السلام عليكم ورحمه الله وبركاته
ياهلا بالجميع وكل أهل فوضى بخير وعافيه أن شاء الله ... وأول موضوع معاكم
كثير منا لهم بالنت ممكن سنين والبعض شهور لكن الأغلب يعرفون المنتديات .. أحيان تعجب بشخصيه وبالهاله اللي حواليه وهو قادر يجذب الكثير لها ولكن لا تستمر هذه الشخصيه على منوال واحد وتزيفه بها وأنها أقرب للكمال لاتدوم ,,
يأتي مطب بيوم من الأيام وتكتشف أن بهذه الشخصيه المصطنعه خلل ما عندما تختبر ,, أما بطريقه مباشره أو بطريقه غير مباشره ,
مثال
تشوف نك بنت .. ولا جات سالفه الحب وهي قامت تحكي كيف حياتها ,, أنها عايشه بالسعاده ومبسوطه ولا بعد .. تلقى التوقيع رومنسي والكلمات كلها تدل على أنها هي بس اللي تحب ومع الأيام تطلع عايشه الدور لوحدها ..وبالنهايه كذبت الكذبه وصدقتها لحالها..
حاله ثانيه:
هذا الولد قام يتفشخر سيارتي اللكزس طفشت منها ... وأحب أسافر بكل صيفيه دوله ... يوووه يوووه لوكنتم معاي باسبانيا كان انهبلتوا .. بس صراحه سفريتي قبل العام لفرنسا كان ودي أنكم كنتم معاي ..وتدورالأيام ويطلع حتى الجواز مايدري وش لونه ..

اما هذي الشخصيه الثالثه يووه ياكثر ماتشوفونها ::
سواء ولد والأ بنت .. تلقاه عايش دور الحزين واللي حياته كلها أحزان ومآسي .. يطلع من هم ويدخل ب هم ثاني ... تلقاه بكل موضوع لابس ثوب الحزن وحياته خاليه من الأفراح ... لارجع بعد غيبه وينك يافلان .. صارت لي قصه ويعيش العالم بالدراما حقته ..
ولو تسئله بيوم كيف حياتك ,,, حياتي كلها حزن بحزن وماشفت للفرح يوم ..
وهو عايش الدور صح عشان أحد يهتم فيه ويواسيه


بصراحه كثير شفنا هالشخصيات والأسئله للجميع عشان نبين لهم بالأجوبه :

1_ ليه بعض الناس يحاول يلبس ثوب ماهو بثوبه ؟
2- تعتقد الشخص هذا حياته اللي يتمناها ماقدر يسويها فعايشها من خلف الكيبورد؟
3_ صح هالشخص يعاني من نقص ف حب يصير أنسان مكتمل وقرر أرضاء ذاته بهذه الطريقه ؟

دمتم وهذا أول ما أطرحه بفوضى
بقلمي / ميآس الأعطآف