كلمات من قلب مجروح

[زمن النسيان]

كنت أجنب عن بحور العشق خوف مـن النهايـه
من كثر ما اوحيت عن غدر البحر من صغر سني

شيبوا في راسي اصحاب النصايـح والوصايـه
صوروه بشكل ذيـب وصورونـي لحـم جنـي

كل يوم احفظ حديث وكـل يـوم اسمـع روايـه
لين صرت احلم وانا صاحي واقول الذيب اكلني

شتتوني لين ما صرت اعرف ارضي من سمايـه
يوم اعزي قلبـي ويوميـن ابـارك لـه واهنـي

لـو دريـت ان الكـلام اللـي يقولونـه دعايـه
كان مـا خليـت يـوم يمـر دون الحـب منـي

الله انه لا يسامـح مـن خدعنـي فـي صبايـه
يوم غرر بي ولا يجزيـه بـا المعـروف عنـي

هو يحسب انه فقيـه تجـوز لـه فـي الولايـه
ما درى ان الحب مذهب ماش به شيعي وسنـي

ابتدى وقت الصراحـه وانتهـى وقـت الكنايـه
جيت اصرح بعدما ظليـت لـي عاميـن اكنـي

كنت اظن الحـب مالـي فيـه واللاحـب غايـه
واحمد الله يوم فـي هـذا وهـذي خـاب ظنـي

ادخـرت اول شبابـي للهوى درهــم وقـايـه
لاجل ما ادفع لي مية قنطار لو رمحـه طعنـي

فارقوني لعن ابوكـم مـا مضـى منـي كفايـه
اتركوا قلبـي يجـرب طعنـة الرمـح المطنـي

وانت يا قلبـي معـوض خيـر والايـام جايـه
لا تمنى قيل (مـا نيـل المطالـب بـا التمنـي)

سل سيف العشق واركز في عمود الحـب رايـه
رزها في كل ظلع اعوج على الصـدر متحنـي

حب واعشق واغرق وغامر ولا تطلـب حمايـه
السنين اللـي مضـت لـك روعتـك وروعنـي

حدك لبحر الغـرام سنينـي اللـي مـن ورايـه
كنها فرعون وجنوده وانـا بـا الوصـف كنـي

مثل موسى والبحر وقف على ضربـة عصايـه
وانفلق نصفين لين المـوج الازرق صـار بنـي

وانفتح لي فيه درب وسقـت فيـه اول خطايـه
ما غرقت ولا غرق غير السنيـن اللـي حدنـي

صدق يا حلو النجاه وصـدق يـا زيـن البدايـه
والبدايـه مـن رمـاح عيونـك اللـي صوبنـي

( وان بدينا يا حبيبـي نبتـدي منيـن الحكايـه)
من صدر في خيـر والا خصـر معتـل متثنـي

كل ما ابدى فيك باية حسن يطلـع غيرهـا ايـه
ما عجزت اوصفك لكن فيك حاجـات اعجزنـي

تبتسـم ويطيـر مـن شفتـك عصفـور لشفايـه
طار من رقـة شفـاك وحـط بشفـاي وسكنـي

واضحك الك وتضحك وتضحك لك الدنيا معايـه
شفت كيف ايـام عمـري ضحكتـك وضحكنـي

في حديثك صوت ناي وفي فمك عـازف ونايـه
وانت تعزفني على انغامـك وانـا اردد واغنـي

لا تطالع فـا المرايـه واعتبـر عينـي مرايـه
ما ابي حتـى المرايـا العاكسـه تاخـذك منـي

وارمني بسهـام نظراتـك ولا تخطـي الرمايـه
يا عساني ما انحرم سهم العيـون اللـي رمنـي

واقرب اكثر ضمني با الحيل يـا غايـة رجايـه
لي سنين طوال غير امي ولا صـدر احتضنـي

واشعل انفاسك عشان ادفى واذا احتجـت لدفايـه
اشعل انفاسي على شانـك لـو انفاسـي طفنـي

لا تعجل باقـي مـن الليـل ساعـه يـا منايـه
الندامـه فـا العجالـه والسلامـه فـا التـأنـي

وش نبي با الشمع والمصبـاح والعـازف ونايـه
اطفها نورك يكفي و ( اعطني النـاي َ وغنـي)

مما راق لي

[نسمات الجنة]

اتمنى لك المزيد من التالق والتميز
في سماء منتدانا الغالي
تقبل(ي) اجمل وارق التحيات

[زينة]

سلمُ لنا هذُآ الذوُوُق ..الذُي يقطفُ لنا..

آجمًل المواضيع وٌآروعهـــاآ..||

ما ننحرُم منُ ذآئقتُك الجميلهُ والمميزهُ..

لآحرمنـــآآك...

ودي

[فهد اليامي]

الله لايجرح لك قلب ,,,,,اختي الموقرة زمن النسيان,,,,,كلام جميل من انسانه اجمل

[سحب]

:) ان شاء الله تظلي دائما مبتسمه.. موفقه

[قمر الخليج]

طرح جمييييل
دام التألق ... ودام عطاء نبضك
كل الشكر لهذا الإبداع,والتميز
وبآنتظار روائع جديدك بكل شوق...!
ودي وعبق وردي

[فهد اليامي]

انت ليس زمن النسيان ,,,,,,,,,,,,,انتي زمن لايتكرر بالادب والاخلاق او ما خطت اناملك يارب يخليك

[فهد اليامي]

ال
أدور لنفسي من جناها عدل وإنصاف
واعالج جراحي من جروحي ولا اسعفها
دخيل الورق والغصن الأخضر وماء الأرياف
و خيل السواحل والهواء وآخر اشرفها
تخفف هموم ٍ داخل الصدر ماتنشاف
ذبحها طموح الواقع المر وأصلفها.

[شعاع الاكوان]

يعطيك آلعافيه على هذآ آلجلب ..
وسلمت آناملك
ودي لك ولروحك ,,~