندك

      ردت عليا :- على راحتش ...(وكملت تبي تحرجني ) بس يكون في معلومش اذا بتأخذيني حجه علشان تشوفين طلال ترى من اللحين استريحي مكانش ... الا اذا ناويه تقعدين عندنا الى العشا

      احمرت خدودي ورديت بتسرع :- جايتكم يعني جايتكم .... وثانيا لو ابي اشوف طلال يكفيني اجلس للغدا

      ردت عليا :- بس انا مصره انش تتريقين وتتغدين عندنا واضمن لش طلال ما تشوفينه

      حسيتها تلعب علي :- ادري تلعبين علي تبين تحرجيني قدام خالتي وعمي ...بس على مييييييييين هو فطور لا غير

      ضحكت عليا :- بل كل هذا حيا من طلال ....لا تخافين ترى طلال في الشرقيه وما بيرد الا على المغرب
      رديت والفضول يدفعني:- الا قولي خوف مو حيا لان اخوك ما يبطل حركاته حتى قدام الناس
      والله اني احترق واذوب من الفشيله وهو لا على باله ....وثانيا وش عنده في الشرقيه يعني ما قال لي انه بيروح الشرقيه

      ضحكت عليا :- عادي رجال حر في حلاله ... وتعالي هني تسوين روحش خجوله وبريئه وتاليتها من اللحين تعدين على اخوي روحاته وجياته

      غاضني واحرجني رد عليا فقلت :- عادي هااااااااااااا لكن ما اقول غير الله يوريني فيك يوم يا عليا ...وكل السالفه انه كلمني امس ولا جاب سيره

      عليا بهدوء :- ندى تبي تجينا الرياض وما عندها احد يجيبها غير طلال ....وما خبرته الا الصبح....علشان جذي ما قال لش

      ابتسمت :- زين تراك خسرتيني سكري خليني ادق على السواق يجيبني

      سكرت الجوال وبدل ما ادق على السواق دقيت على خالد



      ((وداد))



      صحيت من الصبح هذا اذا قدرت اقول عن نفسي اني قدرت انام البراحه ....ما صدقت يجي الوقت اللي اقدر اكلم فيه ابيو ادري انه تعود يدخل مكتبه يراجع شويه اوراق الى ان يجي وقت الفطور ....نزلت الدرج وانا اتمنى انه يكون لحاله ...دقيت الباب وجاني صوته القوي الرصين
      :- من ؟؟

      الله يعيني اذا من اللحين احس ان صوتي مو طالع
      :-انا وداد يبه

      اختلطت جديه صوته ورصانته بدفء وحنان ابوي:- هلا ببنيتي ...تفضلي

      دخلت المكتب ولقيته فاتح ملف يناظر الاوراق اللي فيه وبعدين كتب ملاحظه على الورقه سكر الملف وقلع نظارته حطها على المكتب قدامه شبك اصابعه وقال وابتسامه واسعه ومطمئنه على وجهه :- امري يبه ...وش بغيتي؟؟

      رغم ان شكله يوحي بالطمئنينه والهدوء لكن اللي بقوله ما يقلل من توتري :- يبه انا جيت اكلمك بخصوص ماجد و..........
      ما عرفت اكمل فجأه حسيت نفسي موعارفه وش اقول

      ناظرني كأنه بيستشف من وجهي اللي بقوله والظاهر ان صمتي اكد شكوكه لانه قال
      :-علامه ماجد ؟؟(وعلشان يخليني اتكلم ) قولي كل اللي ودك تراني اسمعك

      كنت استنى هالكلمه منه لاني عقبها قلت له كل اللي صار من بدايه عرض ساره الى تصرف تركي الغريب لانقاذ الموقف من وجهة نظره .........
      انتظرت رد ابوي لكن الصمت كان سيد الموقف رفعت راسي علشان اشوف ملامحه يمكن اعرف وش يفكر فيه لكن ما قدرت افك الشفره واعرف في وش يفكر الى ان شق حدة الصمت بصوته
      :- طلال قالك تقولين هالكلام ؟؟؟
      بلعت ريقي وبللت شفايفي وقلت بلهجه دفاع عن النفس اكثر منها دفاع طلال او تبرير لموقف
      :- طلال ما قال لي شي ...ويبه انت عارف ان ملكتي على ماجد المفروض تكون عقب يومين
      فمو معقوله اقول هالكلام عنه و.........

      قاطعني ابوي وناظرني بنظره احسها اخترقت روحي
      :- على فرض انك تقولين الصدق ...ماجد ليه قبلتينه؟ ليه ما قلتيلي قبل ؟؟

      جاك الموت يا تارك الصلاه السؤال اللي كنت خايفه منه جاء والارتباك خلى صوتي يهتز وعبرتي تغرق عيوني
      :- يبه انا الصراحه خفت منك (لاحظت نظرة الاندهاش في عيون ابوي فكملت اشرح ) خفت تلومني وتقول ان ماجد ما سوى كذا الا الاني تصرفت غلط ...وبتصرفي شجعته على انه يتعدى حدوده ........ والدليل ان ماجد هو اللي يكذب وان كلامي صدق مو تلقين من طلال
      فهذا (ومديت عليه جوالي القديم وداخله الشريحه القديمه ) جوالي ورقمي القديم ما صار عليهم شي انما غيرهم تركي علشان يضمن ان ساره ما تعطي رقمي لماجد
      وهذي (عطيته الشريحه الجديده ) الشريحه اللي طلعها تركي وراح تلاقيها باسمه ولو كنت انا او طلال نكذب فليش الشريحه باسم تركي ؟؟

      رجع علي الشريحه الجديده وقال:-خليها عندك انا من الرقم بس اقدر اعرف هي باسم من

      فتح جوالي القديم وتأكد من سلامة الشريحه والجوال ورجعهم لي بعدها قال
      :- هالكلام بإمكان طلال يقوله ويثبت لي ان ماجد هو اللي كذب ،فليش جايه انتي اللي تقولينه ؟

      هذي هي اللحظه الحاسمه هذي اللحظه الللي تهمني واللي راح تنجيني وتحقق مطلبي
      قلت بصوت جامد ومنخفظ :- لاني ما ابي ارتبط بماجد خاصه عقب اللي سواه
      يبه حتى انت ما ترضى لي ارتبط بواحد كذاب و......

      قاطعني ابوي وصدمني رده :- توك ترفضينه ؟؟ والملكه اللي عقب يومين والناس وش نقول لهم ؟؟ما فكرتي في صورتك وصورتي قدام الناس ؟؟

      انذهلت تجمدت مكاني عقلي وقف وش اقول ياربي كله مني انا اللي صعبت الموقف نزلت دموعي وغرقت خدودي شاف ابوي دموعي وكان رده اللي المفروض يهديني
      :- على العموم انا مصدقك وتركي كونه المهندس المسؤل عن المشروع اللي بجده بيضل هناك الى ان ينهي الاشغال المهمه وبعدها يرجع الرياض ويسافر كل مده يشرف فيها على المشروع ........وماجد انا لي تصرف ثاني معاه واكيد راح اادبه على كذبه وتصرفاته الغير محسوبه


      تكلم عن الكل الا انا فسألته :- طيب وانا ؟؟

      فهم سؤالي ورد عليه باللي حرق قلبي واشعل النار في جوفي
      :- اذا ترضين لي بسواد الوجه قدام الناس اللحين ارفع السماعه اكلم ابو ماجد والغي الملكه
      هااااااااا وش قلتي الامر بيدك ؟؟

      وش اقول اقول له يبه انا ما ارضاها لك بس بعد انت ترضى لبنتك تتزوج واحد اهانها ونزل من قدرها وما احترمك ولا احترم صله الرحم ....كلام لكن ما بتكون من وراه نتيجه لاني اعرف ابوي وبيضل هالخيار قائم كنت برد كنت بقول لاااااااااا ما ابيه ما اقدر ارتبط فيه اساسا انا من البدايه غاصبه روحي عليه وما وافقت عليه الا علشان اثبت لروحي ان تركي ولا شي واني تجاوزته ولغيته من قلبي وانتزعته من روحي لكن كل اللي طلع مني هو صوت جبني وهزيمتي ....جبانه ما اقدر اخذ حقي خاصه اذا كان على حساب ابوي وكرامته وسمعته
      لان في مجتمعنا اكيد راح يكون اللوم على البنت حتى لو كشفت الحقيقه للجميع
      :- اللي تشوفه يبه

      كانت هذي جملتي اللي بعدها رحت اركض لغرفتي تلفتت داخلها لقيتها خاويه مثل جسدي في هاللحظه حسيت اني جسد بلا روح واني برداااااااااااااااانه ابي جسم يضمني وصدر يدفيني
      ابي من يواسيني ابي من اقدر اصرخ قدامه بكل اللي بداخلي
      طلعت من غرفتي ورحت ركض على غرفه عليا فتحت الباب من غير ما ادقه ورميت نفس في حضنها ابكي من غير مقدمات ومن غير ما اتكلم

    14. #44
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة



      علـــــــــــــــــــــيـــــــــــــــــاء



      خلصت مكالمتي مع العنود واستغليت فرصه ان البيت خالي وداد نايمه في غرفتها بعد نوبة الصياح وقررت ادق على طلال واكلمه عن وداد واللي صار بينها وبين ابوي يمكن يفكر معاي في حل لهالورطه ....لكني تراجعت طلال في طريق سفر والمفروض ما اشغل باله بهالامور والليله ان شاء الله اكلمه ونفكر كلنا مع بعض في حل يخلص وداد من ماجد من غير ما ينحرج ابوي.......موضوع وداد خاصه من بعد رد ابوي عليها وانهيارها قدامي شغل تفكيري وعلشان ابعد نفسي عن هالافكار رحت المطبخ اشغل نفسي بتجهيز الريوق ....سويت شاي وعصير....وقليت بيض وطبعا ما نسيت الاجبان والزبده والمربى والزيتون جهزتهم وصيت الشغاله تجهزهم في الصينيه اول ما تجي العنود وتجيبهم عند المسبح لاننا بنتريق هناك

      طالعت الساعه كلها عشر دقايق او ربع ساعه والعنود تجي قررت استغل هالوقت واركب اغير هدومي مو معقوله استقبلها بجامتي ....لبست بنطلون حريري بيج عليه قميص حريري بني من غير اكمام قصير ولبست تراكي (حلق ) حلقات تدرجات البني وساعه حزامها جلد بني
      ولميت شعري بكلبسه فيها درجات البني ولمعه ذهبيه ....واخيرا كحله داخل العيون ومسكرا على الرموش وقلوز بي فاتح بلمعه ذهبيه ....رشه عطر

      دقت ستي الباب :- مس عليا ....هدا في مس الئنود يستناك تهت

      رديت عليها وانا البس جوتي (جزمه)بني فيها خيوط ذهبيه وبيج
      :- زين...قولي لها تنطرني عند المسبح

      ما تلقيت اي رد القيت نضره اخيره على نفسي في المنظره (المرايه ) وبعدها اخذت موبايلي
      ونزلت متجهه للعنود لقيتها سرحانه قربت منها وقعدت قبالها وابدا ما انتبهت لوجودي
      مسكت نفسي لا اضحك عليها ابتسمت :- اللي ماخذ علقش يتهنى

      تخرعت وحطت يدها على صدرها :- بسم الله ...من وين جيتين ؟؟

      ضحكت على شكلها وهي منزهقه :- من وين يعني من الجدار ؟...اكيد من الباب

      ابتسمت وقالت وهي تشوف ستي جايه وحامله صينية الريوق :- طيب خلينا ناخذ نفس اول بعدين نفطر

      حطيت كوعي على الطاوله وذقني على كفي وقلت :- قلنا ليش ما نبي نعزمش اصريتين تجين فقلنا نفتك منش من اول ما تجين نريقش وبعدها اوصلش بنفسي لباب بيتكم

      رفعت حاجب وقالت:- طيب على لاقل استنى ضيوفك يحضرون وبعدين جهزي سفرتك

      حسيت نفسي مو فاهمه شي :- اي ضيوف ما في احدغيرش (استدركت الموقف ) ليكون عازمه احد من ورى ضهري ؟؟

      هزت راسها بالايجاب تخصرت :- خوش والله ...ناويه تفشليني في الناس ؟؟ليش ما قلتين علشان اجهز ريوق احسن من جذي واحسب حسابي ان في شخص ثالث

      ابتسمت وهي تحرك رموشها :- لاتخافين ضيفك مو غريب ...والفطور لاثنين مو ثلاثه لاني افطرت في الجامعه

      كان ودي افغصها (اخنقها ):- يعني على بالش هالكلام بيشفع لش ؟؟...ثانيا من سمح لش تتريقين في الجامعه عقب ما عزمتين نفسش عندي ؟؟ومن هالضيف؟؟

      اتسعت ابتسامتها اكثر وقالت :- قلت خساره ارمي الفطور اللي شريته وعلشان ما يروح شغلك على الفاضي قلت اجيب اللي يفطر معك ...والضيف (طالعت ساعتها ) تلاقينه اللحين عند الباب
      وترى قلت انك انتي صاحبة الدعوى (وقفت ) بروح لوداد وانتي وضيفك خذوا راحتكم مع بعض

      توني بلحقها الا ستي جايه :- مس عليا ...مستر كالد ئند الباب

      فتحت عيوني على وسعهم والعنود تضحك وتقول لستي :- انتي خلاص روحي انا بروح لخالد ادخله
      استوعبت المقلب اللي سوته فيني العنود ورحت لها ودي امشع شعرها لكنها عرفت نيتي مسكت يدي وقالت :- استني خالد هنا ما في داعي تستقبلينه عند الباب

      غمزت بعينها وراحت له اختفت عن انظاري ورجعت قعدت مكاني وانا افكر وش قالت له هالمجنونه ..... انتبهت على صوته
      :- احم(مد يده )السلام عليكم

      ابتسمت بارتباك وقفت ومديت يدي علشان اصافحه :- وعليكم السلام والرحمه (سحبت يدي من يده واشرت على الكرسي اللي قبالي ) تفضل

      لكنه سحب الكرسي اللي عن يمني وقعد عليه وقال وفي عيونه بريق :-وش اخبارك ؟؟

      وجهت نظري لدله الشاي ما اقدر اطالعه كان قريب مني حيل لدرجه اني احس اني لو رفعت راسي اطالعه ما بلقى غير كم سنتي متر فرق بيني وبينه :- الحمد لله ...وانت شلونك ؟؟

      حسيت ان نبره صوته انخفضت وصارت مقاربه للهمس وفيها نعومه تخترق الجلد وتلهب الدم :- بخير دام عليا بخير ...عليا

      احس ان جيوش الدم كلها تجمعت في خدودي رفعت راسي وشفت شكثر هو قريب مني
      غمضت عيوني :-همممم...سم

      فتحت عيوني على ابتسامه تحتوي على فرحة الاننتصار وخبث:- سم الله عدوك ...وش اخبار الحرق ؟
      عضيت شفتي السفلى وبللتها :- الحمد لله...حتى اثره راح

      رفع حاجب ونفس الابتسامه على شفايفه :-صدق !!طيب وريني اشوف

      هذا وش يقول ليكون يستهبل وش يشوف بطني ولا صدري سايرته وبعدت الشعر عن رقبتي واشرت على مكان الحرق اللي فيها :- شوف ما له اي اثر ...الكريم اللي وصفته الدكتوره مفعوله قوي

      بعد يدي وحط يده مكان الحرق يتحسسه بيده لمسته على رقبتي وترتني واشعلت نيران في جسمي كله حسيت بالحراره تخنقني حاولت ارفع يدي اللي تخدرت علشان ابعد يده
      لكنه بعد يده ولمس موضع الحرق بشفايفه في قبله ناعمه لكن ملتهبه احس ان درجة حرارتي وصلت لدرجة الغليان اهتز جسمي وصابتني رعشه وكل اللي طلع مني في محاوله الاعتراض هو تنهيده فلتت من بين شفايفي.... بعد شفايفه لكنه انفاسه ضلت تلفح رقبتي الى ان وصل لاذوني وهمس وشفايفه تلامس اذني :-
      اتمنى اشوف اذا كان باقي الحرق اختفى زي ذا او لا

      انتفضت من كلامه وعلشان اصرف قلت :- خالد وش تحب تشرب شاي او عصير ؟؟

      فهم تصريفتي وقال :- اللي تحبيه انا احبه

      بلعت ريقي وقلت علشان يرحمني ويخفف شوي :- خالد ما لها داعي هالحركات ترى ما في احد يشوفنا

      ابتسم على جنب ومسك ذقني وادار وجهي علشان يكون في مقابل وجهه تمام
      :- لان ما في احد انا سويت كذا ....ومن قال ما لها داعي ؟؟

      مسكت يده ابعدها عني لكنه قلب الوضع علي واحتضن يدي في كفه
      :- خالد لانقص على بعض انت تدري اننا مو مثل اي زوجين واننا ما نبي بعض
      وكلها كم يوم ونتطلق فما في داعي لهالاشياء

      اختفت الابتسامه وظهرت نظرت التحدي في عيونه وشدد من قبضته على يدي :- اولا انتي حلاااااااااااااااااالي سامعه يعني مو لازم تكون في مناسبه علشان اتودداو اتقرب لك ...وثانيا حنا مو زي اي زوجين لاني مواي رجل وانتي مواي حرمه ...ثالثا والاهم انا مستحيييييييييييييل اطلق ....(ومسك ذقني بيده الثانيه وقرب وجهه من وجهي وقال بنعومه )
      وهالمره ما راح اعديها وعقب ملكه وداد مباشره بحدد موعد الزواج مع عمي وراح يكون عقب شهر (وحرك ابهامه من ذقني الى ان لمس شفايفي وبعدها قرب اكثر وطبع قبله هاديه وسريعه على شفايفي ) فاهمه يااااااااااااا ........ساحرتي ؟؟

      نزلت دموعي لاحساسي بالضعف ....لانه بلمسه او كلمه احسه يهزني من الداخل وبقوه ....لان صوته يهز شراييني ويسرع من دقات قلبي ...لان عيونه تأسر عيوني وتسيطر على كل خلاياي ...لاني وبكل سهوله وغباء حطيت كل احساسي وشعوري تحت سيطرت شخص ما يحبني او حتى يهتم لوجودي وكل اللي يسويه بس علشان كلمته هو للي تمشي قلت من بين دموعي :- بس احنا ما نصلح حق بعض احنا مو بس ما نحب بعض ...احنا حتى مو متقبلين بعض ... انت لازم تطلقني

      قاطعني وهو يمسح دموعي وقال بلهجه تقطر حنان ونظره مليانه دفء مشابه للي شفته في عيونه يوم الملكه يوم ضم نجود لصدره :- تدرين ...ان دموعك تعور قلبي ؟؟ لا تبكين لان دموعك تضعفني وانا ما احب اكون ضعيف ....لاتبكين لاني ما احب اشوف في عيونك الا الفرحه و....نظره غصب عنك ما بتناضرين غيري فيها .....والزواج بحدده مع عمي بعد ثلاثة اسابيع
      (توقفت الدموع وفتحت فمي وبطلت عيوني لمن قرب الموعد اكثر لاحظ نظرتي وقال بخبث )
      حطي عينك في عيني وقولي تبين الطلاق ؟؟؟اذا تبينه قولي طلقني

      ما ادري ليش انقبض قلبي خفت اقوله طلقني ويطلقني ....ادري انه من الغباء اني اخاف انه ينفذ رغبتي ...بس ما ادري ليش عندي رغبه اكبر في انه يتمسك فيني عندي حلم غبي وتافه في انه يصر على موقفه وما يكون دافعه غير حبه لي مو كبرياء رجل ....نزلت راسي وغمضت عيوني علشان ابعد افكار المراهقين عن راسي وقلت
      :- يعني اذا قلت بتطلقني ؟؟

      ضحك وقال :- واخيرا بعرس عقب اسبوعين وش رايك ؟؟
      ادركت اني طحت في الفخ اللي نصبه لي وقلت باعتراض مثل الاطفال
      :- لا هذا غش اساسا انا كنت اسأل و.........
      قاطعني وهو مازال يضحك :- بس انا رجال عند كلمتي وانا سبق وقلت اي سيره للطلاق بتقرب موعد الزواج ....

      حسيت بغصه وقلت بطفوليه وانا اصيح :- حراااااااااام عليك والله اسبوعين ما يكفون
      غير الجامعه ومشاغلها خليها على الاقل نهايه هالكورس

      ما انتبهت لكلامي الا عقب ما سمعته يقول وابتسامته شاقه حلقه :- صدق انك ساحره
      ....يعني انتي ما تبين الطلاق وكل هالكلام بس تغلي ...سبق وقلت لك انا رجال ما اتنازل عن كلمتي والعرس عقب اسبوعين وعلشانك بس ما بغير هالموعد مهما قلتي شكرا على احلى فطور اكلته في حياتي ( نزل راسه وطبع قبله على خدي وقال ) وهذي تصبيره للزواج (وانتقل لاذني وهمس )...وخذيها وعد مني اني في ضرف اسبوعين من الزواج بملك قلبك


      تحديته مثل ما تحداني :- وانا اوعدك اني بمتلكك كلك مو بس قلبك

      طالعني بجديه وقال اللي هزني من الداخل :- كل سحرك ما بينفعك
      لاني رجل حر ما تملكه ولا تروضه حرمه ايا كانت.... لكن اذا ملكت قلبك ساعتها انا بوهبك قلبي بكل طواعيه (تغيرت نظرته وابتسم لي ) ما بتسلمين علي

      وقفت ومديت يدي له اصافحه لكنه مسك يدي وشدني لصدره وقال وذقنه على راسي
      :- كذا تسلم الحرمه على زوجها

      رغم انه ما طول في ضمي لصدره لكن هالثواني كانوا كافيين لان رئتي تتعبا بريحة عطره
      ثواني قليله كانت كافيه لان تفجر براكين خامده في صدري براكين احالت صخر عزمي في تجاهله وصده الى ذرات غبار ثواني زرعت في نفسي مفهوم جديد وحطت قدامي تحدي جديد وهالمره اما ان اكسبه او تروح الروح من دونه ....خالد لي وملكي انا وبس ومحد له حق انه يمتلكه غيري ....انا زوجته وعما قريب راح اكون المرأه الوحيده في حياته وراح اتوج كملكه على عرش قلبه

      طلع خالد من البيت لكن عقب ما دخل قلبي واحتل اكبر مساحه من فكري لكن هالمره في الاتجاه المعاكس للاول.... ابتسمت ما يدري خالد انه وقبل الزواج قدر يسيطر على مشاعري والظاهر انه وقبل الزواج بيقدر يملك قلبي وروحي قبل جسدي

    15. #45
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ابـــــــــوطـــــــــلال


      ماني قادر اركز على الشغل طول الوقت وبالي مشغول بوداد ....محتار وش اسوي البنت عندها حق كيف ازوجها لواحد كذوب وقليل مروه وخاين للصداقه حتى وان كان ولد اختي ....بس بعد احس نفسي بين المطرقه والسندان اذا خلصت البنت من هالزواجه ما بقدر اخلصها من كلام الناس ...صحيح سعادتها واستقرارها اهم من الناس ...لكن الناس ما ترحم ولا بيخلونها في حالها هذا غير الناس اللي بتاكل وجيهنا وبترمينا بالعاطل ....ما الي الا اني أأجل الملكه الى ان اشوف حل لهالسالفه ...بس المشكله وش اقول لابو ماجد ما اقدر اكذب واذا قلت له الحقيقه بيبان اني بايع بنتي للي ما يسواها وان كان اولده ....اخرتها قررت ما في غير حل واحد
      اتصلت على تركي
      :- هلا يا بوك كيف حالك ؟؟

      جاني صوت تركي :- هلا بك اكثر يا عمي ...بخير دامك بخير وراضي عني

      المني رده قلت وان ابتسم :- راضي عنك يا اولدي وبضل راضي عنك ...والله اني ماني عارف وش اقول لك يا تركي
      قال تركي ومبين من صوته الحيره :- عسى ما شر يا عمي ؟؟

      رديت اطمنه :- لاشر ولا ضر ...بس والله ماني عارف اشكرك ولا اعتذر منك

      رد وهو مو فاهمني :- تعتذر؟!!!وتشكرني؟!!! على وشو؟؟؟

      حاولت ابتسم واساسا انا خجلان من نفسي :- اشكرك على اللي سويته لوداد...على غيرتك وشهامتك مع بنت عمك ...واعتذر على اني كذبتك وبدل ما اجازيك عاقبتك

      كسرني رده لانه قال :- محشوم يعمي ما عاش اللي يخليك تعتذر تراك توطي على راسك روس الرجال وراسك ما ينزل الا للي خلقه ...وانا اللي اعتذر لك وابوس راسك ويدك لاني خبيت عليك وما قلت لك كل شي من اول ....وبالنسبه لوداد انت قلتها هذي بنت عمي يعني من شوفاتي واذا ما تحركت غيرتي لها تراني ما انعد من الرجال


      رديت عليه:- وانا اشهد انك رجال من ظهر رجال ومن اليوم تقدر ترد الرياض ترى وجودك في جده ماله داعي

      تركي :- والله يا عمي مو عصيان لك بس ما اقدر ارد الرياض اللحين يعني المشروع يبغاله على الاقل شهر على ما اقدر اتركه ...وبعدها بين كل فتره والثانيه ارجع اطل عليه

      ابتسمت وقررت اسحبه للي ابيه :- على راحتك بس اهم شي انك ما تكون لساك زعلان مني لاني كذبتك و....
      قاطعني :- ابد يا عمي انت في مقام ابوي والولد ما يزعل من ابوه اذا ادبه

      رديت عليه :- هذا لو كان الولد مخطي ....والصراحه انا اخطيت في حقك واخرتها في حق المسكينه وداد مسكينه وش ذنبها تتزوج واحد بلا غيره ومروه واحد كذوب وان كان ولد عمتها (سكت وبعدها رميت قنبلتي ) والله لو ما خوفي عليها من كلام الناس كان لغيت هالخطبه من اصلها ...ولو جيني اللي يستاهلها ولو يوم الملكه الا اعطيه اياها وساعتها ما همني الناس وش تقول ...

      جاني رد تركي اللي حسيته فهمني لكنه يتهرب مني :- والله هذي ارزاق ونصيب وانت ما تدري وين نصيبها .....(سكت وبعدها قال) ادري اني اشغلتك ياعمي وما ابي اشغلك اكثر
      يلا في امان الله

      رديت قبل ما يسكر :- في امان الله وحفظه

      اخ مهما يكون وداد غاليه علي وما اقدر اقوله وبكل وضوح تعال اخطب بنتي والظاهر انه ما يبيها لاني حسيت انه فهم تلميحي لكن رده يقول انه وان كان يحشمها ويكرمها لكنه ما يبيها



      ســـــــــــــــــــــاره


      بكره ملكة ماجد على وداد او المفروض انها تكون بكره طبعا خلال هالاسبوع
      جهزت نفسي للملكه اللي ما راح تتم ....ليش وكيف ؟
      لاني بساطه ما اسكت عن حقي ولا ارضى بالاهانه وداد صار لي فتره ساكته عن معاملتها الزفت لي ...واخرتها موقفها ضدي يوم طردوني انا وامي من بيت خالي بو خالد ...وتفضيلها بنت نجاة علي ....وهذا شي مستحيل يعدي بالساهل وزي ما ذلوني بذلهم واولهم وان كانت مو اهمهم هي دلال والدور جاي على خالد وعليا والعنود وحتى البزران نجود وسعاد ما راح يفلتون مني ومن خلالهم ...بتنذل العجوز ام عبد الملك وام خالد وام طلال مو اللي يصيب الولد
      يحرق قلب الام وانا ناويه احرق قلوبهم كلهم

      نزلت عقب صلاه المغرب تحت عند امي ادري في هالوقت ماجد يجلس مع امي ووجود امي مهم جدا وان كان هدفي هو ماجد جلست على الكنبه المفرده وماجد كان جالس جنب امي حطيت رجل على رجل وقلت
      :- انت من جدك بتملك على وداد؟

      ناظرني بنص عين بعدها قال :- لا امزح ...انتي هبله ولا تستهبلين؟؟ بكره الملكه وجايه تسألين سؤال سخيف زي خشتك

      ناظرته من غير ما اهتم للي قاله :- غريبه ما كنت متوقعه انك تزوج وحده ...........

      سكت وما كملت متعمده وفعلا سكوتي جاب تنيجه لانه قال والفضول مسيطر عليه وفي نفس الوقت شديت انتباه امي :- وحده وش فيها ؟؟؟قولي

      ناظرت اظافري وقلت بلا مبالاه :- ابدا انت عارف وحده اهانتك وشرشحتك قدام الناس
      و لعبت بعقل ولد عمها وصديق عمرك خلته يقلب عليك ويخانقك وكل هذا ليش انك وبكل براءه طلبت منها وهي خطيبتك رقم جوالها وصوره لها ....

      قاطعني واضح انه ما كان يبغى امي تعرف عن هالموضوع :- انا كنت اختبرها بطلبي هذا وهي طلعت عند حسن ظني ورفضت

      ضحكت وقلت باستهزاء :- وانت مصدق هالكلام ...على بالك انها رفضت لانها مو كذا ...ولو فرضنا انها فعلا بريئه تقدر تقول لي ليه ما رفضت عرضك بكل هدوء ومن خلالي زي ما قدمت العرض من خلالي ؟؟ تقدر تقول لي ليه قالت لولد عمها بدل ما تقول لاخوها ؟؟ ومن عطى ولد عمها حق التصرف بدل ابوها او اخوها ؟؟

      سكت وبعدها سأل السؤال اللي تمنيت انه يسأله :- وش قصدك ؟؟

      ابتسمت :- قصدي يا مسكين انها تعمدت تقول لتركي علشان تلفت نظره لها بكت عنده وتصنعت البراءه وقالت انك عديم مروه وغيره ...حركت نخوته وشيمته ضدك علشان تفرق بينكم وتكسبه ....عرفت ليه شكت له وما شكت لاخوها او ابوها لانها تحبه واذا شكت لابوها او اخوها صحيح بتسوي لك مشكله لكن ما بتكسب تركي من خلالها ...يعني على بلاطه البنت تحب ولد عمها ودها انه يتزوجها ولمن شافت انه ضاع منها وان فرصتها بملكتكم راح تضيع
      استغلت عرضك وسوت اللي سوته ...تدري انه مو بس غير لها الشريحه لا ترى شرى لها جوال جديد بعد...ويكون في علمك لوان عمي صدقه كان من زمان طيروك وملك ولد عمها عليها ..... علشان كذا ما توقعتك تتزوجها ...اساسا كيف تتزوج وحده ما تحبك تحب غيرك
      تحب ولد خالك وصديقك

      ثار ماجد لكن للاسف رد فعله كان مغاير لتوقعاتي :- وعلشان كذا انا بتزوجها علشان اعرفها من ماجد ...علشان اعرفها ان اللي يرشني بمويه ارشه بدم ...علشان احرمها منه واحرمه منها علشان اذلها وادبها وادبه

      ناظرت امي الساكته وقلت قبل ما تتكلم وتهدأ ثورته وعلشان اكسبها في صفي :- وتعلق نفسك بوحده ما تسواك وازيدك من الشعر بيت ترى مثل ما سعت لذلك بعد اهانتني واهانت امك الي هي عمتها ولا حشمتها ...واخرتها لمن ساعدت ام عبد اللمك وطردتنا من بيت خالي بو خالد
      ....يعني ترضى تسكت عن اهانت امك وبدل ما تثور لكرامه امك بتروح تتزوجها

      هالمره امي نطقت :- خله ياخذها علشان يأدبها ويعرفها قدرها

      اوهو ترى امي تفكيرها محدود زي ولدها قلت ومليت من غبائهم :- واذا تزوجه كلها يوم او يومين بالكثير شهر وبتشكي لابوها وبتروح عنده وبتطلب الطلاق وساعتها بتكونون انتم الغلطانين والحق عليكم ...ولا تقولين بتصير مطلقه ترى الناس بتتكلم شوي وبعدها بتسكت
      خاصه انها ضامنه تركي اللي دافع عنها وقبل على حاله يروح جده ولا انه يتكلم عليها بيتزوجها

      جلس ماجد ومسك راسه الظاهر انه يفكر وش يسوس لكن امي قالت
      :- اجل يتركها تتهنى معه ؟؟

      ابتسمت بخبث اخيرا وصلت للي ابيه :- بيتركها ايه لكن بعد ما يأدبها ويقضي عليها ويخلي حتى تركي اللي يتمناها ما يفكر حت يخطبها

      رفع ماجد راسه وقال لي :- وكيف هذي تصير يا بو العريف ؟؟

      ابتسمت :- كلنا بكره بنحضر الملكه وبالذات انا وامي علشان ما يفوتنا مشهد ذلها قدام الله وخلقه ...وانت الوحيد اللي ما راح يحضر الملكه وكل المطلوب منك انك ترسل رساله لابوي انك خلاص ما تبيها وان نفسك عافتها وانك مسافر ....ساعتها اضمن لك ان الناس ما بتبطل حكي عنها ,محد بيتجرأ وبيخطب وحده ولد عمتها رفضها في ليلة ملكتها
      اما تركي فارسل له رساله على جواله قبل الملكه بساعه وقوله فيها ....................


      تــــــــــــــــــــركي


      اربكني اتصال عمي صحيح فرحت بكلامه ولو كنت في وضع ثاني كنت فرحت بعرضه المبطن لاني اخطب وداد ....لكن اخخخخخخخخخخخ وحسافه ما اقدر اقبل هالعرض لسبب بسيط ان وداد مو بس ما تبيني الا تكرهني ورافضتني والدليل انها متحمله كل اللي سواه ماجد ومتستره عليه بس علشان تغيضني وعلشان ما احاول مجرد المحاوله في اني اتقرب منها...وهالشي هو اللي خلاني وقبل مصلحة العمل ارفض اني ارجع الرياض في الوقت الحالي

      مر يوم بطوله وهالافكار مسيطره علي وهذا هو اليوم الثاني وانا على نفس الحال عقلي وقلبي في صراع كل واحد يطلب مني اني استمع له والغي وجود الثاني

      جوالي على الصامت كنت باغلقه اليوم مالي مزاج استقبل اي مكالمات لكن خوفي من حدوث طارئ وبالذات وانا بعيد عن اهلي خلاني احطه على الصامت ....بعد ما اعتذرت اليوم عن العمل وبلغتهم انهم ما يتصلوا الا لامر ضروري


      احس الوقت يمر ببطئ وبشكل قاتل وقاسي وكل شوي اطل على جوالي اناظر الوقت وكأن الساعه اللي في يدي ما لها اي وجود ادري ان موعد ملكته بيكون الساعه ثمان ونص
      وكن انتظر هالوقت بنفاذ صبر احس اني ممكن اموت في هالوقت
      ناظرت الجوال لقيت ان الساعه ثمان بالضبط يعني نص ساعه وتجي ساعه الصفر
      لاحظت انه في مسج وصلني قلت افتحه علشان يساعدني على تمضية الوقت
      لقيتها مسج من ماجد واللي فيها حسيته بيخطف روحي من جسدي
      تألمت لدرجه اني كتمت النفس علشان ما احس بالالم كانت الرساله تقول
      (((تركت وداد لك واذا تبيها تعال خذها اذا تقدر تجي من جده علشان تملك عليها قبل ما تنفضح قدام الناس)))



      الى هنا وانتهى البارت
      تمنياتي بقراءه ممتعه
      لاتحرموني من ردودكم
      اعذب وارق التحايا
      وفي امان الله

    صفحة 3 من 5 الأولىالأولى 12345 الأخيرةالأخيرة

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 2 (0 من الأعضاء و 2 زائر)

    المواضيع المتشابهه

    1. حرف الغرام دائم
      بواسطة بكاء بلادموع في المنتدى نبض القوافي
      مشاركات: 2
      آخر مشاركة: 10-11-2017, 04:12 PM
    2. قلبي يبث الغرام
      بواسطة نسمات الجنة في المنتدى نبض القوافي
      مشاركات: 4
      آخر مشاركة: 28-12-2016, 02:03 PM
    3. الكاتبة حصة الـ ال*** كلام جديد
      بواسطة الحسام في المنتدى اخبار ينبع مناسبات افراح وفيات
      مشاركات: 5
      آخر مشاركة: 22-05-2015, 10:30 PM
    4. الغرام بين المتزوجين
      بواسطة حكايه قلب في المنتدى عالم الحياة الزوجية
      مشاركات: 1
      آخر مشاركة: 16-03-2015, 03:43 PM
    5. ][ الآلة الكاتبة , تأثير تشويش •» درس 3 ][
      بواسطة carly في المنتدى عالم الفوتوشوب
      مشاركات: 24
      آخر مشاركة: 21-03-2010, 11:55 AM

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  
    www.yanbualbahar.com