كيكة البرتقال بعصير البرتقال وصوص البرتقال 2015

[دلوعة الخليج]

مكونات الكيكة:
2 كوب دقيق
ملعقة صغيرة بيكنج بودر
كوب الا ربع زبدة سايحة
كوب سكر
4 بيضات كبار
فانيليا
كوب عصير برتقال
بشر برتقالة
مكونات الصوص:
كوب ونصف عصير برتقال بارد
نصف كوب سكر(او اكتر حسب رغبتكم)
4 معلقة كبيرة نشا
وللتزيين:
بشر برتقال
الطريقة
هنعمل الكيكة
فى اناء هنحط الزبدة السايحة والسكر

وهنضربهم بالمضرب الكهربائى ونضيفلهم البيض والفانيليا وبشر البرتقال

ونخفقهم بالمضرب ونضيفلهم عصير البرتقال

ونخفقهم واخر حاجة نضيفلهم الدقيق والبيكنج بودر

ونخفقهم كويس لغاية ماتمتزج المكونات ونحطهم فى صينية مدهونة

وندخلها فرن حرارته هادية ونطلعها لما تستوى
وطبعا كل فرن بيختلف عن التانى

نقلبها على طبق التقديم ونسيبها تبرد ونحضر صوص البرتقال اللى مفيش اسهل ولا احلى من طعمه
هنحط النشا وعصير البرتقال والسكر فى كسرولة

ونقلبهم على البارد مع بعض كويس ونشغل عليهم نار هادية مع التقليب المستمر لغاية مايتكاثف قوامهم وبكده يبقى الصوص جاهز عندنا
نسيبه يبرد ونحطه على الكيكة ونزينهم ببشر البرتقال وده شكل الكيكة النهائى

[سوما]

شكرا لكي اختى الغالية
طبق حلو ورائع
بانتظار اطباقك القادمة
دمتى بود

[مزيونه]

كل الشكر لكِ
على الوصفة الشهية
وفي نفس الوقت سهلة التحضير

[بنت الديره]

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق